ტოჩინოშინი

ტოჩინოშინმა ზედიზედ მეოთხე მოგება იზეიმა და ბალანსი გაითანაბრა

69
(განახლებულია 23:13 27.03.2021)
მე-14 საშეჯიბრო დღეს აღმოსავლეთის მეშვიდე მაეგაშირას რანგში მოასპარეზე ტოჩინოშინმა ჰიდენოუმი დოჰიოდან გაყვანა შეძლო.

თბილისი, 27 მარტი - Sputnik. ტოკიოში მიმდინარე მარტის ბაშოზე ქართველმა სუმოისტმა ლევან გორგაძემ, იგივე ტოჩინოშინმა ზედიზედ მეოთხე გამარჯვება იზეიმა (ტურნირზე მეშვიდე) და ბალანსი გაითანაბრა.

მე-14 საშეჯიბრო დღეს აღმოსავლეთის მეშვიდე მაეგაშირას რანგში მოასპარეზე ტოჩინოშინმა დასავლეთის მე-15 მაეგაშირა ჰიდენოუმის დოჰიოდან გაყვანა შეძლო. ეს მათი პირველი პირადი დაპირისპირება იყო.

ტოჩინოშინის ანგარიშზე მიმდინარე ტურნირზე შვიდი გამარჯვება და შვიდი მარცხია. ლევანს აღნიშნულ ბაშოზე ხვალ ბოლო შეხვედრის ჩატარება მოუწევს, დადებითი ბალანსის დასაფიქსირებლად კი მას მოგება სჭირდება. ამისათვის მას საკმაოდ რთული მეტოქის - სეკივაკე ტაკანოსიოს დამარცხება მოუწევს. სპორტსმენები ერთმანეთს სამჯერ არიან შეხვედრილი და ჯერჯერობით ანგარიშია 2:1 იაპონელი სპორტსმენის სასარგებლოდ.

ტურნირის დასკვნით დღეს იმპერატორის თასში გამარჯვებისთვის ერთმანეთს შეებრძოლება ორი სუმოისტი - ტერუნოფუძი და ტაკარაფუძი, თითოეულს სამ-სამი წაგება და 11-11 მოგება აქვს.

ჰარუ ბაშო 28 მარტამდე გაგრძელდება.

 

 

69
ლაშა შავდათუაშვილი

ქართველი ძიუდოისტები ევროპის ჩემპიონატის მეორე დღეს მედლების გარეშე დარჩნენ

37
ამგვარად, ტურნირზე ორი საშეჯიბრო დღის შემდეგ საქართველოს ნაკრების აქტივში ჯერჯერობით მხოლოდ ერთი მედალია

თბილისი, 17 აპრილი – Sputnik. საქართველოს ნაკრების ძიუდოისტები ევროპის ჩემპიონატის მეორე დღეს მედლების გარეშე დარჩნენ. ტურნირი ლისაბონში (პორტუგალია) ტარდება.

73 კგ-მდე წონით კატეგორიაში საქართველოს წარმოდგენდა ქვეყნის ერთ-ერთი ყველაზე ტიტულოვანი ძიუდოისტი - ოლიმპიური ჩემპიონი (2021) და ოლიმპიური თამაშების ბრინჯაოს პრიზიორი (2016 ) ლაშა შავდათუაშვილი. მაგრამ ქართველმა ძიუდოისტმა ბელორუს ვადიმ შოკასთან წააგო და ევროპის ჩემპიონატზე გამოსვლა მესამე წრეშივე დაასრულა.

კონტინენტური პირველობის მედლებისთვის შეეძლო ებრძოლა მარიამ ჭანტურიას (-70 კგ), მაგრამ ქართველმა პირველივე ბრძოლა წააგო ნიდერლანდების წარმომადგენელ კიმ პოლინგთან.

ამგვარად, ტურნირზე ორი საშეჯიბრო დღის შემდეგ საქართველოს ნაკრების აქტივში ჯერჯერობით მხოლოდ ერთი მედალია. ვაჟა მარგველაშვილმა 66 კილოგრამამდე წონით კატეგორიაში ვერცხლის მედალი მოიპოვა.

კონტინენტური პირველობის დასკვნით დღეს საქართველოს ნაკრები შვიდი ძიუდოისტით იქნება წარმოდგენილი: ლაშა ბექაური, ბექა ღვინიაშვილი (ორივე -90 კგ), ვარლამ ლიპარტელიანი, ილია სულამანიძე (ორივე -100 კგ), ლევან მათიაშვილი, გურამ თუშიშვილი (ორივე+100 კგ), ასევე იასპარეზებს ერთი გოგონა - სოფია სომხიშვილი (+78 კგ).

 

37
ოლიმპიადის სიმბოლიკა

Gracenote-ის პროგნოზი: საქართველოს ნაკრებს 11 მედალი ტოკიოს ოლიმპიადაზე

36
(განახლებულია 16:00 15.04.2021)
კომპანია სავარაუდო პროგნოზს 2016 წლიდან დღემდე ჩატარებულ დიდ ტურნირებზე მიღწეული შედეგების მიხედვით ადგენს. სპეციალისტების გამოთვლებით, აშშ ტოკიოს ოლიმპიური თამაშების აშკარა ფავორიტია.

 

თბილისი, 15 აპრილი - Sputnik. ტოკიოს ოლიმპიურ თამაშებზე საქართველოს ნაკრები 11 მედალს მოიპოვებს და 26–ე ადგილზე გავა – პროგნოზი ამერიკულმა ანალიტიკურმა კომპანია Gracenote-მა სტატისტიკური მონაცემების შეგროვებისა და დამუშავების მიხედვით გამოაქვეყნა. 

კომპანიის სპეციალისტების გათვლებით, ქართველი სპორტსმენები 2 ოქროს, 3 ვერცხლისა და 6 ბრინჯაოს მედალს მოიპოვებენ. სპორტის თუ რა სახეობაში მიაღწევენ წარმატეას ქართველი სპორტსმენები, არ ზუსტდება.

Gracenote–ის ვერსიით, ოლიმპიადის ლიდერი აშშ–ს ნაკრები იქნება – 114 მედალი (აქედან, 43 ოქრო), მეორე ადგილზე ჩინეთის გუნდი გავა – 85 მედალი (38 ოქრო), მესამე ადგილს კი რუსეთის ნაკრები დაიკავებს – 73 მედალი (23 ოქრო).

რიო–დე–ჟანეიროში 2016 წელს ჩატარებულ ოლიმპიადაზე საქართველოს ნაკრებლა შვიდი მედალი – 2 ოქრო, 1 ვერცხლი და 4 ბრინჯაო – მოიპოვა.

 

ტოკიოს ზაფხულის ოლიმპიური თამაშები 2021 წლის 23 ივნისი – 8 აგვისტოს პერიოდში ჩატარდება.

 

36
თემები:
სპორტის ამბები
ჩინური ვაქცინა Sinopharm

გამყრელიძე:  საქართველოში Sinopharm-ით ვაქცინაცია 4 მაისიდან დაიწყება

0
კორონავირუსის საწინააღმდეგო ჩინურ პრეპარატს ჯანმოს ავტორიზაცია ჯერ არ მიუღია, მაგრამ ბევრი ქვეყანა ამ პრეპარატს უკვე იყენებს ვაქცინაციისთვის.

თბილისი, 18 აპრილი - Sputnik. საქართველოში კორონავირუსის საწინააღმდეგო ჩინური პრეპარატი Sinopharm-ით ვაქცინაცია 4 მაისიდან დაიწყება, ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

კორონავირუსის საწინააღმდეგო ჩინურ პრეპარატს ჯანმოს ავტორიზაცია ჯერ არ მიუღია. სპეციალისტების განცხადებით,  ვაქცინამ ჯანმოს ავტორიზაცია აპრილის ბოლოსთვის უნდა მიიღოს. რამდენიმე დღის წინ ცნობილი გახდა, რომ ეპიდრისკების გათვალისწინებით, ექსპერტები ერთმნიშვნელოვნად უჭერენ მხარს მოსახლეობის იმუნიზაციის პროცესში Sinopharm-ის დროულად ჩართვას. Sinopharm-ით ვაქცინაციის მსურველთა რეგისტრაცია საქართველოში 27 აპრილიდან დაიწყება.

„გადაწყვეტილია, რომ მალე დაიწყება ჩინური ვაქცინით აცრები. ქვეყანაში არის დასაწყობებული Sinopharm-ის 100 ათასი დოზა“,- აღნიშნა გამყრელიძემ.

მისი განცხადებით, ვაქცინაციის პროცესში ზრდის დინამიკა შეინიშნება, თუმცა არა ისეთი, როგორსაც სპეციალისტები ელოდებიან. გამყრელიძემ მოსახლეობას აცრისკენ კიდევ ერთხელ მოუწოდა.

ჩინური ვაქცინა Sinopharm მსოფლიოს 35 ქვეყანაშია აღიარებული და აღნიშნული პრეპარატის 200 მლნ დოზამდე უკვე გამოყენებულია.

საქართველოში ჩინური ვაქცინა Sinopharm-ის 100 ათასი დოზა 3 აპრილს ჩამოვიდა. საქართველო ასევე ელოდება Sinovac-ის ვაქცინას, რომელსაც ჩინეთიდან უსასყიდლოდ მიიღებს.

ჩინური ვაქცინა ინაქტივირებული (მკვდარი) კორონავირუსის საფუძველზეა შექმნილი. კომპანია Sinopharm-მა ის უჰანის ვირუსოლოგიის ინსტიტუტთან და ბიოლოგიური პროდუქტების ინსტიტუტთან ერთად შეიმუშავა.

ვირუსის ინაქტივაცია ვაქცინის შექმნის ერთ-ერთი ყველაზე ძველი და საიმედო ხერხია, აღნიშნავენ ეპიდემიოლოგები. ამ ტექნოლოგიითაა შემუშავებული, მაგალითად, დიფტერიის, В–ჰეპატიტის, პოლიომიელიტის, ყივანახველასა და სხვა დაავადებების ვაქცინები.

ამჟამად საქართველოში ვაქცინაციისთვის Pfizer-ის და AstraZeneca-ს პრეპარატები გამოიყენება. ბოლო მონაცემებით, ქვეყანაში კორონავირუსის საწინააღმდეგო აცრა 29.184 ადამიანს ჩაუტარდა.

ვაქცინაციის საერთო ეროვნული გეგმის მიხედვით, ქვეყანაში ვაქცინაცია მედპერსონალით დაიწყო. დაბალი მიმართვიანობის გამო 25 მარტიდან კორონავირუსის საწინააღმდეგო ვაქცინაციის პროცესში 75 წელს ზემოთ და 65-დან 75-წლამდე ასაკობრივი ჯგუფებიც ჩაერთვნენ. ვაქცინაციის მიზნობრივ ჯგუფებს ასევე უკვე დაემატნენ 55 წელს ზემოთ მოქალაქეები, პოლიციელები, სამხედრო მოსამსახურეები, ასევე დიალიზზე მყოფი და ორგანოგადანერგილი პაციენტები. სავარაუდოდ, კორონავირუსის საწინააღმდეგო ვაქცინაციის პროცესში უახლოეს მომავალში მასწავლებლები და განათლების სფეროს სხვა წარმომადგენლებიც ჩაერთვებიან.

0