კალათბურთი

საქართველოს კალათბურთის ნაკრები სერბეთთან დამარცხდა

158
(განახლებულია 01:43 22.02.2021)
საქართველოს ნაკრებისთვის ეს მარცხი ოთხი გამარჯვების შემდეგ ევრობასკეტი 2022–ის შესარჩევ კამპანიაში პირველია

თბილისი, 19 თებერვალი - Sputnik. საქართველოს კალათბურთის ნაკრებმა თბილისში სერბეთთან ევროპის 2022 წლის ჩემპიონატის შესარჩევ მატჩში 66:92 წააგო. 

EUROBASKET-2022: ცნობილი გახდა საქართველოს კალათბურთის ნაკრების შემადგენლობა>>

ილიას ზუროსის გუნდმა მეტოქეს ოთხივე მეოთხედში დაუთმო – 10:13, 21:24, 20:28, 15:27. ყველაზე შედეგიანი მოთამაშე გამარჯვებულის გუნდში ფილიპ პეტრუშევი გახდა – 27 ქულა, ხოლო მასპინძელთა შორის – გიორგი შერმადინი 20 ქულით.

საქართველოს ნაკრებისთვის ეს პირველი მარცხია ოთხი გამარჯვების შემდეგ ევრობასკეტი 2022–ის შესარჩევ კამპანიაში, სერბებისთვის კი ეს იყო რევანში სახლში წაგების გამო (90:94).

მიუხედავად წაგებისა, საქართველომ შესარჩევ ჯგუფში Е პირველი პოზიცია შეინარჩუნა. სატურნირო თვალსაზრისით ზუროსის გუნდისთვის ამ თამაშს მნიშვნელობა არ ჰქონდა. საქართველომ, როგორც ევროპის ჩემპიონატის ერთ–ერთმა მასპინძელმა ქვეყანამ, კონტინენტის პირველობაში მონაწილეობის უფლება ავტომატურად მიიღო. სერბებმა კი ამ გამარჯვების წყალობით ევრობასკეტი–2022–ზე საგზური გაინაღდეს.

უფრო ადრე ამავე ჯგუფში ფინეთმა შვეიცარიას მოუგო (92:84) და ფაქტობრივად, ასევე გაინაღდა ევროპის ჩემპიონატში მონაწილეობა.

საკვალიფიკაციო კამპანიის დასკვნით მატჩს საქართველო 21 თებერვალს ფინეთის წინააღმდეგ გამართავს. ამავე დღეს სერბეთი კვარტეტის აუტსაიდერს შვეიცარიას დაუპირისპირდება. ორივე თამაში თბილისის სპორტის სასახლეში გაიმართება.

ევროპის ჩემპიონატი 2022 წელს ოთხ ქვეყანაში – საქართველო, იტალია, ჩეხეთი, გერმანია – გაიმართება.

158
თემები:
სპორტის ამბები (1015)
ჭიდაობა

ქართველი მოჭიდავეები კიევის ტურნირისთვის ემზადებიან: ცნობილია ნაკრების შემადგენლობა

24
(განახლებულია 13:34 26.02.2021)
26-დან 28 თებერვლის ჩათვლით, კიევი ჭიდაობაში რიგით მე-14 საერთაშორისო ტურნირს უმასპინძლებს. უკრაინაში 33 სხვადასხვა ქვეყნის წარმომადგენლები გამოვლენ.

თბილისი, 26 თებერვალი - Sputnik. კიევის საერთაშორისო ტურნირზე კლასიკურ ჭიდაობაში საქართველოს ნაკრები გაფართოებული შემადგენლობით იასპარეზებს, იუწყება „პირველი არხი“.

ბერძნულ-რომაულ სტილით საქართველოს სახელით 27 სპორტსმენი იჭიდავებს, ხოლო თავისუფალი სტილით ჭიდაობაში უკრაინაში 19 ქართველი იასპარეზებს. უკრაინის დედაქალაქში სულ 33 ქვეყნის ეროვნული გუნდი შეიკრიბება.

საქართველოს ნაკრების განაცხადი მომავალი ტურნირისთვის ასე გამოიყურება

ბერძნულ-რომაული სტილით მოჭიდავეების ნაკრები:

  • 55კგ – ნუგზარ წურწუმია, რამაზ სილაგავა
  • 60კგ – ირაკლი ძიმისტარიშვილი, დათო ჩხარტიშვილი, ამირან შავაძე, გიზო მელაძე
  • 63კგ – ლერი აბულაძე, ლევან ქავჟარაძე
  • 67კგ – რამაზ ზოიძე, გიორგი შოთაძე, ჯონი ხეცურიანი
  • 72კგ – შმაგი ბოლქვაძე, ოთარ აბულაძე
  • 77კგ – გელა ბოლქვაძე, ბაკურ გოგოლი, საჩინო დავითაია
  • 82კგ – აივენგო რიკაძე, დემურ ქავთარაძე
  • 87კგ – თორნიკე ძამაშვილი, რობერტ კობლიაშვილი, ლაშა გობაძე
  • 97კგ – გიორგი მელია, ირაკლი ქაჯაია, რევაზ ნადარეიშვილი
  • 130კგ – იაკობ ქაჯაია, ზვიად პატარიძე, ლევან არაბული

თავისუფალი სტილით მოჭიდავეების ნაკრები:

  • 57კგ – ოთარ გოგავა, რობერტ დინგაშვილი
  • 61კგ – თეიმურაზ ვანიშვილი, თორნიკე ქათამაძე
  • 65კგ – შმაგი თოდუა, გიორგი ჭოლაძე, შოთა ფარტენაძე
  • 70კგ – ზურაბ იაკობიშვილი, მირზა სხულუხია
  • 74კგ – გიორგი სულავა, თემურ ბერუაშვილი
  • 79კგ – ნიკა კენჭაძე, ტარიელ გაფრინდაშვილი, ევსემ შველიძე
  • 86კგ – საბა ჩიხრაძე
  • 92კგ – ირაკლი მწითური
  • 97კგ – ელიზბარ ოდიკაძე, ზურიკო ურთაშვილი
  • 125კგ – გივი მაჭარაშვილი

პირველ საჭიდაო დღეს კიევის საერთაშორისო ტურნირზე წინასწარი და ნახევარფინალური ეტაპის შეხვედრებს ბერძნულ-რომაული სტილით 55, 63, 72, 82, 97 კგ წონითი კატეგორიების სპორტსმენები გამართავენ, ხოლო თავისუფალი სტილში 57, 65, 74, 86, 97 კგ წონითი კატეგორიის ფალავნები გამოვლენ.

24
თემები:
სპორტის ამბები (1015)
ჰელი–სქი

თურნავა: ბაკურიანი მზადაა, მაღალ დონეზე უმასპინძლოს მსოფლიო თასის ეტაპს

28
(განახლებულია 20:48 25.02.2021)
მსოფლიო თასის აღნიშნული ეტაპი 26-28 თებერვალს ჩატარდება. პანდემიიდან გამომდინარე, ბაკურიანში შეჯიბრება მაყურებლის გარეშე გაიმართება.

თბილისი, 25 თებერვალი – Sputnik. ეკონომიკისა და მდგრადი განვითარების მინისტრი ნათია თურნავა ბაკურიანში „სქი-ქროსში“ მსოფლიო თასის ეტაპის ორგანიზატორებს შეხვდა. მხარეებმა დაგეგმილი ტურნირის ჩატარებასა და მის მნიშვნელობაზე ისაუბრეს. იუწყება „პირველი არხი“.

ბაკურიანში 26-28 თებერვალს სათხილამურო ფედერაციის ეგიდით დაგეგმილ მაღალი დონის შეჯიბრებაში 9 ქვეყნის 51 სპორტსმენი მიიღებს მონაწილეობას (ავსტრია, ბელგია, კანადა, ჩეხეთი, ბრიტანეთი, იაპონია, შვეიცარია, შვედეთი, აშშ). ბაკურიანი შერეული ნაკრებების გუნდურ შეჯიბრებას მსოფლიო თასის ფარგლებში პირველად უმასპინძლებს. ასპარეზობა კოვიდ-პროტოკოლის წესებისა და რეგულაციების მკაცრი დაცვით გაიმართება.

მინისტრის თქმით, საქართველოს მთავრობა ხელს უწყობს საქართველოში არსებულ სამთო კურორტებზე შეჯიბრებების გამართვას. შეხვედრაზე ასევე საქართველოში ზამთრის სათხილამურო კურორტების განვითარების პერსპექტივებზე ისაუბრეს.

„ეს მნიშვნელოვანი საერთაშორისო შეჯიბრება ტარდება 2023 წლის ზამთრის ჩემპიონატისთვის მზადების ეგიდით. მოგეხსენებათ, ამ მიზნით საქართველოში ძალიან სერიოზული დელეგაციები ჩამოდიან ცხრა ქვეყნიდან, რომლებიც მონაწილეობას მიიღებენ ამ მნიშვნელოვან სპორტულ ღონისძიებაში“, – განაცხადა თურნავამ.

მსოფლიო ჩემპიონატის პროექტის ფარგლებში ბაკურიანში დიდი ინფრასტრუქტურული პროექტები განხორციელდა – აშენდა სამი ახალი საბაგირო, დამონტაჟდა ხელოვნური გათოვლიანების სისტემა, შეიძინეს სპეცტექნიკა და უსაფრთხოების ინვენტარი და სხვ.

საქართველო ფრისტაილსა და სნოუბორდში 2023 წლის მსოფლიო ჩემპიონატისთვის ემზადება>>

აღნიშნულ საკითხზე შეხვედრის შემდეგ საქართველოს სათხილამურო ფედერაციის ვიცე-პრეზიდენტმა პატრიკ ლანგმაც ისაუბრა. მისი თქმით, მსგავსი ტურნირები ქართული მთების პოპულარიზაციას კარგად წაადგება.

  • „ჩვენზე მართლაც დიდი შთაბეჭდილება მოახდინა იმ გარემოებამ, რომ ძალიან ძლიერი მხარდაჭერა გვქონდა ქართველი ხალხისგან, სათხილამურო ფედერაციისა და საქართველოს მთავრობისგან, რაც ძალიან კარგია. ასევე იმედით ვუყურებთ მომავალს, რადგან ეს ნამდვილად კარგი შანსია, რომ საქართველომ განიმტკიცოს პოზიცია, როგორც მსგავსი ტურნირების მასპინძელმა ქვეყანამ“, – აღნიშნა პატრიკ ლანგმა.

შეჯიბრება საქართველოს მთავრობის მხარდაჭერით, ეკონომიკისა და მდგრადი განვითარების სამინისტროს „მთის კურორტების განვითარების კომპანიისა“ და საქართველოს სათხილამურო ფედერაციის ორგანიზებით გაიმართება.

28
თემები:
სპორტის ამბები (1015)
თსუ. სტუდენტები

თბილისის მერია იწყებს განაცხადების მიღებას სოციალურად დაუცველი სტუდენტების დასაფინანსებლად

0
(განახლებულია 18:15 26.02.2021)
სწავლის საფასურის დაფინანსების შესახებ განცხადების მიღება პირველი მარტიდან დაიწყება და 31 მაისის ჩათვლით გაგრძელდება

თბილისი, 26 თებერვალი – Sputnik. თბილისის მერია პირველი მარტიდან სოციალურად დაუცველი სტუდენტების სწავლის საფასურის დაფინანსების მიზნით, 2020-2021 სასწავლო წლის გაზაფხულის სემესტრისთვის განცხადებების მიღებას იწყებს, ნათქვამია თბილისის მერიის მიერ გავრცელებულ განცხადებაში.

გავრცელებული ინფორმაციით, სოციალურად დაუცველი სტუდენტების დაფინანსების პროგრამის მოცულობა გაიზარდა.

„დაფინანსება გაიცემა თბილისში რეგისტრირებულ სოციალურად დაუცველ იმ სტუდენტებზე, რომელთა ოჯახების სარეიტინგო ქულა სოციალურად დაუცველთა ერთიან ბაზაში 150 000 ან ნაკლებია და სახელმწიფოს მიერ ავტორიზებულ უმაღლეს საგანმანათლებლო დაწესებულებაში ბაკალავრიატის, მაგისტრატურის ან დოქტორანტურის აკადემიურ საფეხურზე სწავლობენ“, - ნათქვამია უწყების განცხადებაში.

დაფინანსების ოდენობა, რომელიც წლიურად შეადგენს 2.250 ლარს, დამოკიდებულია სტუდენტის მიერ წინა სემესტრში მიღებულ აკადემიურ მოსწრებაზე. კერძოდ:

  • 91-100 ქულა - სემესტრული თანხის 100% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში 150 000-ის ტოლი ან ნაკლებია.
  • 71-90 ქულა - სემესტრული თანხის 100% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში არ აღემატება 70 000-ს, ხოლო იმ სტუდენტებისთვის, რომელთა სარეიტინგო ქულა 70 010 -150 000-ია, სემესტრული თანხის 70%;
  • 51–70 ქულა - სემესტრული თანხის 50% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში ტოლია ან ნაკლებია 150 000-ზე.

დაფინანსების მისაღებად სტუდენტმა თბილისის მერიაში უნდა წარადგინოს:

  • პირადობის მოწმობის ასლი;
  • ამონაწერი სოციალურად დაუცველი ოჯახების ერთიანი ბაზიდან;
  • ცნობა უნივერსიტეტიდან წლიური გადასახადის მითითებით;
  • უნივერსიტეტის საბანკო რეკვიზიტები და ანგარიშფაქტურა;
  • უნივერსიტეტის მიერ გაცემული აკადემიური მოსწრების მაჩვენებელი (გარდა I სემესტრის სტუდენტებისა);
  • რეკომენდაცია უმაღლესი საგანმანათლებლო დაწესებულებიდან (გარდა I სემესტრის სტუდენტებისა); სამოტივაციო წერილი.

რაც შეეხება პირველი სემესტრის სტუდენტებს, სხვა დოკუმენტებთან ერთად, მათ უნდა წარადგინონ ერთიან ეროვნულ გამოცდებში მიღებული ქულებისა და შედეგების შესახებ ცნობა.

დოკუმენტაცია და განცხადება სტუდენტმა პირადად უნდა წარადგინოს.

0
თემები:
თბილისის მერია