წყალბურთი

ქართველი წყალბურთელები ოლიმპიური საკვალიფიკაციო ტურნირის პლეი-ოფში გავიდნენ

312
ამ გამარჯვების შემდეგ საქართველოს ნაკრებმა ჯგუფში გაინაღდა ადგილი პირველ ოთხეულში, ხოლო ტურნირის პლეი-ოფში თითოეული ჯგუფიდან ოთხ-ოთხი საუკეთესო გუნდი გადის

თბილისი, 17 თებერვალი - Sputnik. საქართველოს ვაჟთა წყალბურთის ნაკრებმა ბრაზილია ანგარიშით 12:8 დაამარცხა და ოლიმპიური საკვალიფიკაციო ტურნირის პლეი-ოფში ადგილი გაინაღდა. ტურნირი როტერდამში (ნიდერლანდები) მიმდინარეობს.

საქართველოს ნაკრები მატჩის წინ უკვე ფავორიტად იყო მიჩნეული. დეან სტანოევიჩის შეგირდებმა ეს სტატუსი ჯერ კიდევ თამაშის პირველ ნახევარში დაამტკიცეს და მეტოქე 6:2 დაამარცხეს (ორივე სასტარტო მეოთხედი ერთნაირი ანგარიშით დასრულდა - 3:1).

ოთხქულიანი უპირატესობის მოპოვების შემდეგ ქართველი წყალბურთელები შესვენების შემდეგ ოდნავ მოდუნდნენ, მაგრამ მესამე ათწუთიანი მონაკვეთი მაინც მოიგეს (2:1). ბრაზილიამ საქართველოს ნაკრებს ღირსეული წინააღმდეგობა მხოლოდ დასკვნით მონაკვეთში გაუწია და ის ანგარიშით 5:4 დაასრულა.

საქართველოს ნაკრების ორმა მოთამაშემ - ნიკა შუშიაშვილმა და მარკო ელაჩამ სამ-სამი გოლი გაიტანეს.

ამ გამარჯვების შემდეგ საქართველომ ჯგუფის პირველ ოთხეულში გაინაღდა ადგილი. ტურნირის პლეი-ოფში თითო ჯგუფიდან ოთხი საუკეთესო გუნდი გადის. 

ჯგუფური ეტაპის დასკვნით დღეს საქართველოს ნაკრები ჯგუფის ლიდერს - მონტენეგროს შეხვდება. შეხვედრა თბილისის დროით 16:00 საათზე დაიწყება.

ტურნირში ორ ჯგუფად დაყოფილი 12 გუნდი ასპარეზობს. თითოეული ჯგუფიდან მეოთხედფინალში ოთხ-ოთხი საუკეთესო ნაკრები გადავა. ამ ეტაპიდან გუნდებს შორის დაპირისპირება ოლიმპიური სისტემის მიხედვით გაგრძელდება – დამარცხებული ტურნირს გამოეთიშება. ტოკიოს ოლიმპიადაზე საგზურს სამი საუკეთესო ნაკრები მიიღებს.

საქართველოს წყალბურთის ვაჟთა ნაკრები თავისი არსებობის ისტორიაში პირველად მონაწილეობს ოლიმპიურ საკვალიფიკაციო ტურნირში, რაც შესაძლებელი გახდა იმის წყალობით, რომ ევროპის ბოლო ჩემპიონატზე საქართველოს გუნდმა მე-10 ადგილი დაიკავა.

312

ფუტსალში საქართველოსა და სომხეთის ნაკრებების შეხვედრაში ქართველებმა გაიმარჯვეს ვიდეო

34
თბილისში საქართველოსა და სომხეთის ფუტსალის ნაკრებებს შორის შეხვედრა გაიმართა. იხილეთ ევრო 2022–ის შესარჩევი მატჩის კადრები

საქართველოს ფუტსალის ნაკრებმა ანგარიშით 5:0 დაამარცხა სომხეთის ნაკრები ევროპის ჩემპიონატის შესარჩევ მატჩში.

ანგარიში თამაშის პირველივე წუთებზე გახსნეს ქართველმა სპორტსმენებმა. პირველი ტაიმი ანგარიშით 2:0 დასრულდა საქართველოს ნაკრების გამარჯვებით.

საქართველოს და სომხეთი ნაკრებების შემდეგი შეხვედრა, რომლებიც მეორე შესარჩევ ჯგუფში რუსეთისა და საფრანგეთის გუნდებთან ერთად შედიან, 10 მარტს გაიმართება ერევანში.

34
ქართველი ძიუდოისტები

ძიუდო: ტაშკენტის გრანდ სლემი ქართველებმა უმედლოდ დაიწყეს

29
(განახლებულია 18:08 05.03.2021)
გრანდ სლემის პირველ საჭიდაო დღეს საქართველოს სახელით ტატამზე ორი ქართველი ძიუდოისტი გამოვიდა. ხვალ ჩვენი ქვეყნის სახელით კიდევ სამი ძიუდოისტი იასპარეზებს.

თბილისი, 5 მარტი - Sputnik. უზბეკეთის დედაქალაქ ტაშკენტში მიმდინარე ძიუდოს გრანდ სლემზე დღეს საქართველო უმედლოდ დარჩა. პირველ საჭიდაო დღეს ჩვენი ქვეყნის სახელით ჯაბა პაპინაშვილი და ტატიანა ლევიცკა-შუკვანი გამოვიდნენ.

ჯაბა პაპინაშვილმა (60კგ) გრანდ სლემზე ასპარეზობა წარმატებულად დაიწყო. მან პირველ წრეში ჯერ ყირგიზ მოწინააღმდეგეს სძლია, შემდეგ კი ბრაზილიელი ძიუდოისტი დაამარცხა. პაპინაშვილი მეოთხედფინალში ფავორიტად მიჩნეულ ყაზახ ძიუდოისტთან ელდოს სმეტოვთან დამარცხდა. წაგებული შეხვედრის შემდეგ ჯაბამ რეპეშაჟში გადაინაცვლა, თუმცა თავის გამოჩენა ვერც იქ შეძლო და ტურნირს გამოეთიშა.

რაც შეეხება ქართველ ქალ ძიუდოისტს ტატიანა ლევიცკა-შუკვანს, ის პირველივე შეხვედრაში სამხრეთ კორეელ მოჭიდავესთან დამარცხდა და ტურნირს საწყისი ეტაპიდან დაემშვიდობა.

საქართველოს ნაკრების შემადგენლობა ტაშკენტის გრანდ სლემზე ასე გამოიყურება:

კაცები:

60კგ – ჯაბა პაპინაშვილი,

73კგ – ფრიდონ გიგანი,

81კგ – გიორგი შერაზადიშვილი,

90კგ – ავთანდილ ჭრიკიშვილი, უშანგი მარგიანი,

100კგ – გიორგი ჩიქოვანი,

+100კგ – ადამ ოქრუაშვილი.

ქალები:

52კგ – ტეტიანა ლევიცკა-შუკვანი,

70კგ – მარიამ ჭანტურია,

78კგ – სოფიო სომხიშვილი.

ხვალ გრანდ სლემზე საქართველოს სახელით ფრიდონ გიგანი (73), გიორგი შერაზადიშვილი (81) და მარიამ ჭანტურია (70) იასპარეზებენ. წინასწარი შეხვედრები თბილისის დროით 08:30 საათზე დაწყება, ფინალური ბლოკი კი 16:00 საათზე გაიმართება.

29
თემები:
სპორტის ამბები
 „სპუტნიკV“-ს ლოგო

რუსული ვაქცინა „სპუტნიკV“ გაცემული ნებართვების რაოდენობით მსოფლიოში მეორე ადგილს იკავებს

0
(განახლებულია 11:28 06.03.2021)
იმ ქვეყნების მოსახლეობის რაოდენობამ, რომლებმაც ვაქცინა „სპუტნიკV“ დაარეგისტრირეს, 1,2 მილიარდ ადამიანს გადააჭარბა.

თბილისი, 6 მარტი – Sputnik. რუსული ვაქცინა „სპუტნიკV“-მ სახელმწიფო რეგულატორების მიერ გაცემული ნებართვების რაოდენობით კორონავირუსის საწინააღმდეგო ვაქცინებს შორის მეორე ადგილზე გადაინაცვლა და გაუსწრო Pfizer-ს, ნათქვამია ვაქცინა „სპუტნიკV"-ს Twitter-ის ოფიციალურ აკაუნტში.

სახელმწიფოების რაოდენობით, რომლებმაც პრეპარატის გამოყენება დაუშვეს, პირველ ადგილს იკავებს ვაქცინა AstraZeneca (49 ქვეყანა), შემდეგ მოდის „სპუტნიკV“ (45 ქვეყანა). მესამე პოზიციას იკავებს Pfizer (43 ქვეყანა). შემდეგ მოდის Moderna (19 ქვეყანა), სამი ჩინური ვაქცინა Sinopharm (18), Sinovac (16), CanSino (4). მერვე ადგილზეა Johnson & Johnson-ის ვაქცინა, რომელიც ოთხმა ქვეყანამ მოიწონა.

იმ 45 ქვეყნის მოსახლეობის რაოდენობამ, რომლებმაც ვაქცინა „სპუტნიკV“ დაარეგისტრირეს, 1,2 მილიარდ ადამიანს გადააჭარბა.

ამჟამად „სპუტნიკ V“-ს გამოყენება დამტკიცებულია რუსეთში, ბელარუსში, არგენტინაში, ბოლივიაში, სერბეთში, ალჟირში, პალესტინაში, ვენესუელაში, პარაგვაიში, თურქმენეთში, უნგრეთში, არაბთა გაერთიანებულ საემიროებში, ირანში, გვინეას რესპუბლიკაში, ტუნისში, სომხეთში, მექსიკაში, ნიკარაგუაში, სერბთა რესპუბლიკაში (ბოსნიას და ჰერცეგოვინის ენტიტეტი), ლიბანში, მიანმარში, პაკისტანში, მონღოლეთში, ბაჰრეინში, მონტენეგროში, სენტ-ვინსენტი და გრენადინებში, ყაზახეთში, უზბეკეთში, გაბონში, სან-მარინოში, განაში, სირიაში, ყირგიზეთში, გაიანაში, ეგვიპტეში, ჰონდურასში, გვატემალაში, მოლდოვაში, სლოვაკეთში, ანგოლაში, ჯიბუტიში, კონგოს რესპუბლიკაში, შრი-ლანკაში, ლაოსსა და ერაყში.

პარასკევს ევროპის წამლების სააგენტომ (ЕМА) დაიწყო „სპუტნიკ V“-ს სარეგისტრაციო დოსიეს ექსპერტიზა - პრეპარატს ამოწმებენ ევროკავშირის სტანდარტებთან შესაბამისობაზე ეფექტურობისა და ხარისხის კუთხით.

რუსეთის ჯანდაცვის სამინისტრომ „სპუტნიკ V“-ს 2020 წლის აგვისტოში დაარეგისტრირა. ვაქცინა გამალეის ცენტრში შემუშავდა.

სამეცნიერო ჟურნალმა The Lancet-მა გამოქვეყნდა ნაშრომი, რომელიც „სპუტნიკV“-ს კლინიკური კვლევების მესამე ფაზის შედეგებს ასახავს. ნაშრომის თანახმად, „სპუტნიკ V“-ს ეფექტურობა 91,6%-ს შეადგენს და ის იმუნოგენურობისა და უსაფრთხოების მაღალ დონეს ავლენს. ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს.

0