კალათბურთი. საქართველო-გერმანია

EUROBASKET-2022: ცნობილი გახდა საქართველოს კალათბურთის ნაკრების შემადგენლობა

93
(განახლებულია 21:37 17.02.2021)
საქართველოს ნაკრებმა EUROBASKET-2022-ის ოთხივე საკვალიფიკაციო მატჩი მოიგო და Е ჯგუფის ერთპიროვნული ლიდერია

თბილისი, 15 თებერვალი – Sputnik. საქართველოს კალათბურთის ნაკრების სამწვრთნელო შტაბმა დაასახელა გუნდის შემადგენლობა EUROBASKET-2022-ის ორ დასკვნით შესარჩევ მატჩზე, რომლებიც თბილისში 19 და 21 თებერვალს გაიმართება.

სხვადასხვა მიზეზების გამო საქართველოს ნაკრებს ვერ დაეხმარება რამდენიმე საკვანძო მოთამაშე. გუნდის კაპიტანი თორნიკე შენგელია (მოსკოვის „ცსკა“) ძალებს იკრებს ტრავმის შემდეგ, ხოლო აშშ-ში მოასპარეზე გოგა ბითაძე და სანდრო მამუკელაშვილი ვერ ჩამოფრინდნენ.

ამასთან დაკავშირებით ნაკრების მთავარმა მწვრთნელმა ილიას ზუროსმა გუნდში გამოიძახა ერთი დებიუტანტი - გიორგი თვალაბეიშვილი, ასევე კახა ჯინჭარაძე, რომელიც ეროვნული გუნდის სახელით ბოლოჯერ ხუთი წლის წინ გამოდიოდა.

საქართველოს ნაკრების შემადგენლობა:

აღსანიშნავია, რომ საქართველოს ნაკრებს კიდევ ერთი ნატურალიზებული ამერიკელი კალათბურთელი - კონერ ფრენკამპი შეემატა. სავარაუდოდ, მაკფადენიც შეინარჩუნებს ქართულ პასპორტს, ხოლო ორ ამერიკელს შორის საბოლოო არჩევანს საქართველოს ნაკრების სამწვრთნელო შტაბი უშუალოდ ევროპის ჩემპიონატის წინ გააკეთებს.

საქართველოს ნაკრები 19 და 21 თებერვალს თბილისში Е  ჯგუფის შესარჩევი ციკლის ორ დასკვნით მატჩს გამართავს. ილიას ზუროსის შეგირდები 19 რიცხვში სერბეთს შეხვდებიან, ორ დღეში კი ფინეთს დაუპირისპირდებიან.

საქართველოს ნაკრებმა EUROBASKET-2022-ის ოთხივე საკვალიფიკაციო მატჩი მოიგო და Е ჯგუფის ერთპიროვნული ლიდერია. ამასთან, უნდა აღინიშნოს, რომ საქართველოს ნაკრებისთვის მიმდინარე შესარჩევი ციკლი ფორმალური ხასიათისაა. საქართველო, როგორც 2022 წლის ევროპის ჩემპიონატის ერთ-ერთი მასპინძელი ქვეყანა, ავტომატურად ფლობს კონტინენტის პირველობაში მონაწილეობის უფლებას.

საქართველოს კალათბურთის ნაკრებს კიდევ ერთი ამერიკელი შეემატა >>

2022 წლის ევროპის ჩემპიონატი კალათბურთში გაიმართება ოთხ ქვეყანაში - საქართველოში, იტალიაში, ჩეხეთსა და გერმანიაში.

93
ჰელი–სქი

თურნავა: ბაკურიანი მზადაა, მაღალ დონეზე უმასპინძლოს მსოფლიო თასის ეტაპს

23
(განახლებულია 20:48 25.02.2021)
მსოფლიო თასის აღნიშნული ეტაპი 26-28 თებერვალს ჩატარდება. პანდემიიდან გამომდინარე, ბაკურიანში შეჯიბრება მაყურებლის გარეშე გაიმართება.

თბილისი, 25 თებერვალი – Sputnik. ეკონომიკისა და მდგრადი განვითარების მინისტრი ნათია თურნავა ბაკურიანში „სქი-ქროსში“ მსოფლიო თასის ეტაპის ორგანიზატორებს შეხვდა. მხარეებმა დაგეგმილი ტურნირის ჩატარებასა და მის მნიშვნელობაზე ისაუბრეს. იუწყება „პირველი არხი“.

ბაკურიანში 26-28 თებერვალს სათხილამურო ფედერაციის ეგიდით დაგეგმილ მაღალი დონის შეჯიბრებაში 9 ქვეყნის 51 სპორტსმენი მიიღებს მონაწილეობას (ავსტრია, ბელგია, კანადა, ჩეხეთი, ბრიტანეთი, იაპონია, შვეიცარია, შვედეთი, აშშ). ბაკურიანი შერეული ნაკრებების გუნდურ შეჯიბრებას მსოფლიო თასის ფარგლებში პირველად უმასპინძლებს. ასპარეზობა კოვიდ-პროტოკოლის წესებისა და რეგულაციების მკაცრი დაცვით გაიმართება.

მინისტრის თქმით, საქართველოს მთავრობა ხელს უწყობს საქართველოში არსებულ სამთო კურორტებზე შეჯიბრებების გამართვას. შეხვედრაზე ასევე საქართველოში ზამთრის სათხილამურო კურორტების განვითარების პერსპექტივებზე ისაუბრეს.

„ეს მნიშვნელოვანი საერთაშორისო შეჯიბრება ტარდება 2023 წლის ზამთრის ჩემპიონატისთვის მზადების ეგიდით. მოგეხსენებათ, ამ მიზნით საქართველოში ძალიან სერიოზული დელეგაციები ჩამოდიან ცხრა ქვეყნიდან, რომლებიც მონაწილეობას მიიღებენ ამ მნიშვნელოვან სპორტულ ღონისძიებაში“, – განაცხადა თურნავამ.

მსოფლიო ჩემპიონატის პროექტის ფარგლებში ბაკურიანში დიდი ინფრასტრუქტურული პროექტები განხორციელდა – აშენდა სამი ახალი საბაგირო, დამონტაჟდა ხელოვნური გათოვლიანების სისტემა, შეიძინეს სპეცტექნიკა და უსაფრთხოების ინვენტარი და სხვ.

საქართველო ფრისტაილსა და სნოუბორდში 2023 წლის მსოფლიო ჩემპიონატისთვის ემზადება>>

აღნიშნულ საკითხზე შეხვედრის შემდეგ საქართველოს სათხილამურო ფედერაციის ვიცე-პრეზიდენტმა პატრიკ ლანგმაც ისაუბრა. მისი თქმით, მსგავსი ტურნირები ქართული მთების პოპულარიზაციას კარგად წაადგება.

  • „ჩვენზე მართლაც დიდი შთაბეჭდილება მოახდინა იმ გარემოებამ, რომ ძალიან ძლიერი მხარდაჭერა გვქონდა ქართველი ხალხისგან, სათხილამურო ფედერაციისა და საქართველოს მთავრობისგან, რაც ძალიან კარგია. ასევე იმედით ვუყურებთ მომავალს, რადგან ეს ნამდვილად კარგი შანსია, რომ საქართველომ განიმტკიცოს პოზიცია, როგორც მსგავსი ტურნირების მასპინძელმა ქვეყანამ“, – აღნიშნა პატრიკ ლანგმა.

შეჯიბრება საქართველოს მთავრობის მხარდაჭერით, ეკონომიკისა და მდგრადი განვითარების სამინისტროს „მთის კურორტების განვითარების კომპანიისა“ და საქართველოს სათხილამურო ფედერაციის ორგანიზებით გაიმართება.

23
თემები:
სპორტის ამბები
ნიკა ბასილაშვილი

ქართველი ჩოგბურთელი კვლავ დამარცხდა - ამჯერად მონპელიეში

173
პირველ წრეში მარცხის გამო ბასილაშვილი სარეიტინგო ქულების გარეშე დარჩა, თუმცა საპრიზო ფონდიდან ოთხი ათასი ევრო ერგო

თბილისი, 24 თებერვალი - Sputnik. საქართველოს პირველმა ჩოგანმა (მე-40 АТР რეიტინგში) მონპელიეში АТР-250 კატეგორიის ტურნირზე გამოსვლა მარცხით დაასრულა.

პირველივე წრეში ბასილაშვილი დამარცხდა ფრანგ გრეგუარ ბარერთან (113) ორ სეტში ერთი და იმავე ანგარიშით 4:6. მატჩი ერთ საათი და 17 წუთი გრძელდებოდა.

აღსანიშნავია, რომ მეორე სეტის მეოთხე გეიმში ბასილაშვილი 4:1 დაწინაურდა, მაგრამ ამის შემდეგ ზედიზედ ხუთი გეიმი წააგო. ქართველმა ჩოგბურთელმა ოთხი ბრეიკ-პოინტიდან ორი გამოიყენა, ბარერს კი 11 ბრეიკ-პოინტი და ოთხი ბრეიკი ჰქონდა.

პირველ წრეში მარცხის წყალობით ბასილაშვილი სარეიტინგო ქულების გარეშე დარჩა. ერთადერთი ნუგეში - ოთხი ათასი ევროა საპრიზო ფონდიდან.

მონპელიეს ტურნირის საპრიზო ფონდი 324 ათას ევროს შეადგენს, მისი მოქმედი ჩემპიონი გაელ მონფისია (საფრანგეთი).

173
სალომე ზურაბიშვილი

სალომე ზურაბიშვილმა ჟურნალისტზე თავდასხმის ფაქტი დაგმო და დამნაშავეების დასჯა მოითხოვა

0
(განახლებულია 22:51 25.02.2021)
ჟურნალისტ ვახო სანაიაზე თავდასხმის ფაქტზე სამი პირია დაკავებული. ბრალის დამტკიცების შემთხვევაში მათ ორ წლამდე ვადით თავისუფლების აღკვეთა ემუქრებათ.

თბილისი, 25 თებერვალი – Sputnik. საქართველოს პრეზიდენტმა სალომე ზურაბიშვილმა ჟურნალისტ ვახო სანაიაზე თავდასხმის ფაქტი დაგმო და სამართალდამცავ სტრუქტურებს მიმართა, რაც შეიძლება სწრაფად გამოიძიონ აღნიშნული ინციდენტი.

ტელეკომპანია „ფორმულას” ტელეწამყვან ვახო სანაიას, მის მეუღლესა და მისი მეუღლის ნათესავს წუხელ თბილისში, წყნეთის ქუჩაზე დაესხნენ თავს. თავდამსხმელების მოგერიებაში ჟურნალისტს დაეხმარნენ ტექნიკური სამსახურის თანამშრომლები, რომლებიც მან მანქანის მოყინული გზიდან გამოსაყვანად გამოიძახა. ადგილზე მისულმა სამართალდამცველებმა თავდასხმის ფაქტზე სამი პირი ცხელ კვალზე დააკავეს. სანაია დარწმუნებულია, რომ თავდასხმა მის ჟურნალისტურ საქმიანობას უკავშირდება.

„კატეგორიულად მიუღებელია ნებისმიერი ფორმისა და სახის ძალადობა! ძალადობა, არსებული დაპირისპირებისა და პოლარიზაციის ფონზე კიდევ უფრო დაუშვებელია და მას არანაირი გამართლება არ აქვს! მივმართავ სამართალდამცავ ორგანოებს, სწრაფად გამოიძიონ ფაქტი და დაისაჯონ დამნაშავეები, რათა არ იქნეს წახალისებული ძალადობა!“ - დაწერა პრეზიდენტმა სოციალურ ქსელში.

შსს-მ სანაიაზე თავდასხმის ფაქტზე სამი ადამიანი დააკავა. გამოძიება საქართველოს სსკ-ის 126-ე მუხლით მიმდინარეობს, რაც „ორი და მეტი პირის მიმართ ჯგუფურ ძალადობას“ გულისხმობს. აღნიშნული დანაშაულისთვის მაქსიმალური სასჯელია - 2 წლის ვადით თავისუფლების აღკვეთა.

 

 

0