Тбилисский Локомотив одержал победу над одноклубниками из Москвы

ქართველი „რკინიგზელების“ გამარჯვება მოსკოვის „ლოკომოტივთან“

60
(განახლებულია 18:33 15.02.2021)
ქართული საფეხბურთო კლუბები ეროვნული ჩემპიონატის დაწყებამდე ესპანეთსა და თურქეთში ამხანაგურ შეხვედრებს მართავენ.

თბილისი, 15 თებერვალი – Sputnik. თბილისის „ლოკომოტივმა“ ესპანეთის ქალაქ მარბელიაში მორიგი ტესტ-მატჩი გამართა და მოსკოვის „ლოკომოტივს“ ოთხი უპასუხო გოლით მოუგო.

ქართული კლუბების ნაწილი „ეროვნული ლიგის“ განახლებამდე ესპანეთში ამხანაგურ შეხვედრებს ატარებს, მეორე ნაწილი კი წინასატურნირო სამზადისს თურქეთში გადის.

„ლოკომ“ პირველი ტაიმი აქტიურად დაიწყო, რასაც 32-ე წუთზე თბილისელთა მაროკოელი ლეგიონერის იმრან ომარის გოლი მოჰყვა. შეხვედრაში მეორე გოლი რუსებმა გვაჩუქეს – 47-ე წუთზე ლისტოვმა საკუთარ კარში ჩაჭრილი ბურთით საკუთარ გუნდს განაჩენი გამოუტანა. თბილისელებმა მალევე მოახერხეს ანგარიშის სამამდე გაზრდა. 55-ე წუთზე ომარმა ულამაზესი გოლის წყალობით დუბლი გაიფორმა და მატჩის ბედი საბოლოოდ გადაწყვიტა. წესით, ყველაფერი დასრულებული იყო, თუმცა მატჩის უგოლოდ დასრულება ირაკლი სიხარულიძემ არ ისურვა და 78-ე წუთზე მატჩის ბოლო, მე-4 გოლი გაიტანა.

თუმცა, ისიც აღსანიშნავია, რომ რუსულმა კლუბმა ბოლო ორი შეხვედრა სხვადასხვა შემადგენლობით ითამაშა. პირველ შემთხვევაში მოსკოველები „როსტოვს“ დაუპირისპირდნენ, ქართულ გუნდთან კი კლუბის სარეზერვო შემადგენლობა გამოვიდა.

ესპანურ შეკრებაზე თბილისის „ლოკომოტივმა“ წინა შეხვედრა რუსეთის „კრასნოდართან“ გამართა, სადაც დაძაბულ ბრძოლაში ანგარიშით 2:3 დამარცხდა. „ლოკოს“ მომავალი მეტოქის ვინაობა ამ ეტაპზე ცნობილი არაა.

60
თემები:
სპორტის ამბები (1014)
ჰელი–სქი

თურნავა: ბაკურიანი მზადაა, მაღალ დონეზე უმასპინძლოს მსოფლიო თასის ეტაპს

26
(განახლებულია 20:48 25.02.2021)
მსოფლიო თასის აღნიშნული ეტაპი 26-28 თებერვალს ჩატარდება. პანდემიიდან გამომდინარე, ბაკურიანში შეჯიბრება მაყურებლის გარეშე გაიმართება.

თბილისი, 25 თებერვალი – Sputnik. ეკონომიკისა და მდგრადი განვითარების მინისტრი ნათია თურნავა ბაკურიანში „სქი-ქროსში“ მსოფლიო თასის ეტაპის ორგანიზატორებს შეხვდა. მხარეებმა დაგეგმილი ტურნირის ჩატარებასა და მის მნიშვნელობაზე ისაუბრეს. იუწყება „პირველი არხი“.

ბაკურიანში 26-28 თებერვალს სათხილამურო ფედერაციის ეგიდით დაგეგმილ მაღალი დონის შეჯიბრებაში 9 ქვეყნის 51 სპორტსმენი მიიღებს მონაწილეობას (ავსტრია, ბელგია, კანადა, ჩეხეთი, ბრიტანეთი, იაპონია, შვეიცარია, შვედეთი, აშშ). ბაკურიანი შერეული ნაკრებების გუნდურ შეჯიბრებას მსოფლიო თასის ფარგლებში პირველად უმასპინძლებს. ასპარეზობა კოვიდ-პროტოკოლის წესებისა და რეგულაციების მკაცრი დაცვით გაიმართება.

მინისტრის თქმით, საქართველოს მთავრობა ხელს უწყობს საქართველოში არსებულ სამთო კურორტებზე შეჯიბრებების გამართვას. შეხვედრაზე ასევე საქართველოში ზამთრის სათხილამურო კურორტების განვითარების პერსპექტივებზე ისაუბრეს.

„ეს მნიშვნელოვანი საერთაშორისო შეჯიბრება ტარდება 2023 წლის ზამთრის ჩემპიონატისთვის მზადების ეგიდით. მოგეხსენებათ, ამ მიზნით საქართველოში ძალიან სერიოზული დელეგაციები ჩამოდიან ცხრა ქვეყნიდან, რომლებიც მონაწილეობას მიიღებენ ამ მნიშვნელოვან სპორტულ ღონისძიებაში“, – განაცხადა თურნავამ.

მსოფლიო ჩემპიონატის პროექტის ფარგლებში ბაკურიანში დიდი ინფრასტრუქტურული პროექტები განხორციელდა – აშენდა სამი ახალი საბაგირო, დამონტაჟდა ხელოვნური გათოვლიანების სისტემა, შეიძინეს სპეცტექნიკა და უსაფრთხოების ინვენტარი და სხვ.

საქართველო ფრისტაილსა და სნოუბორდში 2023 წლის მსოფლიო ჩემპიონატისთვის ემზადება>>

აღნიშნულ საკითხზე შეხვედრის შემდეგ საქართველოს სათხილამურო ფედერაციის ვიცე-პრეზიდენტმა პატრიკ ლანგმაც ისაუბრა. მისი თქმით, მსგავსი ტურნირები ქართული მთების პოპულარიზაციას კარგად წაადგება.

  • „ჩვენზე მართლაც დიდი შთაბეჭდილება მოახდინა იმ გარემოებამ, რომ ძალიან ძლიერი მხარდაჭერა გვქონდა ქართველი ხალხისგან, სათხილამურო ფედერაციისა და საქართველოს მთავრობისგან, რაც ძალიან კარგია. ასევე იმედით ვუყურებთ მომავალს, რადგან ეს ნამდვილად კარგი შანსია, რომ საქართველომ განიმტკიცოს პოზიცია, როგორც მსგავსი ტურნირების მასპინძელმა ქვეყანამ“, – აღნიშნა პატრიკ ლანგმა.

შეჯიბრება საქართველოს მთავრობის მხარდაჭერით, ეკონომიკისა და მდგრადი განვითარების სამინისტროს „მთის კურორტების განვითარების კომპანიისა“ და საქართველოს სათხილამურო ფედერაციის ორგანიზებით გაიმართება.

26
თემები:
სპორტის ამბები (1014)
ნიკა ბასილაშვილი

ქართველი ჩოგბურთელი კვლავ დამარცხდა - ამჯერად მონპელიეში

208
პირველ წრეში მარცხის გამო ბასილაშვილი სარეიტინგო ქულების გარეშე დარჩა, თუმცა საპრიზო ფონდიდან ოთხი ათასი ევრო ერგო

თბილისი, 24 თებერვალი - Sputnik. საქართველოს პირველმა ჩოგანმა (მე-40 АТР რეიტინგში) მონპელიეში АТР-250 კატეგორიის ტურნირზე გამოსვლა მარცხით დაასრულა.

პირველივე წრეში ბასილაშვილი დამარცხდა ფრანგ გრეგუარ ბარერთან (113) ორ სეტში ერთი და იმავე ანგარიშით 4:6. მატჩი ერთ საათი და 17 წუთი გრძელდებოდა.

აღსანიშნავია, რომ მეორე სეტის მეოთხე გეიმში ბასილაშვილი 4:1 დაწინაურდა, მაგრამ ამის შემდეგ ზედიზედ ხუთი გეიმი წააგო. ქართველმა ჩოგბურთელმა ოთხი ბრეიკ-პოინტიდან ორი გამოიყენა, ბარერს კი 11 ბრეიკ-პოინტი და ოთხი ბრეიკი ჰქონდა.

პირველ წრეში მარცხის წყალობით ბასილაშვილი სარეიტინგო ქულების გარეშე დარჩა. ერთადერთი ნუგეში - ოთხი ათასი ევროა საპრიზო ფონდიდან.

მონპელიეს ტურნირის საპრიზო ფონდი 324 ათას ევროს შეადგენს, მისი მოქმედი ჩემპიონი გაელ მონფისია (საფრანგეთი).

208
კომპიუტერთან

ვირტუალური ხელოვნება: საქართველოში იწყება ახალი პროექტი „პირველი არხი სცენა“

0
(განახლებულია 12:39 26.02.2021)
პროექტი გააერთიანებს ყველა საინტერესო მოვლენასა და ადამიანს კინოს, თეატრის, მუსიკის, სახვითი ხელოვნების, ქორეოგრაფიისა და ხელოვნების სხვა სფეროებიდან

თბილისი, 26 დეკემბერი – Sputnik. საქართველოს საზოგადოებრივი მაუწყებელი იწყებს ახალ პროექტს „პირველი არხი – სცენა“, რომელიც ერთ ციფრულ პლატფორმაზე ხელოვნების სხვადასხვა სფეროს გააერთიანებს.

როგორც პირველი არხის განცხადებაშია აღნიშნული, პანდემიის გამო ხელოვნების  სფეროს თვითგამოხატვის ხელმისაწვდომი ფორმებით სარგებლობის შესაძლებლობა აღარ აქვს, ამიტომ საზოგადოებრივი მაუწყებელი მათ ახალ ონლაინ–ალტერნატივას სთავაზობს.

პირველი არხი – სცენა“ – ესაა ვირტუალური სივრცე, რომელიც ნებისმიერ მსურველს აძლევს საშუალებას, მოისმინოს კონცერტი ქართველი შემსრულებლების შესრულებით, ნახოს ქართული ფილმები, თეატრალური დადგმები, ცნობილი ქართველი ფოტოგრაფების გამოფენები და ნამუშევრები. გარდა ამისა, პორტალზე იქნება სხვადასხვა კონცერტის პირდაპირ ტრანსლაციაზე დასწრების შესაძლებლობა ვირტუალური ბილეთის საშუალებით, ასევე დაინტერესებულ პირებს აქვთ თანხის გადარიცხვის შესაძლებლობა, რათა დაეხმარონ ხელოვნების სფეროების წარმომადგენლებს.

ორგანიზატორებმა უკვე დააანონსეს პროექტის პირველი ცოცხალი კონცერტი, ესაა „ჯაზის საღამო“, რომელიც 28 თებერვალს გაიმართება და მასში მონაწილეობას მიიღებენ JANNGO, ნინი ნუცუბიძე, ანა დოი, ბექა გოჩიაშვილი, ლევან დეისაძე და ზაზა ცერცვაძე.

0
თემები:
საქართველო და კულტურა