ტატო გრიგალაშვილი

ძიუდო: გრიგალაშვილმა დოჰას „მასტერსზე“ პირველი ქართული ოქრო მოიპოვა

55
(განახლებულია 16:49 13.01.2021)
დოჰას „მასტერსზე“ საქართველოს ორი მედალი აქვს მოპოვებული. მარგველაშვილის ბრინჯაოსა და გრიგალაშვილის ოქროს შემდეგ თავის გამოჩენას კიდევ ხუთი ქართველი ძიუდოისტი შეეცდება.

თბილისი, 13 იანვარი – Sputnik. ქართველმა ძიუდოისტმა ტატო გრიგალაშვილმა დოჰაში „მასტერსის“ ტურნირი გამარჯვებით დაასრულა. გრიგალაშვილმა ფინალში ჰოლანდიელ ფრენკ დე ვიტს მოუგო და მიმდინარე შეჯიბრებაზე საქართველოს ნაკრებს მეორე მედალი მოუტანა.

დოჰას „მასტერსი“ 11 იანვარს დაიწყო და 13 იანვარს დასრულდება. ტურნირის მეორე საჭიდაო დღეს ტატამზე სამი ქართველი ძიუდოისტი გავიდა. განსხვავებით გრიგალაშვილისგან ლაშა შავდათუაშვილმა (-73 კგ) და ლუკა მაისურაძემ (-81 კგ) პირველივე შეხვედრები წააგეს. გრიგალაშვილმა (–81) ფინალამდე ოთხი მოწინააღმდეგე დაამარცხა. მან უნგრელ ატილა უნგვარის, იტალიელ ანტონიო ესპოზიტოს, რუს ალან ხუბეცოვსა და სამხრეთკორეელ სინჰო ლიის აჯობა, ფინალში კი ჰოლანდიელ ძიუდოისტს ბოლო წუთზე ვაზარი აუღო, ხოლო შემდეგ შეხვედრა იპონით დაასრულა.

„მასტერსის“ პირველი საჭიდაო დღე ქართველებისთვის არცთუ წარმატებული აღმოჩნდა. გამორჩეული იყო ვაჟა მარგველაშვილი (-66 კგ), რომელმაც ბრინჯაოს მედალი მოიპოვა. რაც შეეხება ბაგრატ ნინიაშვილსა და თემურ ნოზაძეს, რომლებიც 60 კგ-მდე წონით კატეგორიაში ასპარეზობდნენ, ისინი ტურნირს ნაადრევად გამოეთიშნენ და მედლის მოპოვება ვერ შეძლეს.

წარუმატებელი გამოდგა ქართველ ქალ ძიუდოისტთა გამოსვლაც. ტატიანა ლევიცკა-შუკვანმა (52 კგ) და ეთერ ლიპარტელიანმა (57 კგ) ისრაელის ნაკრების ძიუდოისტებთან წააგეს. პირველი გილი კოენთან ვაზარით დამარცხდა, მეორე კი ტიმნა ნელსონ ლევისთან იპონზე დაეცა.

დოჰას „მასტერსი“ დღეს დასრულდება. მესამე საჭიდაო დღეს საქართველოს ღირსებას ხუთი ძიუდოისტი დაიცავს: ბექა ღვინიაშვილი (-90 კგ), ლაშა ბექაური (-90 კგ), ვარლამ ლიპარტელიანი (-100 კგ), გურამ თუშიშვილი (+100 კგ) და ლევან მატიაშვილი (+100 კგ).

55
ლევან გორგაძე - ტოჩინოშინი

ტოჩინოშინმა იანვრის ჰაცუ ბაშო წაგებით დაასრულა

27
ქართველმა სპორტსმენმა ტურნირზე 15 შერკინებიდან მხოლოდ ოთხი მოიგო, შედეგად კი მსოფლიოს უძლიერესი სუმოისტების ახალ რეიტინგში ტოჩინოშინი საკმაოდ ბევრ პოზიციას დათმობს

თბილისი, 24 იანვარი – Sputnik. ქართველმა სუმოისტმა ლევან გორგაძემ, იგივე ტოჩინოშინმა, ტოკიოში იანვრის ჰაცუ ბაშო წაგებით დაასრულა.

აღმოსავლეთის მეოთხე მაეგაშირას რანგში მყოფი ტოჩინოშინი ტურნირის დასკვნით დღეს დასავლეთის მე-12 მაეგაშირა ტერუცუიოსისთან დამარცხდა. აღსანიშნავია, რომ იაპონელი სუმოისტი გორგაძესთან შედარებით 62 (!) კილოგრამით ნაკლებს იწონის. ამან კიდევ ერთხელ აჩვენა, რომ იანვრის ჰაცუ ბაშოზე ტოჩინოშინი არც თუ კარგ ფორმაში წარდგა.

იმპერატორის თასზე სეზონის პირველი ტურნირის შედეგების შეჯამებისას ნათლად გამოჩნდა, რომ ტოჩინოშინისთვის ის ძალზე წარუმატებლად წარიმართა. ქართველმა სპორტსმენმა ტურნირზე 15 შერკინებიდან მხოლოდ ოთხი მოიგო. ეჭვგარეშეა, რომ მსოფლიოს უძლიერესი სუმოისტების ახალ რეიტინგში ტოჩინოშინი საკმაოდ ბევრ პოზიციას დაკარგავს.

რაც შეეხება ჰაცუ ბაშოს გამარჯვებულს, ის გახდა დასავლეთის პირველი მაეგაშირა 27 წლის დაიეისიო. იაპონელმა სუმოისტმა ორი წაგებით 13 მოგება მოიპოვა.

იმპერატორის თასზე მომდევნო ტურნირი - ჰარუ ბაშო - მარტში გაიმართება.

27
თბილისის „დინამო“ - სერბეთის „რადნიკი“

თბილისის „დინამოელებმა“ პირველი საკონტროლო მატჩი წააგეს

25
მომდევნო ტესტ-მატჩს „დინამო“ 26 იანვარს გამართავს „ნაპრედაკის“ წინააღმდეგ, რომელიც სერბეთის ჩემპიონატს წარმოადგენს

თბილისი, 24 იანვარი – Sputnik. საქართველოს მოქმედმა ჩემპიონმა ფეხბურთში თბილისის „დინამომ“ წააგო სერბეთის „რადნიკთან“ 0:1 პირველ საკონტროლო მატჩში, რომელიც თურქეთის ბელეკში სეზონისწინა მომზადების ფარგლებში გაიმართა.

შეხვედრის ერთადერთი გოლი პირველი ტაიმის ბოლოს გავიდა. მისი ავტორი გახდა ზორან დანოსკი. „დინამოელებმა“ მეტოქის კართან რამდენიმე სახიფათო მომენტი შექმნეს, მაგრამ შანსის გამოყენება ვერ შეძლეს.

აღსანიშნავია, რომ გიორგი ნემსაძისთვის „რადნიკის“ წინააღმდეგ მატჩი თბილისის „დინამოს“ მთავარი მწვრთნელის პოსტზე პირველი გახდა.

მომდევნო ტესტ-მატჩს „დინამო“ 26 იანვარს გამართავს „ნაპრედაკის“ წინააღმდეგ, რომელიც ასევე სერბეთის ჩემპიონატს წარმოადგენს.

25
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 25 იანვარი

0
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 25 იანვარია, ორშაბათი. მზარდი მთვარე ტყუპის ნიშანშია. ამ დღეს პლანეტა მთვარე მფარველობს.

დღეს ადამიანების უმრავლესობას ისეთი განწყობა შეექმნება, რომ სულ უბრალო ცხოვრებისეული მოვლენებისგან უსაზღვრო სიხარულს მიიღებს და პოზიტიური ენერგიით დაიმუხტება. გასეირნება ბუნებაში, სუფთა ჰაერზე, ფინჯანი ყავა ან ჩაი მეგობრებთან ერთად, გემრიელი საჭმელი – ეს ყოველივე იმდენ პოზიტიურ ემოციას მოგიტანთ, რამდენსაც რომელიმე ეგზოტიკურ ქვეყანაში მოგზაურობა მოგანიჭებდათ. ამ დღეს არ ღირს სერიოზულ გეგმებზე ფიქრი, რადგან დიდია ალბათობა, სასურველი რეალობად აღიქვათ. სამაგიეროდ, იდეალური დღეა რომანტიკისა და სიყვარულისთვის.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: განწყობის ნატამალიც კი არ გაქვთ იმისა, რომ რამე გააანალიზოთ ან დეტალებს ჩაუღმავდეთ. მზად ხართ, გადაწყვეტილებები დაუფიქრებლად მიღოთ და გულისძახილს მიჰყვეთ. თუმცა, ვარსკვლავები გაფრთხილებენ, რომ ინტუიციაზე დაყრდნობა დღეს არ ივარგებს. წინათგრძნობა მცდარი აღმოჩნდება და მათზე დაფიძნებული გადაწყვეტილება – არასწორი. შესაძლო გართულებებისა და უსიამოვნებების თავიდან ასაცილებლად, სჯობს, გადაწყვეტილებები ცხელ გულზე არ მიიღოთ.

კურო: დღეს ძალიან უნდა იფრთხილოთ, განსაკუთრებით სარისკო და ავანტიურულ პროექტებთან დაკავშირებით. იღბალზე მინდობა არ შეიძლება, არის დამანგრეველი კრახის საფრთხე. ასე რომ, თუ ფიქრობთ, რომ იღბალი თვითონ ჩაგივარდათ ხელში, იცოდეთ, რომ ეს მხოლოდ მოჩვენებითია და არავითარ შემთხვევაში არ უნდა გარისკოთ. გონივრული იქნება დროის მოგება და პროექტის სამომავლოდ გადადება: მალე სიტუაცია ცხადი გახდება და მიხვდებით, როგორ უნდა იმოქმედოთ.

ტყუპი: ისეთი ენთუზიაზმით ხართ სავსე, რომ უკუშედეგი შეიძლება მიიღოთ. იმის ნაცვლად, რომ წინ წახვიდეთ, გულმოდგინე „სწრაფვით, მგნებარებითა და გარღვევებით“ გარშემომყოფები შეიძლება გააღიზიანოთ და ეს ყველა წამოწყებას დაამუხრუჭებს. მსგავსი რამ რომ არ მოხდეს, სჯობს, დაზოგოთ ძალები და აქცენტი ახლობელ ადამიანებთან ურთიერთობებზე გადაიტანოთ. ხოლო თუ ვითარება თქვენს აქტიურობას მოითხოვს, ეცადეთ, ზედმეტი ენთუზიაზმი და გატაცება არ გამოავლინოთ.

კირჩხიბი: დღეს ასტროლოგები მოდუნებასა და კარგად დასვენებას გირჩევენ. ეს აუცილებელია, რათა აღიდგინოთ ენერგია და სასიცოცხლო ძალები. ერთი კია – ირგვლივ მყოფების გაგების იმედი არ უნდა გქონდეთ, ამიტომ აჯობს, მოქმედების იმიტაციაზე იფიქროთ ისე, რომ არ დააზარალოთ არც საკუთარი თავი და არც სხვები. შესაძლოა, საკუთარი მოვალეობების ნაწილი სხვებს გადააბაროთ, ზოგიერთი სამომავლოდ გადადოთ. მთავარია, ამან არ დაგამძიმოთ – სულ მალე ამ საქმეებს ახალი შემართებითა და ძალებით შეუდგებით.

ლომი: დღეს კარგი „შეჯანჯღარება“ გჭირდებათ. ისეთი შთაბეჭდილება რჩება, თითქოს ყველაფერი სულერთია. სინამდვილეში კი თქვენი ემოციები რუტინამ ჩაახშო და თუ ყოველდღიურ ყოფაში მრავალფეროვნების შეტანას შეძლებთ, ჩამქრალ ენთიაზიაზმს გააცოცხლებთ. დაფიქრიდით, იქნებ ღირს, დროებით გადადოთ საქმეები და ქალაქგარეთ გახვიდეთ დასასვენებლად. ან პირიქით – ახალ პერსპექტიულ პროექტს შეეჭიდოთ, თუნდაც ეს პერსპექტივა ბოლომდე გამოკვეთილი არ იყოს. თქვენი გადასაწყვეტია, ვარსკვლავების აზრით კი დღეს ცოტაოდენი ავანტიურა არ გაწყენდათ.

ქალწული: დღეს ნებისმიერი რამ, რისი მამოძრავებელი ძალაც თქვენ ხართ, შეიძლება ჩავარდეს. და თუმცა ეს ჩავარდნები წვრილმანებს შეეხება, თქვენს ყურადღებას მთლიანად დაიპყრობს და აზროვნების კონცენტრირებაში შეგიშლით ხელს. შედეგად გაგიჭირდებათ კარგი შედეგებით თავის წარმოჩენა. სხვათა შორის, გარშემომყოფები და ხელმძღვანელობაც კი თქვენგან რამე სახის გმირობას არც ელოდება შექმნილი საერთო პრობლემების ფონზე.

სასწორი: ექსპერტები კატეგორიულად არ გიორჩევენ მარტო მოქმედებას. ეს ისეთი დღეა, როდესაც დამოუკიდებლად ვერაფერს გადაწყვეტთ და თუ მაინც ცდით, შეიძლება სავალალო შედეგები მიიღოთ. ასე რომ, თუ დღეს რამე მნიშვნელოვანი საკითხი გაქვთ მოსაგვარებელი, მოგიწევთ მისი გარჩევა ირგვლივ მყოფებთან, მათი რჩევების მოსმენა, კომპრომისის მოძებნა. მაგრამ შედეგი დახარჯული ძალისხმევის კომპენსირებას მოახდენს. ეს რთული გზა ბევრად ეფექტური აღმოჩნდება.

მორიელი: დღეს ავანტიურაში ჩაბმა კარგ არაფერს მოგიტანთ არც სამუშაო და არც პირად ცხოვრებაში. ყველგან, სადაც ოდნავ მაინც გაქვთ იღბლის იმედი, ჩავარდნა გელოდებათ. იღბალი დღეს თქვენთვის „ისვენებს“. უსიამოვნებები რომ აირიდოთ თავიდან, ამისთვის საკმარისი იქნება, რომ არ გარისკოთ და ყველაფერში ნაცადი, კონსერვატიული კურსი შეინარჩუნოთ. შეგიძლიათ მიმდინარე საქმეებს მიხედოთ – არე თუ გვიან, ისიც თქვენი გასაკეთებელია.

მშვილდოსანი: დღეს მხოლოდ საკუთარი თავის იმედი არ უნდა გქონდეთ – ზედმეტმა თავდაჯერებულობამ შეცდომებამდე შეიძლება მიგიყვანოთ. არ არის გამორიცხული, რომ ცხვირწინ ვერ დაინახოთ და შეამჩნიოთ რამე, ან ელემენტარული რამ შეგეშალოთ. სამაგიეროდ, შესანიშნავად შეძლებთ მუშაობას მეწყვილესთან ერთად – მისი კონტროლი შეცდომებისგან დაგიცავთ და უფრო ყურადღებიანი გახდებით.

თხის რქა: დღეს კარგი იქნება, თუ სხვების მონაწილეობით დიდ პროექტებს არ შეეჭიდებით – ნაკლებად სავარაუდოა, რომ გამოგივიდეთ. იგივე ეხება ნებისმიერ ერთობლივ წამოწყებას. ერთადერთი ადამიანი, რომლის იმედიც უნდა გქონდეთ, ეს თვითონ თქვენ ხართ. ეს ნიშნავს, რომ ყურადღება იმ პროექტებზე უნდა გადაიტანოთ, სადაცთქვენ ხართ პირადად პასუხისმგებელი და სადაც ვერავინ შეგიშლით ხელს.

მერწყული: დღეს შესანიშნავი დროა იმისთვის, რომ მოაწყოთ პროექტის ან საკუთარი თავის პრეზენტაცია – გარშემომყოფები ამას ძალზე პოზიტიურად შეხვდებიან. გაქვთ განწყობა, რომ ემოციების ენაზე ისაუბროთ და ეს სწორედ ის ენაა, რომელსაც ყველა „ფრიადზე“ გაიგებს. სხვაგვარად რომ ვთქვათ, დღეს არაა აუცილებელი, მსმენელი ციფრებითა და ფაქტებით დაამძიმოთ. საკმარისია კაშკაშა, გადამდები ემოციები და ადამიანები სიამოვნებით გამოგყვებიან უკან.

თევზები: უნდა მოემზადოთ იმისთვის, რომ შესაძლოა ყველაფერი ისეთი არ აღმოჩნდეს, როგორც ერთი შეხედვით ჩანს. ამასთან სიურპრიზები შეიძლება იყოს როგორც სასიამოვნო, ისე უსიამოვნოც. მაგალითად, არაა გამორიცხული სირთულეები ისეთ საქმეებში, რომლებიც უკვე დიდი ხანია, გადაწყვეტილი გგონიათ. მოკლედ რტომ ვთქვათ, მთელი დღის განმავლობაში მოვლენების პულსზე უნდა გეჭიროთ ხელი და მზად იყოთ საქმეებში მოულოდნელობებისთვის.

0