თორნიკე შენგელია

თორნიკე შენგელია ესპანეთის ათწლეულის საუკეთესო მოთამაშის ტიტულისთვის იბრძოლებს

294
(განახლებულია 15:39 07.01.2021)
შენგელიას პირველი კონკურენტია ამერიკელი ჯეისი კეროლი, რომელიც მადრიდის „რეალში“ 2011 წლიდან ასპარეზობს.

თბილისი, 7 იანვარი — Sputnik. საქართველოს კალათბურთის ნაკრების კაპიტანი თორნიკე შენგელია ესპანეთში ათწლეულის საუკეთესო მოთამაშის ტიტულის კანდიდატთა სიაში მოხვდა, ნათქვამია ესპანური „ლიგა ენდესას“ ოფიციალურ ვებ-გვერდზე.

თორნიკე შენგელია: ჩვენი ქვეყნისთვის პატარა გამარჯვებაც მნიშვნელოვანია >>

„ლიგა ენდესამ“ გამოაქვეყნა 16 საუკეთესო კალათბურთის სია, რომლებიც სპეციალურმა კომიტეტმა ონლაინ-დებატების შედეგებით შეარჩია. ყველა მათგანი ესპანეთის ჩემპიონატში 2011-2020 წლების პერიოდში ასპარეზობდა ან/და ახლაც ასპარეზობს. მოთამაშეები რვა წყვილად გაყვეს და ვებ-გვერდზე კენჭისყრის შედეგად თითოეულ წყვილში საუკეთესო მოთამაშე მანამდე გამოვლინდება, სანამ ერთი მოთამაშე არ დარჩება.

შენგელიას პირველი კონკურენტია ამერიკელი ჯეისი კეროლი, რომელიც მადრიდის „რეალში“ 2011 წლიდან ასპარეზობს. კალათბურთელთა თითოეული წყვილისთვის ხმის მიცემა კონკრეტულ დღეს მოხდება. შენგელია-კეროლის წყვილში საუკეთესოს არჩევა „ლიგა ენდესას“ ვებ-გვერდზე 11 იანვარს იქნება შესაძლებელი.

შენგელია „ბასკონიაში“ 2014 წლიდან 2020 წლამდე თამაშობდა. ქართველი ფორვარდი იყო გუნდის კაპიტანი, ხოლო ბოლო სეზონზე „ბასკონიას“ შემადგენლობაში კლუბთან ერთად ესპანეთის ჩემპიონი გახდა – პირველად 2010 წლიდან. გარდა ამისა, 2019 წელს შენგელია ესპანეთის ჩემპიონატის საუკეთესო კალათბურთელად აღიარეს.

2020 წლის ზაფხულში შენგელიამ „ბასკონია“ დატოვა და მოსკოვის ЦСКА-სთან სამწლიანი კონტრაქტი გააფორმა.

294
რაგბი: საქართველო - რუსეთი

ცნობილია საქართველოსა და რუსეთის რაგბის ნაკრებების შეხვედრის მორიგი თარიღი

68
(განახლებულია 23:45 25.01.2021)
სატურნირო თვალსაზრისით ამ შეხვედრას საქართველოს ნაკრებისთვის არავითარი მნიშვნელობა არა აქვს, რადგან მან ერთი ტურით ადრე მოიგო ევროპის ერთა თასი

თბილისი, 25 იანვარი - Sputnik. საქართველოს რაგბის ნაკრების მწვრთნელების შტაბმა რუსეთის ნაკრებთან შეხვედრისთვის მზადება და მოთამაშეთა სასელექციო შეკრება დაიწყო. მატჩი 7 თებერვალს თბილისში გაიმართება, ნათქვამია საქართველოს რაგბის კავშირის განცხადებაში

„ბორჯღალოსნების“ სამწვრთნელო შტაბი საქართველოში მოთამაშეების სასელექციო შეკრებას 25 იანვარს „შევარდენის“ ბაზაზე შეუდგება. უშუალო შეკრება კი თვის ბოლოს დაიწყება, რა დროსაც ნაკრების გაფართოებული შემადგენლობა დასახელდება.

„სასელექციო შეკრებაზე გვყავს მორაგბეები, რომლებიც ნაკრებში ადრეც თამაშობდნენ და არიან ახალი სახეებიც. ამ ერთი კვირის განმავლობაში დავაკვირდებით მოთამაშეების ფიზიკურ და ტექნიკურ მდგომარეობას და უკვე მომდევნო კვირიდან დასახელდება ის 30-32 მორაგბე, რომლებიც უშუალოდ რუსეთთან სათამაშოდ მოემზადებიან. თბილისის ჯგუფიდან საბოლოო სიაში ყველა ვერ მოხვდება. სამაგიეროდ, დაგვემატებიან ლეგიონერები“, – აღნიშნა ნაკრების მთავარმა მწვრთნელმა ლევან მაისაშვილმა.

მისივე თქმით, მზადება საკმაოდ რთულ პერიოდში უწევთ:

„გვაქვს შეზღუდვები კოვიდ-რეგულაციებთან დაკავშირებით, პრობლემებია კლუბებთან ლეგიონერების კუთხით. პირველი თამაში ყოველთვის რთულია და ამიტომ აქცენტი იმ ბირთვზე გაკეთდება, რომელმაც „შემოდგომის ერთა თასზე“ ითამაშა“, - აღნიშნა მაისაშვილმა.

საქართველოსა და რუსეთის ნაკრებებს შორის მატჩი ჩატარდება ევროპის ერთა თასის შარშანდელი გათამაშების დასკვნითი ტურის ფარგლებში. თამაში გაიმართება 7 თებერვალს, 15:00 საათზე. თუმცა დღემდე არ არის ცნობილი - რომელ სტადიონზე. ეს საკითხი უახლოეს დღეებში გადაწყდება. ამასთან ცალსახაა, რომ კოვიდ-შეზღუდვების გამო მატჩს გულშემატკივრები ვერ დაესწრებიან.

თავდაპირველად დაგეგმილი იყო შეხვედრის ჩატარება 14 მარტს. თუმცა კორონავირუსის პანდემიის გამო თარიღმა არაერთხელ გადაიწია. აღსანიშნავია, რომ ამ შეხვედრას სატურნირო თვალსაზრისით „ბორჯღალოსნებისთვის“ არავითარი მნიშვნელობა არა აქვს, რადგან ნაკრებმა ერთი ტურით ადრე მოიპოვა ევროპის ერთა თასი ზედიზედ მესამედ და საერთო ჯამში მე-12-დ.

საქართველოს და რუსეთის ნაკრებები ერთმანეთს 23-ჯერ შეხვედრიან. პირველად 1993 წელს პოლონეთში, მაშინ რუსეთმა პირველად და უკანასკნელად დაამარცხა საქართველოს ნაკრები ანგარიშით 15:9.

2002 წელს გუნდებმა შეხვედრა ფრედ - 12:12 დაასრულეს. ყველა დანარჩენი მატჩი საქართველოს ნაკრების გამარჯვებით მთავრდებოდა. 2012 წელს თბილისში გამართულ მატჩში „ბორჯღალოსნებმა“ მეტოქე ანგარიშით 46:0 დაამარცხეს.

საქართველო-რუსეთის ნაკრებების დაპირისპირების საერთო ანგარიშია - 579:269, ლელოს რაოდენობა კი - 66:16.

68
გიორგი შერმადინი

ქართველი კალათბურთელი ესპანეთის ჩემპიონატის მატჩში ყველაზე ფასეული მოთამაშე

46
(განახლებულია 21:47 25.01.2021)
ქართველი სპორტსმენი ესპანური საკალათბურთო კლუბების „ტენერიფესა“ და „მანრესას“ შეხვედრის ყველაზე შედეგიანი მოთამაშე აღმოჩნდა.

თბილისი, 25 იანვარი – Sputnik. საქართველოს კალათბურთის ნაკრებისა და ესპანეთის „იბეროსტარ ტენერიფეს“ ცენტრი გიორგი შერმადინი ეროვნული პირველობის მატჩის MVP (Most valuable player – ყველაზე ფასეული მოთამაშე) გახდა.

ესპანეთის ჩემპიონატის 21-ე ტურში „ტენერიფემ“ „მანრესა“ 85:70 დაამარცხა. შერმადინი შეხვედრის ყველაზე შედეგიანი მოთამაშე გახდა 29 ქულით.

უნდა აღინიშნოს, რომ შერმადინი ერთადერთი მოთამაშე იყო ორივე კლუბის შემადგენლობაში, რომელმაც 20-ზე მეტი ქულა მოაგროვა.

ესპანეთის ჩემპიონატში „ტენერიფეს“ 20 ჩატარებული მატჩის შემდეგ 32 ქულა აქვს და სატურნირო ცხრილში მესამე ადგილი უკავია.

46
თემები:
სპორტის ამბები
ექიმები რეანიმაციაში

სტატისტიკა: რამდენი მედიკოსი გარდაიცვალა 2020 წელს კორონავირუსის გამო საქართველოში

0
(განახლებულია 15:46 26.01.2021)
საქართველოში პანდემიის დაწყებიდან კორონავირუსი 254 ათასზე მეტ ადამიანს დაუდგინდა და აქედან 6 პროცენტი – მედპერსონალია

თბილისი, 26 იანვარი - Sputnik. კორონავირუსის გართულებების გამო საქართველოში 2020 წელს სამედიცინო სფეროში მომუშავე 62 ადამიანი გარდაიცვალა, რაც ინფიცირებული მედიკოსების 0,4%–ია, ნათქვამია დაავადებისა და საზოგადოებრივი ჯანმრთელობის ეროვნული ცენტრის ანგარიშში „ერთი წელი COVID-19–თან ერთად“.

გარდაცვლილთაგან 31 ქალია და 31 მამაკაცი. რაც შეეხება გარდაცვლილი მედპერსონალის ასაკს, სტატისტიკა ამგვარია:

რაოდენობა ასაკი
2 30-39
3 40-49
9 50-59
30 60-69
18 70+

კორონავირუსის გამო გარდაცვლილი მედიკოსებიდან 24 სტაციონარული განყოფილების თანამშრომელი იყო, 16 – კოვიდ–კლინიკისა და რეანიმაციის, 10 – პირველადი ჯანდაცვის, 5 – სასწრაფო დახმარების სამსახურის, 2 – საკარანტინო სივრცის პერსონალი, 1 – დიალიზის პაციენტების მომსახურების პერსონალი, 1 – PCR–ლაბორატორიის თანამშრომელი, 1 – ფსიქიატრიული განყოფილების თანამშრომელი და 1 – ეპიდემიოლოგი.

სხვადასხვა თანმდევი ქრონიკული დაავადება (ყველაზე ხშირად კარდიოვასკულარული დაავადებების სახით) ჰქონდა 24 გარდაცვლილ პირს (38,7%).

საქართველოში პანდემიის დაწყებიდან დღემდე კორონავირუსის 254 822  254 ათასი შემთხვევა გამოვლინდა და აქედან 6 პროცენტი – მედპერსონალია. ინფიცირებული მედპერსონალიდან 72% იყო სტაციონარული განყოფილებების, ცხელების კლინიკების, რეანიმაციისა და სხვა სამედიცინო დაწესებულებების თანამშრომელი.

ინფიცირებულთა შორის 80% ქალია და 20% – მამაკაცი. როგორც ანგარიშშია აღნიშნული, ყველაზე ხშირად ავადმყოფობდა ყველაზე შრომისუნარიანი ჯგუფი – 30–70 წლამდე ასაკის. ინფიცირებული მედპერსონალის 65% თბილისის, იმერეთისა და აჭარის მცხოვრებია.

საქართველოში ონლაინ–კლინიკების რაოდენობა გაიზარდა – ჯანდაცვის უწყება>>

31 დეკემბრის მონაცემებით, კორონავირუსისგან გამოჯანმრთელებული პაციენტების მაჩვენებელი 94%–ს აღწევს, გარდაიცვალა 1,1%, მკურნალობას განაგრძობს 4,9%. კორონავირუსის პირველი შემთხვევა საქართველოში 2020 წლის 26 თებერვალს დაფიქსირდა.

0
თემები:
კორონავირუსი საქართველოში: ბოლო ცნობები