ლეგენდარული ქართველი მოჭადრაკე ქალები - მაია ჩიბურდანიძე, ნონა გაფრინდაშვილი და ნანა ალექსანდრია

საქართველოში ქართველი მოჭადრაკე ქალების შესახებ ფილმის ჩვენება გაიმართება

194
ფილმი მოგვითხრობს ლეგენდარული მოჭადრაკეების: ნონა გაფრინდაშვილის, ნანა ალექსანდრიას, მაია ჩიბურდანიძისა და ნანა იოსელიანის შესახებ

თბილისი, 3 იანვარი – Sputnik. ქართველი ლეგენდარული მოჭადრაკე ქალების შესახებ დოკუმენტური ფილმის „დიდება დედოფალს“ პირველი ონლაინ ჩვენება 9 იანვარს გაიმართება, - ამის შესახებ ინფორმაციას ეროვნული კინოცენტრი ავრცელებს.

დოკუმენტური ფილმის ჩვენება 22:00 საათზე გაიმართება. ფილმი ლეგენდარული ქართველი ქალი მოჭადრაკეების: ნონა გაფრინდაშვილის, ნანა ალექსანდრიას, მაია ჩიბურდანიძისა და ნანა იოსელიანის შესახებ მოგვითხრობს.

ფილმის პრემიერა ცოტა ხნის წინ შედგა საერთაშორისო დოკუმენტური კინოფესტივალის - „სინედოკის" ფარგლებში. „დიდება დედოფალს" უკვე ნახეს ავსტრიაში, სერბეთსა და მექსიკაში.

„რადგან ფილმის ჩვენება ჯერ არ შემდგარა რამდენიმე ქვეყანაში, მას ექნება გეოგრაფიული შეზღუდვა და ჩვენებაზე ონლაინ დასწრებას შეძლებენ მხოლოდ საქართველოში მყოფი მაყურებლები“, - აცხადებენ ეროვნულ კინოცენტრში.

ფილმის ჩვენება გაიმართება ონლაინ ფორმატში ეროვნული კინოცენტრის ოფიციალურ Facebook-გვერდზე. ჩვენების ბმული ასევე გაზიარდება ეროვნულ კინოკლუბში.

60-იანი წლების დასაწყისიდან საბჭოთა კავშირის დაშლამდე, 30 წლის მანძილზე, მსოფლიო ჭადრაკის სამეფოს სწორედ ეს ქალები განაგებდნენ. მათ ქალთა ჭადრაკი საერთაშორისო კონტექსტში ვაჟთა ჭადრაკს გაუთანასწორეს.

 

 

194
ჯაბა კანკავა

ფრანგულ კლუბში საქართველოს ფეხბურთის ეროვნული ნაკრების კაპიტნის დებიუტი შედგა

22
(განახლებულია 08:50 25.01.2021)
საფრანგეთის მეორე ლიგაში მოასპარეზე გუნდს აქტივში 28 ქულა აქვს და მას სატურნინო ცხრილში მერვე ადგილი უკავია

თბილისი, 25 იანვარი – Sputnik. კლუბ „ვალანსიენში“, რომელიც საფრანგეთის მეორე ლიგაში ასპარეზობს, საქართველოს ფეხბურთის ნაკრების კაპიტნის ჯაბა კანკავას დებიუტი შედგა.

კანკავა მინდორზე „შატორუს“ წინააღმდეგ მატჩში ახალი გუნდის სასტარტო შემადგენლობაში გავიდა და მოედანზე 90 წუთი დაჰყო. შეხვედრა 3:3 დასრულდა.

ამ შედეგის შემდეგ „ვალანსიენის“ აქტივში 28 ქულაა და ის სატურნირო ცხრილში მერვე ადგილზე განთავსდა.

კანკავა ფრანგულ კლუბში ყაზახური „ტობოლიდან“ იანვრის შუა რიცხვებში გადავიდა. ქართველი ნახევარმცველი ყაზახეთში 2017 წლიდან გამოდიოდა. საქართველოს ნაკრების 34 წლის კაპიტანსა და „ვალანსიენს“ შორის შეთანხმება გაფორმებულია მიმდინარე სეზონის ბოლომდე.

22
თემები:
სპორტის ამბები
ლევან გორგაძე - ტოჩინოშინი

ტოჩინოშინმა იანვრის ჰაცუ ბაშო წაგებით დაასრულა

31
ქართველმა სპორტსმენმა ტურნირზე 15 შერკინებიდან მხოლოდ ოთხი მოიგო, შედეგად კი მსოფლიოს უძლიერესი სუმოისტების ახალ რეიტინგში ტოჩინოშინი საკმაოდ ბევრ პოზიციას დათმობს

თბილისი, 24 იანვარი – Sputnik. ქართველმა სუმოისტმა ლევან გორგაძემ, იგივე ტოჩინოშინმა, ტოკიოში იანვრის ჰაცუ ბაშო წაგებით დაასრულა.

აღმოსავლეთის მეოთხე მაეგაშირას რანგში მყოფი ტოჩინოშინი ტურნირის დასკვნით დღეს დასავლეთის მე-12 მაეგაშირა ტერუცუიოსისთან დამარცხდა. აღსანიშნავია, რომ იაპონელი სუმოისტი გორგაძესთან შედარებით 62 (!) კილოგრამით ნაკლებს იწონის. ამან კიდევ ერთხელ აჩვენა, რომ იანვრის ჰაცუ ბაშოზე ტოჩინოშინი არც თუ კარგ ფორმაში წარდგა.

იმპერატორის თასზე სეზონის პირველი ტურნირის შედეგების შეჯამებისას ნათლად გამოჩნდა, რომ ტოჩინოშინისთვის ის ძალზე წარუმატებლად წარიმართა. ქართველმა სპორტსმენმა ტურნირზე 15 შერკინებიდან მხოლოდ ოთხი მოიგო. ეჭვგარეშეა, რომ მსოფლიოს უძლიერესი სუმოისტების ახალ რეიტინგში ტოჩინოშინი საკმაოდ ბევრ პოზიციას დაკარგავს.

რაც შეეხება ჰაცუ ბაშოს გამარჯვებულს, ის გახდა დასავლეთის პირველი მაეგაშირა 27 წლის დაიეისიო. იაპონელმა სუმოისტმა ორი წაგებით 13 მოგება მოიპოვა.

იმპერატორის თასზე მომდევნო ტურნირი - ჰარუ ბაშო - მარტში გაიმართება.

31
მილგამყვანი ხომალდი „ფორტუნა“

„ჩრდილოეთის ნაკადი-2“: „ფორტუნამ“ დანიის წყლებში მუშაობა განაახლა

0
(განახლებულია 10:58 25.01.2021)
„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით.

თბილისი, 25 იანვარი — Sputnik. მილგამყვანმა ხომალდმა „ფორტუნამ“ დანიის წყლებში „ჩრდილოეთის ნაკადი–2–ის“ მშენებლობაზე მუშაობა განაახლა, იუწყება პროექტი ოპერატორი Nord Stream 2 AG––ი.

„ხომალდმა „ფორტუნამ“ დაიწყო მუშაობა გაზსადენ „ჩრდილოეთის ნაკადი–2–ზე“. მუშაობა მიღწეული შეთანხმებების შესაბამისად მიმდინარეობს“, — განაცხადეს კომპანიაში.

„ჩრდილოეთის ნაკადი 2“

„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით. გაზსადენი გადის რუსეთის, ფინეთის, შვედეთის, დანიისა და გერმანიის ეკონომიკურ ზონებზე ან ტერიტორიულ წყლებზე.

პროექტს ახორციელებს Nord Stream 2 AG, რომლის ერთადერთი აქციონერია „გაზპრომი“.

აშშ-ის ხელისუფლება ეწინააღმდეგება პროექტს და ცდილობს, ევროკავშირს თავს მოახვიოს თავისი თხევადი გაზი. მოწინააღმდეგეთა შორის ასევე არიან უკრაინა და ევროპის ქვეყნები. 2019 წლის დეკემბერში აშშ-ის პრეზიდენტმა დონალდ ტრამპმა ხელი მოაწერა 2020 წლის თავდაცვის ბიუჯეტს, რომელიც სანქციებს ითვალისწინებს „ჩრდილოეთის ნაკადი 2“-ის მიმართ. შედეგად, შვეიცარიულმა კომპანია Allseas-მა, რომელიც გაზსადენის გაყვანაზე მუშაობს, საქმიანობა შეაჩერა და ხომალდები გაიყვანა.

გაზსადენზე მუშაობა გასული წლის დეკემბერში განახლდა გერმანიის ეკონომიკურ ზონაში ხომალდ „ფორტუნას“ გამოყენებით. დანიის ხელისუფლებასთან შეთანხმებით, პროექტზე მუშაობის განახლება მიმდინარე წლის 15 იანვრიდან გახდა შესაძლებელი. ამასთან, შეერთებულმა შტატებმა 19 იანვარს სანქციები დაუწესა ხომალდ „ფორტუნას“ და მის მფლობელ კომპანიასაც.

 

0
თემები:
საერთაშორისო პანორამა