ქართველმა სუმოისტი ლევან გორგაძე, იგივე ტოჩინოშინი

ქართველმა სუმოისტმა ნოემბრის ბაშო დადებითი ბალანსით დაასრულა

43
იმპერატორის თასზე დადებითი ნიშნავს იმას, რომ განახლებულ რეიტინგში ტოჩინოშინს პოზიციის მნიშვნელოვანი გაუმჯობესება ელოდება

თბილისი, 22 ნოემბერი – Sputnik. ქართველმა სუმოისტმა ლევან გორგაძემ, იგივე ტოჩინოშინმა ტოკიოში მიმდინარე ნოემბრის ბაშო დაასრულა დადებითი ბალანსით - ცხრა მოგება და ექვსი წაგება.

ტურნირის დასკვნითდღეს ტოჩინოშინმა, რომელიც აღმოსავლეთის მეშვიდე მაეგაშირას რანგში ასპარეზობს, სეკივაკე ტაკანოსიო დოჰიოზე დაანარცხა და ბაშოზე მეცხრე გამარჯვება მოიპოვა.

იმპერატორის თასზე დადებითი ნიშნავს იმას, რომ განახლებულ რეიტინგში, რომელიც 24 დეკემბერს გამოქვეყნდება, ტოჩინოშინს პოზიციის მნიშვნელოვანი გაუმჯობესება ელოდება.

რაც შეეხება ნოემბრის ბაშოს, მისი გამარჯვებული გახდა ოძეკი ტაკაკეისე, რომელმაც დამატებით სუპერფინალში კომუსუბი ტერუნოფუძის მოუგო.

იმპერატორის თასის მომდევნო ტურნირი ტოკიოში მომდევნო წლის 10-24 იანვარს გაიმართება.

43
თემები:
სპორტის ამბები (928)
ქალთა ფეხბურთი. „ლანჩხუთი“

„ლანჩხუთი“ ჩემპიონთა ლიგაში ქალთა შორის ითამაშებს

22
ქართული კლუბი ჩემპიონთა ქალთა ლიგის ძირითად ბადეში ორი რაუნდის გადალახვის შემდეგ კვალიფიკაციიდან მოხვდა

თბილისი, 24 ნოემბერი – Sputnik. ქართული საფეხბურთო კლუბი „ლანჩხუთი“ ჩემპიონთა ქალთა ლიგის 1/16 ფინალში შვედეთის „როსენგარდს“ დაუპირისპირდება. ტურნირის გათამაშება შვეიცარიის ქალაქ ნიონში გაიმართა.

დაპირისპირება ორ მატჩს მოიცავს - შინ და გასვლაზე. პირველი თამაში 9 ან 10 დეკემბერს გაიმართება, საპასუხო მატჩი - 15 ან 16 რიცხვში. სად გამართავს „ლანჩხუთი“ პირველ მატჩს - შინ თუ გასვლაზე, ჯერჯერობით უცნობია.

„ლანჩხუთი“ ჩემპიონთა ქალთა ლიგის ძირითად ბადეში ორი რაუნდის გადალახვის შემდეგ კვალიფიკაციიდან მოხვდა. თავდაპირველად გიორგი ჩხაიძის შეგირდებმა ყაზახურ გუნდ „ოკჟეტპესს“ 2:1 მოუგეს, შემდეგ - რუმინეთის „კლუჟს“(1:0).

„ლანჩხუთი“ - პირველი ქართული გუნდია, როგორც ქალთა, ისე მამაკაცთა შორის, რომელიც ჩემპიონთა ლიგის ძირითად ბადეში მიიღებს მონაწილეობას.

ჩემპიონთა ქალთა ლიგის მოქმედი ჩემპიონია ფრანგული „ლიონი“.

22
თემები:
სპორტის ამბები (928)
თემურ ქეცბაია

თემურ ქეცბაია კვიპროსში ოქტომბრის საუკეთესო მწვრთნელად აღიარეს

37
(განახლებულია 15:01 24.11.2020)
„ანორთოსისმა“ ოქტომბერში კვიპროსის ჩემპიონატის ფარგლებში ოთხი მატჩი ჩაატარა, ოთხივეში გაიმარჯვა და გაიტანა ცხრა გოლი.

თბილისი, 24 ნოემბერი – Sputnik. თემურ ქეცბაია, რომელიც ფამაგუსტას კლუბ „ანორთოსისს“ უდგას სათავეში, ოქტომბერში კვიპროსის ჩემპიონატის საუკეთესო მწვრთნელად აღიარეს, ნათქვამია გუნდის განცხადებაში.

კენჭისყრისას ქართველმა სპეციალისტმა 42 ქულა მიიღო და ამ წოდების კანდიდატ მომდევნო მწვრთნელს 20 პუნქტით გაუსწრო. კვიპროსის უმაღლეს დივიზიონში მოთამაშე კლუბების 13 მთავარი მწვრთნელიდან 12-მა ხმა ქეცბაიას მისცა.

ოქტომბერში „ანორთოსისმა“ კვიპროსის ჩემპიონატში სულ ოთხი მატჩი გამართა და ოთხივეში გაიმარჯვა, გაიტანა ცხრა გოლი და საკუთარ კარში მხოლოდ ერთი ბურთი გაუშვა.

„ანორთოსისს“ 11 ჩატარებული ტურიდან 23 ქულა აქვს და სატურნირო ცხრილში „აპოლონთან“ ერთად პირველ ადგილს იყოფს. თუმცა „აპოლონს“ მარაგში კიდევ ერთი მატჩი აქვს.

ქეცბაია „ანორთოსისში“ 2019 წლის აპრილიდან მუშაობს. გასულ სეზონზე კორონავირუსის პანდემიის გამო კვიპროსის ჩემპიონატი ვერ დასრულდა და კლუბმა მეორე ადგილი დაიკავა.

„ანორთოსისის“ ხელმძღვანელობა სრულად უჭერს მხარს ქართველ მწვრთნელს>>

ასევე უნდა აღინიშნოს, რომ „ანორთოსისის“ ბირთვს საქართველოს ნაკრების ფეხბურთელები წარმოადგენენ – გიორგი ლორია, მურთაზ დაუშვილი, თორნიკე ოქრიაშვილი და გიორგი ქვილითაია.

37
თემები:
სპორტის ამბები (928)
რუსეთის პრეზიდენტი ვლადიმირ პუტინი და მისი თურქი კოლეგა რეჯეფ თაიიფ ერდოღანი

პუტინმა და ერდოღანმა სატელეფონო საუბრის დროს ყარაბაღში არსებული სიტუაცია განიხილეს

0
რუსეთის ლიდერმა ვლადიმირ პუტინმა ერდოღანს გააცნო ინფორმაცია რუსი სამშვიდობოების საქმიანობის შესახებ, რომლებიც ყარაბაღში ცეცხლის შეწყვეტის რეჟიმის შესრულების მხარდაჭერას ახორციელებენ

თბილისი, 25 ნოემბერი – Sputnik. რუსეთის პრეზიდენტმა ვლადიმირ პუტინმა და მისმა თურქმა კოლეგამ რეჯეფ თაიიფ ერდოღანმა მთიან ყარაბაღში ცეცხლის შეწყვეტის კონტროლის ცენტრი განიხილეს, იუწყება კრემლის პრესსამსახური.

სატელეფონო საუბარი თურქეთის ინიციატივით შედგა.

ორი ქვეყნის ლიდერებმა აღნიშნეს იმ გადაწყვეტილებების სრული და თანმიმდევრული შესრულების აუცილებლობა, რომლებიც „რეგიონში სტაბილურობისა და მშვიდობიანი ცხოვრების უზრუნველსაყოფად არის მიმართული“.

აღინიშნა, რომ პუტინმა ერდოღანს გააცნო ინფორმაცია რუსი სამშვიდობოების საქმიანობის შესახებ, რომლებიც ყარაბაღში ცეცხლის შეწყვეტის რეჟიმის შესრულების მხარდაჭერას ეფექტურად ახორციელებენ.

პრეზიდენტები შეთანხმდნენ, რომ მთიან ყარაბაღში პრიორიტეტულია ისეთი ჰუმანიტარული პრობლემები, როგორებიცაა დევნილების დაბრუნება, რელიგიური და კულტურული ობიექტების შენარჩუნება, ინფრასტრუქტურის აღდგენა.

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. შეთანხმების მიხედვით, ამ დროისათვის ყარაბაღში რუსი სამშვიდობოები განლაგდნენ, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთი აზერბაიჯანს მთიანი ყარაბაღის ტერიტორიების დიდ ნაწილს გადააბარებს.

მთიან ყარაბაღში რუსი ოფიცერი ნაღმზე აფეთქდა >>

ცეცხლის შეწყვეტისა და საომარი მოქმედებების შეწყვეტაზე კონტროლის მიზნით მთიანი ყარაბაღის ზონაში მიმდინარეობს რუსეთის ფედერაციის სამშვიდობო კონტინგენტის განთავსება – შეთანხმებულია 1960 სამხედრო მოსამსახურის, 90 ჯავშანტრანსპორტიორის, 380 ერთეული საავტომობილო და სხვა სპეცტექნიკის შეყვანა.

0
თემები:
ესკალაცია ყარაბაღში 2020