უეფას ერთა ლიგა. საქართველო-ესტონეთი

საქართველოს ნაკრებმა უეფას ერთა ლიგა ესტონეთთან ფრედ დაასრულა

64
(განახლებულია 23:38 18.11.2020)
მატჩი ქართველების სათამაშო და ტერიტორიული უპირატესობით წარიმართა, თუმცა ვერც ერთი გოლის გატანა მათ ვერ მოახერხეს

თბილისი, 18 ნოემბერი – Sputnik. საქართველოს ნაკრებმა თბილისში უეფას ერთა ლიგის დასკვნითი მატჩი ესტონეთთან ფრედ 0:0 დაასრულა.

ტურნირის წლევანდელი გათამაშების შედეგებით, ქართულმა გუნდმა შვიდი ქულა დააგროვა და С დივიზიონის მეორე ჯგუფში მესამე ადგილი დაიკავა. ესტონეთის ნაკრებს კვარტეტში ბოლო პოზიცია უჭირავს და ბალტიელები უეფას ერთა ლიგის მომდევნო გათამაშებას D დივიზიონში ჩაატარებენ.

რაც შეეხება მატჩს, ის მასპინძლების უდავო უპირატესობით წარიმართა - ბურთის ფლობის პროცენტი იყო 68 (32-ის წინააღმდეგ). თუმცა ქართველებმა გოლის გატანა მაინც ვერ მოახერხეს და 90 წუთის განმავლობაში მეტოქეთა კარში გაგზავნეს მხოლოდ ორი დარტყმა, რომელიც სტუმრებისთვის არანაირ საფრთხეს არ წარმოადგენდა.

აღსანიშნავია, რომ ჯგუფის გამარჯვებული გახდა სომხეთის ნაკრები, რომელმაც ნეიტრალურ მოედანზე ნიკოსიაში დაამარცხა ჩრდილოეთ მაკედონია, ტურნირის შედეგების მიხედვით დააგროვა 11 ქულა და დაწინაურება შეძლო. უეფას ერთა ლიგის მომდევნო გათამაშებას სომხეთის გუნდი В დივიზიონში ჩაატარებს.

64
თემები:
სპორტის ამბები (1091)
ბათუმის „დინამოს“ ფეხბურთელი

ბათუმის „დინამომ“ თბილისის „დინამო“ დაამარცხა

25
ამ გამარჯვების წყალობით ბათუმელებმა თბილისურ გუნდს სატურნირო ცხრილში გაუსწრეს და პირველ ადგილზე გადაინაცვლეს

თბილისი, 8 მაისი – Sputnik. ბათუმის „დინამომ“ თავის ახალ სტადიონზე თბილისის „დინამოს“ 1:0 მოუგო. საფეხბურთო მატჩი საქართველოს ჩემპიონატის ეროვნული ლიგის მე–12 ტურის ფარგლებში გაიმართა.

ერთადერთი გოლი პირველი ტაიმის მიწურულს ჯაბა ჯიღაურმა გაიტანა.

ბათუმელებს მთელი შეხვედრის განმავლობაში სათამაშო უპირატესობა ჰქონდათ. გია გეგუჩაძის გუნდმა მეტოქის კარში რვა დარტყმა განახორციელეს, ხოლო თბილისელებმა – მხოლოდ ერთი.

თამაში საკმაოდ უხეშად წარიმართა. ორივე კლუბის ფეხბურთელებმა წესები 35–ჯერ დაარღვიეს, მთავარმა მსაჯმა ირაკლი კვირიკაშვილმა ყვითელი ბარათი ექვსჯერ აჩვენა.

ამ გამარჯვების წყალობით ბათუმის „დინამომ“ თბილისურ გუნდს სატურნირო ცხრილში გაუსწრო და პირველ ადგილზე გადაინაცვლა. ორივე გუნდს 25 ქულა აქვს, მაგრამ ბათუმელები დედაქალაქელებს დამატებითი მაჩვენებლებით უსწრებენ წინ.

25
თემები:
სპორტის ამბები (1091)
დათო ჩხარტიშვილი

საქართველოს ნაკრები ბერძნულ–რომაულ ჭიდაობაში ორი ოლიმპიური ლიცენზიის გარეშე დარჩა

24
ეს ნიშნავს, რომ ტოკიოს ოლიმპიურ თამაშებზე საქართველოს ნაკრები ბერძნულ–რომაულ ჭიდაობაში ექვსიდან მხოლოდ ოთხ წონით კატეგორიაში იქნება წარმოდგენილი

თბილისი, 8 მაისი – Sputnik. ორმა ქართველმა ბერძნულ–რომაული სტილით მოჭიდავემ – დათო ჩხარტიშვილმა (–60) და ბაკურ გოგოლმა (–77) ტოკიოს ოლიმპიური თამაშების ლიცენზიების მოპოვება ვერ შეძლეს.

სოფიაში (ბულგარეთი) დასკვნით ოლიმპიურ სალიცენზიო ტურნირზე, ტოკიოს ოლიმპიური თამაშების ლიცენზიის მოსაპოვებლად შეჯიბრების ფინალში გასვლა იყო საჭირო. ეს ვერც ერთმა ქართველმა სპორტსმენმა ვერ მოახერხა.

გოგოლმა მეოთხედფინალში ბულგარელ აიკ მნაცაკიანთან წააგო (2:6), ხოლო ჩხარტიშვილმა ნახევარფინალში რუმინელ ვიქტორ ჩობანთან (1:2).

ეს ნიშნავს, რომ ტოკიოს ოლიმპიურ თამაშებზე საქართველოს ნაკრები ბერძნულ–რომაულ ჭიდაობაში ექვსიდან მხოლოდ ოთხ წონით კატეგორიაში იქნება წარმოდგენილი: რამაზ ზოიძე (–67), ლაშა გობაძე (–87), გიორგი მელია (–97) და იაკობ ქაჯაია (–130).

რაც შეეხება საქართველოს  ნაკრებს თავისუფალ ჭიდაობაში, ტოკიოში ექვსიდან სამ კატეგორიაში წარდგებიან ქართველი სპორტსმენები: ავთანდილ კენჭაძე (–74), ელიზბარ ოდიკაძე (–97) და გენო პეტრიაშვილი (–125).

ზაფხულის 32–ე ოლიმპიური თამაშები ტოკიოში 2021 წლის 23 ივლისიდან 8 აგვისტოს ჩათვლით გაიმართება.

24
თემები:
სპორტის ამბები (1091)
მთები

დღის ასტროპროგნოზი ზოდიაქოს ნიშნებისთვის: 9 მაისი

0
(განახლებულია 09:21 08.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 9 მაისია, კვირა. კლებადი მთვარე ვერძის ნიშანშია. ამ დღეს პლანეტა მზე მფარველობს.

ეს დღე სიყვარულს უნდა მიუძღვნათ და არა ომსა და მტრობას. გრძნობები გამძაფრებული იქნება, რაც სიყვარულისთვის ძალიან კარგია, მაგრამ კამათისა და ჩხუბისთვის, რა თქმა უნდა – არა. ნებისმიერმა გაუფრთხილებელმა სიტყვამ თუ საქციელმა დიდი წყენა შეიძლება მოიტანოს. გადაწყვეტილებებს დღეს გული მიიღებს, რომელსაც რეალური გრძნობები სჭირდება, და არა – გონება.

როგორ იკლებენ წონაში ზოდიაქოს ნიშნები>>

ვერძი: საზღვარი „საჭიროასა“ და „მინდას“ შორის შეიძლება დაირღვეს. მოგინდებათ გრძნობებზე აყოლა, მაგრამ ვარსკვლავები ამას არ გირჩევენ. ყველაფერი იოლად არ გამოგივათ, ხანდახან სერიოზული წინაღობების გადალახვა მოგიწევთ. მიუხედავად ამისა, პოზიტიური ტენდენციები ბევრ სფეროშია შესამჩნევი. იყავით შეუპოვარი და ეცადეთ, არ დაკარგოთ საკუთარი ძალების რწმენა. თუ ხელებს არ ჩამოუშვებთ პირველივე ბარიერის დანახვისას, ყველაფერი გამოგივათ.

კურო: საჭიროა თანამიმდევრულად მოქმედება და ქაოსისთვის თავის არიდება. აჩქარება შეცდომების მიზეზი შეიძლება გახდეს. დრო უნდა გამონახოთ სიტუაციაში გასარკვევად და სხვადასხვა ვარიანტის განსახილველად. მოუსმინეთ გამოცდილი ადამიანების რჩევებს. ასე შეძლებთ მოსალოდნელი ხარვეზებისთვის გვერდის ავლას. საღამოს დაისვენეთ და ისეთი რამ გააკეთეთ, რაც განწყობას აგიმაღლებთ.

ტყუპი: დღეს მაქსიმალურად გაძლიერდება შემოქმედებითი მისწრაფებები და თუნდაც არ იყოთ ხელოვნების სფეროში დაკავებული ადამიანი, ეს პოტენციალი თქვენში აუცილებლად გაიღვიძებს. ამას გარდა, მოსალოდნელია ურთიერთობები ძალზე საინტერესო ადამიანებთან და საინტერესო თემებზე. ასევე ხელსაყრელი დროა რომანტიკული შეხვედრისთვის, განსაკუთრებით დღის მეორე ნახევარი. ეს დიდ პოზიტიურ ემოციებს მოგიტანთ.

კირჩხიბი: საინტერესო იდეები გაგიჩნდებათ, რაც კარგად აისახება როგორც თქვენს კარიერაზე, ასევე ცხოვრებაზე ზოგადად. ასევე სასარგებლო იდეის მაგივრად შესაძლებელია ძალიან საინტერესო ნაცნობობა. ნაკლებად სავარაუდოა, რომ რომანტიკული შეხვედრა იყოს, მაგრამ მატერიალური თვალსაზრისით ეს ძალზე პერსპექტიული აღმოჩნდება. ნებისმიერ შემთხვევაში, ძალიან კარგი დღე გელოდებათ და ამიტომ ყურადღებით უნდა იყოთ, რომ შანსი ხელიდან არ გაუშვათ.

ლომი: დღეს ახალი საინტერესო შეხვედრებისა და ნაცნობობის შესაძლებლობა გექნებათ. არაა გამორიცხული, რომ ერთ–ერთი ასეთი შეხვედრა ან გაცნობა რომანტიკული ხასიათისა აღმოჩნდეს, თუმცა ნაკლებად სავარაუდოა, რომ მას სერიოზული გაგრძელება მოჰყვეს. მთლიანობაში დღე ძალზე მრავალფეროვანი და საინტერესო გელოდებათ. ხოლო იმისთვის, რომ საჭირო დროს საჭირო ადგილზე აღმოჩნდეთ, ენდეთ ინტუიციას, რომელიც დღეს საკმაოდ გამძაფრებული გექნებათ.

ქალწული: დღეს თქვენი მთავარი ძალა და იარაღი თქვენი სისუსტეები იქნება. ამ სისუსტეების გამოყენებით, შეიძლება ითქვას, რომ გარშემომყოფებს „დაატერორებთ“, უნარი, რომ მიზანს ყველანაირი გზით მიაღწიოთ, აპოგეას მიაღწევს. ამასთან, თავად თქვენ მოგეჩვენებათ, რომ არაფერი განსაკუთრებული და უჩვეულო არ ხდება და გარშემომყოფების გრძნობებზე თამაში სრულიად ბუნებრივი რამაა. თუ ასე გააგრძელებთ, მალე ტირანად შეიძლება იქცეთ ოჯახში.

სასწორი: მთელი დღის განმავლობაში განწყობა შეიძლება ათასჯერ შეგეცვალოთ – მხიარულება მოულოდნელად „მოქუფრულმა“ ფიქრებმა ჩაანაცვლოს, თუმცა ერთი–ორ წუთში ამ ღრუბლებიდან ისევ მზემ გამოანათოს. მოკლედ რომ ვთქვათ, დღეს ემოციებისთვის განსაკუთრებული ყურადღების მიქცევა არ ღირს. ასევე აჯობებს, თუ მნიშვნელოვანი საქმეების გაკეთებას გადადებთ, ან გადააბარებთ იმას, რომლის განწყობა დღეს ჭირვეულობით არ გამოირჩევა.

მორიელი: დღეს თქვენში ტალანტი გაიღვიძებს: ნებისმიერი ბუზი, რომელიც გვერდით ჩაგიფრენთ, სპილოდ აქციოთ. მთელი დღის განმავლობაში ხან რა გაგაღიზიანებთ და ხან – რა. თუ არ გინდათ, ბუზღუნასა და აბეზარას სახელი დაგერქვათ, ნაკლები ყურადღება უნდა მიაქციოთ ნეგატივს, გარშემომყოფების ნაკლოვანებებს. სამაგიეროდ შესანიშნავად გაართმევთ თავს იმ საქმეებს, რომლებშიც წვრილმანებისადმი ყურადღებაა საჭირო – სჯობს, სწორედ ასეთ საქმეებს დაუთმოთ დრო.

მშვილდოსანი: დღეს გული დიდი და ხმაურიანი კომპანიებისკენ გაგიწევთ, რომ თუნდაც სულ ცოტა ხნით აღმოჩნდეთ ყურადღების ცენტრში. ყოველ შემთხვვაში, თუ ასეთ ადგილას არ აღმოჩნდებით და ვერც ყურადღების ცენტრში მოექცევით, იოცნებოთ მაინც ამაზე. ამაში ცუდი არაფერია, მაგრამ ეცადეთ ზედმეტი არ მოგივიდეთ და გარშემომყოფები არ გააღიზიანოთ, თან იმის გათვალისწინებით, რომ თქვენი რეაქცია ირგვლივ მყოფების მხრიდან გამოსროლილ ირონიულ შენიშვნებზე ორმაგად მწვავე იქნება.

თხის რქა: მუდმივად მოგიწევთ სახლის საქმეებზე და საზრუნავზე ყურადღების გადატანა. ეს კარგიცაა – დროა, მიხედოთ საშინაო საქმეებს და სხვა საკითხები კი გადადოთ. მაინც არ გელოდებათ რამე გრანდიოზული გარღვევები და შედეგები საქმიანობაში. მაგრამ ვარსკვლავები გირჩევენ, ზედმეტი ყურადღება არ დაუთმოთ წვრილმანებს, მცირე უსიამოვნებებს, წინააღმდეგ შემთხვევაში შემდეგ რამდენიმე დღე ამაზე მოგიწევთ „ჩაციკლვა“.

მერწყული: გაუგებრობებით სავსე დღეა და ამის მიზეზი თვითონ თქვენი არათანმიმდევრულობა იქნება. დღეს გაცნობიერებულად მოგინდებათ წესების დარღვევა, შეიძლება სხვადასხვა წვრილმანმა მიიქციოს თქვენ ყურადღება, ისეთმა, რომელსაც სხვა დროს საერთოდ არ მიაქცევდით ყურადღებას. ამან შეიძლება ისე გაგიტაცოთ, რომ გასაკეთებელი საქმეები საერთოდ დაგავიწყდეთ, ამით კი თქვენი გეგმები დაირღვევა და კალაპოტიდან ამოვარდებით.

თევზები: თქვენში ყველაფერ მშვენიერსა და ლამაზზე განსაკუთრებული ალღო გაიღვიძებს და ეს მშვენირი, პირველ რიგში, ფულია. ძალიან დიდია დღეს იმის ალბათობა, რომ თუ საგაძური, არა, რამე ძველი ყუთი მაინც იპოვოთ და ამან დაგაინტერესოთ. შემოსავლებთან დაკავშირებით სასიამოვნო სიურპრიზი გელოდებათ. ერთადერთი, რაშიც უნდა იფრთხილოთ, ეს საკვებია – არის დიდი შანსი, რომ გაძლიერებული მადის გამო ფიგურას ზიანი მიაყენოთ.

0