საქართველოს ფეხბურთის ნაკრები

ეროვნულ გუნდს ესტონეთთან მატჩამდე კიდევ ორი ფეხბურთელი გამოაკლდა

62
(განახლებულია 19:30 18.11.2020)
საქართველოსა და ესტონეთს შორის შეხვედრა დღეს ბორის ბაიჭაძის სახელობის სტადიონზე გაიმართება. ჯგუფის გამარჯვებულს კი სომხეთისა და ჩრდილოეთ მაკედონიის შეხვედრა გამოავლენს.

თბილისი, 18 ნოემბერი – Sputnik. საქართველოს ეროვნულ ნაკრებს ესტონეთთან გასამართი მატჩის წინ კიდევ ორი ფეხბურთელი გამოაკლდა. ინფორმაციას საქართველოს ფეხბურთის ფედერაცია ავრცელებს.

დღევანდელი შეხვედრის წინ გამოქვეყნებულ განაცხადში ვერ მოხვდნენ გიორგი ქვილითაია და თორნიკე ოქრიაშვილი.

ესტონეთის ნაკრების მწვრთნელი: მოტივაციის გარეშე თამაში რთულია, თუმცა ვეცდებით მოგებას>>

ესტონეთთან შეხვედრისთვის მზადების პროცესში ვერ ჩაერთო კიდევ რამდენიმე წამყვანი ფეხბურთელი. ნაკრებს კორონავირუსით ინფიცირების გამო კვლავ ვერ დაეხმარებიან ხვიჩა კვარაცხელია და ლევან შენგელია. ტრავმის გამო ესტონეთთან ასევე ვერ ითამაშებს ოთარ კიტეიშვილი.

მატჩისთვის განაცხადი ასეთია:

მეკარეები: გიორგი ლორია („ანორთოსისი", ფამაგუსტა, კვიპროსი), გიორგი მაკარიძე („ალმერია", ესპანეთი), ლაზარე კუპატაძე („საბურთალო", თბილისი, საქართველო)

მცველები: გურამ კაშია („სან ხოსე" ერთკვეიკსი, აშშ), ოთარ კაკაბაძე („ტენერიფე", ესპანეთი), დავით ხოჭოლავა („შახტარი", დონეცკი, უკრაინა), გია გრიგალავა („არსენალი", ტულა, რუსეთი), სოლომონ კვერკველია („როტორი", ვოლგოგრადი, რუსეთი), მამუკა კობახიძე („დინამო", ბათუმი, საქართველო), გიორგი ნავალოვსკი („დინამო", ბათუმი, საქართველო), ჯიმი ტაბიძე („უფა", რუსეთი), ლაშა დვალი („ფერენცვაროში", ბუდაპეშტი, უნგრეთი)

ნახევარმცველები: ჯაბა კანკავა („ტობოლი", კოსტანაი, ყაზახეთი), ნიკა კვეკვესკირი („ტობოლი", კოსტანაი, ყაზახეთი), გიორგი აბურჯანია („ოვიედო", ესპანეთი), მურთაზ დაუშვილი („ანორთოსისი", ფამაგუსტა, კვიპროსი), საბა ლობჟანიძე („ანკარაგუჯუ", თურქეთი), ზურიკო დავითაშვილი („როტორი", ვოლგოგრადი, რუსეთი), ვაკო გვილია („ლეგია", ვარშავა, პოლონეთი), ჯაბა ჯიღაური („დინამო", ბათუმი, საქართველო), გიორგი პაპუნაშვილი („სარაგოსა", ესპანეთი)

თავდამსხმელები: ვაკო ყაზაიშვილი („სან ხოსე" ერთკვეიკსი, აშშ), ელგუჯა ლობჯანიძე („კაისარი", ყაზახეთი), ნიკა კაჭარავა („ლეხი", პოზნანი, პოლონეთი), ბექა მიქელთაძე („როტორი", ვოლგოგრადი, რუსეთი).

ეროვნულმა ნაკრებმა წინა მატჩი სომხეთთან გამართა და 1–2 დამარცხდა. შეხვედრის შემდეგ საქართველოს მწვრთნელმა ვლადიმერ ვაისმა თანამდებობა ვადაზე ადრე დატოვა, რის შემდეგაც სლოვაკი სპეციალისტი 39 წლის რამაზ სვანაძემ ჩაანაცვლა. სვანაძე ასევე საქართველოს ასაკობრივ (U19) ნაკრებს უდგას სათავეში. როგორც ფედერაციაში აცხადებენ, ახალი მწვრთნელის ძიება უკვე მიმდინარეობს.

ვლადიმერ ვაისი: ხუთი წელი ქართული ნაკრების მწვრთნელის პოსტზე – ფოტო>>

საქართველოს ეროვნულმა ნაკრებმა ბოლო წაგებული მატჩის შემდეგ ქვეჯგუფიდან გასვლის შანსი დაკარგა.

საქართველოს ეროვნული საფეხბურთო ნაკრები უეფას „ერთა ლიგის“ გათამაშების მე-6, ბოლო ტურის შეხვედრას ესტონეთის წინააღმდეგ დღეს, 21:00 საათზე „დინამო არენაზე“ გამართავს.

62
თემები:
სპორტის ამბები (1181)
ლაშა ტალახაძე

ტოკიოს ოლიმპიური თამაშების ტრიუმფატორი, ქართველი „გოლიათი" ერთ მილიონ ლარს მიიღებს

65
(განახლებულია 23:33 04.08.2021)
საქართველოს ნაკრებისთვის ქართველი „გოლიათის" ლაშა ტალახაძის მედალი ტოკიოს ოლიმპიადაზე მეშვიდეა და ოქროსი – მეორე

თბილისი, 4 აგვისტო – Sputnik. ქართველი მძიმეწონოსანი ძალოსანი, ორგზის ოლიმპიური ჩემპიონი ლაშა ტალახაძე საქართველოს მთავრობისგან საჩუქრად 1 მილიონ ლარს მიიღებს.

საქართველოს მთავრობა სპორტსმენებს, რომლებიც ოქროს მედალს აიღებენ, 1 მილიონ ლარს დაჰპირდა.

ლაშა ტალახაძემ დღეს არა მარტო ოქროს მედალი მოიგო, არამედ მორიგი მსოფლიო რეკორდებიც დაამყარა და ამით თავისივე წინა რეკორდები მოხსნა. ქართველმა „გოლიათმა“ ატაცში პირველ ცდაზე ჯერ 208 კილოგრამი შეუკვეთა, რაც თავისუფლად დაძლია. მეორე ცდაზე ლაშამ 215 კილოგრამის აწევა შეძლო, ხოლო მესამე, ბოლო გამოსვლაზე მან 223 კილოგრამი ასწია, რაც მსოფლიოს ახალი რეკორდია. ტალახაძე შესანიშნავად გამოვიდა აკვრაშიც, მან პირველად 245 კილოგრამი დაძლია, მეორე ცდაზე 255 შეუკვეთა და ესეც – წარმატებით, ხოლო ბოლო, მესამე გამოსვლაზე 265 კილოგრამი ასწია, რაც ასევე მსოფლიო რეკორდია.

ორჭიდში ტალახაძემ ჯამში 488 კგ დააგროვა, რაც აგრეთვე მსოფლიო რეკორდია.

მეორე ოქრო ტოკიოდან - ლაშა ტალახაძე ოლიმპიური ჩემპიონია: ვიდეო>>

საქართველოს ნაკრებისთვის ტალახაძის მედალი მეშვიდეა ოლიმპიადაზე ტოკიოში, ხოლო ოქროსი – მეორე. პირველი ოქრო 21 წლის ძიუდოისტმა ლაშა ბექაურმა (–90) მოიპოვა, რომელიც ასევე მილიონ ლარს მიიღებს.

65
თემები:
საქართველო ტოკიოს ოლიმპიადაზე
ლაშა ტალახაძე

„საქართველოს ჰყავს ფენომენალური სპორტსმენი“: ტალახაძეს გამარჯვებას ულოცავენ

35
(განახლებულია 23:24 04.08.2021)
მძიმეწონოსანი ძალოსანი ლაშა ტალახაძე პირველი ქართველი სპორტსმენია, რომელმაც დამოუკიდებელი საქართველოს სახელით ოლიმპიური ოქრო ორჯერ მოიპოვა.

თბილისი, 4 აგვისტო – Sputnik. საქართველოს პირველი პირები ქართველ ძალოსანს ლაშა ტალახაძეს ოლიმპიურ ჩემპიონობას ულოცავენ.

„ლაშა მსოფლიო რეკორდსმენი და ოლიმპიური ჩემპიონია. მადლობა, ლაშა“, – ასე მიულოცა საქართველოს პრეზიდენტმა სალომე ზურაბიშვილმა ტალახაძეს ოლიმპიადაზე გამარჯვება.

ტალახაძეს ოლიმპიური ოქრო და მსოფლიოს ახალი რეკორდები პარლამენტის თავმჯდომარემ კახა კუჭავამაც მიულოცა.

„საქართველოს ჰყავს ლაშა ტალახაძე – ფენომენალური სპორტსმენი, რომელმაც ტოკიოს ოლიმპიადაზე ოქროს მედალი მოიპოვა და ახალი მსოფლიო რეკორდები დაამყარა! ყველას გილოცავთ ამ გამარჯვებას!“ – წერს კუჭავა.

თბილისის მერი კახა კალაძე ლაშა ტალახაძეს კიდევ ერთხელ მსოფლიო რეკორდების დამყარებასა და ოლიმპიურ ჩემპიონობას სოციალურ ქსელში ულოცავს.

„კიდევ ერთხელ - ლაშა ტალახაძე მსოფლიო რეკორდსმენი და ოლიმპიური ჩემპიონია! გილოცავთ, ლაშა! ვულოცავ საქართველოს!“, - წერს კახა კალაძე.

ტალახაძეს ოლიმპიურ ჩემპიონობას კულტურის, სპორტისა და ახალგაზრდობის მინისტრი თეა წულუკიანიც ულოცავს და აღნიშნავს, რომ ტალახაძის ოლიმპიური ჩემპიონობა არა მარტო ქართული სპორტის, არამედ ქვეყნის გამარჯვებაცაა.

მთავრობის მეთაურმა ირაკლი ღარიბაშვილმა ტალახაძეს ოლიმპიური ოქრო და მსოფლიოს ახალი რეკორდები სატელეფონო ზარით მიულოცა, მანამდე კი საკუთარ Facebook-გვერდზე პოსტიც გამოაქვეყნა.

ლაშა ტალახაძეს ოლიმპიური ჩემპიონობა და მსოფლიო რეკორდების დამყარება საქართველოში აშშ-ის საელჩომაც მიულოცა.

„ლაშა ტალახაძემ დღეს ძალოსნობაში სამი მსოფლიო რეკორდი დაამყარა და დამოუკიდებელი საქართველოს ისტორიაში პირველი ორგზის ოლიმპიური ჩემპიონი გახდა. ვულოცავთ ლაშას ამ გასაოცარ მიღწევებს, ხოლო საქართველოს – ტოკიოს ოლიმპიადაზე მეშვიდე მედალს“, – აღნიშნულია საელჩოს გვერდზე.

ქართველმა სპორტსმენმა ატაცში პირველ ცდაზე ჯერ 208 კილოგრამი შეუკვეთა, რაც თავისუფლად დაძლია. მეორე ცდაზე ლაშამ 215 კილოგრამის აწევა შეძლო, ხოლო მესამე, ბოლო გამოსვლაზე მან 223 კილოგრამი ასწია, რაც მსოფლიოს ახალი რეკორდია. ტალახაძე შესანიშნავად გამოვიდა აკვრაშიც. მან პირველად 245 კილოგრამი დაძლია, მეორე ცდაზე 255 შეუკვეთა და ესეც – წარმატებით, ხოლო ბოლო, მესამე გამოსვლაზე 265 კილოგრამი ასწია, რაც ასევე მსოფლიო რეკორდია.

საბოლოოდ 27 წლის ქართველი ძალოსანი რიოს 2016 წლის და ტოკიოს ოლიმპიადის გამარჯვებულია და პირველი ქართველი სპორტსმენია, რომელიც დამოუკიდებელი საქართველოს სახელით ოლიმპიურ ოქროს ორჯერ დაეუფლა. ლაშა ტალახაძე მსოფლიოს ოთხგზის და ევროპის ხუთგზის ჩემპიონია. უნდა აღინიშნოს, რომ ტოკიოს ოლიმპიურ თამაშებამდეც ყველა მსოფლიო რეკორდი ქართველ ძალოსანს ეკუთვნოდა.

35
თემები:
საქართველო ტოკიოს ოლიმპიადაზე
სტუდენტები

„როსსოტრუდნიჩესტვომ“ რუსეთში სტუდენტების შესვლის წესები გამოაცხადა

0
(განახლებულია 23:47 04.08.2021)
რუსეთის განათლებისა და მეცნიერების სამინისტრომ „ცხელი ხაზი“ აამოქმედა, რომელზეც პანდემიის პირობებში ქვეყანაში შესვლის თაობაზე ინფორმაციის დაზუსტებაა შესაძლებელი

Sputnik. დანარა კურმანოვა

მიუხედავად იმისა, რომ კორონავირუსის პანდემია გრძელდება, რუსეთში სასწავლო წელი კვლავ 1 სექტემბერს იწყება. ამის თაობაზე „როსსოტრუდნიჩესტვოში“ განაცხადეს პრესკონფერენციაზე, რომელიც 2021 წელს უცხოეთის მოქალაქეების რუსეთის უმაღლეს სასწავლებლებში შესარჩევ კამპანიას მიეძღვნა.

„სტუდენტების ქვეყანაში შემოშვება-არშემოშვების საკითხი ჩვენს კომპეტენციაში არ შედის. მაგრამ ჩვენ ვიცავთ უცხოელი სტუდენტების უფლებებს, რომლებიც უმაღლეს სასწავლებლებში ჩაირიცხნენ და ვთხოვთ ორგანოებს, შემოსვლის ნებართვა მისცენ მათ, — განაცხადა სააგენტოს ხელმძღვანელმა ევგენი პრიმაკოვმა. — ახლა განათლების მისაღებად შემოსვლა შეუძლიათ იმ სიის ქვეყნების მოქალაქეებს, რომლებსაც რუსეთის მთავრობა ამტკიცებს განკარგულებით და რომელიც გამუდმებით იცვლება“.

პრიმაკოვი აზუსტებს, რომ საუბარია განკარგულება №636-ზე, რომლის №1 დანართში ამ დროისათვის 50 სახელმწიფოა ჩამოთვლილი, და რომელთა მოქალაქეებსაც რუსეთში შემოსვლის უფლება აქვთ. თუმცა, თუ ქვეყანა არ არის სიაში, რუსეთში ჩასვლის შესაძლებლობა შეიძლება ინდივიდუალურად იყოს განხილული.

„ბევრ შემთხვევაში შემოსვლის საკითხებს კურირებს უნივერსიტეტი, რომელსაც შეუძლია განათლების სამინისტროსა და სამთავრობო კომისიისგან შემოსვლის უფლება გამოითხოვოს“, — განმარტა პრიმაკოვმა.

ამას გარდა, სააგენტოს ხელმძღვანელის თქმით, უმაღლესი განათლებისა და მეცნიერების სამინისტროსთან მოქმედებს ცხელი ხაზი სტუდენტებისთვის: +7 (495) 198-00-00. ამ ნომერზე თითოეული ქვეყნისთვის რუსეთში შესვლის წესების დაზუსტებაა შესაძლებელი.

სამედიცინო მოთხოვნები ყველასთვის უნივერსალურია: სტუდენტმა უნდა ჩააბაროს PCR-ტესტი რუსეთში ჩასვლამდე არაუადრეს სამი დღისა. დოკუმენტი ტესტის უარყოფით პასუხზე უნდა იყოს დაბეჭდილი რუსულად ან ინგლისურად. რუსეთში ჩასვლის შემდეგ სტუდენტმა უნდა ჩააბაროს კიდევ ერთი PCR-ტესტი და პასუხამდე თვითიზოლაციაში უნდა იყოს. იმ შემთხვევაში, თუ სტუდენტის ქვეყანაში შესვლის მომენტისთვის სწავლა უკვე დაწყებული იქნება, ტესტის პასუხის მიღებამდე სტუდენტს მხოლოდ ონლაინ-ფორმატში შეუძლია დაესწროს ლექციებს.

პრიმაკოვის თქმით, რაც შეეხება სტუდენტების ვაქცინაციასა და ვაქცინაციის შესახებ უცხოური სერტიფიკატების აღიარებას, ეს საკითხები ახლა მუშავდება რუსეთის ჯანდაცვის სამინისტროს მიერ.

0
თემები:
რუსეთი დღეს