კარელ ვოოლაიდი

ესტონეთის ნაკრების მწვრთნელი: მოტივაციის გარეშე თამაში რთულია, თუმცა ვეცდებით მოგებას

38
საქართველო–ესტონეთის გუნდებს შორის მატჩი თბილისის „დინამო არენაზე“ 18 ნოემბერს, 21:00 საათზე დაიწყება.

თბილისი, 17 ნოემბერი – Sputnik. ესტონეთის ფეხბურთის ნაკრების მთავარ მწვრთნელ კარელ ვოოლაიდს მიაჩნია, რომ უეფას ერთა ლიგის დასკვნითი მატჩი საქართველოსა და ესტონეთს შორის უფრო მეტად ამხანაგურ სტატუსს ატარებს, ვიდრე ოფიციალურს. მით უმეტეს, იგი წლის პოზიტიური შედეგით დასრულებას გეგმავს. 

 „ჩვენ უკვე C დივიზიონში ადგილის შენარჩუნების ყველა შანსი დავკარგეთ, საქართველოს ნაკრებს კი მაქსიმუმ შეუძლია მეორე ადგილზე იფიქროს. დაგეგმილ მატჩს ნახევრად ამხანაგურს ვუწოდებ, თუმცა, ვგეგმავ წელი პოზიტიურად დავასრულო და ჩემი ბიჭები ყველაფერს გააკეთებენ იმისთვის, რომ ხვალ დადებითი შედეგი გვქონდეს“, – განაცხადა ვოოლაიდმა პრესკონფერენციაზე.

მან იმედი გამოთქვა, რომ  ხვალინდელ მატჩში საქართველო ძლიერი შემადგენლობით გამოვა.

 „ძალიან გვინდა, რომ ხვალინდელ მატჩში მასპინძლები ძლიერი შემადგენლობით გამოვიდნენ. ჩვენ ახალგაზრდა გუნდი გვყავს და ისინი უფრო გამოცდილი ფეხბურთელებისგან, მაგალითად, როგორიცაა საქართველოს ნაკრების კაპიტანი ჯაბა კანკავა, ბევრ რამეს ისწავლიან“, – აღნიშნა ესტონეთის ნაკრების მწვრთნელმა.

C დივიზიონის დასკვნით მატჩამდე ესტონეთის ნაკრებმა დივიზიონში ადგილის შენარჩუნების ყველა შანსი დაკარგა. რაც შეეხება საქართველოს ნაკრებს, ამ დროისთვის გუნდი მესამე ადგილზეა, თუმცა, ჯგუფში მეორე პოზიციის ზემოთ ვერ გადაინაცვლებს.

საქართველო–ესტონეთის გუნდებს შორის მატჩი თბილისის „დინამო არენაზე“ 18 ნოემბერს, 21:00 საათზე დაიწყება.

38
თემები:
სპორტის ამბები (939)
საქართველოს რაგბის ნაკრები - ირლანდიის ნაკრები

საქართველოს რაგბის ნაკრებმა ირლანდიასთან წააგო, მაგრამ ღირსეულად ითამაშა

41
(განახლებულია 21:35 29.11.2020)
საქართველოს ნაკრებმა А ჯგუფში ბოლო ადგილი დაიკავა და ტურნირზე მეშვიდე-მერვე ადგილისთვის ფიჯის გუნდს დაუპირისპირდება

თბილისი, 29 ნოემბერი – Sputnik. საქართველოს მორაგბეთა ეროვნულმა ნაკრებმა „შემოდგომის ერთა თასზე“ ირლანდიასთან 10-23 წააგო, მაგრამ ევროპის ერთ-ერთ უძლიერეს გუნდს პრაქტიკულად თანაბარი თამაშით დაუპირისპირდა.

გამარჯვებულთა ანგარიშზეა ორი წარმატებული ლელო. მათი ავტორები ბილი ბერნსი და ხიუგო კინანი გახდნენ. საქართველოს ჩათვლის ზონაში ორი დადებული ლელოს გარდა, „მწვანეებმა“ სამი ზუსტი საჯარიმოს და ორი გარდასახვა შეასრულეს. ისინიც თავის ანგარიშზე ბერნსმა ჩაიწერა.

რაც შეეხება საქართველოს ნაკრებს, წარმატებული ლელოს ავტორი გიორგი კვესელაძე გახდა. გარდასახვა და საჯარიმო დარტყმა თედო აბჟანდაძის ანგარიშზეა. ეს ქულები ქართველი ბიჭებისთვის ტურნირზე პირველი გახდა. პირველი ორი მატჩი „ბორჯღალოსნებმა“ ინგლისთან (0:40) და უელსთან (0:18) მშრალად წააგეს.

საქართველოს ნაკრებმა А ჯგუფში ბოლო ადგილი დაიკავა და ტურნირზე მეშვიდე-მერვე ადგილისთვის დაუპირისპირდება ფიჯის გუნდს, რომელმაც В ჯგუფში ასევე ბოლო ადგილი დაიკავა. აღსანიშნავია, რომ სამივე მატჩში კუნძულის მკვიდრთ ტექნიკური წაგება 0:28 ჩაუთვალეს. ტურნირის დაწყებამდე ფიჯის ნაკრების თითქმის ყველა მოთამაშე კორონავირუსით დაინფიცირდა. თუმცა საქართველოსთან მატჩის წინ ფიჯის გუნდი უკვე ფორმაში ჩადგება.

თამაში საქართველოს და ფიჯის ნაკრებებს შორის 5 დეკემბერს გაიმართება.

„შემოდგომის ერთა თასის“ ფინალში ერთმანეთს დაუპირისპირდებიან ინგლისის და საფრანგეთის ნაკრებები, რომლებიც ჯგუფების ლიდერები გახდნენ.

41
თემები:
სპორტის ამბები (939)
საქართველოს ნაკრები ვარჯიშზე. ტრავმირებული ქვილითაია

ქვილითაიამ კვიპროსის ჩემპიონატში ჰეთ-თრიქი შეასრულა

27
ქართველი ფორვარდი ეროვნული პირველობის ბომბარდირთა რბოლაში კიდევ რამდენიმე სხვა ფეხბურთელთან ერთად ლიდერობს

თბილისი, 29 ნოემბერი – Sputnik. საქართველოს ნაკრების და კვიპროსის „ანორთოსისის“ თავდამსხმელმა გიორგი ქვილითაიამ XII  ტურის მატში „ენოსისის“ წინააღმდეგ ჰეთ-თრიქი შეასრულა.

პირველი ორი გოლი ქართველმა ფორვარდმა მე-13 და 53-ე წუთებზე 11-მეტრიანი ნიშნულიდან გაიტანა. „ენოსისის“ კარში მესამე გოლი ქვილითაიამ 73-ე წუთზე გაგზავნა. საბოლოო ჯამში „ანორთოსისმა“ ანგარიშით 4:2 მოიგო.

ამ ჩემპიონატში ქვილითაიას „ანორთოსისის“ შემადგენლობაში აქვს ჩატარებული 8 მატჩი და გატანილი 6 გოლი. ამ შედეგით ქართველი ფორვარდი კიდევ რამდენიმე ფეხბურთელთან ერთად ეროვნული პირველობის რბოლაში ლიდერობს.

ქვილითაია „ანორთოსისს“ მიმდინარე წლის ივნისში შეუერთდა. ის კვიპროსის გუნდში ბელგიის „გენტიდან“ გადავიდა.

რაც შეეხება „ანორთოსისს“, რომლის მთავარი მწვრთნელია თემურ ქეცბაია, XII ჩატარებული ტურის შემდეგ კლუბი ფამაგუსტადან 26 ქულით ჩემპიონატის ცხრილის სათავეშია მოქცეული.

27
თემები:
სპორტის ამბები (939)
შემოდგომა

კვირის ასტროპროგნოზი: სიყვარული, ფინანსები, სამუშაო 30 ნოემბერი 6 დეკემბერი

0
(განახლებულია 12:47 29.11.2020)
ამ კვირაში ერთი ყველასთვის საშიში დღეა – 30 ნოემბერი – სავსემთვარეობისა და მთვარის ნაწილობრივი დაბნებელის დღე. დანარჩენი დღეები ზოდიაქოს ნიშნების წარმომადგენლებისთვის საკმაოდ ხელსაყრელი იქნება

როგორი იქნება ეს კვირა ზოდიაქოს ნიშნების წარმომადგენლებისთვის – ამის შესახებ ასტროლოგები გვიამბობენ.

ვერძი

კვირის პირველი დღე დაუთმეთ დასვენებას, რელაქსაციას, სულიერ მხარეს. ეს კვირის დანარჩენ დღეებში პოზიტიური განწყობის შენარჩუნებაში დაგეხმარებათ. დარჩით სახლში, მოერიდეთ თავყრილობებს, უსიამოვნო ადამიანებთან კონტაქტებს.

სამშაბათიდან მრავალი ახალი შესაძლებლობა გაგიჩნდებათ. ძალზე იღბლიანი იქნება შოპინგი, საახალწლო მორთულობებისა და საჩუქრების ყიდვა. უქმეებზე დაალაგეთ და მოაწესრიგეთ სახლი.

კურო

კუროებისთვის ძალზე ხელსაყრელი დრო დგება მუშაობისთვის. შესაძლებელია შემოსავლების გაზრდა, პრობლემების მოგვარება. გასათვალისწინებელია მხოლოდ ერთი დღე – ორშაბათი – ამ დღეს, სჯობს, დაისვენოთ, დანარჩენ დღეებში კი ნებისმიერი საქმის კეთება შეგიძლიათ, მათ შორის – სახლის მოწესრიგება–დასუფთავება.

კარგი კვირაა ახალი ნაცნობობისთვის, განსაკუთრებით უქმე დღეები. ასევე შეგიძლიათ რომანტიკული კუთხით გააქტიურდეთ, მაგრამ უნდა გაითვალისწინოთ ერთი რამ: გამიჯნეთ სამუშაო და სიყვარული – სამსახურებრივი რომანი ნამდვილად არ წაგადგებათ.

ტყუპი

ტყუპებისთვის ამ კვირაში ყველაზე მნიშვნელოვანი სასიყვარულო სფერო გახდება, ასევე ურთიერთობები ოჯახის წევრებთან, ნათესავებთან, ახლობლებთან.

პარასკევიდან შეგიძლიათ ახალი საქმეების წამოწყება, გამგზავრება სადმე. მერკური მშვილდოსნის ნიშანში იქნება და ეს სწავლაში დაგეხმარებათ. წაგადგებათ ფიზიკური აქტიურობა. მოერიდეთ სიცრუესა და სიყალბეს, წინააღმდეგ შემთხვევაში რეპუტაციის შებღალვა გელოდებათ.

კირჩხიბი

კირჩხიბებმა უნდა გაითვალისწინოთ, რომ ამ კვირაში თქვენი მთავარი საზრუნავია არა სახლი და სამუშაო, ფული ან სასიყვარულო დრამა, არამედ შინაგანი პიროვნული გამთლიანება. იდეალური დროა ახალი ცოდნის, მისაღებად, საქმიანი მგზავრობისა და სულიერი საზრდოს მიღებისთვის.

საქმეებში რაციონალური მიდგომა გჭირდებათ. არ შეიძლება, რომ მთელი დრო მუშაობას დაუთმოთ, დასვენება და ძალების აღდგენაც აუცილებელია. თუ მოულოდნელი პრობლემები გამოჩნდა, ყველაფერს ცივი გონებით შეხედეთ და გადაწყვეტილება ცხელ გულზე არ მიიღოთ.

ლომი

ლომებს კვირის დასაწყისი და ბოლო დღე საკმაოდ რთული გელოდებათ. ეს იქნება საშიში დღეები, როდესაც თქვენი მტრები და არაკეთილმოსურნეები გააქტიურდებიან. ეცადეთ, მოერიდოთ არასასიამოვნო ადამიანებს, რათა თავიდან აირიდოთ გაუგებრობები.

რისკის ფაქტორი ორშაბათს ნერვები, აჩქარება, აპათია და ნეგატივი გახდება. დაბნელების გამო მნიშვნელოვანი საქმეების ჩავარდნაა მოსალოდნელი. ასტროლოგები გირჩევენ, გარშემომყოფებს ფუჭი დაპირება არ მისცეთ. ახლობლებს დახმარებაზე უარი არ უთხრათ.

ქალწული

ქალწულებმა ორშაბათს უარი უნდა თქვათ იმ საქმეებზე, რომლებიც ძალიან არ მოგწონთ და გადახედოთ პრიორიტეტებს. ებრძოლეთ ნეგატიურ დებულებებს. 1 დეკებრიდან ვარსკვლავებისა და პლანეტების ენერგეტიკა გაუმჯობესდება და ეს თქვენზეც აისახება – გახდებით უფრო იღბლიანი და ოპტიმისტური. კვირა მიუძღვენით უთანხმოებების მოგვარებას, ურთიერთობებში პრობლემების გადაწყვეტას.

ასტროლოგები ასევე გირჩევენ, რომ საქმეები ლოგიკურ დასასრულამდე მიიყვანოთ. არასასურველია დღის სტანდარტული განრიგიდან გადახვევა – ამას, შესაძლოა, დიდი პრობლემები მოჰყვეს. თუ არჩევნის წინაშე დადგებით – გასწიოთ დროისა თუ ფულის ეკონომია, სჯობს, არჩევანი დროზე შეაჩეროთ. მაგალითად, ნუ დაკარგავთ დროს რამის ყიდვაზე და ის ინტერნეტით შეუკვეთეთ.

სასწორი

ამ კვირაში საუკეთესო დროა იმისთვის, რომ ე.წ. სიღარიბის ჩვევების ტყვეობისგან გათავისუფლდეთ, ან პირველი ნაბიჯი მაინც გადადგათ ამ მიმართულებით. შუა კვირაში შეიძლება ახალი სამუშაოს მოძებნა, სხვა ქალაქის სტუმრობა – ეს თქვენს ენერგეტიკაზე, იღბალსა და განწყობაზე დადებითად აისახება.

თუ სასიყვარულო სფეროში ურთიერთობები ახალი დაწყებული გაქვთ, იფრთხილეთ – შესაძლოა მესამე ადამიანის ჩარევა. ასეთ პერიოდებში ხშირად ჩნდება „სასიყვარულო სამკუთხედები“. უფროსი თაობის ადამიანებთან იყავით ტაქტიანი და თავშეკავებული, მაგრამ მუდმივად დათმობაზეც ნუ წახვალთ. ამ კვირაში ძალიან კარგი იქნება, თუ რომელიმე უკიდურესობაში არ „გადავარდებით“.

მორიელი

მორიელებს 30 ნოემბერს ძალების გამოფიტვა გემუქრებათ, რომელთა აღდგენა არცთუ მარტივი იქნება. ამისთვის შეგიძლიათ გააკეთოთ იოგას სავარჯიშოები, შეიცვალოთ გარემო, წახვიდეთ საყიდლებზე. ოთხშაბათამდე კონფლიქტის ზონას არ გასცდეთ, არ გარისკოთ ტყუილუბრალოდ. დაისვენეთ და ძალები მოიკრიბეთ.

ოთხშაბათს ღამის მანათობლები ენერგეტიკას შეიცვლიან, ამიტომ ენერგიასა და იღბლის გვერდით დგომას იგრძნობთ. ცხოვრება უკეთესობისკენ შეცვლას დაიწყებს, კარგი განწყობა კი გამარჯვებებისკენ გზის გაკაფვაში დაგეხმარებათ. კვირის ბოლო იდეალურია გუნდური ან შემოქმედებითი მუშაობისთვის.

მშვილდოსანი

ამ კვირაში სათანადო განწყობა თვენი წარმატებების 90 პროცენტის გარანტია იქნება. რა თქმა უნდა, ღამის მანათობლები თქვენს წარმატებებში დიდ წვლილს შეიტანენ, მათი განწყობა ძალზე პოზიტიური იქნება. მთვარის დაბნელებაც კი ვერ შეძლებს თქვენთვის ზიანის მოტანას.

ზამთრის დასაწყისში თავი უნდა მიუძღვნათ საყვარელ საქმეებს და რომანტიკულ თავგადასავლებს. მთავარია, რომ ერთმა მეორეს არ შეუშალოს ხელი. ასტროლოგები გირჩევენ, რომ საკუთარი თავი არ აკრიტიკოთ.

თხის რქა

თხის რქებისთვის დგება პერიოდი, როდესაც მნიშვნელოვანია სულიერ განვითარებაზე კონცენტრირება, დასვენება, სასიამოვნო ურთიერთობები. ძალა უნდა მოიკრიბოთ დინამიკური კვირების წინ, რომელიც გელოდებათ. უამრავი საქმე გაქვთ, რაშიც უკვე უქმეებზე დარწმუნდებით.

ირგვლივ მყოფი ადამიანების მიმართ ილუზიებისგან გათავისუფლდით. მიიღეთ ისინი ისეთები, როგორიც არიან. ზოგიერთი ახლობელი ადამიანი, შესაძლოა, გამაღიზიანებელი გახდეს, მაგრამ ეს არაა მიზეზი იმისთვის, რომ მას ზურგი აქციოთ.

მერწყული

კვირის პირველი ნახევარი მთვარის დაბნელების გამო რთული იქნება. შესაძლებელია გეგმების გაუთვალისწინებელი ჩავარდნები, პრობლემები სამუშაოზე და სახლში. ყველაფრისთვის გვერდის აქცევას, დიდი ალბათობით, ვერ მოახერხებთ, უბრალოდ, განეწყვეთ იმისთვის, რომ ბევრი საქმე გექნებათ.

ახლა თქვენთვის საუკეთესო რჩევაა, გამოავლინოთ ცუდის დავიწყების უნარი და პოზიტივზე გადაერთოთ. დაგჭირდებათ მოქნილობა და არა უსიამოვნებებზე „ჩაციკვლა“, წყენის დამახსოვდება და მენტალური ნაგვის დაგროვება. ამის ნაცვლად ისწავლეთ ადამიანების პატიება და ხანდახან დათმობაზე წასვლა.

თევზები

ვარსკვლავები და პლანეტები ძალზე ხელსაყრელ განლაგებაში თქვენ მხარეს არიან, ამიტომ დაბნელებაც კი ვერ შეუშლის ხელს თქვენი გეგმების განხორციელებას. ციური სხეულები გაზრდიან თქვენს მომხიბვლელობას, რაც საწინააღმდეგო სქესის წარმომადგენლებზე საოცარი შთაბეჭდილების მოხდენაში დაგეხმარებათ.

კვირის ბოლო მიუძღვენით შოპინგსა და დასვენებას. ასტროლოგები ამბობენ, რომ საჩუქრების ყიდვისა და გარდერობის განახლებისთვის საუკეთესო დროს ამ წელიწადში ვერ ნახავთ.

0