გულშემატკივრები სტადიონთან საქართველო-სომხეთის მატჩის წინ

განწყობა წაგებული ფინალის შემდეგ და რას უნდა ველოდოთ სომხეთის ნაკრებთან მატჩისგან

75
(განახლებულია 20:47 15.11.2020)
„ერთა ლიგის“ გათამაშების C დივიზიონის მე-2 ჯგუფში საქართველოს ნაკრებს ოთხი ტურის შემდეგ 6 ქულა აქვს და მე-2 პოზიციას იკავებს

ერეკლე ხიტალიშვილი

საქართველო-სომხეთის მატჩის დაწყებამდე სულ ცოტა დრო რჩება. გულშემატკივარმა მაკედონიასთან წაგებული ფინალის შემდეგ ის მუხტი და განწყობა ვერ შეინარჩუნა, თუმცა შემორჩნენ ისეთებიც, ვინც კვლავ გვერდში უდგას ეროვნულ ნაკრებს.

ჩრდილოეთ მაკედონიასთან განცდილ მარცხს სოციალურ ქსელში დიდი გამოხმაურება მოჰყვა. საზოგადოების ნაწილი შეეცადა პოლიტიკურ პრობლემად წარმოეჩინა ის ფაქტი, რომ უბრალოდ გუნდმა ვერ ითამაშა. ნაწილი ხვიჩა კვარაცხელიასა და გიორგი ჩაკვეტაძის მოედანზე არ ყოფნას აბრალებდა. ზოგიერთმა კი საერთოდაც ირაკლი კობახიძის სტადიონზე მისვლას დაუკავშირა წაგებული შეხვედრა.

ფაქტია, რომ საქართველოს ეროვნულ ნაკრებზე საკადრო პრობლემებთან ერთად ფსიქოლოგიურმა მუხტმაც იმოქმედა. ზედმეტმა მხარდაჭერამ, შესაძლოა ფეხბურთელებში ზედმეტი პასუხისმგებლობაც გამოიწვია, რაც მარცხის კიდევ ერთი მიზეზი გახდა.

აღსანიშნავია, რომ ფინალის შემდეგ მძიმე მდგომარეობაში მყოფ ვლადიმერ ვაისს თანამდებობის დატოვებასთან დაკავშირებით განცხადების გაკეთებაც არ დასცალდა. საკონფერენციო დარბაზი ვაისის განცხადებამდე ჟურნალისტებმა დატოვეს. ჟურნალისტების ნაწილის თქმით, მათთვის ეროვნული ნაკრების თავკაცის კომენტარი უმნიშვნელო და აზრს მოკლებული იქნებოდა.

განცხილ მარცხზე კი ვლადიმერ ვაისმა გულშემატკივარს ბოდიში მოუხადა და თანამდებობის დატოვებაზეც ისაუბრა. ის საქართველოს ეროვნულ ნაკრებს დარჩენილ ორ შეხვედრაში, სომხეთთან და ესტონეთთან გაუძღვება, რის შემდეგაც ფედერაცია ახალი მწვრთნელის ძიებას დაიწყებს.

„გუნდში 5 წელი გავატარე, ყველას წარმატებებს გისურვებთ: ფეხბურთელებს, ჟურნალისტებსა და გულშემატკივრებს. ნებისმიერ შემთხვევაში მწვრთნელი, რომელიც ოთოსთან, კვარაცხელიასთან, ჩაკვესთან, ზურიკოსთან, ხოჭოლავასთან და საბასთან იმუშავებს, წარმატებული იქნება. სლოვაკური სამწვრთნელო შტაბი წავა და გუნდში ახალი სტაფი მოვა, რომელიც ახალ ენერგიასა და სულისკვეთებას მოიტანს. მჯერა, რომ ახალი მწვრთნელი, ქართველი თუ უცხოელი, ჩემი და ქეცბაიას მიქსი იქნება”, - განაცხადა ვლადიმერ ვაისმა. თუ ვინ ჩაიბარებს აღნიშნული ორი მატჩის შემდეგ ჩვენს ნაკრებს ამას უახლოეს მომავალში გავიგებთ.

მიუხედავად იმედგაცრუებისა საქართველოსა და სომხეთის დაპირისპირებამდე შემორჩა გულშემატკივრის ნაწილი, რომელიც კვლავ გულანთებული ელოდება შეხვედრას. ფეხბურთელებსა და სამწვრთნელო შტაბს სრულ მხარდაჭერას უცხადებენ ვეტერენი ფეხბურთელები.

სოციალურ ქსელის მეშვეობით დღევანდელ მატჩს ეხმაურება ვეტერანი ქართველი ფეხბურთელი და საქართველოს ნაკრების ყოფილი წევრი შოთა არველაძე.

„მიუხედავად მძიმე შედეგისა, ეს მარცხი კარგ გამოცდილებად უნდა ვაქციოთ და უნდა ვცადოთ, რომ ამ რანგის მატჩები კიდევ ვითამაშოთ. არც აქამდე გავსულვართ დიდ საფეხბურთო ფორუმზე, არც ჯგუფური ეტაპი მოგვიგია და არც ფინალში გვითამაშია. ამიტომ, სწორი დასკვნები უნდა გავაკეთოთ და იმ მიზნისკენ სიარული, რომელსაც ევროპის ან მსოფლიო ჩემპიონატზე თამაში ქვია, გუშინდელი დღით არ უნდა დავასრულოთ“, - წერს შოთა არველაძე.

თავის მხრივ, Facebook-ის პირად გვერდზე პოსტს აქვეყნებს შოთას ტყუპისცალი, არჩილ არველაძეც.

„რთულია ასეთ დროს მთელი ძალით თამაში, მაგრამ უნდა მოვინდომოთ და ეს ჯგუფი მოვიგოთ. ბიჭებო, თქვენს გვერდით ვართ, წარმატებები“ - არჩილ არველაძე

ტყუპების ამ განცხადებას, თან ახლავს ვიდეო, სადაც ძმები არველაძეები საქართველოს ნაკრებს უმღერიან.

ასევე ჩვეულ ფორმაშია სპორტული ჟურნალისტი და კომენტატორი ნოდარ სიმსივე. ის წაგებულ ფინალსა და მოახლოევებულ მატჩზე ემოციურად წერს

„ბუცები არასოდეს დაიკიდება ლურსმანზე!!! თვალცრემლიანია ჩვენი ფეხბურთი როგოც სამშობლო მაგრამ მაინც გავიხარებთ !!! რაც კი შეიძლება ყველაფერი უნდა გააკეთოთ დღეს !!! VAMOS“ - წერს სიმსივე.

როგორც ჩანს, საქართველოს ნაკრების მარცხით გამოწვეული სიხარული სომხებმა ვერ დამალეს. რაზეც მათი ნაკრების ნახევარმცველმა გევორქ ღაზარიანმა ისაუბრა. მისი თქმით, სომეხ გულშემატკივრებში იყვნენ ისეთებიც, ვისაც საქართველოს ნაკრების წაგება გაუხარდა.

„დიახ, სომეხ გულშემატკივრებში იყვნენ ისეთები, რომელთაც საქართველოს წაგება გაუხარდათ, მაგრამ იყვნენ ისეთებიც, ვინც საქართველოს გულშემატკივრობდა. ჩემი აზრით, ამ არასასურველმა შედეგმა საქართველოს ნაკრებზე ფსიქოლოგიურად უარყოფითი გავლენა მოახდინა, მაგრამ საქართველო ძალიან კარგი გუნდია ამიტომ ჩვენ ხვალ ძირითად აქცენტს საკუთარ თამაშზე გავაკეთებთ და კონცენტრირებული ვიქნებით.“ - წერს ღაზარიანი.

საქართველოსა და სომხეთის მატჩში მონაწილეობას კვლავ ვერ მიიღებენ გიორგი ჩაკვეტაძე და ოთარ კიტეიშვილი, რომლებსაც ტრავმები აწუხებთ. ვერ ითამაშებენ ასევე კოვიდინფიცირებული ხვიჩა კვარაცხალია და ლევან შენგელია, მათ ვირუსი ჩრდილოეთ მაკედონიასთან გასამართა ფინალამდე ერთი დღით ადრე დაუდასტურდათ.

კორონავირუსმა პრობლემები შეუქმნა მეტოქე გუნდსაც. სომხეთს ნაკრებს მოახლოვებულ შეხვედრებში იტალიური „რომას“ შემტევი და ნაკრების ლიდერი, ჰენრიხ მხითარიანი ვერ დაეხმარება. როგორც ირკვევა, „რომაში“ ჩატარებულ ტესტირებაზე ერთ-ერთ ფეხბურთელს დადებითი პასუხი მიუვიდა, იტალიურმა საფეხბურთო კლუბმა რომის ჯანდაცვის რეგიონალური სისტემის მიერ მიღებული ახალი კანონით იხელმძღვანელა და საკარანტინე პერიოდის დასრულებამდე, უეფას ეგიდით გასამართ ღონისძიებაში თავისი ფეხბურთელის მონაწილეობაზე უარით თქვა.

გუნდები ბოლოს ერთმანეთს პოლონეთში, ნეიტრალურ მოედანზე შეხვდნენ. შეხვედრა ფრედ  2-2 დასრულდა. პირველი ტაიმი სომხებმა მოიგეს, შემდეგ ჩვენი ნაკრებიდან ნიკა კაჭარავამ და თორნიკე ოქრიაშვილმა გამოიჩინეს თავი, მაგრამ მატჩის მიწურულს მხითარიანმა პენალტით საბოლოო შედეგი დააფიქსირა.

საქართველოსა და სომხეთს შორის შეხვედრა დღეს, საქართველოს დროით 21:00 საათზე დაიწყება. შეხვედრას იტალიელი გამოცდილი არბიტრი, მარკო გუიდა განსჯის.

შეგახსენებთ, რომ „ერთა ლიგის“ გათამაშების C დივიზიონის მე-2 ჯგუფში საქართველოს ნაკრებს ოთხი ტურის შემდეგ 6 ქულა აქვს და მე-2 პოზიციაზეა, ჩვენი ნაკრები ჩრდილოეთ მაკედონიას გატანილი გოლებით ჩამორჩება. ჯგუფში პირველ ადგილზე გასული გუნდი B დივიზიონის საგზურს მოიპოვებს.

 

75
ქალთა ფეხბურთი. „ლანჩხუთი“

„ლანჩხუთი“ ჩემპიონთა ლიგაში ქალთა შორის ითამაშებს

15
ქართული კლუბი ჩემპიონთა ქალთა ლიგის ძირითად ბადეში ორი რაუნდის გადალახვის შემდეგ კვალიფიკაციიდან მოხვდა

თბილისი, 24 ნოემბერი – Sputnik. ქართული საფეხბურთო კლუბი „ლანჩხუთი“ ჩემპიონთა ქალთა ლიგის 1/16 ფინალში შვედეთის „როსენგარდს“ დაუპირისპირდება. ტურნირის გათამაშება შვეიცარიის ქალაქ ნიონში გაიმართა.

დაპირისპირება ორ მატჩს მოიცავს - შინ და გასვლაზე. პირველი თამაში 9 ან 10 დეკემბერს გაიმართება, საპასუხო მატჩი - 15 ან 16 რიცხვში. სად გამართავს „ლანჩხუთი“ პირველ მატჩს - შინ თუ გასვლაზე, ჯერჯერობით უცნობია.

„ლანჩხუთი“ ჩემპიონთა ქალთა ლიგის ძირითად ბადეში ორი რაუნდის გადალახვის შემდეგ კვალიფიკაციიდან მოხვდა. თავდაპირველად გიორგი ჩხაიძის შეგირდებმა ყაზახურ გუნდ „ოკჟეტპესს“ 2:1 მოუგეს, შემდეგ - რუმინეთის „კლუჟს“(1:0).

„ლანჩხუთი“ - პირველი ქართული გუნდია, როგორც ქალთა, ისე მამაკაცთა შორის, რომელიც ჩემპიონთა ლიგის ძირითად ბადეში მიიღებს მონაწილეობას.

ჩემპიონთა ქალთა ლიგის მოქმედი ჩემპიონია ფრანგული „ლიონი“.

15
თემები:
სპორტის ამბები
თემურ ქეცბაია

თემურ ქეცბაია კვიპროსში ოქტომბრის საუკეთესო მწვრთნელად აღიარეს

36
(განახლებულია 15:01 24.11.2020)
„ანორთოსისმა“ ოქტომბერში კვიპროსის ჩემპიონატის ფარგლებში ოთხი მატჩი ჩაატარა, ოთხივეში გაიმარჯვა და გაიტანა ცხრა გოლი.

თბილისი, 24 ნოემბერი – Sputnik. თემურ ქეცბაია, რომელიც ფამაგუსტას კლუბ „ანორთოსისს“ უდგას სათავეში, ოქტომბერში კვიპროსის ჩემპიონატის საუკეთესო მწვრთნელად აღიარეს, ნათქვამია გუნდის განცხადებაში.

კენჭისყრისას ქართველმა სპეციალისტმა 42 ქულა მიიღო და ამ წოდების კანდიდატ მომდევნო მწვრთნელს 20 პუნქტით გაუსწრო. კვიპროსის უმაღლეს დივიზიონში მოთამაშე კლუბების 13 მთავარი მწვრთნელიდან 12-მა ხმა ქეცბაიას მისცა.

ოქტომბერში „ანორთოსისმა“ კვიპროსის ჩემპიონატში სულ ოთხი მატჩი გამართა და ოთხივეში გაიმარჯვა, გაიტანა ცხრა გოლი და საკუთარ კარში მხოლოდ ერთი ბურთი გაუშვა.

„ანორთოსისს“ 11 ჩატარებული ტურიდან 23 ქულა აქვს და სატურნირო ცხრილში „აპოლონთან“ ერთად პირველ ადგილს იყოფს. თუმცა „აპოლონს“ მარაგში კიდევ ერთი მატჩი აქვს.

ქეცბაია „ანორთოსისში“ 2019 წლის აპრილიდან მუშაობს. გასულ სეზონზე კორონავირუსის პანდემიის გამო კვიპროსის ჩემპიონატი ვერ დასრულდა და კლუბმა მეორე ადგილი დაიკავა.

„ანორთოსისის“ ხელმძღვანელობა სრულად უჭერს მხარს ქართველ მწვრთნელს>>

ასევე უნდა აღინიშნოს, რომ „ანორთოსისის“ ბირთვს საქართველოს ნაკრების ფეხბურთელები წარმოადგენენ – გიორგი ლორია, მურთაზ დაუშვილი, თორნიკე ოქრიაშვილი და გიორგი ქვილითაია.

36
თემები:
სპორტის ამბები
არწივი მთებში

25 ნოემბერს დაბადებულები ზოდიაქო, დახასიათება, რჩევები

0
(განახლებულია 10:05 23.11.2020)
გაეცანით 25 ნოემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ნოემბერი - 2 დეკემბრის პერიოდი

23 ნოემბერი - 2 დეკემბრის პერიოდი მშვილდოსნის ნიშნის პირველ დეკადას განეკუთვნება.

ამ დეკადას მერკური მართავს და ამ პერიოდში დაბადებულებს დამოუკიდებელ ხასიათს ანიჭებს. არიან მრავალმხრივი ნიჭის პატრონები და უკიდეგანო შესაძლებლობების მქონე ადამიანები.

მნიშვნელოვანი წლებია: 36, 40.

ამ პერიოდში დაბადებულთა სიმბოლოა ხმალა (გლადიოლუსი).

ეს ადამიანები არიან მშვიდი, შრომისმოყვარე, ყურადღებიანი, არ ისწრაფვიან ლიდერის პოზიციების დასაკავებლად. გუნდში თანამოაზრეებთან ერთად დიდი წარმატებების მიღწევა შეუძლიათ.

25 ნოემბერს დაბადებულები

25 ნოემბერს ამ ქვეყანას გამოუსწორებელი მეოცნებეები ევლინებიან. მათი შინაგანი ცხოვრება სოციალურზე ბევრად მდიდარია. მათ უყვართ ფანტაზიებში ჩაძირვა, გამოგონილ სტრატეგიებში თამაში. აქვთ გონების ფილოსოფიური წყობა, არტისტული ნიჭი. მათი სულიერება მისტიკას ესაზღვრება. აინტერესებთ ფსევდომეცნიერებები და ფსევდორელიგიური თეორიები.

25 ნოემბერს დაბადებულებს არ უყვართ ხმაურიანი კომპანიები. მეტად კომფორტულად გრძნობენ თავს მარტოობისას. ამასთან, მათი ფილოსოფიური მსჯელობანი ვინმემ უნდა შეაფასოს. ჰყავთ თავიანთი საურთიერთობო წრე.

25 ნოემბერს დაბადებულ მშვილდოსნებს ცოცხალი წარმოსახვა აქვთ. პატარაობისას ყველას თვალწინ ოცნებობენ, ხოლო შემდეგ ოცნებების კონტროლს სწავლობენ. შესაძლოა, გამოავლინონ ნათელმხილველობის, ტელეპათიის უნარი, მაგრამ მათ განვითარებას მაინცდამაინც არ ჩქარობენ.

ამ დღეს დაბადებულები, უმეტესად, ჰუმანისტები არიან; ესმით ადამიანისა და მისი საჭიროებებისა, მაგრამ საზოგადოებრივი საქმიანობისკენ არ მიისწრაფვიან. ჰუმანიზმის ბუნების თემაზე ფილოსოფიური მსჯელობა კი უყვართ.

პროფესიულ საქმიანობაში 25 ნოემბერს დაბადებულები მარათონელები არიან. მათთვის მნიშვნელობა არა აქვს ისეთ ცნებებს, როგორიცაა სწრაფად, მაღლა და ძლიერად. მიზნები მატერიალური არ ამოძრავებთ. ჯილდო მათთვის მხოლოდ სასიამოვნო ბონუსია.

ჯანმრთელობა

ამ დღეს დაბადებულებს ხშირად უჭირთ „არას“ თქმა, რითიც სარგებლობენ სხვა ადამიანები და იყენებენ მათ შესაძლებლობებს, ენერგიას, ფსიქოლოგიურ და ფინანსურ რესურსებს. ამ დროს თავად ამ დღეს დაბადებულები იტანჯებიან. შედეგი შეიძლება დადგეს ნერვული გამოფიტვა, დაძაბულობა, დეპრესია.

რჩევა:

ამ დღეს დაბადებულებისთვის მნიშვნელოვანია აღიარება, მაგრამ თასს, მედალსა და სიგელს ფულზე ვერ გაცვლით, რომელიც ყოველდღიური საჭიროებების დაკმაყოფილებისთვისაა განკუთვნილი. გახსოვდეთ ამის შესახებ!

0