საქართველო - ინგლისი. შემოდგომის ერთა თასი

საქართველოს მორაგბეთა ნაკრებმა „შემოდგომის ერთა თასზე“ ინგლისთან წააგო

62
საქართველოს ნაკრებისთვის ეს მატჩი ინგლისის წინააღმდეგ მესამე იყო და „ბორჯღალოსნებს“ არცერთხელ „მშრალად“ არ წაუგიათ

თბილისი, 14 ნოემბერი – Sputnik. საქართველოს მორაგბეთა ნაკრები „შემოდგომის ერთა თასზე“ პირველ მატჩში ინგლისთან ანგარიშით 0:40 დამარცხდა.

გამარჯვებულთა ანგარიშზე ექვსი წარმატებული ლელო და ხუთი გარდასახვაა.

ქართველმა მორაგბეებმა ღირსეული წინააღმდეგობა მეტოქეებს მხოლოდ პირველ 20 წუთში გაუწიეს. ამ ხნის განმავლობაში ინგლისელებმა ქართველების ჩათვლის ზონაში მხოლოდ ერთი ლელო დადეს. ლელოს ავტორი ნაკრების დებიუტანტი ჯეკ უილისია, ხოლო ეს გარდასახვა, როგორც სხვა დანარჩენიც, ინგლისელების კაპიტანმა ოუენ ფარელმა შეასრულა.

პირველი ტაიმის ბოლო 10 წუთი საქართველოს ნაკრებისთვის ნამდვილ კოშმარად იქცა. მასპინძლებმა სამი წარმატებული ლელო და ორი გარდასახავა განახორციელეს. შესვენებაზე გუნდები ანგარიშით 26:0 გავიდნენ.

შეხვედრის მეორე ნახევარში ინგლისელების მთავარმა მწვრთნელმა ედი ჯონსმა შვიდი შეცვლა განახორციელა და ისინი „ბორჯღალოსნების“ ჩათვლის ზონაში მხოლოდ ორი ლელოთი და ორი გარდასახვით შემოიფარგლნენ.

შეხვედრის საუკეთესო მოთამაშედ აღიარეს ჯეიმი ჯორჯი, რომელიც სამი შედეგიანი ლელო დაამიწა.

საქართველოს ნაკრებისთვის ეს მატჩი ინგლისელების წინააღმდეგ იყო მესამე, თუმცა ასეთი „მშრალი“ ანგარიშით „ბორჯღალოსნებს“ შეხვედრა ჯერ არ დაუსრულებიათ. მსოფლიო ჩემპიონატზე 2003 წელს ქართველები დამარცხდნენ 6:84, ხოლო მსოფლიო თასზე 2011 წელს ანგარიშით 10:41 წააგეს.

საქართველოს ნაკრები მომდევნო მატჩს „შემოდგომის ერთა თასზე“ გამართავს 21 ნოემბერს უელსის გუნდის წინააღმდეგ, რომელიც ირლანდიასთან ანგარიშით 9:32 დამარცხდა.

„შემოდგომის ერთა თასი“ - ახალი ტურნირია, რომელიც „ექვსი ერის თასის“ პატრონაჟით ტარდება. ამ ტურნირმა ჩაანაცვლა ტესტ-მატჩები, რომლებიც კორონავირუსის პანდემიის გამოა გაუქმებული. „ექვსი ერის თასის“ მონაწილე გუნდების გარდა (ინგლისი, შოტლანდია, ირლანდია, უელსი, იტალია, საფრანგეთი), ტურნირზე მიიწვიეს ფიჯის და იაპონიის ნაკრებები. თუმცა პანდემიის გამო იაპონურმა გუნდმა მონაწილეობაზე უარი თქვა, და მის ნაცვლად საქართველოს ნაკრები მიიწვიეს.

62
თემები:
სპორტის ამბები (936)
საქართველოს რაგბის ნაკერები

საქართველოს რაგბის ნაკრების შემადგენლობა ირლანდიასთან მატჩისთვის ცნობილია

39
უელსთან შეხვედრის შემდეგ, რომელიც საქართველომ 0:18 წააგო, „ლელოს“ სამწვრთნელო შტაბმა სასტარტო შემადგენლობაში ექვსი ცვლილება შეიტანა

თბილისი, 28 ნოემბერი – Sputnik. საქართველოს რაგბის ნაკრების მთავარმა მწვრთნელმა ლევან მაისაშვილმა გაასაჯაროვა ნაკრების სასტარტო შემადგენლობა ირლანდიასთან მატჩისთვის, რომელიც „შემოდგომის ერთა თასის“ ფარგლებში 29 ნოემბერს დუბლინში „ავივა სტედიუმზე“ გაიმართება.

უელსთან შეხვედრის შემდეგ, რომელიც საქართველოს ნაკრებმა ანგარიშით 0:18 წააგო, „ლელოს“ სამწვრთნელო შტაბმა სასტარტო შემადგენლობაში ექვსი ცვლილება შეიტანა.

საქართველოს რაგბის ნარების შემადგენლობა ირლანდიასთან:

შერკინება:

მიხეილ ნარიაშვილი („მონპელიე“, საფრანგეთი), შალვა მამუკაშვილი („ლესტერ ტაიგერს“, ინგლისი), ბექა გიგაშვილი („ტულონი“, საფრანგეთი), ნოდარ ჭეიშვილი („აია“, საქართველო), ლაშა ჯაიანი („არმაზი“, საქართველო) , ბექა საღინაძე („ორიაკი", საფრანგეთი), თორნიკე ჯალაღონია („ბიარიცი", საფრანგეთი), ბექა გორგაძე („ბორდო", საფრანგეთი)

ნახევარდაცვა:

ვასილ ლობჟანიძე და თედო აბჟანდაძე („ბრივ“, საფრანგეთი).

უკანა ხაზი:

თამაზ მჭედლიძე („რუანი", საფრანგეთი), მერაბ შარიქაძე (კაპიტანი, კლუბის გარეშე), გიორგი კვესელაძე („არმაზი", საქართველო), აკაკი ტაბუცაძე („ლელო-სარაცინს", საქართველო), სოსო მათიაშვილი („აკადემია", საქართველო).

აღსანიშნავია, რომ საქართველოს ნაკრებს რეზერვში ორი დებიუტანტი ჰყავს. ეს არის 18 წლის დავით ნინიაშვილი და 20 წლის მიხეილ ალანია.

„ისეთი დონის გუნდებთან ვთამაშობთ, რომლებსაც მხოლოდ ფიზიკური მომზადებით ვერ გააკვირვებ. შეტევაში ვარიაციებია საჭირო. ჩვენ გვქონდა დრო, რათა ამაზე გვემუშავა, და ამ კუთხით მწვრთნელების მუშაობით კმაყოფილი ვარ. ირლანდია უფრო რთული მეტოქეა, ვიდრე უელსი, მაგრამ ჩვენ ჩვენს თამაშს ვითამაშებთ. მატჩიდან მატჩამდე გამოცდილებას ვიღებთ, მორაგბეებიც და მწვრთნელებიც“, - განაცხადა მაისაშვილმა შეხვედრის წინ.

Тренировка сборной Грузии по регби
საქართველოს რაგბის ნაკრების ვარჯიში

 

საქართველოს ნაკრების მთავარმა მწვრთნელმა ასევე აღნიშნა, რომ დღევანდელ თამაშში გადამწყვეტი ასევე სტატიკური ფაზები იქნება.

„შემოდგომის ერთა თასის“ ჯგუფურ სტადიაზე ირლანდიის წინააღმდეგ მატჩი „ბორჯღალოსნებისთვის“ დასკვნითი იქნება. პირველ ორ შეხვედრაში ქართველმა მორაგბეებმა ვერცერთი ქულა ვერ აიღეს და ინგლისთან (0:40) და უელსთან (0:18) წააგეს.

საქართველოს და ირლანდიის ნაკრებები ერთმანეთს ოთხჯერ შეხვდნენ და ოთხივეჯერ „მწვანეებმა“ გაიმარჯვეს. დაპირისპირების საერთო ანგარიშია 196:31, ხოლო ყველაზე დიდი ანგარიშით ირლანდიამ საქართველოს 1998 წელს მოუგო - 70:0.

მატჩი ირლანდიასა და საქართველოს შორის 18:00 საათზე დაიწყება.

39
თემები:
სპორტის ამბები (936)
საქართველოს კალათბურთის ნაკრების შეხვედრა სერბეთთან

საქართველო-ფინეთი: მეტოქე გუნდში ქართულ ტრიოს უფრთხიან

98
საქართველოს საკალათბურთო ნაკრები ფინეთის გუნდს ხუთჯერ დაუპირისპირდა. აქედან სამჯერ გამარჯვება ფინელებმა მოიპოვეს. გუნდებს შორის რიგით მეექვსე შეხვედრა დღეს 21:00 საათზე გაიმართება.

თბილისი, 28 ნოემბერი - Sputnik. საქართველოს საკალათბურთო ნაკრები ესპანეთის ქალაქ ესპოოში „მეტრო არენაზე“ დღეს, 21:00 საათზე ფინეთის ნაკრებს დაუპირისპირდება.

ეროვნული ნაკრები ფინეთში „ევრობასკეტის“ შესარჩევი ეტაპის მორიგი მატჩისთვის 24 ნოემბერს გაემგზავრა. ნაკრებს მოგვიანებით შეუერთდნენ ნატურალიზირებული მოთამაშე თად მაკფადენი და ესპანური „ტენერიფეს“ ცენტრი, გიორგი შერმადინი. მათთან ერთად ჩაფრინდნენ ფინეთში ნაკრების მთავარი მწვრთნელი, ილიას ზუროსი და მისი ასისტენტი, გიორგიოს ლიმნაიტისი.

საქართველოს ნაკრებს ფინეთთან შეხვედრაში ვერ დაეხმარება, NBA-ში მოასპარეზე გოგა ბითაძე. თუმცა სრულ მზადყოფნაშია მოსკოვის „ცსკას“ ფორვარდი, თორნიკე შენგელია, რომელიც შესანიშნავ ფორმაშია. მან 26 ნოემბერს მოსკოვში, მადრიდის „რეალის“ წინააღმდეგ ევროლიგის მატჩი ჩაატარა, ხოლო თამაშის დასრულებისთანავე თორნიკე ფინეთში გაფრინდა და ეროვნულ ნაკრებს შეუერთდა. ამასთან აღსანიშნავია, რომ ეროვნული გუნდის კაპიტანმა „რეალთან“ ჩატარებულ მატჩში საკუთარი გუნდისთვის 15 ქულა მოაგროვა და შეხვედრაც მოსკოველთა სასარგებლოდ 74-73 დასრულდა. შენგელიამ მგზავრობასთან და ტესტირებასთან დაკავშირებული ყველა ფორმალობა დროულად და უპრობლემოდ მოაგვარა, რასაც ვერ ვიტყვით თად მაკფადენზე.

ამერიკული წარმოშობის კალათბურთელს 25 ნოემბერს კორონავირუსი დაუდასტურდა. საქართველოს ნაკრების უკანახაზელს კოვიდინფექცია გადატანილი აქვს და გამოჯანმრთელების შემდეგ მან არაერთი ტესტი ჩაიტარა. სწორედ ამიტომ მაკფადენს ტესტირება განმეორებით ჩაუტარდა, რომელზეც პასუხი უკვე უარყოფითი აღმოჩნდა. აღნიშნული გაუგებრობის გამო გარკვეული პერიოდის განმავლობაში ამერიკელი მკაცრი კარანტინის რეჟიმში იმყოფებოდა.

მომავალ შეხვედრაზე კომენტარი გააკეთა ჩვენი ნაკრების მწვრთნელმა ილიას ზუროსმა. მან აღნიშნა, რომ ფინელებს მაღალ ტემპში უყვართ თამაში და ამისთვის მზად უნდა იყვნენ. ზუროსის თქმით, ისინი მაქსიმალური შედეგის მისაღწევად ითამაშებენ და შეეცდებიან, რომ მოწინააღმდეგეს კარგად ორგანიზებული დაცვა შესთავაზონ.

„ორგანიზებულ დაცვას კი შეთამაშება უნდა. გუნდის შესაკვრელად ძალიან ცოტა დრო გვაქვს. ფინეთთან საქართველოს ნაკრებს ბევრი დებიუტანტი ეყოლება, რომლებსაც არა აქვთ დრო შესათამაშებლად. თუმცა დარწმუნებული ვარ, შესაძლებლობების მაქსიმუმს გამოავლენენ. ჩვენი ამოცანა ფარქვეშიდან შეტევა იქნება, რადგან ევროპაში გამორჩეული წინახაზელები გვყავს“, - განაცხადა ზუროსმა.

საქართველოს ეროვნული ნაკრები ფინეთს სულ ხუთჯერ დაუპირისპირდა, საიდანაც ორჯერ მოვახერხეთ გამარჯვება, სამჯერ კი დავმარცხდით.

თავის მხრივ კომენტარი გააკეთა ფინეთის საკალათბურთო ნაკრების მთავარი მწვრთნელის თანაშემწე მიკო ლარკასმა. მისი თქმით, ფინელები ყველაზე მეტად თორნიკე შენგელიას, გიორგი შერმადინსა და თად მაკფადენს უფრთხიან.

„საქართველოს ნაკრების თამაში დიდწილად არის დამოკიდებული შენგელია-შერმადინი-მაკფადენის ტრიოზე. ის, რომ გუნდს შენგელიაც ემატება, მათთვის დიდი პლიუსია, რადგანაც თორნიკეს გუნდის ერთიორად გაძლიერება შეუძლია. უკანასკნელი ფანჯრის დროს ქართველები ფარქვეშ მაქსიმალურად ცდილობდნენ შერმადინის დატვირთვას, ეს ხელ-ფეხს სხვა მოთამაშეებს უხსნიდა, შენგელიასა და მაკფადენს კი შესატევ პოზიციაზე გასვლა იოლად შეუძლიათ. ჩვენი უპირატესობა სწრაფი გადაადგილება და შეტევა უნდა გახდეს. მათ სირბილში უნდა ვაჯობოთ”, - განაცხადა მიკო ლარკასმა.

შეხვედრამდე მოკლე კომენტარი გააკეთა ფინელთა თავკაცმაც, მისი თქმით, საქართველოს ძლიერი გუნდი ჰყავს და ევროპის ჩემპიონატის შესარჩევი ჯგუფის სათავეში სრულიად დამსახურებულად იმყოფება.

შეგახსენებთ, რომ საქართველოს საკალათბურთო ნაკრებს ფინეთთან შეხვედრის შემდეგ 30 ნოემბერს შვეიცარიასთან მოუწევს დაპირისპირება. ილიას ზუროსის შეგირდებს „ევრობასკეტის“ ერთ-ერთი მასპინძლის რანგში, ფინალურ ეტაპზე თამაში განაღდებული აქვთ. მიუხედავად ამისა, მიმდინარე შესარჩევ ციკლში საქართველოს ნაკრებმა უკვე დაამარცხა შვეიცარია (96:88) და სერბეთი (94:90) და E ჯგუფში პირველ ადგილს იკავებს.

98
თემები:
სპორტის ამბები (936)
სავსე მთვარე

მთვარის კალენდარი: 29 ნოემბერი რისი გაკეთება შეიძლება და რისი არა

0
(განახლებულია 12:22 27.11.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 29 ნოემბერი, კვირა. ამ დღეს მზე მართავს. მზარდი მთვარე კუროს ნიშანშია.

გვიან საღამოს მთვარე ტყუპის ნიშანში გადავა.

კუროს დღეს კარგია, როცა საქმეს საფუძვლიანად აკეთებთ. ხელსაყრელი დღეა ახალი სამსახურის დაწყების, ფინანსური გარიგებების გაფორმებისთვის, უძრავი ქონებისა და ზოგადად, ქონებრივი საკითხებით დაინტერესებისთვის.

ეს დღე ძალიან კარგი დროა სიყვარულისთვის. ქალები განსაკუთრებით მომაჯადოებელი ხდებიან. ხელსაყრელი დროა ერთობლივად ბუნებაში გასვლისთვის. ამ დღეებში ყალიბდება ურთიერთობები, როდესაც პარტნიორები ერთმანეთის გვერდით თავს გრძნობენ დაცულად, სტაბილურად. ესაა ურთიერთპატივისცემაზე, დახმარებასა და მხარდაჭერაზე დაფუძნებული კავშირი, მათ შორის, ფინანსური თვალსაზრისითაც. ამ ურთიერთობებს რამდენადმე აკლია ცეცხლი და მგზნებარება, ამიტომ სასურველია მასში არტისტიზმის შეტანა.

რეკომენდებულია მტკიცე და აქტიური მოქმედებები, მნიშვნელოვანი და სერიოზული საქმეების დაწყება, ნაბიჯების დაფიქრებითა და ყურადღებით გადადგმა, ურთიერთობები სხვადასხვა ადამიანებთან, ოჯახური და მეგობრული თუ კოლეგიალური კავშირების გამტკიცება–მოგვარება, კარიერიაზე ზრუნვა, ბიზნეს–საქმიანობა, ფინანსური საკითხების გადაწყვეტა, სხვისი პრობლემებისთვის თავის არიდება.

არარეკომენდებულია უსაქმურობა, ენერგიის დახარჯვა უმნიშვნელო მოვლენებზე და წვრილმანებზე.

არახელსაყრელი დღეა მგზავრობისთვის.

თმის შეჭრა, შეღებვა: კარგი დღეა თმის შეჭრისთვის – თმა კარგად გაიზრდება და მისი მდგომარეობა გაუმჯობესდება. შეიძლება თმის შეღებვაც. მანიკურისთვის ნეიტრალური დღეა.

მებაღეობა: კურო ერთ–ერთი ნაყოფიერი ნიშანია. ამ დღეს კარგია მცენარეების დარგვა–გადარგვა, მიწაში არსებულ მავნებლებთან ბრძოლა, ყვავილებისთვის სასუქის მიცემა, ზამთრის მარაგის გაკეთება და მოსავლის აღება.

0