ვლადიმირ ვაისი

ვლდიმირ ვაისი: წაგების შემდგომი ღამე ჩემს ცხოვრებაში ყველაზე მძიმე იყო

57
სლოვაკმა სპეციალისტმა განსაკუთრებით ის აღნიშნა, რომ ის ხუთი წელი, რომელიც მან საქართველოს ნაკრებთან ერთად გაატარა, მის მეხსიერებაში სამუდამოდ თბილ მოგონებად დარჩება

თბილისი, 14 ნოემბერი – Sputnik. საქართველოს ფეხბურთის ნაკრების მთავარმა მწვრთნელმა გამართა პრესკონფერენცია უეფას ერთა ლიგის ფარგლებში სომხეთის ნაკრებთან მატჩის წინ, რომელიც თბილისში 15 ნოემბერს გაიმართება.

ჟურნალისტებთან შეხვედრაზე სლოვაკმა სპეციალისტმა ჩრდილოეთ მაკედონიასთან განცდილი წაგება შეაფასა და ხვალინდელი თამაშის თემას შეეხო.

„ჩრდილოეთ მაკედონიასთან წაგების შემდეგ ყველაზე მძიმე ღამე იყო ჩემს ცხოვრებაში. საბოლოოდ, დაცვაში ერთმა შეცდომამ განაპირობა ყველაფერი. უნდა აღვნიშნო, რომ მაკედონიამ ყველა შეხვედრაში მინიმალური საგოლე მომენტები მიიღო და მაქსიმალურად გამოიყენა, ჩვენს შემთხვევაში კი სხვაგვარად იყო, სხვა თამაშებში ბევრი მომენტი გვქონდა, მაგრამ ბოლო თამაშში ერთი შეცდომა გადამწყვეტი გამოდგა. ყველასთვის ემოციური დღე და უდიდესი იმედგაცრუება იყო. თუმცა, ცხოვრება გრძელდება, სომხეთთან თამაშისთვის ვემზადებით და ხვალ გამარჯვება მნიშვნელოვანი იქნება B დივიზიონში გადასასვლელად, რაც ფეხბურთელებისთვის, მომავლისთვის მნიშვნელოვანი იქნება“, - განაცხადა ვაისმა.

სლოვაკმა სპეციალისტმა აღნიშნა, რომ ასეთი წაგების შემდეგ რთულია ახალ თამაშზე განეწყო, რომელიც სამ დღეშია დაგეგმილი.

„ასეთი იმედგაცრუების შემდეგ ძალიან რთულია დაივიწყო ეს ყველაფერი, მაგრამ ცხოვრება გრძელდება. ახლა მოედანზე გასვლა ადვილი არ არის, მაგრამ ვფიქრობ, ის წნეხი, რაც ამ თამაშს ახლდა, აუცილებლად გადაივლის და ხვალ კარგად ვითამაშებთ, რადგან გვყავს კარგი ფეხბურთელები, რომელთაც ეს შეუძლიათ. ხვალ შანსს ის ფეხბურთელები მიიღებენ, რომლებიც მაკედონიასთან თადარიგში იყვნენ“, - განაცხადა მან.

ფინალში ჩრდილოეთ მაკედონიასთან წაგების შემდეგ ვაისმა განაცხადა, რომ მატჩები სომხეთთან (15 ნოემბერს) და ესტონეთთან (18 ნოემბერს) საქართველოს ნაკრების მთავარი მწვრთნელის პოსტზე ბოლო მატჩები იქნება.

„არ ვიცი ვინ იქნება ახალი მთავარი მწვრთნელი, მაგრამ მე ვესაუბრე თემურ ქეცბაიას, ვხედავ მის დამოკიდებულებას ფეხბურთელებთან და ამიტომ, ვფიქრობ, რომ ახალ მწვრთნელს ჩემი და ქეცბაიას თვისებების მიქსი უნდა ჰქონდეს და ამან კარგი შედეგი მოიტანოს. საქართველოში არიან შესანიშნავი ახალგაზრდა ფეხბურთელები, რომლებიც მომავალში ეროვნული გუნდის საყრდენი გახდებიან“, - განაცხადა ვაისმა.

დასასრულს სლოვაკმა სპეციალისტმა აღნიშნა, რომ საქართველოს ნაკრებთან გატარებული ხუთი წელი სამუდამოდ მის მეხსიერებაში დარჩება. მისი თქმით, მას ეს დრო ყოველთვის დიდი სითბოთი გაახსენდება და ის სამუდამოდ საქართველოს ნაკრების გულშემატკივარი დარჩება.

უეფას ერთა ლიგის ოთხი ტურის შემდეგ საქართველოს ნაკრები ექვსი ქულით С დივიზიონის მეორე ჯგუფში მეორე ადგილს იკავებს. ქულათა იგივე რაოდენობა აქვს ჩრდილოეთ მაკედონიას, თუმცა ის ჩვენს გუნდს დამატებითი მაჩვენებლებით უსწრებს. სომხეთის ნაკრების აქტივში ხუთი ქულაა და ის კვარტეტში მესამე პოზიციას იკავებს. ჯგუფის ბოლოს ადგილის იკავებს ესტონეთი, რომელმაც ოთხ მატჩში ორი ქულა დააგროვა.

მატჩი საქართველოს და სომხეთის ნაკრებებს შორის თბილისში „დინამო არენაზე“ 15 ნოემბერს გაიმართება და 21:00 საათზე დაიწყება.

57
თემები:
სპორტის ამბები (932)
შოთა არველაძე

შოთა არველაძე ეროვნული ნაკრების მწვრთნელობაზე უარს ამბობს

40
(განახლებულია 22:22 26.11.2020)
საქართველოს საფეხბურთო ნაკრების მთავარი მწვრთნელის პოსტი ვლადიმერ ვაისმა სომხეთთან წაგებული მატჩის შემდეგ დატოვა, რის შემდეგაც გუნდი დროებით რამაზ სვანაძემ ჩაიბარა.

თბილისი, 26 ნოემბერი – Sputnik. პირდაპირ ვამბობ, რომ საქართველოს ნაკრების ჩაბარება არ მსურს და ამას თავისი ახსნა გააჩნია, განაცხადა უზბეკური „ფახთაქორის“ მთავარმა მწვრთნელმა შოთა არველაძემ „პირველი არხის“ ეთერში.

ორი წელი ზედიზედ – „ფახთაქორი“ არველაძის მეთაურობით უზბეკეთის ჩემპიონია>>

47 წლის ქართველი სპეციალისტის თქმით, მას ევროპიდან აქვს შემოთავაზებები, ხოლო ეროვნული ნაკრების გაწვრთნას არ გეგმავს.

„ჩემზე არ ვფიქრობ, არ მინდა ჩემმა ახლობლებმა ინერვიულონ და გულები იხეთქონ. მარტამდე დიდი დროა და ფეხბურთის ფედერაციას აქვს შესაძლებლობა კანდიდატი შეარჩიოს“, – განაცხადა შოთა არველაძემ.

არველაძემ ტაშკენტის „ფახთაქორში“ მიღებულ გამოცდილებაზე და თავის სამომავლო გეგმებზე ისაუბრა.

„ტაშკენტში გატარებულ სამ წელიწადში დიდი გამოცდილება შევიძინე და უკეთესი გავხდი. მინდა, რომ „ბარსელონამ“ დამიძახოს, მაგრამ არ მიწვევს. მქონდა მიღწევები ჰოლანდიასა და თურქეთში. თურქეთში სულ მიწვევენ, მაგრამ „ტრაბზონზე“ უარი იმიტომ ვთქვი, რომ იქ ვერ დალაგდნენ და სულ არეულობაა. გუშინ დამიკავშირდნენ პორტუგალიიდან, ასევე მიკავშირდებიან ესპანური გუნდებიც. ვნახოთ, რა იქნება, მალე გაირკვევა ჩემი მომავალი“, – განაცხადა ქართველმა სპეციალისტმა.

საქართველოს ეროვნული ნაკრების ყოფილმა თავკაცმა ვლადიმერ ვაისმა თანამდებობა სომხეთთან მარცხის შემდეგ დატოვა. როგორც ფეხბურთის ფედერაციაში აცხადებენ, ახალი მთავარი მწვრთნელის კანდიდატურას აქტიურად განიხილავენ. იქამდე კი საქართველოს ნაკრებს ახალგაზრდა სპეციალისტი რამაზ სვანაძე ჩაუდგა სათავეში.

40
თემები:
სპორტის ამბები (932)
ბურთები მოედანზე

FIFA-ს განახლებულ რეიტინგში საქართველო სამი პოზიციით დაქვეითდა

24
(განახლებულია 21:40 26.11.2020)
ფეხბურთის საერთაშორისო ფედერაციის მიერ გამოქვეყნებული განახლებული რეიტინგის სათავეში ცვლილებებია. ხორვატიისა და კოლუმბიის ნაკრებები ათეულიდან გავარდნენ.

თბილისი, 26 ნოემბერი – Sputnik. ნოემბერში ჩატარებული მატჩების შემდეგ ფეხბურთის საერთაშორისო ფედერაციამ (FIFA) ეროვნული ნაკრებების განახლებული რეიტინგი გამოაქვეყნა.

აღნიშნულ რეიტინგში საქართველოს ეროვნული ნაკრები ჩრდილოეთ მაკედონიასთან, სომხეთთან და ესტონეთთან ჩატარებული წარუმატებელი შეხვედრების გამო სამი პოზიციით დაქვეითდა და 89-ე ადგილი დაიკავა. ჩვენს გუნდს 20 სარეიტინგო ქულა ჩამოაკლდა და ახლა 1267 ქულა აქვს.

საქართველომ ერთა ლიგის გათამაშების ბოლო შეხვედრები ჩრდილოეთ მაკედონიასთან და სომხეთთან წააგო, ხოლო ესტონეთთან ფრედ ითამაშა. ჩვენმა ნაკრებმა C დივიზიონის ქვეჯგუფში მესამე ადგილი დაიკავა და მომავალ წელს კვლავ C დივიზიონში იასპარეზებს.

FIFA-ს გამოქვეყნებულ რეიტინგის მიხედვით ცვლილებებია საუკეთესო ათეულში, საიდანაც ხორვატისაა და კოლუმბიის ნაკრებები გავარდნენ, ხოლო მათი ადგილი მექსიკამ და იტალიამ დაიკავეს.

განახლებული რეიტინგის პირველი ათეული ასეთია:

  1. ბელგია – 1 780
  2. საფრანგეთი – 1 755
  3. ბრაზილია – 1 743
  4. ინგლისი – 1 670
  5. პორტუგალია – 1 662
  6. ესპანეთი – 1 645
  7. არგენტინა – 1 642
  8. ურუგვაი – 1 639
  9. მექსიკა – 1 632
  10. იტალია – 1 625
24
თემები:
სპორტის ამბები (932)
ქალი ყაყაჩოებში

2021 წლის ჰოროსკოპი: ქალწული ფინანსები, სიყვარული, ჯანმრთელობა

0
(განახლებულია 10:07 25.11.2020)
როგორი იქნება 2021 წელი ქალწულებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – თეთრი ხარის წელიწადი მარტივი არ იქნება, მაგრამ რამდენადაც ქალწულები ზოდიაქოს ბრძენ ნიშანთა რიცხვს განეკუთვნებიან, ისინი ნებისმიერი პრობლემიდან გარკვეული გაკვეთილის გამოტანას ცდილობენ, რათა ერთი და იგივე შეცდომა არ გაიმეორონ. 2021 წელს ეს პრობლემები, ძირითადად, უმნიშვნელო იქნება და ხშირად თავად ქალწულების გადაწყვეტილებაზე არ იქნება დამოკიდებული.

ქალწული: ანალიტიკოსი, ორგანიზებული, მოწესრიგებული - ზოგადი დახასიათება>>

ქალწული მამაკაცი

მამაკაც ქალწულებს, შესაძლოა, რაღაც გეგმები ჩაუვარდეთ, ჰქონდეთ გარკვეული გაუგებრობები და თავდაჯერებულობის მოულოდნელი შერყევები. ბევრი სირთულე არაპროგნოზირებადი იქნება, რაც გადაწყვეტილების მოძებნის მცდელობაზე უარყოფითად აისახება. ასტროლოგები გირჩევენ, ყოველგვარ მოვლენას რაც შეიძლება მარტივად შეხედოთ.

ფინანსები და სამუშაო: ქალწულებისთვის ყველაზე პროდუქტიული დრო გაზაფხულის პირველი ნახევარი და შემოდგომის მიწურული იქნება. იღბალი ყველა პროფესიის წარმომადგენლების გვერდით დადგება. თქვენ მხოლოდ მოტივაცია და ენთუზიაზმი დაგჭირდებათ. ექსპერტები გირჩევენ, ფულთან დაკავშირებით იფრთხილოთ, ნებისმიერი ნივთი დაფიქრებით იყიდოთ და თანხა ქარს არ გაატანოთ.

სიყვარული და ურთიერთობები: სიყვარულში ქალწულ მამაკაცებს ძალიან გაგიმართლებთ. ეს განსაკუთრებით მათ ეხება, ვისაც თავისი მეორე ნახევარი ჯერ არ უპოვია. ვარსკვლავები და პლანეტები გააძლიერებენ თქვენს მომხიბვლელობას, რაც საწინააღმდეგო სქესის წარმომადგენლებზე განსაკუთრებული შთაბეჭდილების მოხდენაში დაგეხმარებათ.

განწყობა და ჯანმრთელობა: 2021 წელს ქალწულმა მამაკაცებმა ჯანმრთელობას ყურადღება უნდა მიაქციოთ, თუ ასე არ მოიქცევით, შესაძლოა, პრობლემები გაჩნდეს. არ შეიძლება, ყურადღება არ მიაქციოთ ორგანიზმის სიგნალებს იმის თაობაზე, რომ რაღაც წესრიგში არაა.

ზოდიაქოს ყველაზე ქარიზმატული ნიშნები>>

ქალწული ქალი

2021 წელი ქალწულებს ბევრ სასიამოვნო სიახლეს გპირდებათ. იანვრის დასაწყისში შესაძლებელი იქნება ადრე გაწეული სამუშაოს პირველი ნაყოფის მიღება. საუკეთესო იქნება თქვენთვის დროის მუშაობაში ინვესტირება, მაგრამ, ამავდროულად, არ უნდა დაივიწყოთ დროული დასვენებაც. ასტროლოგები ასევე გირჩევენ, რომ სასურველი რეალობად არ მიიღოთ.

ფინანსები და სამუშაო: ფინანსურ სფეროში ქალმა ქალწულებმა აუცილებლად უნდა მოუსმინოთ და ენდოთ საკუთარ ინტუიციას, რომელიც ზოდიაქოს ყველა სხვა ნიშანს შორის თქვენთვის ყველაზე მძლავრი იარაღი გახდება. მეექვსე გრძნობა განსაკუთრებით დაეხმარება შემოქმედებით სფეროებში მოღვაწე ქალწულებს. ძვირადღირებული ნივთების შეძენა უპრიანი ზაფხულში იქნება, სხვა დროს, სჯობს, ამისგან თავი შეიკავოთ.

სიყვარული და ურთიერთობები: ამ ნიშნის ქალებს, მამაკაცების მსგავსად, ვარსკვლავები მომხიბვლელობისა და ქარიზმის განსაკუთრებულ აურას გიბოძებენ. გრძნობებთან დაკავშირებულ საკითხებში ქალწულები წარმატებებს უკვე 2021 წლის პირველივე დღეებიდან მიაღწევთ. შეგიძლიათ პაემანზე წასვლა, ინიციატივის გამოჩენა, მაგრამ მოვლენების დაჩქარება არ ივარგებს.

ყველაზე, ყველაზე... ზოდიაქოს ნიშნების ძლიერი მხარეები>>

განწყობა და ჯანმრთელობა: ამ სფეროში ქალ ქალწულებს უფრო მშვიდი წელი გელოდებათ, ვიდრე მამაკაცებს. განწყობის მკვეთრი ცვლილებები, რომლებიც თქვენს გეგმებს დაარღვევს და იღბალს დაგაშორებთ, მოსალოდნელი არ არის. ზამთარსა და გაზაფხულზე კარგი იქნება, თუ ნეგატიური ჩვევებისგან გათავისუფლდებით.

გაეცანით ასევე 2021 წლის ჰოროსკოპს ვერძებისკუროებისტყუპების, კირჩხიბებისა და ლომებისთვის.

0