ქართველმა სუმოისტი ლევან გორგაძე, იგივე ტოჩინოშინი

კიდევ ერთი გამარჯვება - ქართველი სუმოისტის ბალანსი დადებითია

43
(განახლებულია 14:31 15.11.2020)
მომდევნო ბრძოლას ტოჩინოშინი გამართავს იაპონელი სუმოისტის წინააღმდეგ, რომლის დამარცხება ვერასდროს ვერ მოახერხა

თბილისი, 14 ნოემბერი - Sputnik. ქართველმა სუმოისტმა ლევან გორგაძემ, იგივე ტოჩინოშინმა ტოკიოში მიმდინარე ნოემბრის ბაშოზე მეოთხე გამარჯვება მოიპოვა. 

ტურნირის მეექვსე დღეს ტოჩინოშინმა, რომელიც აღმოსავლეთის მეშვიდე მაეგაშირას რანგში ასპარეზობს, დაამარცხა დასავლეთის მეშვიდე მაეგაშირა ენდო. გორგაძემ მეტოქეს ძალისმიერი გაწევის ხარჯზე მარცხენა შებოჭვის - უვატეს გარეშე სძლია. ეს ორთაბრძოლა მეტოქეთა პორად დაპირისპირებაში მე-14 გახდა. პირადი შეხვედრების ანგარიშია 8:6 გორგაძის სასარგებლოდ.

ამ მოგების შემდეგ ტოჩინოშინის მოგება-წაგების ბალანსი დადებითი გახდა. ქართველი სპორტსმენის ანგარიშზეა ოთხი მოგება და სამი დამარცხება.

მერვე საშეჯიბრო დღეს ტოჩინოშინი დასავლეთის მეათე მაეგაშირა მეისეის შეხვდება. სპორტსმენების პირადი შეხვედრების ანგარიშია 3:0 იაპონელი სპორტსმენის სასარგებლოდ.

მიმდინარე ბაშოს ლიდერია ოძეკი ტაკაკეისე, რომელმაც ტურნირის შვიდივე ორთაბრძოლა მოიგო. ტურნირი 22 ნოემბრამდე გაგრძელდება.

43
თემები:
სპორტის ამბები (932)
დიეგო მარადონა

მარადონას უცნაური ანდერძი: ცნობილია ფეხბურთის ლეგენდის უკანასკნელი ნება

22
ირკვევა, რომ ფეხბურთის ლეგენდამ თავისი უკანასკნელი ნება გარდაცვალებამდე თვენახევრით ადრე გააფორმა ნოტარიულად

თბილისი, 27 ნოემბერი — Sputnik. მსოფლიო ფეხბურთის ლეგენდა დიეგო მარადონას უკანასკნელი სურვილი იყო, გარდაცვალების შემდეგ მისი ცხედრისთვის ბალზამირება გაეკეთებინათ და ისე ეჩვენებინათ პუბლიკისთვის, წერს გამოცემა Infobae.

„მე, დიეგო მარადონას, ვიმყოფები რა საღ გონებაზე, მსურს გამოვხატო ჩემი ნება, რომელიც მდგომარეობს შემდეგში: მინდა, რომ სიკვდილის დღეს ჩემი ცხედარი დააბალზამონ და საჯაროდ გამოფინონ“, — ნათქვამია ნოტარიულად გაფორმებულ დოკუმენტში, რომელზეც გარდაცვალებამდე თვენახევრით ადრე, 13 ოქტომბერს მოუწერია ხელი სპორტსმენს.

ირკვევა, რომ არგენტინელი ვარსკვლავი ბალზამირების იდეას მეგობრებთანაც განიხილავდა.

„არ მინდა სტატუა, მე ისინი არ მომწონს, ზოგჯერ ისინი არაფრით ჰგავს ადამიანებს. სიკვდილის დღეს მე თავად მინდა ვიყო იქ, რომ ხალხი მე მომესალმოს“, — უთქვამ მას ახლობლების წრეში, რასაც მარადონას ადვოკატი მატიას მორლაც ესწრებოდა.

ხუთშაბათს ფეხბურთის ლეგენდასთან გამოსამშვიდობებლად, რომელიც პრეზიდენტის სასახლეში იყო დასვენებული, ათობით ათასი ადამიანი მივიდა. ბევრი მათგანი ცერემონიაზე ვერ მოხვდა, რასაც პროტესტები და პოლიციასთან შეტაკებები მოჰყვა.

დიეგო მარადონა ბუენოს–აირესის მახლობლად დაკრძალეს — მშობლების საფლავთან ახლოს.

 

22
თემები:
მსოფლიო დღეს

ნეაპოლში დიეგო მარადონას გარდაცვალებას გლოვობენ - ვიდეო

18
(განახლებულია 09:10 27.11.2020)
იტალიის სამხრეთში მდებარე ქალაქი ნეაპოლის მკვიდრები არგენტინელ ფეხბურთელ დიეგო არმანდო მარადონას გამოემშვიდობნენ, რომელიც ოთხშაბათს გულის შეტევის შედეგად გარდაიცვალა

მარადონა ათწლეულების განმავლობაში ადგილობრივი საფეხბურთო კლუბის სიმბოლოდ მიიჩნეოდა მას შემდეგ, რაც მისი დახმარებით ქალაქმა პირველი საჩემპიონო ტიტული მოიპოვა სერია A-ში 1987 წელს.

კლუბის განცხადებაში მარადონას გარდაცვალება აღწერილია როგორც „გამანადგურებელი დარტყმა“.

18
ფიტნეს-დარბაზი

პანდემიის პირობებში ფიზიკური აქტივობის აუცილებელი მინიმუმი: ჯანმომ რეკომენდაციები შეცვალა

0
(განახლებულია 00:09 27.11.2020)
როგორც ორგანიზაციაში ამტკიცებენ, მსოფლიოს მოსახლეობა უფრო აქტიური რომ ყოფილიყო, ყოველწლიურად პლანეტაზე 5 მილიონი სიკვდილით ნაკლები დაფიქსირდებოდა

თბილისი, 27 ნოემბერი — Sputnik. ჯანდაცვის მსოფლიო ორგანიზაციამ (ჯანმო) კორონავირუსის პანდემიის გათვალისწინებით ფიზიკური აქტივობის ნორმების მიხედვით რეკომენდაციები შეცვალა, იუწყება РИА Новости.

ჯანმოს ახალი რეკომენდაციების მიხედვით, ზრდასრული ადამიანებისთვის, მათ შორის ქრონიკული დაავადებების მქონე ადამიანებისთვის კვირის განმავლობაში რეკომენდებულია სულ მცირე 150-300 წუთით საშუალო ინტენსივობის აქტიურობა. ბავშვებისა და მოზარდებისთვის კი დღეში საშუალო ან მაღალი ინტენსივობის ვარჯიშები 60 წუთის განმავლობაში.

ხანდაზმულ ადამიანებს (65 და მეტი წლის ასაკის) ეძლევა რეკომენდაცია გამოიყენონ აქტივობების ისეთი ტიპები, რომლებიც ხელს უწყობენ წონასწორობისა და კოორდინაციის გაუმჯობესებას, ასევე კუნთების გამაგრებას.

„რეგულარულ ფიზიკური აქტივობას გადამწყვეტი მნიშვნელობა აქვს პროფილაქტიკისთვის და გულ-სისხლ-ძარღვთა დაავადებათა, მეორე ტიპის დიაბეტის და კიბოს მკურნალობის ხელშეწყობისას, ასევე დეპრესიის და შფოთვის სიმპტომების შემცირების, კოგნიტიური უნარების დაქვეითების შენელების, მეხსიერების გაუმჯობესების და ტვინის ჯანმრთელობის გაძლიერებისათვის“, - აღნიშნავს ჯანმო.

როგორც ჯანმოს გენერალურმა დირექტორმა ტედროს ადანომ გებრეიესუსმა განაცხადა, ფიზიკურ აქტივობას ჯანმრთელობისა და კეთილდღეობისთვის გადამწყვეტი მნიშვნელობა გააჩნია - ეს ცხოვრების გახანგრძლივებას და ხარისხის გაუმჯობესებას უწყობს ხელს.

„ყველა მოძრაობა მნიშვნელოვანია, განსაკუთრებით ახლა, როდესაც COVID-19-ის პანდემიასთან დაკავშირებული შეზღუდვების პირობებში ვცხოვრობთ. ყველამ ყოველდღე უნდა ვიმოძრაოთ, უსაფრთხოდ და შემოქმედებითად“, - ციტირებს მის სიტყვებს ჯანმო.

ორგანიზაციაში აღნიშნეს, რომ სხვადასხვა ფიზიკური აქტივობა სასარგებლოა და შეიძლება შესრულდეს როგორც სამუშაოს, სპორტისა და დასვენებისა ან გადაადგილების (სიარული, ველოსიპედით გადაადგილება) ნაწილი, ისე ცეკვების, თამაშების ან ყოველდღიური საშინაო საქმეების დროს, მაგალითად მუშაობა ბაღში და დალაგება.

0
თემები:
COVID-19-ის პანდემია მსოფლიოში