Грузинские футболисты проиграли. Матч между сборными Грузии и Македонии прошел при пустых трибунах на стадионе Динамо Арена

საქართველო ჩრდილოეთ მაკედონიასთან დამარცხდა - 0:1

96
ისტორიული მატჩი საქართველოს და ჩრდილოეთ მაკედონიის ნაკრებებს შორის, რომელზეც ფეხბურთის ყველა ქომაგი დიდ იმედებს ამყარებდა, სამწუხაროდ, ქართველების წაგებით დასრულდა

თბილისი, 12 ნოემბერი — Sputnik. უეფას ერთა ლიგის გათამაშების D დივიზიონის ფინალური ეტაპის მატჩი ჩრდილოეთ მაკედონიასა და საქართველოს შორის ქართველების მარცხით დასრულდა - 0:1.

შეხვედრა თბილისში „დინამო-არენაზე“ ცარიელი ტრიბუნებით გაიმართა.

პირველი ტაიმის შემდეგ გუნდები შესვენებაზე ისე გავიდნენ, რომ ანგარიში არ გახსნილა. 

მეორე ტაიმის საწყისი წუთები გუნდებმა კვლავ ტერიტორიების ათვისებას დაუთმეს. მოედნის ცენტრში ხშირი იყო უხეშობა და შეჯახებები. 56-ე წუთზე ჩრდილოეთ მაკედონიის ნაკრების ლიდერმა, გორან პანდევმა ქართველი მცველების შეცდომა იდეალურად გამოიყენა და ანგარიში გახსნა.

Македонцы радуются победе. Матч между сборными Грузии и Македонии прошел при пустых трибунах на стадионе Динамо Арена
© REUTERS / IRAKLI GEDENIDZE
საქართელო - ჩრდილოეთ მაკედონია. 0:1. ისტორიული მატჩი ქართველების წაგებით დასრულდა

გატანილი გოლის შემდეგ მოწინააღმდეგე გუნდმა უხეშობას უმატა, რის შედეგადაც შეხვედრაში პირველი გაფრთხილება 62-ე წუთზე ჩრდილოეთ მაკედონიის ფეხბურთელმა, ბობან ნიკოლოვმა ყაზაიშვილის წინააღმდეგ წესების დარღვევისთვის მიიღო.

პირველი ცვლილება მეტოქეთა შემადგენლობაში განხორციელდა. არიან ადემის ნაცვლად, მოედანზე სტეფან სპიროვსკი შემოვიდა.

საქართველოს ნაკრებმა გაშვებული გოლის შემდეგ ჩრდილოეთ მაკედონიას აქტიურად შეუტია. თუმცა მომენტების რეალიზება ქართველმა ფეხბურთელებმა ვერ შეძლეს. მეორე ტაიმი ყვითელი ბარათებით უფრო მეტად დაიტვირთა. ინგლისელმა არბიტრმა 75-ე და 78-ე წუთზე გურამ კაშია და თორნიკე ოქრიაშვილი გააფრთხილა. ასევე ყვითელი ბარათი დაიმსახურა მოწინააღმდეგე გუნდის რიგებში ნესტოროვსკიმაც.

Македонцы радуются победе. Матч между сборными Грузии и Македонии прошел при пустых трибунах на стадионе Динамо Арена
© Sputnik / Alex Shlamov
საქართელო - ჩრდილოეთ მაკედონია. 0:1. ისტორიული მატჩი ქართველების წაგებით დასრულდა

აღსანიშნავია, რომ ვლადიმერ ვაისმა ცვლილებები დააგვიანა. ჩვენი ნაკრების თავკაცს 80-ე წუთამდე არავინ გაუყვანია. 80-ე წუთზე ვაისმა ვაკო გვილიასა და ნიკა კაჭარავას ნაცვლად მოედანზე გიორგი პაპუნაშვილი და ელგუჯა ლობჯანიძე შემოიყვანა.

შეხვედრის 84-ე წუთზე ცვლილება განხორციელდა ჩრდილოეთ მაკედონიის შემადგენლობაშიც, ბობან ნიკოლოვის ნაცვლად მოედანზე კოსტადინოვი შემოვიდა. ანგელოვსკიმ ასევე 89-ე წუთზე შეცვალა ნესტოროვსკი და რისტოვსკი, მათ მაგივრად სათამაშოდ ტრიცკოვსკი და ზაიკოვი შემოვიდნენ.

ვლადიმერ ვაისმა შეხვედრის მიწურულს შეტევის გაძლიერება სცადა. გურამ კაშიასა და ლაშა დვალის ნაცვლად თამაშში ჯაბა ჯიღაური და ზურაბ დავითაშვილი ჩაერთნენ. ასევე მატჩის ბოლოსკენ შეიცვალა ვაკო ყაზაიშვილი, რომლის ნაცვლადაც დავით ხოჭოლავა შემოვიდა სათამაშოდ.

Болельщики. Матч между сборными Грузии и Македонии по футболу при пустых трибунах на стадионе Динамо Арена
© Sputnik / Shota Nozadze
საქართელო - ჩრდილოეთ მაკედონია. 0:1. ისტორიული მატჩი ქართველების წაგებით დასრულდა

მსაჯმა შეხვედრას ოთხი წუთი დაამატა, თუმცა ქართველმა ფეხბურთელებმა ვერც კომპენსირებულ დროში შეძლეს ანგარიშის გათანაბრება.

საბოლოოდ ერთა ლიგის გათამაშების D დივიზიონის ფინალი ჩრდილოეთ მაკედონიის გამარჯვებით დასრულდა. გორან პანდევის გოლს ქართველებმა ვერაფრით უპასუხეს.

შესაბამისად, ამ მოგების წყალობით ჩრდილოეთ მაკედონიის ნაკრებმა მომდევნო წლის ზაფხულში ევროპის ჩემპიონატის ჯგუფურ ეტაპზე ასპარეზობის უფლება მოიპოვა.

 

 

ერეკლე ხიტალიშვილი

96
თემები:
სპორტის ამბები (928)
ქალთა ფეხბურთი. „ლანჩხუთი“

„ლანჩხუთი“ ჩემპიონთა ლიგაში ქალთა შორის ითამაშებს

31
ქართული კლუბი ჩემპიონთა ქალთა ლიგის ძირითად ბადეში ორი რაუნდის გადალახვის შემდეგ კვალიფიკაციიდან მოხვდა

თბილისი, 24 ნოემბერი – Sputnik. ქართული საფეხბურთო კლუბი „ლანჩხუთი“ ჩემპიონთა ქალთა ლიგის 1/16 ფინალში შვედეთის „როსენგარდს“ დაუპირისპირდება. ტურნირის გათამაშება შვეიცარიის ქალაქ ნიონში გაიმართა.

დაპირისპირება ორ მატჩს მოიცავს - შინ და გასვლაზე. პირველი თამაში 9 ან 10 დეკემბერს გაიმართება, საპასუხო მატჩი - 15 ან 16 რიცხვში. სად გამართავს „ლანჩხუთი“ პირველ მატჩს - შინ თუ გასვლაზე, ჯერჯერობით უცნობია.

„ლანჩხუთი“ ჩემპიონთა ქალთა ლიგის ძირითად ბადეში ორი რაუნდის გადალახვის შემდეგ კვალიფიკაციიდან მოხვდა. თავდაპირველად გიორგი ჩხაიძის შეგირდებმა ყაზახურ გუნდ „ოკჟეტპესს“ 2:1 მოუგეს, შემდეგ - რუმინეთის „კლუჟს“(1:0).

„ლანჩხუთი“ - პირველი ქართული გუნდია, როგორც ქალთა, ისე მამაკაცთა შორის, რომელიც ჩემპიონთა ლიგის ძირითად ბადეში მიიღებს მონაწილეობას.

ჩემპიონთა ქალთა ლიგის მოქმედი ჩემპიონია ფრანგული „ლიონი“.

31
თემები:
სპორტის ამბები (928)
თემურ ქეცბაია

თემურ ქეცბაია კვიპროსში ოქტომბრის საუკეთესო მწვრთნელად აღიარეს

37
(განახლებულია 15:01 24.11.2020)
„ანორთოსისმა“ ოქტომბერში კვიპროსის ჩემპიონატის ფარგლებში ოთხი მატჩი ჩაატარა, ოთხივეში გაიმარჯვა და გაიტანა ცხრა გოლი.

თბილისი, 24 ნოემბერი – Sputnik. თემურ ქეცბაია, რომელიც ფამაგუსტას კლუბ „ანორთოსისს“ უდგას სათავეში, ოქტომბერში კვიპროსის ჩემპიონატის საუკეთესო მწვრთნელად აღიარეს, ნათქვამია გუნდის განცხადებაში.

კენჭისყრისას ქართველმა სპეციალისტმა 42 ქულა მიიღო და ამ წოდების კანდიდატ მომდევნო მწვრთნელს 20 პუნქტით გაუსწრო. კვიპროსის უმაღლეს დივიზიონში მოთამაშე კლუბების 13 მთავარი მწვრთნელიდან 12-მა ხმა ქეცბაიას მისცა.

ოქტომბერში „ანორთოსისმა“ კვიპროსის ჩემპიონატში სულ ოთხი მატჩი გამართა და ოთხივეში გაიმარჯვა, გაიტანა ცხრა გოლი და საკუთარ კარში მხოლოდ ერთი ბურთი გაუშვა.

„ანორთოსისს“ 11 ჩატარებული ტურიდან 23 ქულა აქვს და სატურნირო ცხრილში „აპოლონთან“ ერთად პირველ ადგილს იყოფს. თუმცა „აპოლონს“ მარაგში კიდევ ერთი მატჩი აქვს.

ქეცბაია „ანორთოსისში“ 2019 წლის აპრილიდან მუშაობს. გასულ სეზონზე კორონავირუსის პანდემიის გამო კვიპროსის ჩემპიონატი ვერ დასრულდა და კლუბმა მეორე ადგილი დაიკავა.

„ანორთოსისის“ ხელმძღვანელობა სრულად უჭერს მხარს ქართველ მწვრთნელს>>

ასევე უნდა აღინიშნოს, რომ „ანორთოსისის“ ბირთვს საქართველოს ნაკრების ფეხბურთელები წარმოადგენენ – გიორგი ლორია, მურთაზ დაუშვილი, თორნიკე ოქრიაშვილი და გიორგი ქვილითაია.

37
თემები:
სპორტის ამბები (928)
თბილისი

ამინდის ზუსტი პროგნოზი თბილისში 27 ნოემბერს

0
(განახლებულია 11:13 25.11.2020)
თბილისელებსა და დედაქალაქის სტუმრებს პარასკევს მზიანი ამინდი ელოდებათ, ჰაერი პლუს 9 გრადუსამდე გათბება.

თბილისი, 25 ნოემბერი – Sputnik. სინოპტიკოსები თბილისში პარასკევს, 27 ნოემბერს  თბილ და უნალექო ამინდს პროგნოზირებენ. 

მზე 08:04 საათზე ამოვა და 17:32 საათზე ჩავა.

ჰაერის მინიმალური ტემპერატურა ღამით პლუს 3, დღისით მაქსიმალური კი პლუს 9 გრადუსი იქნება. ქარის სიძლიერე წამში 10–15 მეტრი იქნება.

 

0
თემები:
ამინდის ზუსტი პროგნოზი თბილისში