საქართველოს ნაკრები

გახარიამ საქართველოს ნაკრებს ჩრდილოეთ მაკედონიასთან მატჩში გამარჯვება უსურვა

54
(განახლებულია 14:26 12.11.2020)
მიუხედავად იმისა, რომ მატჩი გულშემატკივრების გარეშე გაიმართება, გახარია დარწმუნებულია, რომ მთელი საქართველო უქომაგებს ქართველ სპორტსმენებს.

თბილისი, 12 ნოემბერი – Sputnik. პრემიერი დარწმუნებულია, რომ საქართველოს ფეხბურთის ნაკრები, მიუხედავად იმისა, რომ კორონავირუსით ინფიცირების გამო ნაკრების შემადგენლობას ორი აქტიური მოთამაშე და გუნდის ლიდერი გამოაკლდა, ჩრდილოეთ მაკედონიის გუნდთან დღეს დაგეგმილ მატჩში წარმატებას მიაღწევს. ამ სურვილით დაიწყო ხუთშაბათს გამართული მთავრობის სხდომა პრემიერ-მინისტრმა გიორგი გახარიამ. 

პრემიერი თქმით, ნაკრებს და სრულიად საქართველოს დღეს მნიშვნელოვანი მატჩი ელოდება.

მიუხედავად იმისა, რომ მატჩი გულშემატკივრების გარეშე გაიმართება, გახარია დარწმუნებულია, რომ ყველა უქომაგებს ქართველ სპორტსმენებს.

„დარწმუნებული ვარ, რომ დღეს ყველა მათთან ერთად ვიქნებით და ეს გამარჯვება სრულიად საქართველოსი იქნება. მინდა წარმატება ვუსურვო მათ, დარწმუნებული ვარ, რომ დღეს ჩვენ ამ გამარჯვებას ვიზეიმებთ“, – განაცხადა გახარიამ.

თბილისში დღეს უეფას ერთა ლიგის ფინალი საქართველოსა და ჩრდილოეთ მაკედონიის ნაკრებებს შორის „დინამო არენაზე“ გაიმართება. გამარჯვებული 2021 წლის ევროპის ჩემპიონატზე გამოსვლის უფლებას მოიპოვებს.

54
თემები:
სპორტის ამბები (940)
თორნიკე შენგელია

საქართველოს კალათბურთის ნაკრებმა „ევრობასკეტის“ შერჩევაზე მეოთხე გამარჯვება მოიპოვა

29
საქართველომ, როგორც „ევრობასკეტ-2022“-ის მასპინძელმა ქვეყანამ, კონტინენტურ პირველობაზე მონაწილეობის უფლება ავტომატურად მოიპოვა

თბილისი, 30 ნოემბერი - Sputnik. საქართველოს კალათბურთის ეროვნულმა ნაკრებმა 2022 წლის ევროპის ჩემპიონატის შესარჩევ ტურში შვეიცარიის გუნდი ანგარიშით 91:84 დაამარცხა. თამაში ფინეთის ქალაქ ესპოოში შედგა.

ყველაზე კარგ შედეგს გამარჯვებულების შემადგენლობაში ტედ მაკფადენმა მიაღწია და 24 ქულა მოაგროვა. საქართველოს ნაკრების კაპიტნის, თორნიკე შენგელიას, ანგარიშზე 17 ქულა, ექვსი მოხსნა და ხუთი შედეგიანი გადაცემაა. 10 ქულაზე მეტი მოაგროვა ჩვენი გუნდის კიდევ ორმა მოთამაშემ - გივი ბაქრაძემ (12) და გიორგი შერმადინმა (11).

 

Игрок сборной Грузии по баскетболу Тед Макфадден
საქართველოს კალათბურთის ნაკრების მოთამაშე ტედ მაკფადენი

ქართველმა კალათბურთელებმა მატჩის პირველი სამი მეოთხედი მოიგეს (27:24, 19:15, 19:15) და მხოლოდ დასკვნით მონაკვეთში მისცეს თავს მოდუნების უფლება, შედეგად შვეიცარიამ ოთხქულიანი უპირატესობა 26:30 მოიპოვა.

დღევანდელი წარმატება ილიას ზუროსის გუნდისთვის 2022 წლის ევროპის ჩემპიონატის შესარჩევ ციკლში მეოთხე გამარჯვებაა. ადრე საქართველოს ნაკრებმა შვეიცარია მისსავე პარკეტზე დაამარცხა (96:88), სერბეთს 94:90 მოუგო, ორი დღის წინ კი ფინეთის ნაკრებზეც გაიმარჯვა (91:85). სავსებით ბუნებრივია, რომ საქართველო თავისი ჯგუფის ლიდერია.

ამასთან, უნდა აღინიშნოს, რომ საქართველოს ნაკრებისთვის მიმდინარე შესარჩევი ციკლი ფორმალური ხასიათისაა. საქართველო, როგორც 2022 წლის ევროპის ჩემპიონატის ერთ-ერთი მასპინძელი ქვეყანა, ავტომატურად ფლობს კონტინენტურ პირველობაში მონაწილეობის უფლებას.

შესარჩევი ციკლის ორ დასკვნით თამაშს საქართველოს ნაკრები თებერვალში გამართავს. სავსებით მოსალოდნელია, მატჩი თბილისში ჩატარდეს. 19 თებერვალს ზუროსის გუნდი შეხვდება სერბეთს, ორი დღის შემდეგ კი - ფინეთის ნაკრებს.

 

 

 

 

 

 

 

 

 

 

 

 

29
თემები:
სპორტის ამბები (940)

საკალათბურთო მატჩი საქართველოსა და ფინეთის ნაკრებებს შორის ვიდეო

27
(განახლებულია 16:01 30.11.2020)
„ევრობასკეტ-2022“-ის საკვალიფიკაციო მატჩში საქართველოსა და ფინეთის ნაკრებებმა შეხვედრა ფინეთის ქალაქ ესპოოში გამართეს.

ქართულმა გუნდმა მეტოქე დაამარცხა ანგარიშით 91–85, რითიც მესამე საკვალიფიკაციო მატჩში მესამე გამარჯვება მოიპოვა.

მატჩის საუკეთესო მოთამაშედ ქართველი კალათბურთელებიდან გიორგი შერმადინი დასახელდა, რომელმაც გუნდს 27 ქულა მოუტანა და 10-ჯერ მოხსნა ბურთი ფარიდან. 19 ქულა მოიპოვა თორნიკე შენგელიამ, რასაც 8 მოხსნაც დაამატა.

ამავე ჯგუფში შვეიცარიის ნაკრებმა მოულოდნელად ანგარიშით 92-90 გაიმარჯვა სერბეთთან შეხვედრისას.

საქართველოს ნაკრები 30 ნოემბერს ისევ ესპოოში შვეიცარიის გუნდს დაუპირისპირდება. 

27
ვალუტის გაცვლის პუნქტი

ლარის კურსი 1 დეკემბერს

0
(განახლებულია 08:29 01.12.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0089 ლარით გაუფასურდა.

თბილისი, 1 დეკემბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3253 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0089 ლარით გაუფასურდა.

ლარის კურსი 1 დეკემბერს
ლარის კურსი 1 დეკემბერს
0
თემები:
ლარის კურსი დღეს