გიგა ჭიკაძე

ქართველმა მებრძოლმა გიგა ჭიკაძემ UFC-ს ტურნირზე მორიგი გამარჯვება მოიპოვა

59
ქართველი მებრძოლისთვის UFC-ს ეგიდით გამართულ ტურნირებზე ეს გამარჯვება უკვე მეხუთეა, ყველა ბრძოლა მას 2020 წელს აქვს მოგებული

თბილისი, 8 ნოემბერი — Sputnik. ქართველმა მებრძოლმა გიგა ჭიკაძემ UFC Fight Night 181-ის ტურნირზე ლას-ვეგასში მორიგი გამარჯვება მოიპოვა. ნახევრად მსუბუქ წონაში ჭიკაძემ ჯეიმი სიმონსს სძლია.

ორთაბრძოლის პირველივე წუთებიდან ჭიკაძემ უპირატესობა მოიპოვა. სიმონსმა, რომლისთვისაც ეს ბრძოლა   UFC-ში სადებიუტო ოყო, ჭიკაძის პარტერში გადაყვანა სცადა, მაგრამ ჩვენი მებრძოლი თავს იცავდა და ფეხზე მყარად იდგა.

აღსანიშნავია, რომ საბოლოოდ სიმონსის წაგებაში დიდი როლი მისმა საკმაოდ მოცულობითმა ვარცხნილობას შეასრულა. ერთ-ერთ მომენტში ამერიკელი თმას ისწორებდა, სწორედ ამ დროს მიაყენა მეტოქეს „მიდლ-კიკი“, შემდეგ კი ეფექტური „მავაში“ საფეთქელში. სიმონსი კანვასზე დაეცა და ჭიკაძეს მოსაგებად მხოლოდ ტექნიკა დასჭირდა.

ჭიკაძისთვის UFC-ს ეგიდით გამართულ ტურნირებზე ეს გამარჯვება ზედიზედ მეხუთეა.

არსებობს ვარაუდი, რომ ჭიკაძე კიდევ ერთვ ბრძოლას დეკემბრის დასაწყისში გამართავს. ეს საკითხი ბრძოლის შემდეგ ჭიკაძემ UFC-ს პრეზიდენტ დანა უაიტთან განიხილა.

59
თემები:
სპორტის ამბები (936)
საქართველოს რაგბის ნაკერები

საქართველოს რაგბის ნაკრების შემადგენლობა ირლანდიასთან მატჩისთვის ცნობილია

19
უელსთან შეხვედრის შემდეგ, რომელიც საქართველომ 0:18 წააგო, „ლელოს“ სამწვრთნელო შტაბმა სასტარტო შემადგენლობაში ექვსი ცვლილება შეიტანა

თბილისი, 28 ნოემბერი – Sputnik. საქართველოს რაგბის ნაკრების მთავარმა მწვრთნელმა ლევან მაისაშვილმა გაასაჯაროვა ნაკრების სასტარტო შემადგენლობა ირლანდიასთან მატჩისთვის, რომელიც „შემოდგომის ერთა თასის“ ფარგლებში 29 ნოემბერს დუბლინში „ავივა სტედიუმზე“ გაიმართება.

უელსთან შეხვედრის შემდეგ, რომელიც საქართველოს ნაკრებმა ანგარიშით 0:18 წააგო, „ლელოს“ სამწვრთნელო შტაბმა სასტარტო შემადგენლობაში ექვსი ცვლილება შეიტანა.

საქართველოს რაგბის ნარების შემადგენლობა ირლანდიასთან:

შერკინება:

მიხეილ ნარიაშვილი („მონპელიე“, საფრანგეთი), შალვა მამუკაშვილი („ლესტერ ტაიგერს“, ინგლისი), ბექა გიგაშვილი („ტულონი“, საფრანგეთი), ნოდარ ჭეიშვილი („აია“, საქართველო), ლაშა ჯაიანი („არმაზი“, საქართველო) , ბექა საღინაძე („ორიაკი", საფრანგეთი), თორნიკე ჯალაღონია („ბიარიცი", საფრანგეთი), ბექა გორგაძე („ბორდო", საფრანგეთი)

ნახევარდაცვა:

ვასილ ლობჟანიძე და თედო აბჟანდაძე („ბრივ“, საფრანგეთი).

უკანა ხაზი:

თამაზ მჭედლიძე („რუანი", საფრანგეთი), მერაბ შარიქაძე (კაპიტანი, კლუბის გარეშე), გიორგი კვესელაძე („არმაზი", საქართველო), აკაკი ტაბუცაძე („ლელო-სარაცინს", საქართველო), სოსო მათიაშვილი („აკადემია", საქართველო).

აღსანიშნავია, რომ საქართველოს ნაკრებს რეზერვში ორი დებიუტანტი ჰყავს. ეს არის 18 წლის დავით ნინიაშვილი და 20 წლის მიხეილ ალანია.

„ისეთი დონის გუნდებთან ვთამაშობთ, რომლებსაც მხოლოდ ფიზიკური მომზადებით ვერ გააკვირვებ. შეტევაში ვარიაციებია საჭირო. ჩვენ გვქონდა დრო, რათა ამაზე გვემუშავა, და ამ კუთხით მწვრთნელების მუშაობით კმაყოფილი ვარ. ირლანდია უფრო რთული მეტოქეა, ვიდრე უელსი, მაგრამ ჩვენ ჩვენს თამაშს ვითამაშებთ. მატჩიდან მატჩამდე გამოცდილებას ვიღებთ, მორაგბეებიც და მწვრთნელებიც“, - განაცხადა მაისაშვილმა შეხვედრის წინ.

Тренировка сборной Грузии по регби
საქართველოს რაგბის ნაკრების ვარჯიში

 

საქართველოს ნაკრების მთავარმა მწვრთნელმა ასევე აღნიშნა, რომ დღევანდელ თამაშში გადამწყვეტი ასევე სტატიკური ფაზები იქნება.

„შემოდგომის ერთა თასის“ ჯგუფურ სტადიაზე ირლანდიის წინააღმდეგ მატჩი „ბორჯღალოსნებისთვის“ დასკვნითი იქნება. პირველ ორ შეხვედრაში ქართველმა მორაგბეებმა ვერცერთი ქულა ვერ აიღეს და ინგლისთან (0:40) და უელსთან (0:18) წააგეს.

საქართველოს და ირლანდიის ნაკრებები ერთმანეთს ოთხჯერ შეხვდნენ და ოთხივეჯერ „მწვანეებმა“ გაიმარჯვეს. დაპირისპირების საერთო ანგარიშია 196:31, ხოლო ყველაზე დიდი ანგარიშით ირლანდიამ საქართველოს 1998 წელს მოუგო - 70:0.

მატჩი ირლანდიასა და საქართველოს შორის 18:00 საათზე დაიწყება.

19
თემები:
სპორტის ამბები (936)
საქართველოს კალათბურთის ნაკრების შეხვედრა სერბეთთან

საქართველო-ფინეთი: მეტოქე გუნდში ქართულ ტრიოს უფრთხიან

45
საქართველოს საკალათბურთო ნაკრები ფინეთის გუნდს ხუთჯერ დაუპირისპირდა. აქედან სამჯერ გამარჯვება ფინელებმა მოიპოვეს. გუნდებს შორის რიგით მეექვსე შეხვედრა დღეს 21:00 საათზე გაიმართება.

თბილისი, 28 ნოემბერი - Sputnik. საქართველოს საკალათბურთო ნაკრები ესპანეთის ქალაქ ესპოოში „მეტრო არენაზე“ დღეს, 21:00 საათზე ფინეთის ნაკრებს დაუპირისპირდება.

ეროვნული ნაკრები ფინეთში „ევრობასკეტის“ შესარჩევი ეტაპის მორიგი მატჩისთვის 24 ნოემბერს გაემგზავრა. ნაკრებს მოგვიანებით შეუერთდნენ ნატურალიზირებული მოთამაშე თად მაკფადენი და ესპანური „ტენერიფეს“ ცენტრი, გიორგი შერმადინი. მათთან ერთად ჩაფრინდნენ ფინეთში ნაკრების მთავარი მწვრთნელი, ილიას ზუროსი და მისი ასისტენტი, გიორგიოს ლიმნაიტისი.

საქართველოს ნაკრებს ფინეთთან შეხვედრაში ვერ დაეხმარება, NBA-ში მოასპარეზე გოგა ბითაძე. თუმცა სრულ მზადყოფნაშია მოსკოვის „ცსკას“ ფორვარდი, თორნიკე შენგელია, რომელიც შესანიშნავ ფორმაშია. მან 26 ნოემბერს მოსკოვში, მადრიდის „რეალის“ წინააღმდეგ ევროლიგის მატჩი ჩაატარა, ხოლო თამაშის დასრულებისთანავე თორნიკე ფინეთში გაფრინდა და ეროვნულ ნაკრებს შეუერთდა. ამასთან აღსანიშნავია, რომ ეროვნული გუნდის კაპიტანმა „რეალთან“ ჩატარებულ მატჩში საკუთარი გუნდისთვის 15 ქულა მოაგროვა და შეხვედრაც მოსკოველთა სასარგებლოდ 74-73 დასრულდა. შენგელიამ მგზავრობასთან და ტესტირებასთან დაკავშირებული ყველა ფორმალობა დროულად და უპრობლემოდ მოაგვარა, რასაც ვერ ვიტყვით თად მაკფადენზე.

ამერიკული წარმოშობის კალათბურთელს 25 ნოემბერს კორონავირუსი დაუდასტურდა. საქართველოს ნაკრების უკანახაზელს კოვიდინფექცია გადატანილი აქვს და გამოჯანმრთელების შემდეგ მან არაერთი ტესტი ჩაიტარა. სწორედ ამიტომ მაკფადენს ტესტირება განმეორებით ჩაუტარდა, რომელზეც პასუხი უკვე უარყოფითი აღმოჩნდა. აღნიშნული გაუგებრობის გამო გარკვეული პერიოდის განმავლობაში ამერიკელი მკაცრი კარანტინის რეჟიმში იმყოფებოდა.

მომავალ შეხვედრაზე კომენტარი გააკეთა ჩვენი ნაკრების მწვრთნელმა ილიას ზუროსმა. მან აღნიშნა, რომ ფინელებს მაღალ ტემპში უყვართ თამაში და ამისთვის მზად უნდა იყვნენ. ზუროსის თქმით, ისინი მაქსიმალური შედეგის მისაღწევად ითამაშებენ და შეეცდებიან, რომ მოწინააღმდეგეს კარგად ორგანიზებული დაცვა შესთავაზონ.

„ორგანიზებულ დაცვას კი შეთამაშება უნდა. გუნდის შესაკვრელად ძალიან ცოტა დრო გვაქვს. ფინეთთან საქართველოს ნაკრებს ბევრი დებიუტანტი ეყოლება, რომლებსაც არა აქვთ დრო შესათამაშებლად. თუმცა დარწმუნებული ვარ, შესაძლებლობების მაქსიმუმს გამოავლენენ. ჩვენი ამოცანა ფარქვეშიდან შეტევა იქნება, რადგან ევროპაში გამორჩეული წინახაზელები გვყავს“, - განაცხადა ზუროსმა.

საქართველოს ეროვნული ნაკრები ფინეთს სულ ხუთჯერ დაუპირისპირდა, საიდანაც ორჯერ მოვახერხეთ გამარჯვება, სამჯერ კი დავმარცხდით.

თავის მხრივ კომენტარი გააკეთა ფინეთის საკალათბურთო ნაკრების მთავარი მწვრთნელის თანაშემწე მიკო ლარკასმა. მისი თქმით, ფინელები ყველაზე მეტად თორნიკე შენგელიას, გიორგი შერმადინსა და თად მაკფადენს უფრთხიან.

„საქართველოს ნაკრების თამაში დიდწილად არის დამოკიდებული შენგელია-შერმადინი-მაკფადენის ტრიოზე. ის, რომ გუნდს შენგელიაც ემატება, მათთვის დიდი პლიუსია, რადგანაც თორნიკეს გუნდის ერთიორად გაძლიერება შეუძლია. უკანასკნელი ფანჯრის დროს ქართველები ფარქვეშ მაქსიმალურად ცდილობდნენ შერმადინის დატვირთვას, ეს ხელ-ფეხს სხვა მოთამაშეებს უხსნიდა, შენგელიასა და მაკფადენს კი შესატევ პოზიციაზე გასვლა იოლად შეუძლიათ. ჩვენი უპირატესობა სწრაფი გადაადგილება და შეტევა უნდა გახდეს. მათ სირბილში უნდა ვაჯობოთ”, - განაცხადა მიკო ლარკასმა.

შეხვედრამდე მოკლე კომენტარი გააკეთა ფინელთა თავკაცმაც, მისი თქმით, საქართველოს ძლიერი გუნდი ჰყავს და ევროპის ჩემპიონატის შესარჩევი ჯგუფის სათავეში სრულიად დამსახურებულად იმყოფება.

შეგახსენებთ, რომ საქართველოს საკალათბურთო ნაკრებს ფინეთთან შეხვედრის შემდეგ 30 ნოემბერს შვეიცარიასთან მოუწევს დაპირისპირება. ილიას ზუროსის შეგირდებს „ევრობასკეტის“ ერთ-ერთი მასპინძლის რანგში, ფინალურ ეტაპზე თამაში განაღდებული აქვთ. მიუხედავად ამისა, მიმდინარე შესარჩევ ციკლში საქართველოს ნაკრებმა უკვე დაამარცხა შვეიცარია (96:88) და სერბეთი (94:90) და E ჯგუფში პირველ ადგილს იკავებს.

45
თემები:
სპორტის ამბები (936)
ფსიქოლოგი ნანა ჩაჩუა

ნანა ჩაჩუა: ყველაფერი რაც სამყაროს აქვს, ადამიანში დაუბადებელი ცონდის სახითაა

0
(განახლებულია 20:19 28.11.2020)
ნანა ჩაჩუა სიზმრის რაობაზე საუბრობს, ახსენებს ე.წ. ლუციდურ სიზმრებს, რომლის მართვაც ადამიანს შეუძლია.
ნანა ჩაჩუა: ყველაფერი რაც სამყაროს აქვს, ადამიანში დაუბადებელი ცონდის სახითაა
„სიზმარი არის ყოველდღიური შთაბეჭდილებები და განცდები. როგორც სამყაროა უწყვეტი, ასევეა ფსიქიკაც. ჩვენ ყველაფერი ფრაგმენტებად გვეძლევა ცნობიერებაში. ასე მოხდა მაშინ როდესაც მენდელეევი პერიოდული სისტემის საქმეებში იყო ჩართული. აქ ყველაფერი დალაგებულია სამყაროს კანონზომიერების მიხედვით და მენდელეევმა სიზმარში იმიტომ ნახა, რომ ამაში იყო მთლიანად ჩართული“, - ამბობს ნანა ჩაჩუა.

ფსიქოლოგ ნანა ჩაჩუას აზრით: „ადამიანი მთელი სამყაროა. ყველაფერი რაც შეცნობილი გვაქვს თუ რაც ჯერ არ გვაქვს, სანამდეც ჩვენი შემეცნებითი უნარები ჯერ ვერ მივიდა - ეს ყველაფერი ჩვენშია. ბავშვი თამაშის დროს ყველა იმ სტადიას გაივლის რაც კაცობრიობამ თავისი განვითარების გზაზე უკვე გაიარა. ჩვენ სულ ასე ვმეორდებით, ამიტომ ერთი ადამიანი ამ ყველაფრის მატარებელია თავის თავში.“

 

0