საქართველო - ჩრდილოეთ მაკედონია

ჩრდილოეთ მაკედონიის ნაკრები საქართველოში ოპტიმალური შემადგენლობით ჩამოვა

55
(განახლებულია 13:43 07.11.2020)
უეფას ერთა ლიგის გასული გათამაშების ფინალი თბილისში 12 ნოემბერს გაიმართება და 21:00 საათზე დაიწყება

თბილისი, 7 ნოემბერი – Sputnik. ჩრდილოეთ მაკედონიის საფეხბურთო ნაკრების მთავარმა მწვრთნელმა იგორ ანგელოვსკიმ დაასახელა ის ფეხბურთელები, რომლებიც EURO-ზე საგზურის მოსაპოვებლად საქართველოსთან მატჩისთვის მოსამზადებლად ეროვნულ ნაკრებში გამოიძახა. თამაში თბილისში 12 ნოემბერს გაიმართება.

ანგელოვსკის განკარგულებაში ფაქტობრივად ოპტიმალური შემადგენლობა ეყოლება, რადგან ელიფ ელმასი კვლავ მწყობრშია. „ნაპოლის“ ნახევარმცველს კორონავირუსი ჰქონდა, და მან ეროვნული გუნდის ოქტომბრის მატჩები გააცდინა.

მეკარეები:

სტოლე დიმიტრიევსკი („რაიო ვალიეკანო“, ესპანეთი), მარტინ ბოგატინოვი („ეთნიკოსი“, კვიპროსი), დამიან შიშკოვსკი („დოქსა“, კვიპროსი), დანიელ ბოჟინოვსკი („სილექსი“, ჩრდილოეთ მაკედონია“).

მცველები:

ვისარ მუსლიუ („ფეჰერვარი“, უნგრეთი), ეგზონ ბეიტულაი („შკენდია“, ჩრდილოეთ მაკედონია), კირე რისტევსკი („ყიპეშტი“, უნგრეთი), სტეფნ რისტოვსკი („სპორტინგი“, პორტუგალია), დარკო ველკოვსკი („რიეკა“, ხორვატია), გეკო ზაიკოვი („შარლერუა“, ბელგია), ეზგან ალიოსკი („ლიდსი“, ინგლისი).

ნახევარმცველები:

ენის ბარდხი („ლევანტე“, ესპანეთი), არიან ადემი („დინამო“, ზაგრები), ბობან ნიკოლოვი („ფეჰერვარი“, უნგრეთი), სტეფან სპიროვსკი (AEK, კვიპროსი), ელიფ ელმასი („ნაპოლი“, იტალია), ტიხომირ კოსტადინოვი („რუჟემბეროკი", სლოვაკეთი).

თავდამსხმელები:

გორან პანდევი („ჯენოა“, იტალია), ივან ტრიჩკოვსკი (AEK, კვიპროსი), ილია ნესტეროვსკი („უდინეზე“, იტალია), ალექსანდრე ტრაიკოვსკი („მალიორკა“, ესპანეთი), კრსტე ველკოვსკი („სარაევო“, ბოსნია და ჰერცეგოვინა), ვლატკო სტოიანოვსკი („შამბლი", საფრანგეთი).

გასული გათამაშების უეფას ერთა ლიგის ფინალი თბილისში 12 ნოემბერს გაიმართება და 21:00 საათზე დაიწყება. ეპიდვითარაბის გამო შეხვედრა ცარიელი ტრიბუნებით გაიმართება.

ფინალის გამარჯვებული ევროპის ჩემპიონატზე თამაშის უფლებას მოიპოვებს, რომელიც 2021 წლის ზაფხულში გაიმართება.

55
თემები:
სპორტის ამბები (940)
თორნიკე შენგელია

საქართველოს კალათბურთის ნაკრებმა „ევრობასკეტის“ შერჩევაზე მეოთხე გამარჯვება მოიპოვა

12
საქართველომ, როგორც „ევრობასკეტ-2022“-ის მასპინძელმა ქვეყანამ, კონტინენტურ პირველობაზე მონაწილეობის უფლება ავტომატურად მოიპოვა

თბილისი, 30 ნოემბერი - Sputnik. საქართველოს კალათბურთის ეროვნულმა ნაკრებმა 2022 წლის ევროპის ჩემპიონატის შესარჩევ ტურში შვეიცარიის გუნდი ანგარიშით 91:84 დაამარცხა. თამაში ფინეთის ქალაქ ესპოოში შედგა.

ყველაზე კარგ შედეგს გამარჯვებულების შემადგენლობაში ტედ მაკფადენმა მიაღწია და 24 ქულა მოაგროვა. საქართველოს ნაკრების კაპიტნის, თორნიკე შენგელიას, ანგარიშზე 17 ქულა, ექვსი მოხსნა და ხუთი შედეგიანი გადაცემაა. 10 ქულაზე მეტი მოაგროვა ჩვენი გუნდის კიდევ ორმა მოთამაშემ - გივი ბაქრაძემ (12) და გიორგი შერმადინმა (11).

 

Игрок сборной Грузии по баскетболу Тед Макфадден
საქართველოს კალათბურთის ნაკრების მოთამაშე ტედ მაკფადენი

ქართველმა კალათბურთელებმა მატჩის პირველი სამი მეოთხედი მოიგეს (27:24, 19:15, 19:15) და მხოლოდ დასკვნით მონაკვეთში მისცეს თავს მოდუნების უფლება, შედეგად შვეიცარიამ ოთხქულიანი უპირატესობა 26:30 მოიპოვა.

დღევანდელი წარმატება ილიას ზუროსის გუნდისთვის 2022 წლის ევროპის ჩემპიონატის შესარჩევ ციკლში მეოთხე გამარჯვებაა. ადრე საქართველოს ნაკრებმა შვეიცარია მისსავე პარკეტზე დაამარცხა (96:88), სერბეთს 94:90 მოუგო, ორი დღის წინ კი ფინეთის ნაკრებზეც გაიმარჯვა (91:85). სავსებით ბუნებრივია, რომ საქართველო თავისი ჯგუფის ლიდერია.

ამასთან, უნდა აღინიშნოს, რომ საქართველოს ნაკრებისთვის მიმდინარე შესარჩევი ციკლი ფორმალური ხასიათისაა. საქართველო, როგორც 2022 წლის ევროპის ჩემპიონატის ერთ-ერთი მასპინძელი ქვეყანა, ავტომატურად ფლობს კონტინენტურ პირველობაში მონაწილეობის უფლებას.

შესარჩევი ციკლის ორ დასკვნით თამაშს საქართველოს ნაკრები თებერვალში გამართავს. სავსებით მოსალოდნელია, მატჩი თბილისში ჩატარდეს. 19 თებერვალს ზუროსის გუნდი შეხვდება სერბეთს, ორი დღის შემდეგ კი - ფინეთის ნაკრებს.

 

 

 

 

 

 

 

 

 

 

 

 

12
თემები:
სპორტის ამბები (940)

საკალათბურთო მატჩი საქართველოსა და ფინეთის ნაკრებებს შორის ვიდეო

25
(განახლებულია 16:01 30.11.2020)
„ევრობასკეტ-2022“-ის საკვალიფიკაციო მატჩში საქართველოსა და ფინეთის ნაკრებებმა შეხვედრა ფინეთის ქალაქ ესპოოში გამართეს.

ქართულმა გუნდმა მეტოქე დაამარცხა ანგარიშით 91–85, რითიც მესამე საკვალიფიკაციო მატჩში მესამე გამარჯვება მოიპოვა.

მატჩის საუკეთესო მოთამაშედ ქართველი კალათბურთელებიდან გიორგი შერმადინი დასახელდა, რომელმაც გუნდს 27 ქულა მოუტანა და 10-ჯერ მოხსნა ბურთი ფარიდან. 19 ქულა მოიპოვა თორნიკე შენგელიამ, რასაც 8 მოხსნაც დაამატა.

ამავე ჯგუფში შვეიცარიის ნაკრებმა მოულოდნელად ანგარიშით 92-90 გაიმარჯვა სერბეთთან შეხვედრისას.

საქართველოს ნაკრები 30 ნოემბერს ისევ ესპოოში შვეიცარიის გუნდს დაუპირისპირდება. 

25
ახალი გზის მშენებლობა, რომელიც მაჭავარიანის ქუჩას გელოვანის გამზირთან დააკავშირებს

თბილისში, მაჭავარიანის ქუჩაზე მოძრაობა ერთი თვით ნაწილობრივ შეიზღუდება

0
მაგისტრალური წყალსადენის კვანძების მოწყობის სამუშაოები ვაკე-საბურთალოს რაიონში, „ვეფხისა და მოყმის" ძეგლთან ახალი სატრანსპორტო კვანძის მშენებლობის ფარგლებში მიმდინარეობს

თბილისი, 30 ნოემბერი – Sputnik. თბილისში, მაჭავარიანის ქუჩაზე, სარეაბილიტაციო სამუშაოების გამო, მოძრაობა 1-დან 30 დეკემბრამდე ნაწილობრივ შეიზღუდება, ინფორმაციას თბილისის მერია ავრცელებს.

თბილისის მუნიციპალიტეტის მერიის ინფრასტრუქტურის განვითარების საქალაქო სამსახურის დაკვეთით, კომპანია „ბლექ სი გრუპი“ მაგისტრალური წყალსადენის კვანძების მოწყობის სამუშაოებს განახორციელებს.

„შეზღუდვა გადაუდებელი დახმარების ოპერატიული მართვის ცენტრის („112“) შენობიდან ვაშლიჯვრის და უკუმიმართულებით, მაჭავარიანის ქ. N1 კორპუსიდან BP-ის ბენზინგასამართ სადგურამდე იმოქმედებს“, - აღნიშნულია თბილისის მერიის ინფორმაციაში.

მაჭავარიანის ქუჩაზე დაგეგმილი სამუშაოების გამო, ავტომობილების გადაადგილების მიმართულება არ შეიცვლება, აცხადებენ უწყებაში.

სამუშაოები 24-საათიან რეჟიმში იწარმოებს.

თბილისის მერია ვაკე-საბურთალოს რაიონში, ახალი სატრანსპორტო კვანძის მშენებლობას ახორციელებს.

პროექტის თანახმად, გადაუდებელი დახმარების ოპერატიული მართვის (112) ცენტრის მიმდებარე ტერიტორიიდან ჩამოსასვლელი გზა სუპერმარკეტ „აგროჰაბსა" და „მათე მოტორსის" ყოფილ შენობას შორის გაივლის და მარშალ გელოვანის გამზირს დაუკავშირდება. ბეტონის ახალი გზა ოთხზოლიანი იქნება.

მოეწყობა საყრდენი კედლები და წყალამრიდები, დამონტაჟდება გარე განათების თანამედროვე სტანდარტების შესაბამისი ქსელი.

საბურთალოს რაიონში ახალი გზის მშენებლობა მიმდინარე წლის გაზაფხულზე დაიწყო. პროექტის ღირებულება 15 მილიონი ლარია.

0
თემები:
ტრანსპორტი საქართველოში