ვლადიმირ ვაისი

ისტორიული მატჩის მოსაგებად 29 ფეხბურთელი ემზადება ვაისმა შემადგენლობა დაასახელა

80
(განახლებულია 19:36 05.11.2020)
მოახლოებულ მატჩებში საქართველოს ნაკრებს ტრავმების გამო ოთარ კიტეიშვილი და გიორგი ჩაკვეტაძე ვერ დაეხმარებიან.

თბილისი, 5 ნოემბერი – Sputnik. საქართველოს ფეხბურთის ნაკრების მწვრთნელმა ვლადიმირ ვაისმა ნოემბრის თვეში გასამართი მატჩების წინ გუნდის შემადგენლობა დაასახელა. ინფორმაცია საქართველოს ფეხბურთის ფედერაციის ოფიციალურ ვებ-გვერდზე გავრცელდა.

ნოემბრის თვეში გასამართი სამი შეხვედრისთვის სლოვაკი სპეციალისტის მიერ შერჩეული 29 ფეხბურთელი მოემზადება. ეროვნული გუნდი 12 ნოემბერს დამოუკიდებელი საქართველოს ისტორიაში პირველად ევროპის ჩემპიონატზე გასვლის რეალურ შანსს მიიღებს. ჯვაროსნები „დინამო არენაზე“ ჩვენთვის კარგად ნაცნობ ჩრდილოეთ მაკედონიას შეხვდებიან ევროპის ჩემპიონატის საკვალიფიკაციო ეტაპის ფინალურ მატჩში.

ვაისის მიერ დასახელებულ შემადგენლობაში მცირე ცვლილებებიც გამოჩნდა. ნაკრების მაისურს ვოლგოგრადის „როტორის“ შემტევი ბექა მიქელთაძე პირველად მოირგებს. აღსანიშნავია, რომ მიქელთაძეს საქართველოს ასაკობრივ ნაკრებებში დიდი გამოცდილება უმაგრებს ზურგს. ლეგიონერებთან ერთად ნაკრების თავკაცმა „ეროვნული ლიგის“ ოთხ ფეხბურთელს უხმო: გიორგი ნავალოვსკი, მამუკა კობახიძე, ჯაბა ჯიღაური („დინამო“ ბათუმი) და ლაზარე კუპატაძე („საბურთალო“). ასევე გუნდის გაფართოებულ განაცხადშია „საბურთალოს“ მარჯვენა მცველი ნიკა მალი და თბილისის „ლოკომოტივის“ კარის დარაჯი გიორგი მამარდაშვილი.

მათ გარდა გაფართოებულ შემადგენლობაში ვლადიმერ ვაისი კიდევ სამ ფეხბურთელს განიხილავს: გიორგი ხარაიშვილი („გეტებორგი“, შვედეთი), ვახტანგ ჭანტურიშვილი („ზლინი“, ჩეხეთი) და ბუდუ ზივზივაძე („ფეჰერვარი“, უნგრეთი).

ტრავმების გამო კვლავ განაცხადს მიღმა დარჩნენ ოთარ კიტეიშვილი და გიორგი ჩაკვეტაძე, რომლებიც ნოემბერში გასამართ სამივე სანაკრებო შეხვედრას გამოტოვებენ.

საქართველოს ნაკრების სრული შემადგენლობა ასეთია:

  • მეკარეები: გიორგი ლორია („ანორთოსისი“, ფამაგუსტა, კვიპროსი), გიორგი მაკარიძე („ალმერია“, ესპანეთი), ლაზარე კუპატაძე („საბურთალო“, თბილისი, საქართველო)
  • მცველები: გურამ კაშია („სან ხოსე", აშშ), ოთარ კაკაბაძე („ტენერიფე", ესპანეთი), დავით ხოჭოლავა („შახტარი", დონეცკი, უკრაინა), გია გრიგალავა („არსენალი", ტულა, რუსეთი), სოლომონ კვერკველია („როტორი", ვოლგოგრადი, რუსეთი), მამუკა კობახიძე („დინამო" ბათუმი, საქართველო), გიორგი ნავალოვსკი („დინამო" ბათუმი), ჯიმი ტაბიძე („უფა", რუსეთი), ლაშა დვალი („ფერენცვაროში", ბუდაპეშტი, უნგრეთი)
  • ნახევარმცველები: ჯაბა კანკავა („ტობოლი", კოსტანაი, ყაზახეთი), ნიკა კვეკვესკირი („ტობოლი", კოსტანაი, ყაზახეთი), გიორგი აბურჯანია („ოვიედო", ესპანეთი), მურთაზ დაუშვილი („ანორთოსისი", ფამაგუსტა, კვიპროსი), ლევან შენგელია („კონიასპორი", თურქეთი), საბა ლობჟანიძე („ანკარაგუჯუ", თურქეთი), ხვიჩა კვარაცხელია („რუბინი", ყაზანი, რუსეთი), ზურიკო დავითაშვილი („როტორი", ვოლგოგრადი, რუსეთი), ვაკო გვილია („ლეგია", ვარშავა, პოლონეთი), ჯაბა ჯიღაური („დინამო" ბათუმი), გიორგი პაპუნაშვილი („სარაგოსა", ესპანეთი)
  • თავდამსხმელები: გიორგი ქვილითაია („ანორთოსისი", ფამაგუსტა, კვიპროსი), თორნიკე ოქრიაშვილი („ანორთოსისი", ფამაგუსტა, კვიპროსი), ვაკო ყაზაიშვილი („სან ხოსე" ერთკვეიკსი, აშშ), ელგუჯა ლობჯანიძე („კაისარი", ყაზახეთი), ნიკა კაჭარავა („ლეხი", პოზნანი, პოლონეთი), ბექა მიქელთაძე („როტორი", ვოლგოგრადი, რუსეთი).

საქართველოსა და ჩრდილოეთ მაკედონიას შორის შეხვედრა მიმდინარე წელს ორჯერ უკვე შედგა. ერთა ლიგის C დივიზიონში ჩატარებული ორივე მატჩი ფრედ 1-1 დასრულდა.

12 ნოემბრის ფინალის შემდეგ საქართველოს ნაკრები ერთა ლიგის უკვე 2020/21 წლის გათამაშების ფარგლებში 15 და 18 ნოემბერს სომხეთისა და ესტონეთის ეროვნულ გუნდებს დაუპირისპირდება. ამჟამად C დივიზიონის მე-2 ჯგუფში საქართველო და ჩრდილოეთ მაკედონია 6-6 ქულით ლიდერობენ. ბალკანელები ცხრილში პირველ ადგილს გატანილი და გაშვებული გოლების წყალობით ინარჩუნებენ.

საქართველოს ნაკრები უახლოესი მატჩებისთვის მზადებას 9 ნოემბერს თბილისში დაიწყებს. 12, 15 და 18 ნოემბერს გასამართ სამივე შეხვედრაში ჩვენი გუნდი მასპინძელი იქნება.

80
თემები:
სპორტის ამბები (932)
შოთა არველაძე

შოთა არველაძე ეროვნული ნაკრების მწვრთნელობაზე უარს ამბობს

41
(განახლებულია 22:22 26.11.2020)
საქართველოს საფეხბურთო ნაკრების მთავარი მწვრთნელის პოსტი ვლადიმერ ვაისმა სომხეთთან წაგებული მატჩის შემდეგ დატოვა, რის შემდეგაც გუნდი დროებით რამაზ სვანაძემ ჩაიბარა.

თბილისი, 26 ნოემბერი – Sputnik. პირდაპირ ვამბობ, რომ საქართველოს ნაკრების ჩაბარება არ მსურს და ამას თავისი ახსნა გააჩნია, განაცხადა უზბეკური „ფახთაქორის“ მთავარმა მწვრთნელმა შოთა არველაძემ „პირველი არხის“ ეთერში.

ორი წელი ზედიზედ – „ფახთაქორი“ არველაძის მეთაურობით უზბეკეთის ჩემპიონია>>

47 წლის ქართველი სპეციალისტის თქმით, მას ევროპიდან აქვს შემოთავაზებები, ხოლო ეროვნული ნაკრების გაწვრთნას არ გეგმავს.

„ჩემზე არ ვფიქრობ, არ მინდა ჩემმა ახლობლებმა ინერვიულონ და გულები იხეთქონ. მარტამდე დიდი დროა და ფეხბურთის ფედერაციას აქვს შესაძლებლობა კანდიდატი შეარჩიოს“, – განაცხადა შოთა არველაძემ.

არველაძემ ტაშკენტის „ფახთაქორში“ მიღებულ გამოცდილებაზე და თავის სამომავლო გეგმებზე ისაუბრა.

„ტაშკენტში გატარებულ სამ წელიწადში დიდი გამოცდილება შევიძინე და უკეთესი გავხდი. მინდა, რომ „ბარსელონამ“ დამიძახოს, მაგრამ არ მიწვევს. მქონდა მიღწევები ჰოლანდიასა და თურქეთში. თურქეთში სულ მიწვევენ, მაგრამ „ტრაბზონზე“ უარი იმიტომ ვთქვი, რომ იქ ვერ დალაგდნენ და სულ არეულობაა. გუშინ დამიკავშირდნენ პორტუგალიიდან, ასევე მიკავშირდებიან ესპანური გუნდებიც. ვნახოთ, რა იქნება, მალე გაირკვევა ჩემი მომავალი“, – განაცხადა ქართველმა სპეციალისტმა.

საქართველოს ეროვნული ნაკრების ყოფილმა თავკაცმა ვლადიმერ ვაისმა თანამდებობა სომხეთთან მარცხის შემდეგ დატოვა. როგორც ფეხბურთის ფედერაციაში აცხადებენ, ახალი მთავარი მწვრთნელის კანდიდატურას აქტიურად განიხილავენ. იქამდე კი საქართველოს ნაკრებს ახალგაზრდა სპეციალისტი რამაზ სვანაძე ჩაუდგა სათავეში.

41
თემები:
სპორტის ამბები (932)
ბურთები მოედანზე

FIFA-ს განახლებულ რეიტინგში საქართველო სამი პოზიციით დაქვეითდა

24
(განახლებულია 21:40 26.11.2020)
ფეხბურთის საერთაშორისო ფედერაციის მიერ გამოქვეყნებული განახლებული რეიტინგის სათავეში ცვლილებებია. ხორვატიისა და კოლუმბიის ნაკრებები ათეულიდან გავარდნენ.

თბილისი, 26 ნოემბერი – Sputnik. ნოემბერში ჩატარებული მატჩების შემდეგ ფეხბურთის საერთაშორისო ფედერაციამ (FIFA) ეროვნული ნაკრებების განახლებული რეიტინგი გამოაქვეყნა.

აღნიშნულ რეიტინგში საქართველოს ეროვნული ნაკრები ჩრდილოეთ მაკედონიასთან, სომხეთთან და ესტონეთთან ჩატარებული წარუმატებელი შეხვედრების გამო სამი პოზიციით დაქვეითდა და 89-ე ადგილი დაიკავა. ჩვენს გუნდს 20 სარეიტინგო ქულა ჩამოაკლდა და ახლა 1267 ქულა აქვს.

საქართველომ ერთა ლიგის გათამაშების ბოლო შეხვედრები ჩრდილოეთ მაკედონიასთან და სომხეთთან წააგო, ხოლო ესტონეთთან ფრედ ითამაშა. ჩვენმა ნაკრებმა C დივიზიონის ქვეჯგუფში მესამე ადგილი დაიკავა და მომავალ წელს კვლავ C დივიზიონში იასპარეზებს.

FIFA-ს გამოქვეყნებულ რეიტინგის მიხედვით ცვლილებებია საუკეთესო ათეულში, საიდანაც ხორვატისაა და კოლუმბიის ნაკრებები გავარდნენ, ხოლო მათი ადგილი მექსიკამ და იტალიამ დაიკავეს.

განახლებული რეიტინგის პირველი ათეული ასეთია:

  1. ბელგია – 1 780
  2. საფრანგეთი – 1 755
  3. ბრაზილია – 1 743
  4. ინგლისი – 1 670
  5. პორტუგალია – 1 662
  6. ესპანეთი – 1 645
  7. არგენტინა – 1 642
  8. ურუგვაი – 1 639
  9. მექსიკა – 1 632
  10. იტალია – 1 625
24
თემები:
სპორტის ამბები (932)
ქალი ყაყაჩოებში

2021 წლის ჰოროსკოპი: ქალწული ფინანსები, სიყვარული, ჯანმრთელობა

0
(განახლებულია 07:17 27.11.2020)
როგორი იქნება 2021 წელი ქალწულებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – თეთრი ხარის წელიწადი მარტივი არ იქნება, მაგრამ რამდენადაც ქალწულები ზოდიაქოს ბრძენ ნიშანთა რიცხვს განეკუთვნებიან, ისინი ნებისმიერი პრობლემიდან გარკვეული გაკვეთილის გამოტანას ცდილობენ, რათა ერთი და იგივე შეცდომა არ გაიმეორონ. 2021 წელს ეს პრობლემები, ძირითადად, უმნიშვნელო იქნება და ხშირად თავად ქალწულების გადაწყვეტილებაზე არ იქნება დამოკიდებული.

ქალწული: ანალიტიკოსი, ორგანიზებული, მოწესრიგებული - ზოგადი დახასიათება>>

ქალწული მამაკაცი

მამაკაც ქალწულებს, შესაძლოა, რაღაც გეგმები ჩაუვარდეთ, ჰქონდეთ გარკვეული გაუგებრობები და თავდაჯერებულობის მოულოდნელი შერყევები. ბევრი სირთულე არაპროგნოზირებადი იქნება, რაც გადაწყვეტილების მოძებნის მცდელობაზე უარყოფითად აისახება. ასტროლოგები გირჩევენ, ყოველგვარ მოვლენას რაც შეიძლება მარტივად შეხედოთ.

ფინანსები და სამუშაო: ქალწულებისთვის ყველაზე პროდუქტიული დრო გაზაფხულის პირველი ნახევარი და შემოდგომის მიწურული იქნება. იღბალი ყველა პროფესიის წარმომადგენლების გვერდით დადგება. თქვენ მხოლოდ მოტივაცია და ენთუზიაზმი დაგჭირდებათ. ექსპერტები გირჩევენ, ფულთან დაკავშირებით იფრთხილოთ, ნებისმიერი ნივთი დაფიქრებით იყიდოთ და თანხა ქარს არ გაატანოთ.

სიყვარული და ურთიერთობები: სიყვარულში ქალწულ მამაკაცებს ძალიან გაგიმართლებთ. ეს განსაკუთრებით მათ ეხება, ვისაც თავისი მეორე ნახევარი ჯერ არ უპოვია. ვარსკვლავები და პლანეტები გააძლიერებენ თქვენს მომხიბვლელობას, რაც საწინააღმდეგო სქესის წარმომადგენლებზე განსაკუთრებული შთაბეჭდილების მოხდენაში დაგეხმარებათ.

განწყობა და ჯანმრთელობა: 2021 წელს ქალწულმა მამაკაცებმა ჯანმრთელობას ყურადღება უნდა მიაქციოთ, თუ ასე არ მოიქცევით, შესაძლოა, პრობლემები გაჩნდეს. არ შეიძლება, ყურადღება არ მიაქციოთ ორგანიზმის სიგნალებს იმის თაობაზე, რომ რაღაც წესრიგში არაა.

ზოდიაქოს ყველაზე ქარიზმატული ნიშნები>>

ქალწული ქალი

2021 წელი ქალწულებს ბევრ სასიამოვნო სიახლეს გპირდებათ. იანვრის დასაწყისში შესაძლებელი იქნება ადრე გაწეული სამუშაოს პირველი ნაყოფის მიღება. საუკეთესო იქნება თქვენთვის დროის მუშაობაში ინვესტირება, მაგრამ, ამავდროულად, არ უნდა დაივიწყოთ დროული დასვენებაც. ასტროლოგები ასევე გირჩევენ, რომ სასურველი რეალობად არ მიიღოთ.

ფინანსები და სამუშაო: ფინანსურ სფეროში ქალმა ქალწულებმა აუცილებლად უნდა მოუსმინოთ და ენდოთ საკუთარ ინტუიციას, რომელიც ზოდიაქოს ყველა სხვა ნიშანს შორის თქვენთვის ყველაზე მძლავრი იარაღი გახდება. მეექვსე გრძნობა განსაკუთრებით დაეხმარება შემოქმედებით სფეროებში მოღვაწე ქალწულებს. ძვირადღირებული ნივთების შეძენა უპრიანი ზაფხულში იქნება, სხვა დროს, სჯობს, ამისგან თავი შეიკავოთ.

სიყვარული და ურთიერთობები: ამ ნიშნის ქალებს, მამაკაცების მსგავსად, ვარსკვლავები მომხიბვლელობისა და ქარიზმის განსაკუთრებულ აურას გიბოძებენ. გრძნობებთან დაკავშირებულ საკითხებში ქალწულები წარმატებებს უკვე 2021 წლის პირველივე დღეებიდან მიაღწევთ. შეგიძლიათ პაემანზე წასვლა, ინიციატივის გამოჩენა, მაგრამ მოვლენების დაჩქარება არ ივარგებს.

ყველაზე, ყველაზე... ზოდიაქოს ნიშნების ძლიერი მხარეები>>

განწყობა და ჯანმრთელობა: ამ სფეროში ქალ ქალწულებს უფრო მშვიდი წელი გელოდებათ, ვიდრე მამაკაცებს. განწყობის მკვეთრი ცვლილებები, რომლებიც თქვენს გეგმებს დაარღვევს და იღბალს დაგაშორებთ, მოსალოდნელი არ არის. ზამთარსა და გაზაფხულზე კარგი იქნება, თუ ნეგატიური ჩვევებისგან გათავისუფლდებით.

გაეცანით ასევე 2021 წლის ჰოროსკოპს ვერძებისკუროებისტყუპების, კირჩხიბებისა და ლომებისთვის.

0