თბილისი, 26 ოქტომბერი - Sputnik. ქართველი მოჭადრაკე კატო ფიფია 17 წლამდე ასაკის გოგონათა შორის მსოფლიოს ონლაინ სასკოლო ჩემპიონატის გამარჯვებულია, ნათქვამია საქართველოს ჭადრაკის ფედერაციის განცხადებაში.
ცხრა ჩატარებულ ტურში ფიფიამ რვა ქულა დააგროვა, შვიდი გამარჯვება მოიპოვა და ორ ყაიმს დასჯერდა.
აღსანიშნავია, ამავე ასაკობრივ კატეგორიაში მესამე ადგილი დაიკავა საქართველოს კიდევ ერთმა წარმომადგენელმა - ნია დონღვანმა, რომელმაც 7 ქულა დააგროვა. ქულათა იგივე რაოდენობა მოიპოვა ანაჰიტა ზაჰედიფარმა, მაგრამ ირანელი მოჭადრაკე ვერცხლის პრიზიორი დამატებითი მაჩვენებლებით გახდა.
კიდევ ერთმა ქართველმა მოჭადრაკემ - დიანა ლომაიამ შემაჯამებელ ოქმში ხუთი ქულით მე-12 ადგილი დაიკავა.
