საქართველოს ფეხბურთის ნაკრები

დღეს: საქართველო VS ჩრდილოეთ მაკედონია გუნდები ჯგუფში პირველობისთვის იბრძვიან

116
(განახლებულია 16:23 14.10.2020)
ეროვნული ნაკრებების მწვრთნელებმა მატჩამდე საკუთარი გუნდების შანსებზე ისაუბრეს. როგორც აღმოჩნდა, ორივე გუნდს რამდენიმე წამყვანი ფეხბურთელი გამოაკლდება.

თბილისი, 14 ოქტომბერი – sputnik. საქართველოს ეროვნული ნაკრები ფეხბურთში დღეს ქალაქ სკოპიეში ჩრდილოეთ მაკედონიის ნაკრებს დაუპირისპირდება.

უეფას ერთა ლიგის გათამაშების C დივიზიონის მე-2 ჯგუფში დაძაბული ვითარებაა, სადაც პირველ-მეორე ადგილებს 5–5 ქულით საქართველო და მაკედონია იყოფენ. ორივე გუნდი დღეს პრინციპულ შეხვედრაში გამარჯვების შემთხვევაში ჯგუფის ლიდერი გახდება და უშუალო მეტოქესთან უპირატესობას 3 ქულით გაზრდის.

საქართველოსა და ჩრდილოეთ მაკედონიას შორის პირველი მატჩი 8 სექტემბერს გაიმართა და ფრედ, 1:1 დასრულდა.

დღევანდელ შეხვედრამდე ეროვნული ნაკრებების მწვრთნელებმა პრესკონფერენციები გამართეს და თავიანთი გუნდების შანსებზე ისაუბრეს.

ჩრდილოეთ მაკედონიის ნაკრების მთავარი მწვრთნელის იგორ ანგელოვსკის განცხადებით, საქართველოსთან დაპირისპირება 12 ნოემბერს გასამართი ფინალის გენერალური რეპეტიცია იქნება.

მაკედონიის მთავარი დანაკლისი იტალიური „ნაპოლის“ ნახევარმცველი ელიფ ელმასია, რომელსაც კორონავირუსი დაუდასტურდა. მაკედონიას მის გარდა დღეს კიდევ სამი მოთამაშის გარეშე მოუწევს ასპარეზობა.

მატჩის წინ დანაკლისზე საქართველოს ნაკრების თავკაცმაც ისაუბრა.

„მაქსიმალურად მზად ვართ, თუმცა, მსგავსად მეტოქისა, ჩვენც რამდენიმე მნიშვნელოვანი მოთამაშე დაგვაკლდა. მაკედონია შემოქმედებით ფეხბურთს აჩვენებს და ადვილი მატჩი არ გველის“, – განაცხადა საქართველო ნაკრების მთავარმა მწვრთნელმა ვლადიმერ ვაისმა.

საქართველოს ეროვნულ ნაკრებს მაკედონიასთან დაპირისპირებაში გურამ კაშია, ჯაბა კანკავა და კიდევ რამდენიმე საკვანძო ფეხბურთელი ვერ დაეხმარება. შეხვედრამდე რამდენიმე საათით ადრე ასევე ცნობილი გახდა გუნდის ერთ-ერთი ლიდერის თორნიკე ოქრიაშვილის ტრავმის შესახებ.

ვაისის თქმით, ტრავმა არ არის სერიოზული, თუმცა ფეხბურთელს დასვენება სჭირდება.

აღსანიშნავია, რომ 2020 წლის 12 ნოემბერს „დინამო არენაზე“ საქართველოს ნაკრები ჩრდილოეთ მაკედონიას კიდევ ერთხელ დაუპირისპირდება უეფას ერთა ლიგის წინა სეზონის გათამაშების ფინალურ მატჩში. შეხვედრის გამარჯვებული 2021 წლის ევროპის ჩემპიონატზე ითამაშებს.

116
თემები:
სპორტის ამბები (859)
ფეხბურთი

„ლოკომოტივის“ ფეხბურთელები და მწვრთნელები თვითიზოლაციაში გადავიდნენ

26
(განახლებულია 18:32 19.10.2020)
კორონავირუსმა გათამაშების გრაფიკში კორექტივები შეიტანა – თბილისის „დინამოსთან“ დაგეგმილი მატჩი 4 ნოემბერს გადაიტანეს.

თბილისი, 19 ოქტომბერი – Sputnik. თბილისის საფეხბურთო კლუბ „ლოკომოტივის" მოთამაშეები თვითიზოლაციაში იმყოფებიან – კორონავირუსი გუნდის ერთ-ერთ მწვრთნელს დაუდასტურდა, იუწყება „მთავარი არხი“.

კლუბის პრეზიდენტის გიორგი ყიფიანის განცხადებით, „ლოკომოტივის“ ერთ-ერთი მწვრთნელის ინფიცირების შესახებ ცნობილი 14 ოქტომბერს გახდა. ამჟამად თვითიზოლაციაში არიან როგორც ფეხბურთელები, ისე მწვრთნელები და კლუბის მთელი პერსონალი.

ახალი ვითარებიდან გამომდინარე, საქართველოს ფეხბურთის ფედერაციამ ჩემპიონატის მატჩი „ლოკომოტივსა“ და თბილისის „დინამოს“ შორის, რომელიც 18 ოქტომბერს უნდა გამართულიყო, 4 ნოემბერს გადაიტანა.

საქართველოში ბოლო 24 საათში კორონავირუსის 1186 ახალი შემთხვევა გამოვლინდა და ინფიცირებულთა საერთო რაოდენობამ 18 663 შეადგინა. სულ გამოჯანმრთელდა 8 338, გარდაიცვალა 143 პაციენტი.

კორონავირუსის პირველი შემთხვევა 26 თებერვალს დაფიქსირდა.

 

26
თემები:
COVID-19 საქართველოში
ნიჩბოსნობა

რუსთავში ნიჩბოსნობის სკოლა აშენდება

20
(განახლებულია 16:10 19.10.2020)
სპორტკომპლექსი საერთაშორისო სტანდარტების შესაბამისად აღიჭურვება და ხელს შეუწყობს სპორტის ამ სახეობის განვითარებას.

თბილისი, 19 ოქტომბერი – Sputnik. რუსთავის კულტურისა და დასვენების პარკში ნიჩბოსნობის სკოლის მშენებლობა დაიწყო, იუწყება „პირველი არხი“.

პროექტი საზოგადოება „რუსთაველებისა“ და ადგილობრივი ბიზნეს-სექტორის ხელშეწყობით ხორციელდება.

ნიჩბოსნობის სკოლის პრეზენტაცია რუსთავის კულტურისა და დასვენების პარკში გაიმართა.

ღონისძიებას საქართველოს განათლების, მეცნიერების, კულტურისა და სპორტის მინისტრის მოადგილე შალვა გოგოლაძე, რუსთავის მერი ირაკლი ტაბაღუა, საზოგადოება „რუსთაველების“ დამფუძნებელი ალექსანდრე დალაქიშვილი, პარტია „ქართული ოცნება - დემოკრატიული საქართველოს“ მე-12 მაჟორიტარულ ოლქში დეპუტატობის კანდიდატი ნინო ლაცაბიძე, ასევე სხვა მიწვეული სტუმრები და ბიზნეს-სექტორის წარმომადგენლები ესწრებოდნენ.

სპორტკომპლექსი საერთაშორისო სტანდარტების შესაბამისად აღიჭურვება და ხელს შეუწყობს სპორტის ამ სახეობის განვითარებას.

განათლების, მეცნიერების, კულტურისა და სპორტის მინისტრის მოადგილემ იმედი გამოთქვა, რომ კლუბი საერთაშორისო ტურნირებსაც უმასპინძლებს.

„ამ უმშვენიერეს ქალაქში საფუძველი ჩაეყარა რუსთაველ ნიჩბოსანთა ახალ კლუბს. ეს კლუბი შესაძლებლობას მისცემს რუსთაველებს და არა მხოლოდ რუსთაველებს, რომ ასეთ ულამაზეს სპორტის სახეობას დაეუფლონ. მე დარწმუნებული ვარ, ჩვენ აქ საერთაშორისო ტურნირებსაც მოვაწყობთ და უცხოელ სპორტსმენებსაც ვუმასპინძლებთ“, – განაცხადა შალვა გოგოლაძემ.

ნიჩბოსნობის სკოლის მშენებლობას საფუძველი დღეს ჩაეყარა და ის მიმდინარე წლის ბოლოს დასრულდება.

20
თემები:
სპორტის ამბები (859)
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0