საქართველოს ფეხბურთის ნაკრები

საქართველო–სომხეთის მატჩი ფრედ დასრულდა

109
(განახლებულია 13:58 12.10.2020)
აღსანიშნავია, რომ უეფას ერთა ლიგაზე საქართველოს ნაკრებს არც ერთი მატჩი არ წაუგია. ვლადიმირ ვაისის გუნდს ჩატარებულ ათ მატჩში შვიდი მოგება და სამი ფრე აქვს.

თბილისი, 11 ოქტომბერი – Sputnik. საქართველოსა და სომხეთის ფეხბურთის ეროვნული ნაკრებების მატჩი, რომელიც უეფას ერთა ლიგის მიმდინარე სეზონის გათამაშების ფარგლებში პოლონეთის ქალაქ ტიხში გაიმართა, დასრულდა ფრედ, ანგარიშით 2:2.

შეხვედრა ერევანში უნდა გამართულიყო, მაგრამ ყარაბაღთან დაკავშირებული მოვლენების გამო უეფამ მისი ნეიტრალურ მოედანზე ჩატარება გადაწყვიტა.

ნომინალურმა მასპინძლებმა ანგარიში პირველ ტაიმში, მე-6 წუთზე გახსნეს. გიორგი მაკარიძის კარში გოლი ხორენ ბაირამიანმა გაიტანა.

გაშვებული გოლის შემდეგ საქართვეელოს ნაკრების ფეხბურთელებმა მთლიანად აიღეს თამაშის ინიციატივა ხელში და მათ რამდენიმე შესაძლებლობა ჰქონდათ ანგარიშის არა მარტო გასათანაბრებლად, წინ გასასვლელადაც. თუმცა, მატჩის პირველ ტაიმში ანგარიში არ შეცვლილა. 

ტაბლოზე ანგარიში მეორე ტაიმის პირველივე წუთზე შეიცვალა. ლევან შენგელიას მიერ საჯარიმოში ჩაწოდებული ბურთი წარმატებით გამოიყენა ნიკა კაჭარავამ, რომელმაც ანგარიში გაათანაბრა.

საქართველოს ნაკრები მატჩის 74-ე წუთზე მეორე ტაიმში შეცვლაზე შემოსულმა თორნიკე ოქრიაშვილმა დააწინაურა.

თუმცა ქართველმა ფეხბურთელებმა შეხვედრის გამარჯვებამდე მიყვანა ვერ შეძლეს – მატჩის დასრულებამდე ერთი წუთით ადრე სომხეთის გუნდმა პენალტის უფლება მოიპოვა. 11-მეტრიანი დარტყმა ჰენრიკ მხითარიანმა წარმატებით გამოიყენა და ანგარიშიც გათანაბრდა.

აღსანიშნავია, რომ უეფას ერთა ლიგაზე ორი სეზონის მანძილზე ასპარეზობისას საქართველოს ნაკრებს არც ერთი მატჩი არ წაუგია. ვლადიმირ ვაისის გუნდს ჩატარებულ ათ მატჩში შვიდი მოგება და სამი ფრე აქვს.

მიმდინარე სეზონის გათამაშებაში სამი ჩატარებული მატჩის შემდეგ საქართველოს ნაკრების აქტივში ხუთი ქულაა. ამდენივე ქულა აქვს ჩრდილოეთ მაკედონიის გუნდს, რომელმაც დღეს ესტონეთთან გასვლითი მატჩი ფრედ, ანგარიშით 3:3 დაასრულა.

საქართველოს ნაკრები მომდევნო გასვლით მატჩს 14 ოქტომბერს გამართავს ჩრდილოეთ მაკედონიის გუნდის წინააღმდეგ.

109
თემები:
სპორტის ამბები (865)
ხაბიბ ნურმაგომედოვი

ხაბიბმა UFC-ს მებრძოლის კარიერა მარცხის გარეშე დაასრულა

34
ჰაბიბ ნურმაგომედოვმა დედას პირობა მისცა, რომ კარიერას დაასრულებდა. მან სიტყვა შეასრულა და თავისი უკანასკნელი ბრძოლა მოიგო

თბილისი, 25 ოქტომბერი – Sputnik. UFC-ს ჩემპიონმა მსუბუქ წონით კატეგორიაში რუსმა ხაბიბ ნურმაგომედოვმა დაიცვა საკუთარი ტიტული ამერიკელ ჯასტინ გეიჯისთან ბრძოლაში, იუწყება Sputnik-ბელარუსი.

ხაბიბმა პირველივე წუთებიდან მოქმედება ჩვეულ მანერაში დაიწყო და მეტოქე ბადესთან მიიმწყვდია. რუსი რვაკუთხედის ცენტრს აკონტროლებდა. თუმცა მებრძოლები არ უმატებდნენ ტემპს, და დარტყმების სერიებს რიგრიგობით ატარებდნენ. პირველი რაუნდის ბოლოს ნურმაგომედოვმა მეტოქე პარტერში გადაიყვანა და იდაყვით ბერკეტის გამოყენება სცადა, მაგრამ დრო არ ეყო.

შემდეგ ხუთწუთიან მონაკვეთში რუსმა ბედის გამოცდას თავი დაანება და ბრძოლას შეუდგა. მეორე რაუნდის შუა ნაწილში მან „სამკუთხედის“ ილეთით მეტოქე მოგუდა.

უკანასკნელი ბრძოლა

ბრძოლის შემდეგ ხაბიბმა განაცხადა, რომ ახლა სურს მეტი დროის გატარება დედასთან, და მას პირობა მისცა, რომ შერეულ ორთაბრძოლებში მონაწილეობას აღარ მიიღებს. მან აღნიშნა, რომ მამის გარეშე პრომოუშენებში გამოსვლა მისთვის უინტერესო გახდა.

„მე ვარ უბრალო ბიჭი დაღესტნის მთიანი სოფლიდან. როდესაც 2012 წელს UFC-ში პირველი ბრძოლა მქონდა, ბევრს ჩემი არ სჯეროდა, გუშინ კი ჩემმა ძმამ მიამბო, რომ ჩემს პიროვნებას ყველაზე ხშირად განიხილავენ მსოფლიოში, თუმცა ეს არ მინდოდა. მე და მამაჩემი მივდიოდით ჩემპიონობისკენ, არც კი მიფიქრია, ამდენი რამ თუ მოხდებოდა“, - განაცხადა ნურმაგომედოვმა.

მან აღნიშნა, რომ ყველაზე მთავარია მშობლები, და ადამიანი მათ გვერდით უნდა იყოს.

ხაბიბის მამა აბდულმანაპ ნურმაგომედოვი ივლისში კორონავირუსს ემსხვერპლა, მებრძოლმა მისი გარდაცვალება მძიმედ გადაიტანა.

საუკეთესო მიღწევა

32 წლის ნურმაგომედოვისთვის ეს 29-ე გამარჯვება და UFC-ს ჩემპიონის ტიტულის მესამე დაცვაა. შერეულ ორთაბრძოლებში მას არცერთი წაგება არ აქვს. 31 გეიჯი კარიერის განმავლობაში სამჯერ დამარცხდა.

გეიჯისთან გამარჯვების შემდეგ ის შეიძლება გახდეს პირველი UFC-ს Pound-for-pound რეიტინგში, რომელიც ყველა წონითი კატეგორიის საუკეთესო მებრძოლებს აერთიანებს. ამჟამად რუსი მებრძოლი მეორე ადგილზეა.

34
თემები:
სპორტის ამბები (865)
რაგბი. საქართველო-შოტლანდია

საქართველოს მორაგბეთა ნაკრებმა შოტლანდიასთან ტესტ-მატჩი წააგო

52
შოტლანდიასთან ეს წაგება საქართველოსთვის ყველაზე სერიოზული გახდა, აქამდე გუნდებს ოთხი მატჩი ჰქონდათ გამართული და ოთხივეჯერ შოტლანდიელებმა მოიგეს

თბილისი, 24 ოქტომბერი – Sputnik. საქართველოს მორაგბეთა ეროვნულმა ნაკრებმა შოტლანდიის გუნდთან ტესტ-მატჩში ედინბურგში ანგარიშით 7:48 წააგო.

მასპინძლებმა რვა წარმატებული ლელო დადეს და ოთხი გარდასახვა შეასრულეს. ქართველი მორაგბეების ანგარიშზეა მხოლოდ ერთი ლელო, რომლის ავტორი აკაკი ტაბუცაძე გახდა. გარდასახვა თედო აბჟანდაძის ანგარიშზეა.

შოტლანდიელებმა შეხვედრა ძალიან აქტიურად დაიწყეს და პირველივე შეტევა ლელოთი დაასრულეს. პირველი ტაიმის შუა პერიოდამდე ქართველები თავს კარგად იცავდნენ, მაგრამ როგორც კი შოტლანდიელები ტემპს მოუმატებდნენ, საქართველოს ნაკრები ფრაგმენტებად იშლებოდა. შედეგად თამაშის პირველი ნახევარი ანგარიშით 17:0 დასრულდა.

შესვენების შემდეგ შოტლანდიელებმა დაცვაში შეცდომა დაუშვეს და ლევან მაისაშვილის შეგირდებმა ანგარიშის გახსნა შეძლეს. ბურთი მეტოქის ჩათვლის ზონაში ტაბუცაძემ გაიტანა, გარდასახვაში ზუსტი აბჟანდაძე გამოდგა. სამწუხაროდ, ეს „ბორჯღალოსნების“ შესრულებით ერთადერთი წარმატებული მომენტი იყო.

 

Тест-матч между сборными Грузии и Шотландии по регби
რაგბი. საქართველო-შოტლანდია

ამ შეცდომის შემდეგ შოტლანდიელები სრულად დაეუფლნენ ინიციატივას და დარჩენილ დროში კიდევ ხუთი ლელო დადეს და სამი გარდასახვა განახორციელეს. ცხადი იყო, რომ გუნდები მზადყოფნის სხვადასხვა ფუნქციურ დონეზე არიან.

შოტლანდიასთან ეს მარცხი საქართველოსთვის ყველაზე სერიოზული აღმოჩნდა. ამ მატჩამდე გუნდებს ოთხი შეხვედრა აქვთ გამართული და ოთხივეჯერ გამარჯვება შოტლანდიელებს ერგოთ - 15:6, 43:16, 44:10, 36:9.

52
თემები:
სპორტის ამბები (865)
თურქეთის დროშა

კორონავირუსუს გამო საქართველოში თურქეთის საკონსულო მუშაობას აჩერებს

0
დიპლომატიური მისია თავის მოქალაქეებს მოუწოდებს, საჭიროების შემთხვევაში საკონსულოს ცხელ ხაზს დაუკავშირდნენ.

თბილისი, 25 ოქტომბერი – Sputnik. საქართველოში ახალი კორონავირუსის გავრცელების მაჩვენებლის ზრდის გამო თურქეთის საკონსულო მუშაობას აჩერებს, აღნიშნულია თურქეთის საელჩოს Facebook-გვერდზე. 

საქართველოში ახალი კორონავირუსით ინფიცირების დღე-ღამური მაჩვენებელი ორი ათასს უახლოვდება. ეპიდემიოლოგების პროგნოზებით, ნოემბერში ახალი შემთხვევების რაოდენობა სამ-ოთხ და ხუთი ათასსაც კი მიაღწევს დღე-ღამეში.

თურქეთის დიპლომატიური მისია აცხადებს, რომ საკონსულოში ოპერაციები აღარ განხორციელდება მანამ, სანამ ამის შესახებ ხელალხალი განცხადება არ გაკეთდება. საელჩო მიმართავს თავის მოქალაწქეებს, შესაძლო გადაუდებელი საკონსულო ოპერაციების განხორციელების მიზნით დაუკავშირდნენ საკონსულოს ცხელ ხაზს. 

საქართველოში ახალი კორონავირუსით დაავადებულთა რაოდენობამ 28431-ს მიაღწია.

ამ დროისათვის სულ გამოჯანმრთელდა 10767 ადამიანი, კარანტინის რეჟიმში იმყოფება 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში