უეფას ერთა ლიგის კენჭისყრა

საქართველო–სომხეთის მატჩი პოლონეთში გაიმართება

96
(განახლებულია 21:36 06.10.2020)
აღნიშნული  გადაწყვეტილება უეფამ მიიღო რეგიონში არსებული სიტუაციის გამო, რომელიც სომხეთსა და აზერბაიჯანს შორის მიმდინარე კონფლიქტს ეხება

თბილისი, 6 ოქტომბერი – Sputnik. საფეხბურთო მატჩი საქართველოსა და სომხეთს შორის უეფას ერთა ლიგის ფარგლებში, რომელიც 11 ოქტომბერს ერევანში უნდა გამართულიყო, პოლონეთის ქალაქ ტიხში ნეიტრალურ მოედანზე გაიმართება, ნათქვამია საქართველოს ფეხბურთის ფედერაციის (სფფ) განცხადებაში.

აღნიშნული გადაწყვეტილება უეფამ მიიღო სომხეთსა და აზერბაიჯანს შორის არსებული კონფლიქტის გამო. საშინაო მატჩების ნეიტრალურ მოედანზე ჩატარების გადაწყვეტილება ეხება როგორც სომხეთის, ისე აზერბაიჯანის ნაკრებებს.

აღსანიშნავია, რომ მატჩი საქართველოს და სომხეთს შორის ცარიელი ტრიბუნებით გაიმართება.

მატჩი საქართველოსა და სომხეთის ნაკრებებს შორის უეფას ერთა ლიგის ამჟამინდელი სეზონის მესამე ტურის ფარგლებში უნდა გაიმართოს. ორივე გუნდი С ლიგის მეორე ჯგუფში გამოდის. ორი ჩატარებული მატჩის შემდეგ საქართველოს ჯგუფში ოთხი ქულით მეორე ადგილი უკავია, ხოლო სომხეთს სამი ქულით – მესამე.

96
თემები:
სპორტის ამბები (872)
ბათუმში ახალი სტადიონი გაიხსნა

ბათუმში ახალი სტადიონი გაიხსნა

34
(განახლებულია 16:33 28.10.2020)
სპორტული არენის გახსნაში, რომელიც პანდემიის გამო ძალზე მოკრძალებულად აღინიშნა, მონაწილეობდნენ საქართველოს მთავრობის წევრები და სპორტის ვეტერანები.

თბილისი, 28 ოქტომბერი – Sputnik. ბათუმში ახალი სტადიონი ოფიციალურად გაიხსნა. გახსნის ცერემონია, კორონავირუსის პანდემიის გამო, ძალზე მოკრძალებულად, ზედმეტი პომპეზურობის გარეშე ჩატარდა.

ახალი სპორტული არენის აშენება აჭარის მთავრობას 141 მილიონ ლარზე მეტი დაუჯდა, იუწყება საქართველოს ფეხბურთის ფედერაცია (სფფ).

სტადიონი, რომელიც უეფას მეოთხე კატეგორიის სტანდარტების შესაბამისად აშენდა, განათებისა და ბგერის უახლესი სისტემებითაა აღჭურვილი. სტადიონი ცეკვა „ხორუმის“ მოტივებზეა აგებული. ფიგურები ფასადის გასწვრივ მოცეკვავეების მოძრაობებს გამოსახავს. სტადიონის ფასადი, მატჩის მიხედვით, სხვადასხვა ფერში განათდება.

სტადიონის გახსნას ესწრებოდნენ მთავრობის, სფფ-ის წარმომადგენლები და სპორტის ვეტერანები.

საქართველოს პრემიერ-მინისტრის გიორგი გახარიას განცხადებით, ბათუმში სტადიონის გახსნით ქართველი გულშემატკივრის ოცნება ახდა.

„ეს სტადიონი უნდა გახსნილიყო სულ სხვა, ბევრად უფრო საზეიმო გარემოში, მაგრამ, სამწუხაროდ, კოვიდის ეპოქიდან გამომდინარე, ეს ვერ მოვახერხეთ, მაგრამ ვხედავთ, რომ ჩვენს სპორტსმენებს ეს სტადიონი გამზადებული უკვე სჭირდებათ. ჩვენ მათ უნდა მივცეთ შესაძლებლობა აქ ვარჯიშის, თავიანთი პროფესიონალიზმის განვითარების, რომ ჩვენს ქვეყანას კიდევ უფრო დიდი გამარჯვებები მოუტანონ. ამიტომ უნდა შევთანხმდეთ, რომ უკეთეს პერიოდში, უკეთეს დროს ჩვენ აქ მოვაწყობთ დიდ ზეიმს, დიდი გამარჯვებების ზეიმს“, – განაცხადა გახარიამ.

თბილისის მერი, ყოფილი წარმატებული ფეხბურთელი კახა კალაძე ბათუმელებს დაჰპირდა, რომ როგორც კი პანდემია დამთავრდება, ის აჭარაში აუცილებლად მოუყრის თავს მსოფლიო ფეხბურთის ვარსკვლავებს.

Георгий Гахария на открытии нового батумского стадиона
ბათუმში ახალი სტადიონი გაიხსნა

„მე, როგორც საქართველოს ნაკრების ყოფილი კაპიტანი, მოხარული ვარ, რომ ჩემს ქვეყანაში ასეთი სტადიონი აშენდა. კარგად გვახსოვს, ბათუმში სტადიონი როგორც დაანგრიეს და ამის მერე მის აშენებას ველოდებოდით. ძალიან დასანანია, რომ დღეს სტადიონი ისე ვერ გაიხსნა, როგორც ჩვენ გვსურდა. მაგრამ პირობას ვდებ საქართველოს წინაშე, რომ მდგომარეობის გამოსწორებისთანავე ბათუმში მსოფლიო დონის ვარსკვლავებს ჩამოვიყვან“, – განაცხადა კალაძემ.

უახლოეს პერიოდში სფფ-ს ბათუმის ახალ სტადიონზე ორი საერთაშორისო მატჩი აქვს დაგეგმილი და მან უკვე გაგზავნა განაცხადი უეფაში სომხეთისა და ესტონეთის ნაკრებებთან საქართველოს ნაკრების მატჩებთან დაკავშირებით.

Новый батумский стадион - церемония открытия
ბათუმში ახალი სტადიონი გაიხსნა

ბათუმის სტადიონს საძირკველი 2018 წლის 21 იანვარს ჩაეყარა. ის დაპროექტებულია თურქული არქიტექტურული კომპანია Bahadir Kul Architects-ის მიერ. სტადიონი 20 ათას მაყურებელს იტევს.

34
თემები:
სპორტის ამბები (872)
ლევან გორგაძე, იგივე ტოჩინოშინი

განახლებულ რეიტინგში ტოჩინოშინი სამი პოზიციით დაქვეითდა

29
(განახლებულია 18:34 27.10.2020)
ნოემბრის ბაშო, რომელზეც ქართველი სუმოისტი აღმოსავლეთის მეშვიდე მაეგაშირა იქნება, ტოკიოში 8-22 ნოემბერს გაიმართება.

თბილისი, 27 ოქტომბერი – Sputnik. ტოჩინოშინი, იგივე ლევან გორგაძე რეიტინგში რამდენიმე საფეხურით დაქვეითდა. ქართველი სუმოისტი ნოემბრის ბაშოზე აღმოსავლეთის მეშვიდე მაეგაშირა იქნება.

იაპონიის სუმოს ასოციაციამ განახლებული ბანძუკე (რეიტინგი) გამოაქვეყნა, რომლის მიხედვითაც იასპარეზებენ სუმოტორები 2020 წლის დასკვნით ბაშოზე.

ტოჩინოშინმა სექტემბრის ბაშოზე მხოლოდ ექვსი გამარჯვება მოიპოვა და უარყოფითი ბალანსი დააფიქსირა. მან წინა სუპერტურნირი მეოთხე მაეგაშირას წოდებით დაასრულა.

განახლებული ბანძუკეს სათავეში კვლავ იოკოძუნები ჰაკუჰო და კაკურიუ არიან. ოძეკის წოდებით ტაკაკეიშო, ასანოიამა და შოდაი იასპარეზებენ.

მომდევნო ბაშო 8 ნოემბერს დაიწყება და 22 ნოემბერს დასრულდება. ტურნირს კოკუგიკანი უმასპინძლებს. ლევანის პირველი მეტოქის ვინაობას ტურნირის დაწყებამდე ორი დღით ადრე გავიგებთ.

აღსანიშნავია კიდევ ერთი ქართველი სუმოისტის რეგრესი. თეიმურაზ ჯუღელი, იგივე გაგამარუ მე-5 დივიზიონში დაქვეითდა და 46-ე ნომერი იქნება.

ნოემბრის ბაშოს, შესაბამისი უწყებების მიერ გაცემული რეკომენდაციების თანახმად, 5000 მაყურებელი დაესწრება. კორონავირუსის პანდემიის გამო წინა ბაშოს ბევრად ნაკლები მაყურებელი ესწრებოდა.

29
თემები:
სპორტის ამბები (872)
ჯან ლუკა ვაჩი

53 წლის „მოცეკვავე მილიონერი“ მამა გახდა - ცეკვა სამშობიაროში და ახალშობილის პირველი ფოტო

0
(განახლებულია 16:30 29.10.2020)
ცნობილი იტალიელი მილიონერი, რომელიც საზოგადოებამ მისი მეუღლესთან ერთად ცეკვით გაიცნო, 53 წლის ასაკში მამა პირველად გახდა

ცნობილი მილიონერი, რომელმაც ცეკვის სიყვარულით გაითქვა სახელი, 53 წლის ჯანლუკა ვაკი მამა გახდა - მისმა 25 წლის რჩეულმა შერონ ფონსეკამ ქალიშვილი გააჩინა.

გოგონა დაბადებას არ ჩქარობდა, ამიტომ წყვილმა სამშობიაროშიც მოასწრო ცეკვა და რასაკვირველია, ეს ვიდეოც პოპულარული გახდა.

View this post on Instagram

In The delivery room trying to help her to come out ...but i start thinking she doesn’t want to see me😂 @sharfonseca ❤️

A post shared by Gianluca Vacchi (@gianlucavacchi) on

საბოლოოდ გოგონა დაიბადა და მამა ძალიან გაახარა. „ის ჩვენთანაა... მე და შერონი ძალიან ბედნიერები ვართ - ჩვენი ქალიშვილი ბლიუ ჯერასულემა ვაკი დაიბადა. მადლობა ღმერთს, ჯანმრთელია. ჩვენ უკვე გვიყვარს ის მეტად, ვიდრე საკუთარი სიცოცხლე“, - დაწერა ვაკიმ.

შეგახსენებთ, ჯან ლუკა ვაკი „საქართველოს ბანკის“ საახალწლო მუსიკალური ვიდეო კლიპის გმირიც არის. 2017 წელს ის საქართველოში მაშინდელ მეუღლესთან, ჯორჯია გაბრიელასთან ერთად იმყოფებოდა, თუმცა წყვილი 4-წლიანი თანაცხოვრების შემდეგ დაშორდა.

მანამდე მილიონერს, ფინანსური პრობლემებიც ჰქონდა. საბანკო სესხების გამო, მთელი მისი ქონება დაყადაღებული იყო.

0
თემები:
სელებრითების ცხოვრება