საქართველო-რუსეთის შეხვედრა

ოღონდ გაიმარჯვეთ: რუს რაგბისტებს ქართველების დამარცხებისთვის დიდი პრემია აღუთქვეს

95
(განახლებულია 12:05 03.10.2020)
საქართველოსა და რუსეთის რაგბის ნაკრებების შეხვედრა ევროპის ერთა თასზე თბილისში 1 ნოემბერს უნდა გაიმართოს

თბილისი, 3 ოქტომბერი - Sputnik. რუსეთის რაგბის ფედერაციის ხელმძღვანელმა იგორ არტემიევმა ეროვნული ნაკრების წევრებსა და მწვრთნელებს დიდი პემია აღუთქვა იმ შემთხვევაში, თუ საქართველოს ნაკრებს დაამარცხებენ ევროპის ერთა თასის მატჩში, იუწყება გამოცემა Sport24.

„ხუმრობითაც და სერიოზულადაც ვიტყვი, რომ ჩვენ ძალიან დიდ პრემიას გთავაზობთ საქართველოს ნაკრებზე გამარჯვებისთვის. როგორც გახსოვთ, უკვე 25 წელზე მეტია, ვერ ვამარცხებთ ჩვენს პრინციპულ მოწინააღმდეგეს. ამ სეზონზე COVID-19–ის ისტორია მოხდა, მაგრამ ჩვენ მაინც საინტერესოდ ჩავატარეთ რუსეთის ჩემპიონატი. საქართველოში შეჯიბრებებთან დაკავშირებით სხვაგვარი ვითარება იყო. ამან შეიძლება გვიშველოს“, — უთხრა არტემიევმა გამოცემას.

ამასთან, რამდენია ეს „ძალიან დიდი პრემია“, არ კონკრეტდება.

საქართველოსა და რუსეთის რაგბის ნაკრებების შეხვედრა ევროპის ერთა თასზე თბილისში 1 ნოემბერს უნდა გაიმართოს. სატურნირო თვალსაზრისით, ამ მატჩს საქართველოს ნაკრებისთვის არანაირი მნიშვნელობა არ აქვს, ვინაიდან „ბორჯღალოსნებმა“ ვადამდე მოიგეს ევროპის ერთა თასი ზედიზედ მესამედ და მეთორმეტედ ისტორიაში.

საქართველოსა და რუსეთის რაგბის ნაკრებები სულ 23–ჯერ შეხვდენ. მატჩების საერთო ანგარიშია 579:269 — საქართველოს სასარგებლოდ.

 

95
თემები:
სპორტის ამბები (866)
ლიანა ჯოჯუა

ლიანა ჯოჯუამ ბრძოლა ვეღარ გააგრძელა - ამერიკელმა მას ცხვირი გაუტეხა

15
ქართველმა სპორტსმენმა UFC-ს ეგიდით უკვე სამი ბრძოლა ჩაატარა, საიდანაც ორი წააგო, ერთი მოგებით დაასრულა

თბილისი, 25 ოქტომბერი – Sputnik. ქართველი სპორტსმენი ლიანა ჯოჯუა („ძუ მგელი“) დამარცხდა ამერიკელ მირანდა მავერიკთან UFC-ს (Ultimate Fighting Championship) ტურნირზე, რომელიც ამ დღეებში აბუ-დაბიში იმართება.

მსაჯებმა ბრძოლა პირველივე რაუნდში გააჩერეს, რადგან ამერიკელმა ჯოჯუას ცხვირი გაუტეხა. ქართველი სპორტსმენი ბრძოლის გაჩერების კატეგორიული წინააღმდეგი იყო, მაგრამ ტრავმა ძალიან სერიოზული აღმოჩნდა.

„სამწუხაროდ, ასეც ხდება. ბრძოლის გაგრძელება მინდოდა, მაგრამ ამის შესაძლებლობა არ მომეცა“, - დაწერა ჯოჯუამ თავის Instagram-ზე.

ბრძოლის დაწყებისთანავე მავერიკმა ხელის სიგრძეში უპირატესობა მოიპოვა. ჯოჯუას რამდენიმე მცდელობა ჰქონდა ფეხებში შეებოჭა მეტოქე, მაგრამ ყოველ მცდელობისას თავში პირდაპირი დარტყმა მიიღო. ერთ-ერთ ეპიზოდში კი იდაყვით ხისტი დარტყმა მიიღო, რომელიც ცხვირის გატეხვის მიზეზი გახდა. ექიმებმა ბრძოლის შეწყვეტის გადაწყვეტილება მიიღეს და ჯოჯუას ტექნიკური ნოკაუტი ჩაეთვალა.

ჯოჯუასთვის ეს UFC-ს ეგიდით მესამე ბრძოლა იყო, საიდანაც მან ორი წააგო, ერთი მოგებით დაასრულა.

15
თემები:
სპორტის ამბები (866)
ხაბიბ ნურმაგომედოვი

ხაბიბმა UFC-ს მებრძოლის კარიერა მარცხის გარეშე დაასრულა

53
ჰაბიბ ნურმაგომედოვმა დედას პირობა მისცა, რომ კარიერას დაასრულებდა. მან სიტყვა შეასრულა და თავისი უკანასკნელი ბრძოლა მოიგო

თბილისი, 25 ოქტომბერი – Sputnik. UFC-ს ჩემპიონმა მსუბუქ წონით კატეგორიაში რუსმა ხაბიბ ნურმაგომედოვმა დაიცვა საკუთარი ტიტული ამერიკელ ჯასტინ გეიჯისთან ბრძოლაში, იუწყება Sputnik-ბელარუსი.

ხაბიბმა პირველივე წუთებიდან მოქმედება ჩვეულ მანერაში დაიწყო და მეტოქე ბადესთან მიიმწყვდია. რუსი რვაკუთხედის ცენტრს აკონტროლებდა. თუმცა მებრძოლები არ უმატებდნენ ტემპს, და დარტყმების სერიებს რიგრიგობით ატარებდნენ. პირველი რაუნდის ბოლოს ნურმაგომედოვმა მეტოქე პარტერში გადაიყვანა და იდაყვით ბერკეტის გამოყენება სცადა, მაგრამ დრო არ ეყო.

შემდეგ ხუთწუთიან მონაკვეთში რუსმა ბედის გამოცდას თავი დაანება და ბრძოლას შეუდგა. მეორე რაუნდის შუა ნაწილში მან „სამკუთხედის“ ილეთით მეტოქე მოგუდა.

უკანასკნელი ბრძოლა

ბრძოლის შემდეგ ხაბიბმა განაცხადა, რომ ახლა სურს მეტი დროის გატარება დედასთან, და მას პირობა მისცა, რომ შერეულ ორთაბრძოლებში მონაწილეობას აღარ მიიღებს. მან აღნიშნა, რომ მამის გარეშე პრომოუშენებში გამოსვლა მისთვის უინტერესო გახდა.

„მე ვარ უბრალო ბიჭი დაღესტნის მთიანი სოფლიდან. როდესაც 2012 წელს UFC-ში პირველი ბრძოლა მქონდა, ბევრს ჩემი არ სჯეროდა, გუშინ კი ჩემმა ძმამ მიამბო, რომ ჩემს პიროვნებას ყველაზე ხშირად განიხილავენ მსოფლიოში, თუმცა ეს არ მინდოდა. მე და მამაჩემი მივდიოდით ჩემპიონობისკენ, არც კი მიფიქრია, ამდენი რამ თუ მოხდებოდა“, - განაცხადა ნურმაგომედოვმა.

მან აღნიშნა, რომ ყველაზე მთავარია მშობლები, და ადამიანი მათ გვერდით უნდა იყოს.

ხაბიბის მამა აბდულმანაპ ნურმაგომედოვი ივლისში კორონავირუსს ემსხვერპლა, მებრძოლმა მისი გარდაცვალება მძიმედ გადაიტანა.

საუკეთესო მიღწევა

32 წლის ნურმაგომედოვისთვის ეს 29-ე გამარჯვება და UFC-ს ჩემპიონის ტიტულის მესამე დაცვაა. შერეულ ორთაბრძოლებში მას არცერთი წაგება არ აქვს. 31 გეიჯი კარიერის განმავლობაში სამჯერ დამარცხდა.

გეიჯისთან გამარჯვების შემდეგ ის შეიძლება გახდეს პირველი UFC-ს Pound-for-pound რეიტინგში, რომელიც ყველა წონითი კატეგორიის საუკეთესო მებრძოლებს აერთიანებს. ამჟამად რუსი მებრძოლი მეორე ადგილზეა.

53
თემები:
სპორტის ამბები (866)