დინამო სტადიონი

დაუშვებენ თუ არა საქართველო–ბელარუსის მატჩზე გულშემატკივარს გადაწყვეტილება უცნობია

56
(განახლებულია 22:02 02.10.2020)
ადრე უეფას აღმასრულებელმა კომიტეტმა მატჩზე გულშემატკივართა ნაწილობრივი დაბრუნების შესახებ განაცხადა, მხოლოდ იმ შემთხვევაში, თუ საქართველოს ხელისუფლება წინააღმდეგი არ იქნება.

თბილისი, 2 ოქტომბერი  – Sputnik.  გადაწყვეტილება იმის შესახებ, შეძლებენ თუ არა ქართველი გულშემატკივრები უეფას ერთა ლიგის ნახევარფინალში საქართველო–ბელარუსის მატჩზე დასწრებას, რომელიც თბილისში 8 ოქტომბერს გაიმართება, მოგვიანებით გახდება ცნობილი, განაცხადა საქართველოს ჯანდაცვის მინისტრმა ეკატერინე ტიკარაძემ უწყებათაშორისი საკოორდინაციო საბჭოს სხდომის შემდეგ. 

ადრე უეფას აღმასრულებელმა კომიტეტმა მატჩზე გულშემატკივართა ნაწილობრივი დაბრუნების შესახებ განაცხადა, მხოლოდ იმ შემთხვევაში, თუ საქართველოს ხელისუფლება წინააღმდეგი არ იქნება.

აღნიშნული გადაწყვეტილება ძალაში მომავალი კვირიდან შევა, როდესაც ეროვნული გუდების მონაწილეობით მატჩები გაიმართება.

„ჩვენ ამ საკითხზე ჯერ არ გვიმსჯელია, თუმცა ინფორმაცია ჩვენამდე მოვიდა. ჩვენ კიდევ ერთხელ შევიკრიბებით და გამომდინარე იქიდან, თუ როგორი ეპიდვითარება იქნება ქვეყანაში იმ დროისთვის და ასევე სპეციალისტების შესაბამისი რეკომენდაციების გათვალისწინებით, მივიღებთ გადაწყვეტილებას“, – განაცხადა ტიკარაძემ.უეფას რეკომენდაციების თანახმად, თითოეულ მატჩზე დასწრებას, სტადიონის საერთო ტევადობიდან გამომდინარე, 30%–მდე გულშემატკივარი შეძლებს. ამგვარად, იმის გათვალისწინებით, რომ „დინამო არენა“ 55 ათას მაყურებელზეა გათვლილი, საქართველო–ბელარუსის მატჩზე დასწრებას დაახლოებით 18 ათასი ადამიანი შეძლებს.
თუმცა, პანდემიიდან გამომდინარე დადგენილი წესების შესაბამისად, საქართველოში ამ ეტაპზე ღია სივრცეში შეკრებილი ადამიანების რაოდენობა 200–ს არ უნდა აღემატებოდეს. ამასთან დაკავშირებით, სფფ–ის წარმომადგენლები საქართველოს შესაბამის სტრუქტურებთან აღნიშნულ საკითხზე აქტიურ მოლაპარაკებებსა და კონსულტაციებს მართავენ.

56
თემები:
სპორტის ამბები (865)
ხაბიბ ნურმაგომედოვი

ხაბიბმა UFC-ს მებრძოლის კარიერა მარცხის გარეშე დაასრულა

36
ჰაბიბ ნურმაგომედოვმა დედას პირობა მისცა, რომ კარიერას დაასრულებდა. მან სიტყვა შეასრულა და თავისი უკანასკნელი ბრძოლა მოიგო

თბილისი, 25 ოქტომბერი – Sputnik. UFC-ს ჩემპიონმა მსუბუქ წონით კატეგორიაში რუსმა ხაბიბ ნურმაგომედოვმა დაიცვა საკუთარი ტიტული ამერიკელ ჯასტინ გეიჯისთან ბრძოლაში, იუწყება Sputnik-ბელარუსი.

ხაბიბმა პირველივე წუთებიდან მოქმედება ჩვეულ მანერაში დაიწყო და მეტოქე ბადესთან მიიმწყვდია. რუსი რვაკუთხედის ცენტრს აკონტროლებდა. თუმცა მებრძოლები არ უმატებდნენ ტემპს, და დარტყმების სერიებს რიგრიგობით ატარებდნენ. პირველი რაუნდის ბოლოს ნურმაგომედოვმა მეტოქე პარტერში გადაიყვანა და იდაყვით ბერკეტის გამოყენება სცადა, მაგრამ დრო არ ეყო.

შემდეგ ხუთწუთიან მონაკვეთში რუსმა ბედის გამოცდას თავი დაანება და ბრძოლას შეუდგა. მეორე რაუნდის შუა ნაწილში მან „სამკუთხედის“ ილეთით მეტოქე მოგუდა.

უკანასკნელი ბრძოლა

ბრძოლის შემდეგ ხაბიბმა განაცხადა, რომ ახლა სურს მეტი დროის გატარება დედასთან, და მას პირობა მისცა, რომ შერეულ ორთაბრძოლებში მონაწილეობას აღარ მიიღებს. მან აღნიშნა, რომ მამის გარეშე პრომოუშენებში გამოსვლა მისთვის უინტერესო გახდა.

„მე ვარ უბრალო ბიჭი დაღესტნის მთიანი სოფლიდან. როდესაც 2012 წელს UFC-ში პირველი ბრძოლა მქონდა, ბევრს ჩემი არ სჯეროდა, გუშინ კი ჩემმა ძმამ მიამბო, რომ ჩემს პიროვნებას ყველაზე ხშირად განიხილავენ მსოფლიოში, თუმცა ეს არ მინდოდა. მე და მამაჩემი მივდიოდით ჩემპიონობისკენ, არც კი მიფიქრია, ამდენი რამ თუ მოხდებოდა“, - განაცხადა ნურმაგომედოვმა.

მან აღნიშნა, რომ ყველაზე მთავარია მშობლები, და ადამიანი მათ გვერდით უნდა იყოს.

ხაბიბის მამა აბდულმანაპ ნურმაგომედოვი ივლისში კორონავირუსს ემსხვერპლა, მებრძოლმა მისი გარდაცვალება მძიმედ გადაიტანა.

საუკეთესო მიღწევა

32 წლის ნურმაგომედოვისთვის ეს 29-ე გამარჯვება და UFC-ს ჩემპიონის ტიტულის მესამე დაცვაა. შერეულ ორთაბრძოლებში მას არცერთი წაგება არ აქვს. 31 გეიჯი კარიერის განმავლობაში სამჯერ დამარცხდა.

გეიჯისთან გამარჯვების შემდეგ ის შეიძლება გახდეს პირველი UFC-ს Pound-for-pound რეიტინგში, რომელიც ყველა წონითი კატეგორიის საუკეთესო მებრძოლებს აერთიანებს. ამჟამად რუსი მებრძოლი მეორე ადგილზეა.

36
თემები:
სპორტის ამბები (865)
რაგბი. საქართველო-შოტლანდია

საქართველოს მორაგბეთა ნაკრებმა შოტლანდიასთან ტესტ-მატჩი წააგო

52
შოტლანდიასთან ეს წაგება საქართველოსთვის ყველაზე სერიოზული გახდა, აქამდე გუნდებს ოთხი მატჩი ჰქონდათ გამართული და ოთხივეჯერ შოტლანდიელებმა მოიგეს

თბილისი, 24 ოქტომბერი – Sputnik. საქართველოს მორაგბეთა ეროვნულმა ნაკრებმა შოტლანდიის გუნდთან ტესტ-მატჩში ედინბურგში ანგარიშით 7:48 წააგო.

მასპინძლებმა რვა წარმატებული ლელო დადეს და ოთხი გარდასახვა შეასრულეს. ქართველი მორაგბეების ანგარიშზეა მხოლოდ ერთი ლელო, რომლის ავტორი აკაკი ტაბუცაძე გახდა. გარდასახვა თედო აბჟანდაძის ანგარიშზეა.

შოტლანდიელებმა შეხვედრა ძალიან აქტიურად დაიწყეს და პირველივე შეტევა ლელოთი დაასრულეს. პირველი ტაიმის შუა პერიოდამდე ქართველები თავს კარგად იცავდნენ, მაგრამ როგორც კი შოტლანდიელები ტემპს მოუმატებდნენ, საქართველოს ნაკრები ფრაგმენტებად იშლებოდა. შედეგად თამაშის პირველი ნახევარი ანგარიშით 17:0 დასრულდა.

შესვენების შემდეგ შოტლანდიელებმა დაცვაში შეცდომა დაუშვეს და ლევან მაისაშვილის შეგირდებმა ანგარიშის გახსნა შეძლეს. ბურთი მეტოქის ჩათვლის ზონაში ტაბუცაძემ გაიტანა, გარდასახვაში ზუსტი აბჟანდაძე გამოდგა. სამწუხაროდ, ეს „ბორჯღალოსნების“ შესრულებით ერთადერთი წარმატებული მომენტი იყო.

 

Тест-матч между сборными Грузии и Шотландии по регби
რაგბი. საქართველო-შოტლანდია

ამ შეცდომის შემდეგ შოტლანდიელები სრულად დაეუფლნენ ინიციატივას და დარჩენილ დროში კიდევ ხუთი ლელო დადეს და სამი გარდასახვა განახორციელეს. ცხადი იყო, რომ გუნდები მზადყოფნის სხვადასხვა ფუნქციურ დონეზე არიან.

შოტლანდიასთან ეს მარცხი საქართველოსთვის ყველაზე სერიოზული აღმოჩნდა. ამ მატჩამდე გუნდებს ოთხი შეხვედრა აქვთ გამართული და ოთხივეჯერ გამარჯვება შოტლანდიელებს ერგოთ - 15:6, 43:16, 44:10, 36:9.

52
თემები:
სპორტის ამბები (865)
თურქეთის დროშა

კორონავირუსუს გამო საქართველოში თურქეთის საკონსულო მუშაობას აჩერებს

0
დიპლომატიური მისია თავის მოქალაქეებს მოუწოდებს, საჭიროების შემთხვევაში საკონსულოს ცხელ ხაზს დაუკავშირდნენ.

თბილისი, 25 ოქტომბერი – Sputnik. საქართველოში ახალი კორონავირუსის გავრცელების მაჩვენებლის ზრდის გამო თურქეთის საკონსულო მუშაობას აჩერებს, აღნიშნულია თურქეთის საელჩოს Facebook-გვერდზე. 

საქართველოში ახალი კორონავირუსით ინფიცირების დღე-ღამური მაჩვენებელი ორი ათასს უახლოვდება. ეპიდემიოლოგების პროგნოზებით, ნოემბერში ახალი შემთხვევების რაოდენობა სამ-ოთხ და ხუთი ათასსაც კი მიაღწევს დღე-ღამეში.

თურქეთის დიპლომატიური მისია აცხადებს, რომ საკონსულოში ოპერაციები აღარ განხორციელდება მანამ, სანამ ამის შესახებ ხელალხალი განცხადება არ გაკეთდება. საელჩო მიმართავს თავის მოქალაწქეებს, შესაძლო გადაუდებელი საკონსულო ოპერაციების განხორციელების მიზნით დაუკავშირდნენ საკონსულოს ცხელ ხაზს. 

საქართველოში ახალი კორონავირუსით დაავადებულთა რაოდენობამ 28431-ს მიაღწია.

ამ დროისათვის სულ გამოჯანმრთელდა 10767 ადამიანი, კარანტინის რეჟიმში იმყოფება 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში