თორნიკე შენგელია

თორნიკე შენგელიამ ახალ გუნდში პირველი ჯილდო დაიმსახურა

116
შენგელია გადავიდა ЦСКА-ში 2020 წლის ივლისში ესპანეთის „ბარსელონადან“, სადაც 2014 წლიდან თამაშობდა, ამ სეზონზე კი კლუბს ქვეყნის ჩემპიონატის მოგებაში დაეხმარა

თბილისი, 19 სექტემბერი — Sputnik. საქართველოს კალათბურთის ნაკრების კაპიტანმა თორნიკე შენგელიამ, რომელიც მოსკოვის ЦСКА-ში („ცსკა“) თამაშობს, „არმიელთა“ შემადგენლობაში პირველი ჯილდო - გომელსკის თასი მოიპოვა.

ტრადიციული ტურნირის ფინალში, რომელიც მოსკოვში გაიმართა, ЦСКА-მ პერმის „პარმა“ ანგარიშით 91:51 გაანადგურა.

ტურნირის შედეგების მიხედვით, შენგელია საუკეთესო ფორვარდად აღიარეს. ფინალურ მატჩში ქართველი კალათბურთელის ანგარიშზეა 10 ქულა, სამი მოხსნა, სამი შედეგიანი გადაცემა და ოთხი ჩაჭრა. გამარჯვებულ გუნდში ყველაზე შედეგიანი მოთამაშე გახდა დერან ჰილიარდი, რომელმაც 14 ქულა დააგროვა.

Баскетболист Торнике Шенгелия
თორნიკე შენგელია

თორნიკე შენგელია „ცსკა"-ში მიმდინარე წლის ივლისში ესპანეთის „ბასკონიიდან" გადავიდა, რომელშიც 2014 წლიდან თამაშობდა. ამ სეზონში ის კლუბს ქვეყნის ჩემპიონობაში დაეხმარა. 28 წლის ქართველი კალათბურთელის კონტრაქტი მოსკოვის კლუბთან სამ წელზეა გათვლილი.

გომელსკის თასი - ტრადიციული ამხანაგური ტურნირია, რომელიც მე-13-დ გაიმართა. მოსკოვის „ცსკა“ თასს მეათედ დაეუფლა.

116
თემები:
სპორტის ამბები (863)
ფეხბურთი. საქართველო–სომხეთის დაპირისპირება

საქართველოს ნაკრები „ფიფას“ რეიტინგში კვლავ დაწინაურდა

61
(განახლებულია 20:51 22.10.2020)
საქართველოს ეროვნული გუნდი პროგრესს განაგრძობს. „ფიფას“ რეიტინგში ლიდერობას კი ბელგიის ნაკრები ინარჩუნებს.

თბილისი, 22 ოქტომბერი – Sputnik. საქართველოს ეროვნული ნაკრები ფიფას რეიტინგში სამი პოზიციით დაწინაურდა. მონაცემები „ფიფას“ ოფიციალურ ვებ-გვერდზე განახლდა.

ოქტომბერში ჩატარებულ სანაკრებო შეხვედრებამდე საქართველო 89-ე პოზიციას იკავებდა. ბელარუსთან გამარჯვებამ, ასევე სომხეთთან და ჩრდილოეთ მაკედონიასთან ფრედ დასრულებულმა შეხვედრებმა ვლადიმირ ვაისის გუნდს „ფიფას“ რეიტინგში 13 ქულა შემატა. შესაბამისად, განახლებულ რეიტინგში ჩვენი ქვეყნის ნაკრები ახლა 1287 ქულით 86-ე ადგილს იკავებს.

აღსანიშნავია, რომ ჩვენმა ნაკრებმა რეიტინგში ბელარუსს გადაასწრო, რომელიც 3 საფეხურით დაქვეიდა და 90-ე პოზიციაზე გადაინაცვლა.

განახლებული რეიტინგის სათავეში შესამჩნევად არაფერი შეცვლილა. ლიდერობას 1765 ქულით კვლავ ბელგიის ნაკრები ინარჩუნებს. მეორე და მესამე ადგილებს კი საფრანგეთისა და ბრაზილიის ნაკრებები იკავებენ.

საქართველოს ეროვნულმა ნაკრებმა 8 ოქტომბერს ნახევარფინალში ბელარუსი დაამარცხა და ერთა ლიგის გათამაშების ფინალში გავიდა, სადაც 12 ნოემბერს ჩრდილოეთ მაკედონიის ნაკრებს დაუპირისპირდება. ჩვენი მოწინააღმდეგე განახლებულ რეიტინგში 65-ე ადგილზე იმყოფება.

საქართველო–ჩრდილოეთ მაკედონიის მატჩი 12 ნოემბერს „დინამო არენაზე“ გაიმართება. ამ შეხვედრაში გამარჯვებული 2021 წელს ევროპის ჩემპიონატზე იასპარეზებს.

61
თემები:
სპორტის ამბები (863)
რაგბი. საქართველო–შოტლანდიის დაპირისპირება

გაირკვა საქართველოს ნაკრების შემადგენლობა ბორჯღალოსნები შოტლანდიას დანაკლისით ხვდებიან

57
(განახლებულია 16:41 22.10.2020)
გუნდის მთავარი მწვრთნელის ლევან მაისაშვილის თქმით, თუ უთამაშებლობამ თავი არ იჩინა, კარგი და საინტერესო თამაში გამოვა.

თბილისი, 22 ოქტომბერი – Sputnik. ცნობილი გახდა საქართველოს რაგბის ეროვნული ნაკრების შემადგენლობა 23 ოქტომბერს „მარიფილდზე“ შოტლანდიის ნაკრებთან გასამართი ტესტ-მატჩის წინ. ინფორმაციას საქართველოს რაგბის კავშირი ავრცელებს.

23-კაციან განაცხადში მოხვდა დებიუტანტი ლექსო ყაულაშვილი. გუნდში ასევე დაბრუნდა ჯაბა ბრეგვაძე, რომელსაც 2019 წლის მსოფლიო თასის შემდეგ ეროვნული ნაკრების მაისურით არ უთამაშია.

ბორჯღალოსნებს ტრავმების გამო დააკლდებათ რამდენიმე მორაგბე – ბექა გიგაშვილი, ლევან ჩილაჩავა, კოტე მიქაუტაძე, გიორგი ცუცქირიძე, ვანო კარგაძე და ლაშა ხმალაძე.

დანაკლისსა და შემადგენლობაზე ბორჯღალოსანთა თავკაცმა ლევან მაისაშვილმა ისაუბრა.

„თუ არ ჩავთვლით ტრავმირებულ მოთამაშეებს, ოპტიმალური შემადგენლობა შევარჩიეთ. არ ვაპირებ ჩემი მორაგბეების რისკის ქვეშ დაყენებას“, – განაცხადა ლევან მაისაშვილმა.

მაისაშვილმა ნაკრების დებიუტანტ ლექსო ყაულაშვილზეც ისაუბრა. მისი თქმით, ლექსო კარგ ფორმაშია და გუნდის მზადების პროცესშიც კარგად ჩაერთო.

„გვყავს მობილური და სწრაფი მესამე ხაზი, თუ უთამაშებლობამ თავი არ იჩინა, კარგი და საინტერესო თამაში გამოგვივა“, – აღნიშნა მაისაშვილმა.

საქართველოს ნაკრების ტესტ-მატჩი შოტლანდიის ნაკრებთან ედინბურგში, „მარიფილდის“ სტადიონზე 23 ოქტომბერს, თბილისის დროით 22:30 საათზე დაიწყება.

ქართველ მორაგბეებს კორონავირუსი დაუდასტურდათ>>

კორონავირუსის პანდემიით გამოწვეული მიზეზების გამო 2020 წელს ევროპაში დაგეგმილი რაგბის სანაკრებო მატჩები, მათ შორის საქართველო-რუსეთის შეხვედრა გაურკვეველი ვადით გადაიდო.

57
თემები:
სპორტის ამბები (863)
კორონავირუსის ეპიდემია. მამაკაცი პირბადით ... ნიკაპზე

„კორონავირუსი ხომ არ მაქვს ???“: COVID-19-ის უტყუარი დიაგნოსტიკა ექიმ კომაროვსკისგან

0
(განახლებულია 12:20 24.10.2020)
მსოფლიოში კორონავირუსით ინფიცირების უკვე 42,2 მილიონი შემთხვევა დაფიქსირდა, გარდაიცვალა 1,1 მილიონი ადამიანი.

თბილისი, 24 ოქტომბერი – Sputnik. ყნოსვის და გემოს გრძნობის დაკარგვა კორონავირუსული ინფექციის მნიშვნელოვანი დიაგნოსტიკური სიმპტომია, მიიჩნევს ცნობილი ექიმი და ტელეწამყვანი ევგენი კომაროვსკი. ამის შესახებ РИА Новости წერს.

„ტესტი „რისი სუნი აქვს?“ გაცილებით ზუსტია, ვიდრე ნებისმიერი თერმომეტრია“, - განაცხადა მან.

ექიმმა აღნიშნა, რომ ყნოსვის დაკარგვა გრიპის დროსაც ხდება, მაგრამ მაშინ ეს განპირობებულია სურდოთი, ცხვირის „გაჭედვით“.

„კორონავირუსის დროს სურდო თითქმის არ არის, ყნოსვა კი იკარგება“, - აღნიშნა კომაროვსკიმ.

ასეთ სიმპტომს ექიმი ხსნის იმით, რომ COVID-19 აზიანებს იმ ნერვულ უჯრედებს, რომლებიც სუნსა და გემოს აღქმაში გვეხმარება. თუმცა ეს ცვლილებები აღდგენადია. სპეციალისტი აღნიშნავს, რომ ყნოსვის ფუნქციის აღდგენას სამი კვირა სჭირდება, ზოგჯერ კი სამი თვეა საჭირო.

მსოფლიოში კორონავირუსით ინფიცირების უკვე 42,2 მილიონი შემთხვევა დაფიქსირდა, გარდაიცვალა 1,1 მილიონი ადამიანი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1941-ით გაიზარდა და საერთო რიცხვმა 26503-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 10163 ადამიანი, გარდაიცვალა – 193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571 პაციენტია, ხოლო კოვიდ–სასტუმროებში 1848 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19-ის პანდემია მსოფლიოში