გიორგი ჭიაბრიშვილი

„ლოკომოტივის“ მთავარი მწვრთნელი: „ეს არ არის დაპირისპირება რუსეთსა და საქართველოს შორის“

98
(განახლებულია 00:45 17.09.2020)
„ლოკომოტივის“ ერთადერთი მიზანია - ქომაგები გაახაროს და უჩვენოს კარგი თამაში, განაცხადა გიორგი ჭიაბრიშვილმა

თბილისი, 16 სექტემბერი — Sputnik. პოლიტიკა და სპორტი ერთმანეთში არ უნდა ავურიოთ, განაცხადა თბილისის „ლოკომოტივის“ მთავარმა მწვრთნელმა გიორგი ჭიაბრიშვილმა უეფას ევროპის ლიგის მეორე საკვალიფიკაციო რაუნდის მატჩის წინ მოსკოვის „დინამოსთან“, რომელიც თბილისში გაიმართება.

„მე პოლიტიკაში არ ვერევი, საქართველოსა და რუსეთს შორის ურთიერთობაზე ბევრია სათქმელი, თუმცა ეს სპორტია, მოედანზე ფეხბურთს ვთამაშობთ და იმედია, მეორე გუნდიც ასე ფიქრობს. მოსკოვის „დინამოს" ეთამაშება თბილისის "ლოკომოტივი", ესაა სულ, ვისაც სხვა რამ აინტერესებს, ასეთი რამ ჩვენგან შორსაა. ჩემს ბიჭებსაც ეს ვუთხარი“, - განაცხადა ჭიაბრიშვილმა მატჩისწინა პრესკონფერენციაზე.

Тренировка тбилисского клуба Локомотив на стадионе Михаила Месхи-2
© Sputnik / Alexander Imedashvili
თბილისის „ლოკომოტივის“ ვარჯიში მიხეილ მესხის სტადიონზე

ამასთან ქართველმა სპეციალისტმა აღნიშნა, რომ მის გუნდს წნეხის ქვეშ მოუწევს თამაში.

„წნეხს რაც შეეხება, წნეხი სულ არის, როცა ქართული გუნდები ევროპაში გავდივართ. ჩემთვის მთავარი მამოძრავებელია, რომ როდესმე მოვხვდეთ ჯგუფურ ეტაპზე. ერთხელ რომ მოხდება ეს, ვინც არ უნდა მოახერხოს, მერე გაადვილდება. ამიტომ, ჩემთვის მნიშვნელობა არ აქვს, მოსკოველებს ვეთამაშებით თუ რუმინელებს, ეს სარბიელია, რომელზეც ქართველ გულშემატკივარს სიხარული უნდა მოვუტანოთ“, - ხაზგასმით აღნიშნა „ლოკომოტივის“ მთავარმა მწვრთნელმა.

ჭიაბრიშვილი მოსკოვის „დინამოს“ თამაშის სტილსაც შეეხო. მისი თქმით, „დინამო“ დაცვაში თამაშობს და მთელი მატჩის დროს შეიძლება ელოდოს თავის შანსს, როგორც ეს „ზენიტთან“ თამაშის დროს იყო, რომელშიც „დინამომ“ 1:0 მოიგო.

მისი თქმით, განსხვავდება მოსკოვის „დინამოს" და რუმინული „კრაიოვას“ გუნდების ტაქტიკა საკმაოდ განსხვავებულია.

„შევისწავლეთ და გავარჩიეთ გუნდურადაც და ინდივიდუალურადაც. კრაიოვას ძალიან ძლიერი გუნდი ჰყავდა, მაგრამ მათ წინააღმდეგ თამაში ადვილი იყო, რადგან სულ ერთი ტაქტიკით და შემადგენლობით თამაშობდნენ. მოსკოველები კი განლაგებას ცვლიან, ხან 5 მცველით თამაშობენ, ხან - ოთხით. მათი მოთამაშეების 80 % თავისი ქვეყნის ეროვნულ ნაკრებში თამაშობს... ერთი სიტყვით, ორივე ძლიერი გუნდია, მაგრამ მოსკოველებს საერთაშორისო გამოცდილების მქონე უფრო მეტი მოთამაშე ჰყავს და მეტი კლასიც აქვთ“, - აღნიშნა ჭიაბრიშვილმა.

რაც შეეხება „ლოკომოტივის“ მოთამაშეებს, ჭიაბრიშვილის თქმით, ყველა ფეხბურთელი ჯანმრთელად არის და მატჩისთვის მზადაა.

„მზადება ჩვეულებრივი იყო, მაქსიმალურად კონცენტრირებულები ვიყავით, ტრავმირებულები არ არინ და თამაშს კარგი განწყობით ვხვდებით, რადგან საქართველოს ჩემპიონატის ბოლო შეხვედრა მოვიგეთ“, - განაცხადა ჭიაბრიშვილმა.

უეფას ევროპის ლიგის მეორე საკვალიფიკაციო რაუნდის მატჩი თბილისის „ლოკომოტივსა“ და მოსკოვის „დინამოს“ შორის თბილისში მიხეილ მესხის სტადიონზე 17 სექტემბერს 21:00 საათზე გაიმართება.

უეფას რეგულაციებისა და რეკომენდაციების თანახმად, რომლებიც COVID-19-ის პანდემიას უკავშირდება, ტურნირის ყველა მატჩი ცარიელი ტრიბუნებით გაიმართება.

მატჩის ონლაინ-ტრანსლაცია იხილეთ Sputnik-საქართველოს ვებგვერდზე ხუთშაბათს 20:00 საათიდან.

98
თემები:
სპორტის ამბები (822)
თორნიკე შენგელია

შენგელიამ ЦСКА-ს შემადგენლობაში პირველივე ოფიციალურ მატჩში მუხლი დაიზიანა

29
დროის იმ ხანმოკლე მონაკვეთში, რომელიც შენგელიამ პარკეტზე გაატარა, ქართველმა ფორვარდმა ორი ქულის მოპოვება და ორი მოხსნის გაკეთება მოასწრო

თბილისი, 23 სექტემბერი - Sputnik. საქართველოს ნაკრების კაპიტანმა თორნიკე შენგელიამ, რომელიც მოსკოვის ЦСКА-ს შემადგენლობაში თამაშობს, გუნდის პირველივე ოფიციალურ შეხვედრაზე მუხლი დაიზიანა, აღნიშნულია კლუბის ვებგვერდზე განთავსებულ განცხადებაში.

VTB ლიგის სადებიუტო შეხვედრაში ყაზახური „ასტანას“ წინააღმდეგ შენგელიამ პარკეტზე მხოლოდ 3 წუთი და 19 წამი გაატარა, რის შემდეგაც მუხლი დაიზიანა. მაგრამ, როგორც ჩანს, ტრავმა სერიოზული არაა. შენგელიას დაზიანებული ადგილი გაუყინეს და ის სათადარიგო სკამთან ითელებოდა იმ იმედით, რომ თამაშს დაუბრუნდებოდა. თუმცა საბოლოო ჯამში მოედანზე შენგელია მატჩის განმავლობაში აღარ გასულა.

რაც შეეხება შეხვედრის შედეგს, ЦСКА-მ დამაჯერებელი გამარჯვება მოიპოვა - 93:60. დროის იმ ხანმოკლე მონაკვეთში, რომელიც შენგელიამ პარკეტზე გაატარა, ქართველმა ფორვარდმა ორი ქულის აღება და ორი მოხსნის გაკეთება მოასწრო. საუკეთესო შედეგს კი გამარჯვებული გუნდის შემადგენლობაში მიაღწია მაიკ ჯეიმსმა, რომელმაც გუნდს 21 ქულა მოუტანა.

მომდევნო შეხვედრას VTB ლიგის ფარგლებში ЦСКА 26 სექტემბერს პერმის „ამკარის“ წინააღმდეგ გამართავს.

შენგელია ЦСКА-ში მიდმინარე წლის ივლისში გადავიდა ესპანური „ბასკონიიდან“, სადაც 2014 წლიდან თამაშობდა. გასულ სეზონზე მისი კლუბი ქვეყნის ჩემპიონი გახდა (პირველად 2010 წლის შემდეგ). 28 წლის ქართველ კალათბურთელს მოსკოვის ЦСКА-სთან სამწლიანი კონტრაქტი აქვს გაფორმებული.

29
თემები:
სპორტის ამბები (822)
ნიკოლოზ ბასილაშვილი

ბასილაშვილის კრიზისი გრძელდება: საქართველოს პირველი ჩოგანი ისევ დამარცხდა

120
(განახლებულია 20:02 22.09.2020)
კორონავირუსის პანდემიის გამო შეჩერებული საჩოგბურთო სეზონის განახლების შემდეგ ბასილაშვილმა შვიდი მატჩი წააგო ისე, რომ არც ერთი სეტი არ მოუგია.

თბილისი, 22 სექტემბერი – Sputnik. საქართველოს პირველმა ჩოგანმა ნიკოლოზ ბასილაშვილმა (33-ე ნომერი АТР-ს რეიტინგში) საჩოგბურთო სეზონის განახლების შემდეგ უკვე მეშვიდედ წააგო.

ჰამბურგის ტურნირის პირველივე წრეში (Hamburg European Open) ბასილაშვილი ესპანელ რობერტო ბაუტისტა-აგუტთან (11) ორ სეტში დამარცხდა. მატჩს საათ-ნახევარზე ნაკლები დრო დასჭირდა.

ქართველ ჩოგბურთელს ჰქონდა გარკვეული შანსები, თუმცა თავად მან მისცა ბაუტისტა-აგუტს ოთხი ბრეიკის გაკეთების საშუალება. ამან კი საბოლოოდ მისი დამარცხება გამოიწვია.

ბასილაშვილი ჰამბურგის ტურნირების ბოლო ორი წლის გამარჯვებული იყო. ამჯერად მან ვერ შეძლო თავისი ტიტულის დაცვა და 500 სარეიტინგო ქულა დაკარგა. ეს ნიშნავს, რომ АТР-ს განახლებულ რეიტინგში, რომელიც 28 სექტემბერს გამოქვეყნდება, ბასილაშვილი 33-ე ადგილიდან დაახლოებით მე-60 პოზიციაზე გადაინაცვლებს.

საჩოგბურთო სეზონის განახლების შემდეგ, რომელიც COVID-19-ის პანდემიის გამო იყო შეჩერებული, ბასილაშვილმა შვიდი მატჩი წააგო ისე, რომ არც ერთი სეტი არ მოუგია.

ბასილაშვილს ბრალი არ დამძიმებია: გენპროკურატურა ინფორმაციას უარყოფს>>

შეიძლება ითქვას, რომ ბასილაშვილის ასეთი უსახური თამაში ყოფილ მეუღლესთან დაკავშირებულ ვითარებას უკავშირდება. ნეკა დოროყაშვილი ბასილაშვილს ოჯახურ ძალადობაში ადანაშაულებს. ამ საკითხზე სასამართლო პროცესი მიმდინარეობს. ასეთ ვითარებაში სპორტსმენს, როგორც ჩანს, უჭირს ჩოგბურთზე კონცენტრირება.

120
თემები:
სპორტის ამბები (822)
ნახევარმთვარე

მთვარის კალენდარი: 24 სექტემბერი რისი გაკეთება შეიძლება და რისი არა

0
(განახლებულია 12:24 22.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 სექტემბერი, ხუთშაბათი. ამ დღეს იუპიტერი მართავს. მზარდი მთვარე თხის რქის ნიშანშია.

თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები. ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

რეკომენდებულია მოლაპარაკებების წარმოება, ხელმძღვანელების მხრიდან თანამშრომლებისთვის მადლობის გადახდა, წახალისება, ხოლო ქვეშევრდომებს შეუძლიათ მიმართონ თხოვნით ხელმძღვანელობას, ხელოვნების სფეროს წარმომადგენლების მხარდაჭერა, ახალი პარტნიორების ძებნა, უფრო ინდივიდუალურად მუშაობა, ვიდრე გუნდურად.

არარეკომენდებულია გაძლიერებული მუშაობა, რომელსაც ჯანმრთელობისთვის ზიანის მიყენება შეუძლია.

არცთუ ხელსაყრელი დღეა მგზავრობისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

0