ვლადიმირ ვაისი

ვლადიმირ ვაისი: „შეგვეძლო მოგება, მაგრამ ფრეც ნორმალური შედეგია“

81
(განახლებულია 17:19 09.09.2020)
მწვრთნელის თქმით, ჩვენს კარში გაშვებული გოლი ახალგაზრდა მცველის ნიკა მალის შეცდომის შედეგია, რომლისთვისაც ეს შეხვედრა დებიუტი იყო ეროვნული გუნდის შემადგენლობაში.

თბილისი, 9 აგვისტო – Sputnik. საქართველოს ფეხბურთის ნაკრების მთავარმა მწვრთნელმა ვლადიმირ ვაისმა უეფას ერთა ლიგის მატჩის შემდეგ ჩრდილოეთ მაკედონიის წინააღმდეგ (1:1) განაცხადა, რომ მის გუნდს თამაშის მოგება შეეძლოა, მაგრამ ფრეც მისაღებია. 

„მოგება გვსურდა და შეგვეძლო კიდეც, მაგრამ, ვფიქრობ, ფრეც ნორმალური შედეგია. ბოლო წუთებში შეტევა გავაძლიერეთ, მაგრამ, სამწუხაროდ, გამარჯვების გოლის გატანა, შანსების მიუხედავად, არ გამოგვივიდა. წინ ბელარუსთან გადამწყვეტი თამაში გველის და ვიმედოვნებ, რომ ფეხბურთელებს უფრო მეტი სათამაშო პრაქტიკა ექნებათ, რადგან ბევრს პრაქტიკის ნაკლებობა დაეტყო“, – განაცხადა სლოვაკმა სპეციალისტმა მატჩის შემდგომ პრესკონფერენციაზე.

Сборная Македонии забила гол сборной Грузии. Счет в первом тайме 1:1
© Sputnik / Alex Shlamov
ფეხბურთი. საქართველო – ჩრდილოეთ მაკედონია

ამასთან ვაისმა აღნიშნა, რომ გაშვებული გოლი ახალგაზრდა მცველის ნიკა მალის შეცდომის შედეგი იყო, რომლისთვისაც ეს შეხვედრა დებიუტი იყო ეროვნული გუნდის შემადგენლობაში.

„დაცვის მარცხენა ფლანგზე უკვე დიდი ხანია პრობლემები გვაქვს და გადავწყვიტეთ, რომ ნიკა მალის ეთამაშა. მან დაახლოებით 30 წუთი ძალიან კარგად ითამაშა, მაგრამ გეთანხმებით, რომ გოლის დროს შეცდომა დაუშვა და შესაძლოა, ეს ჩემი ბრალიცაა და შანსი ცოტა ადრე მივეცი“, – აღნიშნა ვაისმა.

ჩრდილოეთ მაკედონიის გუნდის მწვრთნელი იგორ ანგელოვსკი კი მატჩის შედეგით კმაყოფილია.

Игор Ангеловский - главный тренер сборной Северной Македонии по футболу
© Sputnik / Vladimir Umikashvili.
იგორ ანგელოვსკი

„ჩვენმა გუნდმა დღეს ერთი ქულა მოიპოვა, ვულოცავ ჩემს ფეხბურთელებს, რადგან ძალიან რთული თამაში იყო კარგი გუნდის წინააღმდეგ. სომხეთთან პირველი თამაშის შემდეგ, საქართველოში წამოსვლამდე სულ 3-4 ვარჯიში გვქონდა და ამიტომ დღეს საუკეთესო თამაში ვერ ვაჩვენეთ... იმის მიხედვით, როგორც თამაში წარიმართა, კმაყოფილი ვარ და ვეცდებით, მომდევნო მატჩებში უკეთესი თამაში ვაჩვენოთ“, – განაცხადა ანგელოვსკიმ.

Матч по футболу между сборными Грузии и Северной Македонии
© Sputnik / Alex Shlamov
ფეხბურთი. საქართველო – ჩრდილოეთ მაკედონია

საქართველოს ნაკრებმა გოლი მე-13 წუთზე გაიტანა – თორნიკე ოქრიაშვილმა პენალტი ზუსტად დაარტყა. საპასუხო გოლი 33-ე წუთზე სტეფან რისტოვსკიმ გაიტანა. ქართველ ფეხბურთელებს დაწინაურების რამდენიმე კარგი შესაძლებლობა ჰქონდათ, მაგრამ მომენტები ვერ გამოიყენეს.

უეფას ერთა ლიგაში ორი ტურის შემდეგ საქართველოსა და ჩრდილოეთ მაკედონიის ნაკრებებს ოთხ–ოთხი ქულა აქვთ და ისინი С დივიზიონის II ჯგუფის სათავეში არიან. მესამე ადგილზე სამი ქულით სომხეთის გუნდია.

შემდეგ გასვლით მატჩს უეფას ერთა ლიგის გათამაშების ფარგლებში საქართველო 11 ოქტომბერს სომხეთის წინააღმდეგ გამართავს.

 

81
თემები:
სპორტის ამბები (817)
 ქართველი სუმოისტი ლევან გორგაძე, რომელიც ტოჩინოშინის სახელით ასპარეზობს

ქართველმა სუმოისტმა ტოკიოს შემოდგომის ტურნირზე მორიგი გამარჯვება მოიპოვა

47
(განახლებულია 14:39 20.09.2020)
ამგვარად, ტურნირზე გამართული შეხვედრების შემდეგ ლევან გორგაძის ბალანსი ასეთია - 4 მოგება და 4 წაგება.

თბილისი, 20 სექტემბერი – Sputnik. ქართველმა სუმოისტმა ლევან გორგაძემ, რომელიც ტოჩინოშინის სახელით ასპარეზობს, მეოთხე ეფექტური გამარჯვება მოიპოვა შემოდგომის აკი ბაშოზე, რომელსაც ამ დღეებში ტოკიო მასპინძლობს.

მეშვიდე საშეჯიბრო დღეს ტოჩინოშინმა, რომელიც დასავლეთის მეოთხე მაეგაშირას რანგში გამოდის, ოძეკი ტაკაკეისე დაამარცხა. ქართველმა ფალავანმა ტატიაი-ჰენკის ილეთი გამოიყენა და მეტოქე ჰატაკიკომიზე გამოიჭირა.

ამგვარად, ტურნირზე გამართული შეხვედრების შედეგებით ლევან გორგაძის ბალანსი ასეთია - 4 მოგება და 4 წაგება.

ხვალ ტოჩინოშინი დაუპირისპირდება ოძეკი ასანოიამას, რომელმაც მიმდინარე ტურნირზე უკვე ხუთი გამარჯვება მოიპოვა.

შემოდგომის აკი ბაშო ტოკიოში 27 სექტემბრამდე გაგრძელდება.

 

47
თემები:
სპორტის ამბები (817)
 ქართველი სუმოისტი ლევან გორგაძე

ტოჩინოშინმა ტოკიოს ტურნირზე მესამედ მოიგო შერკინების ვიდეო

72
დაიეისიოსთან გამარჯვების შემდეგ ტოჩინოშინმა ამჟამინდელ ტურნირზე საკუთარი ბალანსი გაიუმჯობესა. ამჯერად გორგაძის ანგარიშზე სამი მოგება და ოთხი წაგებაა

თბილისი, 19 სექტემბერი – Sputnik. ქართველმა სუმოისტმა ლევან გორგაძემ, რომელიც ტოჩინოშინის სახელით ასპარეზობს, ტოკიოში მიმდინარე შემოდგომის აკი ბაშოზე მესამე გამარჯვება მოიპოვა.

მეშვიდე საშეჯიბრო დღეს ტოჩინოშინმა, რომელიც დასავლეთის მეოთხე მაეგაშირას რანგში გამოდის, სეკივაკე დაიეისიო დაამარცხა. გორგაძემ გაუძლო მეტოქის წნეხს, შებოჭა ის და იორიკირის ილეთი ჩაუტარა.

დაიეისიოსთან გამარჯვების შემდეგ ტოჩინოშინმა ამჟამინდელ ტურნირზე საკუთარი ბალანსი გაიუმჯობესა. ამჯერად გორგაძის ანგარიშზე სამი მოგება და ოთხი წაგებაა.

აკი ბაშოს მერვე საშეჯიბრო დღეს ტოჩინოშინი ოძეკი ტაკაკეისეს შეხვდება. ეს შერკინება მეტოქეთა პირად დაპირისპირებაში რიგით მე-11 იქნება. ამ მომენტისთვის მნიშვნელოვანი უპირატესობა იაპონელი სუმოისტის მხარესაა – 8:2.

შემოდგომის აკი ბაშო 27 სექტემბრამდე გაგრძელდება.

72
თემები:
სპორტის ამბები (817)
პეიზაჟი

კვირის ასტროპროგნოზი: სიყვარული, ფინანსები, სამუშაო 21–27 სექტემბერი

0
(განახლებულია 22:47 19.09.2020)
სექტემბერიც მალე მიილევა. ასტროლოგები მოგვითხრობენ, როგორ იმოქმედებენ ღამის მანათობლები ამ პერიოდში და როგორ უნდა ვიმოქმედოთ ჩვენ.

ამ კვირაში, სავარაუდოდ, ზოდიაქოს ბევრ ნიშანს ჩვეულებრივზე ნაკლები ძალა და მოტივაცია ექნება, მაგრამ ამის გამოსწორება შეიძლება. თითოეულ ნიშანს ძალისა და ენერგიის თავისი წყარო აქვს. ასტროლოგები გვირჩევენ, გამოვიყენოთ ჩვენი ფარული რეზერვები, რათა მანათობლების ნეგატიურ ზემოქმედებას გავუმკლავდეთ.

ვერძი

ვერძებს არცთუ მარტივი კვირა გელოდებათ, რადგან საქმე ბევრი გექნებათ და ხშირად მათი კონტროლი გაგიჭირდებათ. რაღაც მომენტებში შეიძლება დაიბნეთ კიდეც.

მოგიწევთ მოთმინებით აღჭურვა და ამასთან ფრთხილად მოქმედება. ასეთ რიტმში მუშაობა გიჭირთ, რადგან სწრაფად გინდათ წარმატების მიღწევა ყველაფერში, მაგრამ ახლა არ უნდა იჩქაროთ გადაწყვეტილებების მიღება, არ უნდა თქვათ დაუფიქრებელი ფრაზები. ამან, შესაძლოა, თქვენი გეგმებიდან ყველაფერი გააცამტვეროს. განსაკუთრებული სიფრთხილე გმართებთ 23 და 24 სექტემბერს.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

კურო

კუროებს ტოქსიკურ ადამიანებთან გელოდებათ შეხვედრები, ასევე უსიამოვნებები სამსახურში ან საქმიანობაში. კარგი იქნება, თუ დროდადრო საკუთარ აურას გაასუფთავებთ. საუკეთესო ხერხია, არ „ჩაიციკლოთ“ უსიამოვნებებზე, რადგან ფიქრი ცუდ რამეებზე ცნობიერებას აბინძურებს და იღბალს დევნის. თუ შინაგანად მისცემთ თავს ბედნიერების უფლებას, ფორტუნაც არ დააყოვნებს.

კვირის ყველაზე ხელსაყრელი დღეები იქნება პარასკევი და უქმეები. ამ დღეებში ვარსკვლავები და პლანეტები სრულ ჰარმონიაში იქნებიან. შაბათ–კვირას გააკეთეთ ის, რაც მოგესურვებათ, ან სულაც არაფერი გააკეთოთ – ეს თქვენს ნება–სურვილზეა დამოკიდებული.

ტყუპი

სექტემბრის ბოლოს ჩვეულებრივზე მეტი მუშაობა და ძალისხმევის გამოჩენა მოგიწევთ. მნიშვნელოვანი მომენტი იქნება მეტოქეებისა და კონკურენტების ფხიზლად შეფასება. არ ღირს არაკეთილმოსურნეების არასათანადოდ შეფასება – მათ შორის, შესაძლოა, ძალზე ეშმაკი ადამიანები აღმოჩნდნენ.

რაც შეეხება სასიყვარულო სფეროს, მნიშვნელობის მხრივ ის ფინანსურ სფეროს არ ჩამორჩება. მარტოხელა ტყუპებმა სიყვარულის მიზიდულობის ოქროს წესებს უნდა მისდიოთ. ვისაც ჰყავს პარტნიორი, გამოიჩინეთ მის მიმართ მეტი ყურადღება და სიკეთე.

ხართ თუ არა ოხუნჯი, როგორ რეაგირებთ სხვის ხუმრობაზე - ნახეთ, ზუსტია თუ არა ჩვენი ჰოროსკოპი>>

კირჩხიბი

კვირის პირველი ორი დღე ძალზე დაძაბული და რთული იქნება. თუნდაც არაფერი ცხოვრებისეული გაუგებრობა და უსიამოვნება არ გელოდებოდეთ, მაინც მოსალოდნელია, რომ დათრგუნული განწყობა და აპათია დაგეუფლოთ. ოთხშაბათს ვარსკვლავების განწყობა აღდგება და კვირის ბოლომდე პოზიტიური დარჩება.

ეს იქნება შესანიშნავი პერიოდი დასვენების, გარემოს გამოცვლის, მოგზაურობისა და შოპინგისთვის. შეგიძლიათ ფულის თამამად დახარჯვა გართობაზე, თვითგანათლებაზე. კვირის ბოლოს დიდი წარმატებები გელოდებათ სასიყვარულო სარბიელზე. მარტოხელებს სიყვარულის პოვნის დიდი შანსი გაქვთ – მოიმატებს თქვენი ქარიზმა. ვისაც ჰყავს პარტნიორი, ისინი ურთიერთობებში არსებული პრობლემებისა და უსიამოვნებების მოგვარებას შეძლებენ.


ლომი
გააკეთეთ ის, რაც ყველაზე კარგად გამოგდით, იყავით ის, ვინც ხართ. ასტროლოგები გირჩევენ, არ შეასრულოთ სხვისი როლი იმისთვის, რომ საწინააღმდეგო სქესის წარმომადგენელზე, ხელმძღვანელობაზე ან მეგობრებზე შთაბეჭდილება მოახდინოთ. ბევრად მნიშვნელოვანია, დარჩეთ პატიოსანი, გულღია და გაჭირვებაში ჩავარდნილი ახლობლის დახმარებისთვის მზადმყოფი. ასეთ ლომს გარშემომყოფები ნამდვილად დააფასებენ.

ფინანსურ სფეროში ხელსაყრელი პერიოდი გელოდებათ. იღბლიანი იქნება კვირა მომსახურების სფეროში მომუშავე ლომებისთვის. გაითვალისწინეთ გარშემომყოფი ადამიანების ინტერესები. კვირის ყველაზე პროდუქტიული დღეებია 23, 24 და 25 სექტემბერი.

რამდენად გულწრფელი ხართ სიყვარულში – ამას ინდური ჰოროსკოპის მეშვეობით შეიტყობთ>>

ქალწული

21 სექტემბერს, სჯობს, სამუშაოზე თუ სახლში მოერიდოთ გაუგებრობებსა და პრობლემებს. ვარსკვლავები და პლანეტები მცირე დისონანსში იქნებიან, ამიტომ არ ღირს მნიშვნელოვანი გადაწყვეტილებების მიღება ცხელ გულზე. ეს შემდეგ სანანებელი გაგიხდებათ.

არ ღირს იმის დანგრევა, რასაც უკვე მიაღწიეთ. არ იჩხუბოთ მეგობრებთან, არ გაწყვიტოთ საქმიანი ან სასიყვარულო ურთიერთობები. ეს ეხება არა მხოლოდ ორშაბათს, არამედ კვირის ნებისმიერ დღეს. სჯობს, მოიცადოთ, კარგად დაფიქრდეთ და ვნებები რომ ჩაცხრება, შემდეგ ობიექტურად შეაფასოთ არსებული ვითარება.

სასწორი

სასწორებს ამ კვირაში, შესაძლოა, ისეთი უარყოფითი გრძნობები მოგეძალოთ, როგორიცაა შური, ბრაზი, წყენა ან ეჭვიანობა. ახლა მთავარია, საკუთარ თავს გვერდიდან შეხედოთ, გააანალიზოთ თითოეული აზრი და ნებისმიერი მოქმედება.

არა აქვს აზრი აჩქარებას. ვარსკვლავები და პლანეტები მშვიდი სასწორების მხარეს არიან, ვისაც გადაწყვეტილებების მიღება ორომტრიალის გარეშე შეუძლია. ეს ის დროა, როცა საჭიროა გარშემომყოფების, განსაკუთრებით ყველაზე ახლობელი ადამიანების რჩევების მოსმენა. ეს სასურველია მას მერეც, რაც ხელსაყრელი პერიოდი დადგება თქვენთვის – 25 სექტემბრიდან.

სამართლიანი, გონიერი, შემწყნარებელი - ზოდიაქოს სამი ყველაზე ბრძენი ნიშანი>>

მორიელი

მორიელებისთვის ეს კვირა პოზიტიური და იღბლიანი იქნება, რადგან ვარსკვლავები და პლანეტები საკმაოდ ხელსაყრელ მდგომარეობაში არიან. შეგიძლიათ თქვენი კომფორტის ზონის დატოვება, ახალი საქმეების დაწყება, ახალი იდეების განვითარება ბიზნესში, ძვირადღირებული ნივთების შეძენა, მივლინებაში წასვლა.

სიყვარულში დიდი წარმატებები ელოდება თამამ და გაბედულ მორიელებს, რომლებიც მიჩვეული არ არიან ლოდინს. საჭიროა ადამიანების დამოუკიდებლად გაცნობა, სიმორცხვის ან მერყეობის დაძლევა. ეს ის დროა, როცა ინიციატივისა და სითამამის წყალობით ცხოვრების სიყვარული შეიძლება იპოვოთ. ვისაც ჰყავს საყვარელი ადამიანი, მათთვის რეკომენდებულია ერთობლივი საქმიანობა.

მშვილდოსანი

ვარსკვლავები ორშაბათსა და შაბათს ცუდ განწყობაზე იქნებიან. მოგიწევთ შიშებთან, განგაშთან და აკვიატებულ აზრებთან ბრძოლა. დანარჩენ დღეებში ყველაფერი კარგად იქნება. განსაკუთრებით უნდა აღინიშნოს კვირა დღე, რომელიც კვირის ყველაზე ხელსაყრელი დღე გახდება.

ამ დღეს შეგიძლიათ შეიცვალოთ გარემო, წახვიდეთ საყიდლებზე. იყავით გულღია ახლობლებთან, ესაუბრეთ მათ საკუთარ გრძნობებზე, გაუზიარეთ მათ თქვენი სამომავლო გეგმები. ისინი მიხვდებიან, რომ მათ ენდობიან და აფასებენ მათ აზრს.

ზოდიაქოს ყველაზე ქარიზმატული ნიშნები>>

თხის რქა

თხის რქებმა განსაკუთრებული ყურადღება უნდა დაუთმოთ სიყვარულსა და ურთიერთობებს. ასტროლოგები აღნიშნავენ, რომ 21–25 სექტემბერს ვარსკვლავები ძალზე აღმშენებლობითი იქნებიან და დაგეხმარებიან მეორე ნახევრის პოვნაში. ძალზე მნიშვნელოვანია, რომ უკეთესობისთვის განეწყოთ.

სამუშაო დღეებში ასევე სასურველია, მეტი ურთიერთობები გქონდეთ მეგობრებთან და ნათესავებთან. შეგიძლიათ მოიწვიოთ სტუმრები, მოაწყოთ მცირე ზეიმი–დღესასწაული. უქმეებზე ასტროლოგები გირჩევენ, საოჯახო საქმეებს მიხედოთ და დრო სიმშვიდეში გაატაროთ; არ იფიქროთ სამუშაოზე, პრობლემებზე და კვირის სასიამოვნო დღეები არ დაამძიმოთ.

მერწყული

მერწყულებმა ეს კვირა სულიერ განვითარებასა და ახალი ცხოვრებისეული მიზნების დასახვას უნდა მიუძღვნათ. არ ღირს ბრძნული რჩევების უგულებელყოფა. შეგიძლიათ იზრუნოთ თვითგანვითარებაზე, ცოდნის მიღებაზე, ასევე წაიკითხოთ წიგნი ან უყუროთ შემეცნებით გადაცემებს.

ვისაც ამ კვირის მსუბუქად და მოდუნებულად გატარება სურს, ისინი მომავალში, სავარაუდოდ, სირთულეებს წააწყდებიან. ყველაზე რთული დღეებია 22 და 23 სექტემბერი. სამშაბათსა და ოთხშაბათს აჯობებს, თუ არ გადაიღლებით და არ გექნებათ სხვების დახმარების იმედი. პარასკევსა და შაბათს ფორტუნა გაგიღიმებთ – ამ დღეებში შეიძლება ახალი საქმის დაწყება.

ვის შეიძლება ვანდოთ საიდუმლო და ვის - არა, ანუ ზოდიაქოს ყველაზე „ლაქლაქა" ნიშნები>>

თევზები

ვარსკვლავები და პლანეტები შესანიშნავ განწყობაზე არიან, რაც თქვენს იღბალსა და მოტივაციაზე აისახება. ამ კვირაში შესაძლებელია ყველაზე სანუკვარი ოცნებების ასრულება. კარგი იქნება, თუ საკუთარ ძალებს ერთი მიზნის მიღწევისკენ მიმართავთ, რადგან სხვადასხვა მიზანზე გამოდევნება პროდუქტიულობაზე ნეგატიურად აისახება.

სიყვარულსა და ურთიერთობებში მნიშვნელოვანია, რომ ტყუილუბრალოდ კონფლიქტი არ დაიწყოთ. ასტროლოგები გირჩევენ, აპატიოთ გარშემომყოფებს. კვირის დასაწყისი ძალიან კარგი დროა მივლინებისთვის, ხოლო კვირის ბოლო – სახლის დასუფთავებისა და უსარგებლო ნივთებისგან გათავისუფლებისთვის.

0