ნიკა კვეკვესკირი - საქართველოს ნაკრების ნახევარმცველი

საქართველოს ფეხბურთის ნაკრების ნახევარმცველი: თამაშში დაბრუნება იოლი არ იყო

48
კორონავირუსის პანდემიამ ისეთი შეგრძნება გააჩინა, თითქოს ბავშვს, რომელიც ბურთით თამაშს პატარაობიდან მიეჩვია, ეს ბურთი წაართვეს, განაცხადა ფეხბურთელმა

თბილისი, 7 სექტემბერი - Sputnik. საქართველოს ფეხბურთის ნაკრებისა და ყაზახეთის „ტობოლის“ ნახევარმცველმა ნიკა კვეკვესკირმა აღიარა, რომ ეროვნულ ნაკრებში დაბრუნება ათთვიანი პაუზის შემდეგ იოლი არ იყო.

„ისეთ რეალობაში გვიწევს ცხოვრება და თამაში, თავიდან ეს ფეხბურთელებისთვის ძნელი იყო – ბავშვობიდან ფეხბურთს გულშემატკივრისთვის ვთამაშობთ და ეს წაგვართვეს. ახლა გვაქვს შანსი, ჩვენი ქვეყანა ევროპის ჩემპიონატზე წარმოვადგინოთ. რაც შეეხება ფიზიკურ მომზადებას, პაუზის შემდეგ 9 დღეში 270 წუთი თამაში იოლი არაა. გართულებული იყო ფრენაც, მე და ჯაბა კანკავა (საქართველოს ნაკრების კაპიტანი, ასევე თამაშობს „ტობოლში“, - რედ.) 24 საათი მოვდიოდით, მაგრამ ეროვნულ ნაკრებში თამაში ისეთ ემოციებს უკავშირდება, შესაძლოა, ფიზიკური უკმარისობა ამ ფსიქოლოგიური განწყობით გადავფაროთ,“ – განაცხადა ნიკა კვეკვესკირმა საქართველოსა და ჩრდილოეთ მაკედონიის ნაკრებების შეხვედრის წინა დღეს პრესკონფერენციაზე.

ფეხბურთელმა იმათ კრიტიკასაც უპასუხა, ვისაც მიაჩნია, რომ ესტონეთთან გამართულ მატჩში, რომელიც საქართველოს ნაკრებმა ანგარიშით 1:0 მოიგო, გუნდმა არც ისე დამაჯერებლად ითამაშა.

Тренировка сборной Грузии по футболу
© Sputnik / STRINGER
საქართველოს ფეხბურთის ნაკრების ვარჯიში

„რამდენადაც ჩემთვის ცნობილია, ბევრი უკმაყოფილო დარჩა ესტონეთის წინააღმდეგ ჩვენი თამაშით. მაგრამ მე ამ აზრს არ ვიზიარებ და ვფიქრობ, რომ კარგად ვითამაშეთ. ჩვენ გეგმის მიხედვით ვმოქმედებდით და აუცილებელ შედეგს მივაღწიეთ. იმედი მაქვს, ხვალინდელ თამაშში ჩრდილოეთ მაკედონიის წინააღმდეგ უფრო მაღალი კლასის ფეხბურთს ვაჩვენებთ და ისევ შევძლებთ გამარჯვებას“, - აღნიშნა მან.

როგორც კვეკვესკირმა აღნიშნა, არასასიამოვნოა, რომ მატჩი მაყურებლის გარეშე გაიმართება. მისი თქმით, გულშემატკივრები, რომლებიც „დინამო არენას“ ავსებენ, ყოველთვის დამატებით სტიმულს აძლევენ მოთამაშეებს. მაგრამ მას იმედი აქვს, რომ გულშემატკივრები სადმე ახლომახლო იქნებიან და ნაკრების ფეხბურთელები მათ შეძახილებს გაიგონებენ.

საქართველოსა და ჩრდილოეთ მაკედონიის ნაკრებებს შორის მატჩი უეფას ერთა ლიგის მეორე ტურის ფარგლებში თბილისში 8 სექტემბერს „დინამო არენაზე“ ადგილობრივი დროით 20:00 საათზე დაიწყება.

48
თემები:
სპორტის ამბები (821)
ნიკოლოზ ბასილაშვილი

ბასილაშვილის კრიზისი გრძელდება: საქართველოს პირველი ჩოგანი ისევ დამარცხდა

109
(განახლებულია 20:02 22.09.2020)
კორონავირუსის პანდემიის გამო შეჩერებული საჩოგბურთო სეზონის განახლების შემდეგ ბასილაშვილმა შვიდი მატჩი წააგო ისე, რომ არც ერთი სეტი არ მოუგია.

თბილისი, 22 სექტემბერი – Sputnik. საქართველოს პირველმა ჩოგანმა ნიკოლოზ ბასილაშვილმა (33-ე ნომერი АТР-ს რეიტინგში) საჩოგბურთო სეზონის განახლების შემდეგ უკვე მეშვიდედ წააგო.

ჰამბურგის ტურნირის პირველივე წრეში (Hamburg European Open) ბასილაშვილი ესპანელ რობერტო ბაუტისტა-აგუტთან (11) ორ სეტში დამარცხდა. მატჩს საათ-ნახევარზე ნაკლები დრო დასჭირდა.

ქართველ ჩოგბურთელს ჰქონდა გარკვეული შანსები, თუმცა თავად მან მისცა ბაუტისტა-აგუტს ოთხი ბრეიკის გაკეთების საშუალება. ამან კი საბოლოოდ მისი დამარცხება გამოიწვია.

ბასილაშვილი ჰამბურგის ტურნირების ბოლო ორი წლის გამარჯვებული იყო. ამჯერად მან ვერ შეძლო თავისი ტიტულის დაცვა და 500 სარეიტინგო ქულა დაკარგა. ეს ნიშნავს, რომ АТР-ს განახლებულ რეიტინგში, რომელიც 28 სექტემბერს გამოქვეყნდება, ბასილაშვილი 33-ე ადგილიდან დაახლოებით მე-60 პოზიციაზე გადაინაცვლებს.

საჩოგბურთო სეზონის განახლების შემდეგ, რომელიც COVID-19-ის პანდემიის გამო იყო შეჩერებული, ბასილაშვილმა შვიდი მატჩი წააგო ისე, რომ არც ერთი სეტი არ მოუგია.

ბასილაშვილს ბრალი არ დამძიმებია: გენპროკურატურა ინფორმაციას უარყოფს>>

შეიძლება ითქვას, რომ ბასილაშვილის ასეთი უსახური თამაში ყოფილ მეუღლესთან დაკავშირებულ ვითარებას უკავშირდება. ნეკა დოროყაშვილი ბასილაშვილს ოჯახურ ძალადობაში ადანაშაულებს. ამ საკითხზე სასამართლო პროცესი მიმდინარეობს. ასეთ ვითარებაში სპორტსმენს, როგორც ჩანს, უჭირს ჩოგბურთზე კონცენტრირება.

109
თემები:
სპორტის ამბები (821)
ჯაბა კანკავა

ორი ქართველი ფეხბურთელი ყაზახეთის „ტობოლს“ დატოვებს

49
(განახლებულია 17:14 22.09.2020)
ყაზახური „ტობოლის“ ხელმძღვანელობას 34 წლის კანკავასა და 28 წლის კვეკვესკირის ნაცვლად უფრო ახალგაზრდა და სწრაფი ფეხბურთელების მიწვევა სურს.

თბილისი, 22 სექტემბერი – Sputnik. საქართველოს ფეხბურთის ნაკრების ორი ნახევარმცველი ჯაბა კანკავა და ნიკა კვეკვესკირი, რომლებიც ყაზახეთის „ტობოლში“ გამოდიან, სეზონის დასრულების შემდეგ გუნდს დატოვებენ. ინფორმაცია ამის თაობაზე ყაზახურ მასმედიაში ვრცელდება.

ნიკა კაჭარავა კარიერას პოლონურ კლუბში გააგრძელებს>>

ცნობილია, რომ გუნდის ხელმძღვანელობამ უკვე მოამზადა იმ მოთამაშეების სია, რომლებიც კლუბს სეზონის დამთავრების შემდეგ დატოვებენ. ამ სიაში ბევრი ფეხბურთელი არაა, მაგრამ არის ორივე ქართველი მოთამაშე. 34 წლის კანკავასა და 28 წლის კვეკვესკირის ნაცვლად „ტობოლის“ ხელმძღვანელობას გუნდში უფრო ახალგაზრდა და სწრაფი ფეხბურთელების მიწვევა უნდა.

კანკავა, რომელიც საქართველოს ნაკრების კაპიტანია, „ტობოლში“ 2018 წლის იანვარში ფრანგული „რეიმსიდან“ გადავიდა. ნახევარმცველმა ყაზახურ კლუბში 75 მატჩი ჩაატარა, გაიტანა სამი გოლი და გააკეთა ერთი შედეგიანი გადაცემა.

რაც შეეხება კვეკვესკირს, ის „ტობოლში“ აზერბაიჯანული „გაბალიდან“ 2017 წლის ზაფხულში გადავიდა. ქართველმა ფეხბურთელბა „ტობოლის“ შემადგენლობაში ჩაატარა 73 მატჩი, გაიტანა ხუთი გოლი და გააკეთა 10 შედეგიანი გადაცემა.

ყაზახეთის ამჟამინდელ ჩემპიონატში რვა ტურის შემდეგ „ტობოლს“ 13 ქულით სატურნირო ცხრილში მეექვსე ადგილი უკავია.

49
თემები:
სპორტის ამბები (821)
გაეროს შტაბბინა

მოსაზრება: აშშ მზადაა, დაშალოს გაერო

0
(განახლებულია 15:57 23.09.2020)
გაეროს გენერალური ასამბლეის 75-ე სესიაზე დღეს ყველაზე მეტი ინტერესი კანონზომიერად გამოიწვია პლანეტის სამი ყველაზე გავლენიანი ადამიანის მოხსენებებმა

ირინა ალქსნინი

დისტანციური ვიდეოფორმატი, რომლის მეშვეობითაც იღებენ მსოფლიო ლიდერები მონაწილეობას გაეროს გენასამბლეის საიუბულეო, 75–ე სესიაში, უნებურად უფრო მეტ ინფორმაციასა და საფიქრალს იძლევა, ვიდრე მათი ტრადიციული გამოსვლები ორგანიზაციის ნიუ–იორკის შტაბბინაში. ანტურაჟიც კი, რომელშიც იმყოფებიან სახელმწიფოთა ლიდერები, მეტად სიმბოლურია.

ყველაზე მეტი ინტერესი დღეს კანონზომიერად გამოიწვია პლანეტის სამი ყველაზე გავლენიანი ადამიანის მოხსენებებმა. დონალდ ტრამპის სიტყვა კიდევ ერთ წინასაარჩევნო ღონისძიებად იქცა, რომელშიც ხაზგასმული იყო არა მარტო მისი საგარეო პოლიტიკის მთავარი —  ანტიჩინური მიმართულება, არამედ ამერიკის ლიდერის გაეროსადმი ქედმაღლურ–დამამცირებელი დამოკიდებულებაც.  

ტრამპმა სიტყვა თეთრი სახლის ჩვეულ პრეს–ვითარებაში წარმოთქვა, სახელმწიფო დროშისა და შეერთებული შტატების პრეზიდენტის დროში ფონზე — ყოველგვარი იმაზე მინიშნების გარეშე, რომ მისი სიტყვის ადრესატი არათუ გაერო, არამედ თუნდაც საერთაშორისო აუდიტორია იყო.

ამერიკის ლიდერი მანამდე არარერთგზის აცხადებდა, რომ, ვინაიდან მისი ქვეყანა გაერთიაებული ერების ორგანიზაციის ფინანსირების ყველაზე მსხვილი წყაროა, ამიტომ ის ვაშინგტონის ქვეშევრდომია და ვალდებულია, შეასრულოს მისი განკარგულებები.

ეჭვგარეშეა, მისი წინამორბედებიც ანალოგიურად ფიქრობდნენ, მაგრამ ტრამპი პირველი აღმოჩნდა, ვინც თავს უფლება მისცა, ამგვარი პოზიცია ღიად დაეფიქისირებინდა და თანაც დასჯით დამუქრებოდა ურჩობის შემთხვევაში. ასე რომ, მის მიერ დღევანდელი გამოსვლის გამოყენება საარჩევნო კამპანიის ამოცანების გადასაჭრელად, სრულად ჯდება ამგვარი მიდგომის  ჩარჩოში.

რუსულმა მედიასაშუალებებმა შენიშნეს, რომ ამერიკის პრეზიდენტს არცერთხელ არ უხსენებია რუსეთი. სამაგიეროდ ჩინეთი დასახელდა თორმეტჯერ (სხვათა შორის, აშშ–მა მხოლოდ ათჯერ გაიჟღერა). სწორედ ეს გამომწვევი, პირდაპირ სკანდალური ანტიჩინური სული იყო ტრამპის სიტყვის არსი. მარტო პეკინის დასჯის მოწოდება რად ღირდა, კორონავირუსის გავრცელების გამო, ან სიტყვაში „ჩინური ვირუსის“ გამოყენება.  

ამერიკული მოხსენების ხაზგასმით კონფრონტაციული ხასიათი ეწინააღმდეგება გაეროს ტრადიციებსა და დაუწერელ კანონებს. მაგრამ პეკინი აშკარად ელოდებოდა მსგავს დემარშს. და საქმე მარტო ის არაა, რომ ამერიკის პრეზიდენტის გამოხდომებს ელვისებურად მოჰყვა ჩინეთის წარმომადგენლის პასუხი.

სი ძინ პინის სიტყვა მიმდინარე მომენტის ყველაზე მწვავე პრობლემებს ეძღვნებოდა (უპირველესად, რაღა თქმა უნდა, COVID-19–თან მსოფლიო ბრძოლას) და ჩვეულ აწონილ–დაწონილ ტონში იყო „გამოყვანილი“.

თუმცა ეს კია, ქვეყნის ლიდერი ჩინეთის დიდი კედლისა და ჩინური მკაცრი ბუნების მასშტაბური გამოსახულების ფონზე იჯდა. ძნელი იყო, არ გაგეგოთ კომპოზიციაში ჩადებული გამჭვირვალე სიმბოლური ქვეტექსტი: ზი ძინპინის ზურგს უკან დგას უზარმაზარი უძველესი ქვეყანა, რომელიც მზადაა, გაუძლოს ნებისმიერ გარე საფრთხეს.

ამერიკული და ჩინელი კოლეგების კონტრასტის ფონზე რუსეთის პრეზიდენტის სიტყვა ყველაზე ტრადიციული ჩანდა: დაწყებული პუტინის მიერ წამოწეული, თანამედროვეობის ფუნდამენტური პრობლემების ფართო სპექტრიდან, დასრულებული ხაზგასმული „გაეროული“ ანტურაჟით, რომლის ფონზეც ის საუბრობდა. დაცული იყო რუსეთის ლიდერის საერთაშორისო ღონისძიებებში მონაწილეობის ისეთი თავისებურებაც, როგორიცაა ტექსტის ფურცლიდან კითხვა და არა ტელესუფლიორის გამოყენება.

პუტინი საუბრობდა გაეროს როლის მნიშვნელობაზე პლანეტაზე სტრატეგიული სტაბილურიბის მხარდაჭერაში, ისტორიის დამახინჯების დაუშვებლობაზე, შეიარაღებაზე კონტროლის შენარჩუნების აუცილებლობასა და, რაღა თქმა უნდა, კოლექტიური საერთაშორისო ძალისხმევების მნიშვნელობაზე კორონავირუსის ეპიდემიასთან ბრძოლაში და მის სოციალურ–ეკონომიკურ შედეგებზე.

არსობრივადაც და ფორმითაც ეს იყო სახელმწიფოს მეთაურის სიტყვა, რომლის ქვეყანაც უბრალოდ თვალს ადევნებს მსოფლიოს მორიგ ქაოსის ეპოქაში ჩაძირვას და ამასთან, ყველაფერს აკეთებს, რაც მასზეა დამოკიდებული, რომ არ დაუშვას ყველაზე საშინელი შედეგი.

პუტინმა კიდევ ერთხელ გაიხსენა, რომ 75 წლის განმავლობაში არსებული საერთაშორისო თანამშრომლობის, დიალოგისა და ურთიერთგაგების სისტემას გასულ ჯერზე საშინელი ფასი გადაეხადა. და რუსეთი, რომელმაც მაშინ მასში დიდი წვლილი შეიტანა, ბოლომდე იქნება ნორმალურობისა და ჯანსაღი აზრის პატარა კუნძული, რომლის იმედიც პლანეტას ყოველთვის შეიძლება ჰქონდეს.

რედაქცია შესაძლოა არ ეთანხმებოდეს ავტორის მოსაზრებებს!

0