საქართველოს ფეხბურთის ეროვნული ნაკრების ვლადიმირ ვაისი

ვაისმა საქართველოს ეროვნული ნაკრების მთავარი მწვრთნელის პოსტზე რეკორდი დაამყარა

116
(განახლებულია 18:35 06.09.2020)
ვაისის ხელმძღვანელობით 41 თამაშიდან ნაკრებმა მოიგო 15 მატჩი, 12-ჯერ დაასრულა მატჩი ფრედ და 14 წაგება მიითვალა.

თბილისი, 6 სექტემბერი - Sputnik. სლოვაკმა სპეციალისტმა ვლადიმირ ვაისმა საქართველოს ნაკრების მთავარი მწვრთნელის პოსტზე გააუმჯობესა თემურ ქეცბაიას რეკორდი მატჩების რაოდენობის მიხედვით.

უეფას ერთა ლიგის შეხვედრა ესტონეთის წინააღმდეგ, რომელიც საქართველომ ანგარიშით 1:0 მოიგო, ვაისისთვის რიგით 41-ე გახდა, მაშინ როდესაც ქეცბაია ეროვნულ ნაკრებთან 40 თამაშის განმავლობაში მუშაობდა.

ვაისის ხელმძღვანელობით, რომელიც საქართველოს ნაკრებს სათავეში 2016 წლის მარტში ჩაუდგა, ჩვენმა გუნდმა მოიგო 15 მატჩი (აქედან 7 ამხანაგური), 12-ჯერ დაასრულა თამაში ფრედ (4) და განიცადა 14 დამარცხება (5).

რაც შეეხება ქეცბაიას, რომელიც ქვეყნის მთავარ გუნდთან 2010 წლის მარტიდან 2014 წლის ნოემბრამდე მუშაობდა, მას შემდეგი მაჩვენებლები აქვს: 13 გამარჯვება (9), 9 ფრე (3) და 18 წაგება (6).

ტალინში ესტონეთის ნაკრების დამარცხების შემდეგ ვაისი კარგ განწყობას არ მალავდა.

„ბედნიერი ვარ, რადგან ჯგუფის პირველ შეხვედრაში სამი ქულა მოვიპოვეთ. მატჩის დაწყებამდე ცოტას ვნერვიულობდი, რადგან ჩვენს ზოგიერთ მოთამაშეს კლუბებში არასტაბილური სათამაშო პრაქტიკა ქონდათ. ესტონეთს კი კარგი და ფიზიკურად ძლიერი გუნდი ჰყავს. ასეთ დროს ეს ფაქტორი განსაკუთრებით მნიშვნელოვანია. სამი ქულა დამსახურებულად მოვიპოვეთ, რადგან უკეთესი გუნდი ვიყავით. 3-4 კარგი საგოლე მომენტი შევქმენით... საერთო ჯამში, კმაყოფილი ვარ მთლიანად გუნდის თამაშით. პირველი მატჩი ყოველთვის ძალიან მნიშვნელოვანია და იმედი მაქვს, რომ ჩრდილოეთ მაკედონიის წინაღმდეგ საშინაო შეხვედრაშიც კარგად ვიასპარეზებთ“, - განაცხადა სლოვაკმა სპეციალისტმა ესტონეთთან მატჩისშემდგომ პრესკონფერენციაზე.

შეხვედრის ერთადერთი გოლი გავიდა 32-ე წუთზე, როდესაც ნიკა კაჭარავამ (კვიპროსი, „ანორთოსისი“) ლოგიკურ დასასრულამდე მიიყვანა იდეალური პასი, რომელიც ხვიჩა კვარაცხელიასგან (ყაზანის „რუბინი“) მიიღო. აღსანიშნავია, რომ ფორვარდისთვის ეს გოლი სამი წლის განმავლობაში ნაკრების შემადგენლობაში ყოფნისას პირველი გახდა. ბოლოჯერ კაჭარავამ ეროვნული ნაკრების შემადგენლობაში გოლი გაიტანა 2017 წლის მარტში მსოფლიო-2018-ი შესარჩევ თამაშში სერბეთის წინააღმდეგ (1:3).

ესტონეთზე გამარჯვების შემდეგ საქართველოს ნაკრებმა სამი ქულა დააგროვა და ჩრდილოეთ მაკედონიასთან ერთად, რომელმაც ადრე სომხეთს ანგარიშით 2:1 მოუგო, С დივიზიონის მეორე ჯგუფის სათავეში მოექცა.

Футболисты сборной Грузии празднуют гол в ворота сборной Эстонии
საქართველოს ნაკრების ფეხბურთელები ესტონეთის კარში გატანილი გოლის შემდეგ

უეფას ერთა ლიგის მომდევნო მატჩს საქართველოს ნაკრები 8 სექტემბერს თბილისში ჩრდილოეთ მაკედონიის წინააღმდეგ გამართავს. ეს შეხვედრა „დინამო არენაზე“ 21:00 საათზე დაიწყება.

 

116
თემები:
სპორტის ამბები (831)
მარათონი

Tbilisi Marathon ციფრულ ფორმატში: შეუერთდი საქველმოქმედო აქციას

21
(განახლებულია 19:55 30.09.2020)
მარათონში მონაწილეობის მიღების მსურველებმა უნდა ჩამოტვირთონ აპლიკაცია და მოძებნონ Tbilisi Marathon Challenge.

თბილისი, 30 სექტემბერი — Sputnik. ტრადიციული თბილისის მარათონი (Tbilisi Marathon) კორონავირუსის პანდემიის გამო გადაიდო, მაგრამ ღონისძიება ციფრულ ფორმატში მაინც გაიმართება, რომელშიც მონაწილეობა ნებისმიერ მსურველს მსოფლიოს ნებისმიერი წერტილიდან შეუძლია. 

მარათონში მონაწილეობა Strava-ს აპლიკაციის წყალობით გახდა შესაძლებელი, რომელიც მსოფლიოში ერთ-ერთი ყველაზე პოპულარული სპორტული პროგრამაა, რომლის პლატფორმაზეც ყოველდღიურად 10 მილიონამდე სხვადასხვა სპორტული აქტივობები იტვირთება. ეს სპორტსმენებისთვის ერთგვარი სოციალური ქსელია.

მარათონში მონაწილეობის მიღების მსურველებმა უნდა ჩამოტვირთონ აპლიკაცია და მოძებნონ Tbilisi Marathon Challenge. ონლაინ–ჩელენჯს ავტომატურად რომ შეუერთდნენ, აუცილებელი პირობაა ერთი კილომეტრის გარბენა. შემდგომ კი ერთი თვის მანძილზე ყოველი გარბენის წინ მათ უნდა ჩართონ აპლიკაცია და აღრიცხონ შედეგი.

მარათონის მიზანია – 1 თვეში ყველა მონაწილის გარბენმა მთლიანობაში 500 ათასი კილომეტრი შეადგინოს. მნიშვნელობა არ აქვს კონკრეტული მონაწილე ერთ თუ 150 კილომეტრს გაირბენს, მთავარია, რომ საერთო გარბენმა ნახევარ მილიონს მიაღწიოს.

გარდა ამისა, არსებობს ინდივიდუალური მოტივაციისთვის მინიმალური ლიმიტიც – 42,2 კილომეტრი, რის შემთხვევაშიც მონაწილეები ონლაინ–მარათონის სპეციალურ ბეიჯს მიიღებენ. ეს მანძილი მონაწილეს შეუძლია დაფაროს ერთ გარბენში, ან გადაანაწილოს რამდენიმე გარბენზე. მაქსიმალური ლიმიტი დაწესებული არ არის. რაც უდრო დიდია მონაწილის მიერ გავლილი მანძილი, მით უფრო დიდია მისი წვლილი.

რაც შეეხება ქველმოქმედებას, კომპანია HeidelbergCement მონაწილის მიერ გარბენილ თითოეულ კილომეტრში 0,1 ლარს გადაიხდის. შესაბამისად, მაქსიმალური შედეგის მიღწევის შემთხვევაში 50 ათასი ლარის ოდენობის თანხა ბენეფიციარს – ორგანიზაცია First step-ს გადაერიცხება.

დროისა და მანძილის ათვლა 27 სექტემბერს დაიწყო და 26 ოქტომბრამდე გაგრძელდება.

21
თემები:
სპორტის ამბები (831)
ნიკოლოზ ბასილაშვილი

ბასილაშვილი ცუდ ფორმაშია ჩოგბურთელი კვლავ დამარცხდა

43
(განახლებულია 17:29 30.09.2020)
პაექრობის მთელი დროის განმავლობაში ბასილაშვილმა სულ 38 შეცდომა დაუშვა, მაშინ, როდესაც მეტოქის მაჩვენებელი მხოლოდ 15 იყო.

თბილისი, 30 სექტემბერი – Sputnik. საქართველოს პირველმა ჩოგანმა ნიკოლოზ ბასილაშვილმა (33-ე ნომერი АТР-ს რეიტინგში) „როლან გაროსის“ „დიდი სლემის“ სერიიდან ტურნირის პირველივე წრეში წააგო.

პირველ რაუნდში 31-ე ნომრად განთესილმა ბასილაშვილმა სამ სეტში წააგო ბრაზილიელ ტიაგო მონტეიროსთან – 5:7, 4:6, 2:6. მატჩი ორ საათზე ცოტა მეტხანს გაგრძელდა.

შეხვედრის მთელი დროის განმავლობაში ქართველმა ჩოგბურთელმა ვერ გააკეთა ვერც ერთი ბრეიკი, ხოლო თავისი ჩაწოდება ოთხჯერ წააგო. სულ ბასილაშვილმა 38 შეცდომა დაუშვა, მაშინ, როდესაც მონტეიროსთან ეს მაჩვენებელი მხოლოდ 15 იყო.

ამ მარცხის გამო ბასილაშვილი სარეიტინგო ქულებს არ დაკარგავს, რადგან გასულ წელს მან „როლან გაროსზე“ გამოსვლა ასევე პირველ წრეში დაასრულა (წააგო არგენტინელ ხუან ლონდეროსთან).

საჩოგბურთო სეზონის განახლების შემდეგ, რომელიც COVID-19-ის პანდემიის გამო იყო შეჩერებული, ბასილაშვილმა რვა მატჩი ისე წააგო, რომ არც ერთი სეტი არ მოუგია.

შეიძლება ითქვას, რომ ბასილაშვილის ასეთი უსახური თამაშის მიზეზი ყოფილ მეუღლესთან დაკავშირებული ვითარებაა. ნეკა დოროყაშვილი ბასილაშვილს ოჯახურ ძალადობაში ადანაშაულებს. ამ საკითხზე სასამართლო პროცესი მიმდინარეობს. ასეთ ვითარებაში სპორტსმენს, როგორც ჩანს, უჭირს ჩოგბურთზე კონცენტრირება.

43
თემები:
სპორტის ამბები (831)
ვალუტის გაცვლის პუნქტი

ლარის კურსი 1 ოქტომბერს

0
(განახლებულია 17:39 30.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0819 ლარით გამყარდა.

თბილისი, 1 ოქტომბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2059 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0819 ლარით გამყარდა.

ლარის კურსი 1 ოქტომბერს
ლარის კურსი 1 ოქტომბერს
0
თემები:
ლარის კურსი დღეს