ნიკოლოზ ბასილაშვილი

ბასილაშვილმა US Open-ზე ასპარეზობა პირველივე წრეში დაასრულა

86
(განახლებულია 20:02 02.09.2020)
კორონავირუსის პანდემიასთან დაკავშირებული პაუზის შემდეგ ბასილაშვილმა ოთხი შეხვედრის გამართვა მოასწრო და ყველა ჯერზე დამარცხდა.

თბილისი, 2 სექტემბერი — Sputnik. საქართველოს პირველმა ჩოგანმა ნიკოლოზ ბასილაშვილმა (АТР-ს რეიტინგში 30-ე ნომერი) US Open-ზე ასპარეზობა პირველივე ტურში დაასრულა, იგი ავსტრალიელ ჯონ მილმანთან სამ სეტში დამარცხდა - 1:6, 4:6, 4:6.

მატჩი ორ საათზე მეტხანს გაგრძელდა და ამ დროის მანძილზე ბასილაშვილმა ვერც ერთხელ ვერ მოახერხა მოწინააღმდეგის ჩაწოდების აღება. მან 56 შეცდომა დაუშვა, მილმანის 35 შეცდომის წინააღმდეგ.

გასულ წელს ბასილაშვილმა US Open-ის მესამე წრემდე მიაღწია. ეს ნიშნავს, რომ ქართველი ჩოგბურთელი სარეიტინგო ქულებს დაკარგავს და მსოფლიო რეიტინგში კვლავ ჩამოქვეითდება (საჩოგბურთო სეზონის განახლების წინ ბასილაშვილი АТР-ს რეიტინგში 27-ე პოზიციაზე იყო).

აღსანიშნავია, რომ კორონავირუსის პანდემიასთან დაკავშირებული პაუზის შემდეგ ბასილაშვილმა ოთხი შეხვედრის გამართვა მოასწრო და ყველა ჯერზე დამარცხდა.

ერთმნიშვნელოვნად შეიძლება ითქვას, რომ ბასილაშვილის ასეთი წარუმატებლობის მიზეზი ყოფილ ცოლთან დაკავშირებული ვითარებაა. ნეკა დოროყაშვილი ბასილაშვილს ბრალს სდებს ოჯახურ ძალადობაში, აღნიშნულ საქმესთან დაკავშირებით სასამართლო პროცესი 20 სექტემბერს გაიმართება.

გასაგებია, რომ შექმნილ ვითარებაში ბასილაშვილისთვის რთულია ჩოგბურთზე კონცენტრირება.

მთელი კარიერის მანძილზე 28 წლის ბასილაშვილმა АТР სერიის სამი ტურნირი მოიგო და მთლიანობაში 5,5 მლნ დოლარზე მეტი გამოიმუშავა.

86
თემები:
სპორტის ამბები (825)
უეფას ევროპის ლიგა. თბილისის „ლოკომოტივი“ - მოსკოვის „დინამო“

თბილისის „ლოკომოტივმა“ და „დინამომ“ უეფას „ევროპა ლიგაში“ ასპარეზობა დაასრულეს

84
(განახლებულია 13:28 25.09.2020)
„ლოკომოტივი“ და „დინამო“ ამჟამინდელი სეზონის ევროთასებში საქართველოს უკანასკნელი წარმომადგენლები იყვნენ.

თბილისი, 24 სექტემბერი — Sputnik. თბილისის საფეხბურთო კლუბებმა „ლოკომოტივმა“ და „დინამომ“ უეფას „ევროპა ლიგის“ მესამე საკვალიფიკაციო რაუნდის მატჩები წააგეს.

„ლოკომოტივი“ გასვლაზე დამარცხდა ესპანურ „გრანადასთან“ ანგარიშით 0:2. ორივე გოლი შესვენების შემდეგ გავიდა. 48-ე წუთზე ესპანელები წინ გაიყვანა დარვინ მაჩისმა, ხოლო მსაჯის მიერ დამატებულ დროში ხორხე მოლინამ საბოლოო ანგარიში გააფორმა. აღსანიშნავია, რომ „რკინიგზელები“ მეორე ტაიმის შუა პერიოდიდან უმცირესობაში აღმოჩნდნენ, რადგან მეორე ყვითელი ბარათის გამო მოედნიდან გიორგი გაბაძე გააძევეს.

რაც შეეხება „დინამოს“, თბილისურმა კლუბმა გამანადგურებელი მარცხი განიცადა – ფარერების კუნძულების ჩემპიონმა „კლაქსვიკმა“ მას 6:1 მოუგო. შეხვედრის გმირი გახდა თავდამსხმელი პოლ კლეტსკარდი, რომელმაც ჰეტ-ტრიკი შეასრულა. „დინამოელთა“ მხრიდან პრესტიჟის გოლი ჟოზე ვიტორმა გაიტანა.

„ლოკომოტივი“ და „დინამო“ ამჟამინდელი სეზონის ევროთასებში საქართველოს უკანასკნელი წარმომადგენლები იყვნენ. მანამდე უეფას „ევროპა ლიგის“ პირველივე საკვალიფიკაციო რაუნდში თბილისის „საბურთალო“ კვიპროსის „აპოლონთან“ 1:5 დამარცხდა, ხოლო ბათუმის „დინამო“ – ისრაელის „ჰაპოელთან“ (0:3).

84
თემები:
სპორტის ამბები (825)
შოთა არველაძემ „ფახთაქორი“ აზიის ჩემპიონთა ლიგის პლეი-ოფში გაიყვანა

არველაძემ „ფახთაქორი“ აზიის ჩემპიონთა ლიგის პლეი-ოფში გაიყვანა

59
(განახლებულია 21:46 24.09.2020)
კლუბის მწვრთნელი მატჩს ვერ დაესწრო, რადგან ქართველ სპეციალისტს მატჩის წინა დღეს კორონავირუსი დაუდგინდა.

თბილისი, 23 სექტემბერი — Sputnik. ტაშკენტის „ფახთაქორი“, რომლის მთავარი მწვრთნელი ქართველი სპეციალისტი შოთა არველაძეა, პირველად 10 წლის მანძილზე აზიის ჩემპიონთა ლიგის პლეი-ოფში გავიდა.

ჯგუფური ეტაპის ბოლო მატჩში „ფახთაქორმა“ გასვლაზე მოუგო ირანის „პადიდე ჰორასანს“ 1:0 და 11 ქულით კვარტეტში პირველი ადგილი დაიკავა.

თავად არველაძე მატჩს ვერ დაესწრო, რადგან ქართველ სპეციალისტს მატჩის წინა დღეს კორონავირუსი დაუდგინეს და მომდევნო ორ კვირას ის კარანტინში გაატარებს.

გამარჯვების შემდეგ „ფახთაქორის“ მოთამაშეებმა მხარი დაუჭირეს თავის მთავარ მწვრთნელს და გადაიღეს საერთო ფოტო, რომელზეც ეჭირათ მაისური, რომელსაც არველაძის გვარი ეწერა.

მერვედფინალურ მატჩში, რომელიც 26 სექტემბერს გაიმართება, გუნდი ირანის „ესტეგლალს“ შეხვდება.

არველაძემ მწვრთნელის კარიერა 2008 წელს დაიწყო, როდესაც ჰოლანდიურ AZ-ში ლუი ვან გაალის ასისტენტი გახდა. ორი წლის შემდეგ ქართველი სპეციალისტი გაემგზავრა თურქეთში, სადაც 2010-დან 2015 წლამდე სამ კლუბთან - „ქაისერისპორთან“, „კასიმფაშასთან“ და „ტრაბზონსპორთან“ იმუშავა. მომდევნო ეტაპი არველაძის კარიერაში იყო ისრაელის „მაკაბი“, 2017 წლიდან კი ის „ფახთაქორს“ ჩაუდგა სათავეში.

ქართველი სპეციალისტის ხელმძღვანელობით ტაშკენტის კლუბმა 2017 წლის ჩემპიონატის ბრინჯაო მოიპოვა, 2018 წელს ქვეყნის ვიცე-ჩემპიონი გახდა და გასულ წელს უზბეკეთის ჩემპიონიც გახდა.

59
თემები:
COVID-19-ის პანდემია მსოფლიოში
სავსე მთვარე

მთვარის კალენდარი: 27 სექტემბერი რისი გაკეთება შეიძლება და რისი არა

0
(განახლებულია 20:50 26.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

27 სექტემბერი, კვირა. ამ დღეს მზე მართავს. მზარდი მთვარე მერწყულის ნიშანშია.

ამ დღეს საჭიროა ძალების მიმართვა ოჯახური კავშირების გამტკიცებისკენ, ოჯახური ტრადიციების მხარდაჭერა, სახლის მოწყობაზე ზრუნვა.

ცხოვრებისეულ სფეროებში ადამიანებს იღბალი თან სდევს. იზრდება პროფესიული წარმატებების შესაძლებლობა.

ჩნდება ინტერესი ყოველი ახლისადმი, მოულოდნელად მოდის საინტერესო იდეები, ადამიანებში იზრდება დამოუკიდებლობის წყურვილი, ექსტრავაგანტულობა, კომუნიკაბელურობა, ექსპერიმენტებისკენ სწრაფვა, შემოქმედებითი დამოკიდებულება ყველაფრისადმი.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

რეკომენდებულია ოჯახური ბიზნეს–საქმიანობა, ოჯახთან დაკავშირებული ფინანსური საკითხების გადაჭრა, მოლაპარაკებების წარმოება, კონტაქტების დამყარება, ადრე დაწყებული საქმეების გაგრძელება, სანდო კავშირების გამტკიცება, კარიერაზე და ბიზნესზე ზრუნვა, მუშაობა როგორც დამოუკიდებლად, ისე კოლექტივში.

არარეკომენდებულია ახალი საქმეების დაწყება.

ხელსაყრელი დღეა მგზავრობისთვის.

თმის შეჭრა, შეღებვა: ამ დღეს არასასურველია თმის შეჭრა, მაგრამ კარგი დღეა შეღებვისთვის. ხელსაყრელი დღეა მანიკურისთვის.

მებაღეობა: მერწყულის ნიშანი მებაღეობის მხრივ არცთუ ნაყოფიერი პერიოდია. ამ დღეს შეიძლება ბრძოლა მავნებლებთან, მცენარეების შეწამვლა, ნიადაგის გაფხვიერება, ხოლო არ ღირს პიკირება, მცენარეების დარგვა და გადარგვა.

0