კახა ცხადაძე

კახა ცხადაძე ყაზახეთის ჩემპიონატის IV ტურის შედეგებით საუკეთესო მწვრთნელად აღიარეს

47
(განახლებულია 00:31 27.08.2020)
ქართველი სპეციალისტის ხელმძღვანელობით კლუბმა „ორდაბასიმ“ გასულ წელს მესამე ადგილი დაიკავა და უეფას ევროპის ლიგაში კვალიფიკაცია მოიპოვა

თბილისი, 26 აგვისტო - Sputnik. ქართველი სპეციალისტი კახა ცხადაძე, რომელიც ყაზახეთის საფეხბურთო კლუბ „ორდაბასის“ ხელმძღვანელობს, ეროვნული ჩემპიონატის IV ტურის შედეგებით საუკეთესო მწვრთნელად დასახელდა, ნათქვამია გამოცემა sports.kz-ის განცხადებაში.

საანგარიშო დღეს „ორდაბასი“ ხვდებოდა „ჟეტისუს“ და ნახევარი საათის შემდეგ ანგარიშით 0:2 აგებდა. თუმცა ცხადაძის შეგირდებმა მატჩის მსვლელობა შეატრიალეს და ანგარიშით 3:2 მოიგეს. გამარჯვების გოლი მეორე ტაიმის შუაში „ორდაბასის“ ბრაზილიელმა თავდამსხმელმა ჟოაუმ გაიტანა.

ცხადაძის გარდა IV ტურის სიმბოლურ ნაკრებში „ორდაბასის“ კიდევ ოთხი ფეხბურთელი მოხვდა.

ხუთი ჩატარებული ტურის შემდეგ (V ტურში „ორდაბასიმ“ მოუგო „კასპი აქტაუს“ ანგარიშით 1:0) ცხადაძის გუნდი 10 ქულით მეხუთე ადგილს იკავებს.

ცხადაძე „ორდაბასის“ მთავარი მწვრთნელია 2018 წლიდან. ქართველი სპეციალისტის ხელმძღვანელობით გასულ წელს კლუბმა მესამე ადგილი დაიკავა და უეფას ევროპის ლიგაში კვალიფიკაცია მოიპოვა.

47
თემები:
სპორტის ამბები (831)
მარათონი

Tbilisi Marathon ციფრულ ფორმატში: შეუერთდი საქველმოქმედო აქციას

21
(განახლებულია 19:55 30.09.2020)
მარათონში მონაწილეობის მიღების მსურველებმა უნდა ჩამოტვირთონ აპლიკაცია და მოძებნონ Tbilisi Marathon Challenge.

თბილისი, 30 სექტემბერი — Sputnik. ტრადიციული თბილისის მარათონი (Tbilisi Marathon) კორონავირუსის პანდემიის გამო გადაიდო, მაგრამ ღონისძიება ციფრულ ფორმატში მაინც გაიმართება, რომელშიც მონაწილეობა ნებისმიერ მსურველს მსოფლიოს ნებისმიერი წერტილიდან შეუძლია. 

მარათონში მონაწილეობა Strava-ს აპლიკაციის წყალობით გახდა შესაძლებელი, რომელიც მსოფლიოში ერთ-ერთი ყველაზე პოპულარული სპორტული პროგრამაა, რომლის პლატფორმაზეც ყოველდღიურად 10 მილიონამდე სხვადასხვა სპორტული აქტივობები იტვირთება. ეს სპორტსმენებისთვის ერთგვარი სოციალური ქსელია.

მარათონში მონაწილეობის მიღების მსურველებმა უნდა ჩამოტვირთონ აპლიკაცია და მოძებნონ Tbilisi Marathon Challenge. ონლაინ–ჩელენჯს ავტომატურად რომ შეუერთდნენ, აუცილებელი პირობაა ერთი კილომეტრის გარბენა. შემდგომ კი ერთი თვის მანძილზე ყოველი გარბენის წინ მათ უნდა ჩართონ აპლიკაცია და აღრიცხონ შედეგი.

მარათონის მიზანია – 1 თვეში ყველა მონაწილის გარბენმა მთლიანობაში 500 ათასი კილომეტრი შეადგინოს. მნიშვნელობა არ აქვს კონკრეტული მონაწილე ერთ თუ 150 კილომეტრს გაირბენს, მთავარია, რომ საერთო გარბენმა ნახევარ მილიონს მიაღწიოს.

გარდა ამისა, არსებობს ინდივიდუალური მოტივაციისთვის მინიმალური ლიმიტიც – 42,2 კილომეტრი, რის შემთხვევაშიც მონაწილეები ონლაინ–მარათონის სპეციალურ ბეიჯს მიიღებენ. ეს მანძილი მონაწილეს შეუძლია დაფაროს ერთ გარბენში, ან გადაანაწილოს რამდენიმე გარბენზე. მაქსიმალური ლიმიტი დაწესებული არ არის. რაც უდრო დიდია მონაწილის მიერ გავლილი მანძილი, მით უფრო დიდია მისი წვლილი.

რაც შეეხება ქველმოქმედებას, კომპანია HeidelbergCement მონაწილის მიერ გარბენილ თითოეულ კილომეტრში 0,1 ლარს გადაიხდის. შესაბამისად, მაქსიმალური შედეგის მიღწევის შემთხვევაში 50 ათასი ლარის ოდენობის თანხა ბენეფიციარს – ორგანიზაცია First step-ს გადაერიცხება.

დროისა და მანძილის ათვლა 27 სექტემბერს დაიწყო და 26 ოქტომბრამდე გაგრძელდება.

21
თემები:
სპორტის ამბები (831)
ნიკოლოზ ბასილაშვილი

ბასილაშვილი ცუდ ფორმაშია ჩოგბურთელი კვლავ დამარცხდა

43
(განახლებულია 17:29 30.09.2020)
პაექრობის მთელი დროის განმავლობაში ბასილაშვილმა სულ 38 შეცდომა დაუშვა, მაშინ, როდესაც მეტოქის მაჩვენებელი მხოლოდ 15 იყო.

თბილისი, 30 სექტემბერი – Sputnik. საქართველოს პირველმა ჩოგანმა ნიკოლოზ ბასილაშვილმა (33-ე ნომერი АТР-ს რეიტინგში) „როლან გაროსის“ „დიდი სლემის“ სერიიდან ტურნირის პირველივე წრეში წააგო.

პირველ რაუნდში 31-ე ნომრად განთესილმა ბასილაშვილმა სამ სეტში წააგო ბრაზილიელ ტიაგო მონტეიროსთან – 5:7, 4:6, 2:6. მატჩი ორ საათზე ცოტა მეტხანს გაგრძელდა.

შეხვედრის მთელი დროის განმავლობაში ქართველმა ჩოგბურთელმა ვერ გააკეთა ვერც ერთი ბრეიკი, ხოლო თავისი ჩაწოდება ოთხჯერ წააგო. სულ ბასილაშვილმა 38 შეცდომა დაუშვა, მაშინ, როდესაც მონტეიროსთან ეს მაჩვენებელი მხოლოდ 15 იყო.

ამ მარცხის გამო ბასილაშვილი სარეიტინგო ქულებს არ დაკარგავს, რადგან გასულ წელს მან „როლან გაროსზე“ გამოსვლა ასევე პირველ წრეში დაასრულა (წააგო არგენტინელ ხუან ლონდეროსთან).

საჩოგბურთო სეზონის განახლების შემდეგ, რომელიც COVID-19-ის პანდემიის გამო იყო შეჩერებული, ბასილაშვილმა რვა მატჩი ისე წააგო, რომ არც ერთი სეტი არ მოუგია.

შეიძლება ითქვას, რომ ბასილაშვილის ასეთი უსახური თამაშის მიზეზი ყოფილ მეუღლესთან დაკავშირებული ვითარებაა. ნეკა დოროყაშვილი ბასილაშვილს ოჯახურ ძალადობაში ადანაშაულებს. ამ საკითხზე სასამართლო პროცესი მიმდინარეობს. ასეთ ვითარებაში სპორტსმენს, როგორც ჩანს, უჭირს ჩოგბურთზე კონცენტრირება.

43
თემები:
სპორტის ამბები (831)
სავსე მთვარე

მთვარის კალენდარი: 1 ოქტომბერი რისი გაკეთება შეიძლება და რისი არა

0
(განახლებულია 09:47 30.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

1 ოქტომბერი, ხუთშაბათი. ამ დღეს იუპიტერი მართავს. მზარდი მთვარე ვერძის ნიშანშია.

ვერძის დღეებში საჭიროა აქტიურობა, ორიგინალურად და მტკიცედ მოქმედება, მაგრამ ასევე დიპლომატია. თავი უნდა აარიდოთ აჩქარებას, იმპულსურობას, აუცილებელია მოთმინების გამოჩენა. არ ივარგებს სამუშაოზე ზუსტი გათვლების ჩატარება და ანგარიშების შედგენა, გრძელვადიანი საქმეების წამოწყება. არასასურველია შეთანხმებებსა და კონტრაქტებზე ხელმოწერა, მნიშვნელოვანი მოლაპარაკებების გამართვა.

როდესაც მთვარე ვერძის ნიშანშია, იზრდება ინტერესი საწინააღმდეგო სქესის მიმართ. მამაკაცები მზად არიან, თავიანთი ვაჟკაცობა დაამტკიცონ, ხოლო ქალები ნამდვილი ამორძალები ხდებიან. კარგი დროა სიყვარულში გამოტყდომისთვის.

მთვარე ვერძში ხელს უწყობს აქტიურ, სწრაფ ნაცნობობას. ამ დღეს დაწყებული სასიყვარულო რომანი მგზნებარე და ცეცხლოვანი იქნება, მაგრამ, სავარაუდოდ, ხანმოკლე.

რეკომენდებულია აქტიური და მტკიცე მოქმედებები, მნიშვნელოვანი და სერიოზული საქმეების დაწყება, წარმატების მიღწევის რწმენა, გადასადგმელი ნაბიჯების კარგად მოფიქრება, ადამიანებთან ურთიერთობები, ოჯახური და ნათესაური კავშირების გამტკიცება, საკუთარი იდეებისა და გეგმების გამხელა, კარიერასა და ბიზნესზე ზრუნვა, ფინანსური საკითხების გადაჭრა.

არარეკომენდებულია უსაქმოდ ყოფნა, ენერგიის დახარჯვა უმნიშვნელო მოვლენებზე, წვრილმანებზე.

ხელსაყრელი დღეა ხანმოკლე მგზავრობისთვის.

თმის შეჭრა, შეღებვა: ვერძის დღეებში სასურველია, თმის შეჭრისა და შეღებვისგან თავი შეიკავოთ. ნებისმიერი ქიმიური საშუალებები ამ დღეს უარყოფითად მოქმედებს.

მანიკურისთვის ნეიტრალური დღეა.

მებაღეობა: ვერძის დღეებში შეიძლება მოსავლის აღება, მარცვლოვანი, ნაყოფიანი კულტურებისა და ბოსტნეულისთვის სასუქის მიცემა, გასხვლა, შეწამვლა დაავადებებისა და მავნებლებისგან დასაცავად, სარეველისგან გაწმენდა.

0