კახაბერ ჩხეტიანი

„დინამოს" მთავარი მწვრთნელი: „წაგებას ჩემს თავზე ვიღებ“

84
(განახლებულია 14:48 20.08.2020)
ევროპის ლიგაში, რომლის კვალიფიკაციაშიც ითამაშებს ახლა თბილისის „დინამო“, ქართველი ფეხბურთელები სხვა დონის თამაშს აჩვენებენ, განაცხადა მწვრთნელმა.

თბილისი, 20 აგვისტო – Sputnik. თბილისის „დინამოს“ მთავარმა მწვრთნელმა კახაბერ ჩხეტიანმა კლუბის მარცხი (0:2) უეფას ჩემპიონთა ლიგის პირველ საკვალიფიკაციო რაუნდში ალბანეთის „ტირანასთან“ საკუთარ თავზე აიღო.

„წაგებას ჩემს თავზე ვიღებ. ფეხბურთელებზე ვერ ვიტყვი, რომ უგულოდ გამოვიდნენ მინდორზე, ყველაზე მეტად გამარჯვება მათ სურდათ“, – განაცხადა ჩხეტიანმა მატჩის შემდგომ პრესკონფერენციაზე.

სპეციალისტმა ასევე აღნიშნა, რომ ყველა ჩანაფიქრი და ტაქტიკური სვლა რომ განხორციელებულიყო, რომლებიც ვარჯიშებზე შეიმუშავეს, „დინამო“ არ წააგებდა.

„ვეცდებით, რომ ასეთი თამაში ევროპა-ლიგაზე არ ვაჩვენოთ. ყველაფერი მთლიანად უნდა შეიცვალოს, მათ შორის დამოკიდებულებაც, რადგან პრაქტიკულად არაფერი გამოგვივიდა, რაც ვარჯიშზე გავიარეთ. ვეცდებით, რომ ყველაფერი სასიკეთოდ შეიცვალოს. ამ თამაშიდან თუ ვიმსჯელებთ, ყველაფერი გამოსასწორებელია“, – აღნიშნა ჩხეტიანმა.

თამაშზე თავისი აზრი გამოთქვა „ტირანას“ მწვრთნელმა ემანუელ ეგბომაც.

„დინამოელებმა ის ფეხბურთი აჩვენეს, რომელსაც ველოდებოდით. დაიწყეს ძალიან აგრესიულად და ხშირად იყენებდნენ ფლანგებს. შევძელით და ეს ზონები ჩავკეტეთ, არ მივეცით მეტოქეს ჩვენ კართან საშიში მომენტების შექმნის საშუალება. „დინამო“ კარგი კლუბია, მაგრამ შემდეგ ეტაპზე დამსახურებლად გავედით ჩვენ“, – განაცხადა ნიგერიელმა სპეციალისტმა.

„დინამომ“ უეფას ჩემპიონთა ლიგაში გამოსვლა დაასრულა, მაგრამ უეფას ევროპის ლიგის კვალიფიკაციაში ევროთასის კამპანიას გააგრძელებს. მისი მეტოქე და მატჩის ჩატარების თარიღი მოგვიანებით გაირკვევა.

რაც შეეხება „ტირანას“, ის უეფას ჩემპიონთა ლიგის მეორე საკვალიფიკაციო რაუნდში თავის მოედანზე სერბეთის „ცრვენა ზვეზდას“ შეხვდება.

84
თემები:
სპორტის ამბები (821)
ნიკოლოზ ბასილაშვილი

ბასილაშვილის კრიზისი გრძელდება: საქართველოს პირველი ჩოგანი ისევ დამარცხდა

109
(განახლებულია 20:02 22.09.2020)
კორონავირუსის პანდემიის გამო შეჩერებული საჩოგბურთო სეზონის განახლების შემდეგ ბასილაშვილმა შვიდი მატჩი წააგო ისე, რომ არც ერთი სეტი არ მოუგია.

თბილისი, 22 სექტემბერი – Sputnik. საქართველოს პირველმა ჩოგანმა ნიკოლოზ ბასილაშვილმა (33-ე ნომერი АТР-ს რეიტინგში) საჩოგბურთო სეზონის განახლების შემდეგ უკვე მეშვიდედ წააგო.

ჰამბურგის ტურნირის პირველივე წრეში (Hamburg European Open) ბასილაშვილი ესპანელ რობერტო ბაუტისტა-აგუტთან (11) ორ სეტში დამარცხდა. მატჩს საათ-ნახევარზე ნაკლები დრო დასჭირდა.

ქართველ ჩოგბურთელს ჰქონდა გარკვეული შანსები, თუმცა თავად მან მისცა ბაუტისტა-აგუტს ოთხი ბრეიკის გაკეთების საშუალება. ამან კი საბოლოოდ მისი დამარცხება გამოიწვია.

ბასილაშვილი ჰამბურგის ტურნირების ბოლო ორი წლის გამარჯვებული იყო. ამჯერად მან ვერ შეძლო თავისი ტიტულის დაცვა და 500 სარეიტინგო ქულა დაკარგა. ეს ნიშნავს, რომ АТР-ს განახლებულ რეიტინგში, რომელიც 28 სექტემბერს გამოქვეყნდება, ბასილაშვილი 33-ე ადგილიდან დაახლოებით მე-60 პოზიციაზე გადაინაცვლებს.

საჩოგბურთო სეზონის განახლების შემდეგ, რომელიც COVID-19-ის პანდემიის გამო იყო შეჩერებული, ბასილაშვილმა შვიდი მატჩი წააგო ისე, რომ არც ერთი სეტი არ მოუგია.

ბასილაშვილს ბრალი არ დამძიმებია: გენპროკურატურა ინფორმაციას უარყოფს>>

შეიძლება ითქვას, რომ ბასილაშვილის ასეთი უსახური თამაში ყოფილ მეუღლესთან დაკავშირებულ ვითარებას უკავშირდება. ნეკა დოროყაშვილი ბასილაშვილს ოჯახურ ძალადობაში ადანაშაულებს. ამ საკითხზე სასამართლო პროცესი მიმდინარეობს. ასეთ ვითარებაში სპორტსმენს, როგორც ჩანს, უჭირს ჩოგბურთზე კონცენტრირება.

109
თემები:
სპორტის ამბები (821)
ჯაბა კანკავა

ორი ქართველი ფეხბურთელი ყაზახეთის „ტობოლს“ დატოვებს

48
(განახლებულია 17:14 22.09.2020)
ყაზახური „ტობოლის“ ხელმძღვანელობას 34 წლის კანკავასა და 28 წლის კვეკვესკირის ნაცვლად უფრო ახალგაზრდა და სწრაფი ფეხბურთელების მიწვევა სურს.

თბილისი, 22 სექტემბერი – Sputnik. საქართველოს ფეხბურთის ნაკრების ორი ნახევარმცველი ჯაბა კანკავა და ნიკა კვეკვესკირი, რომლებიც ყაზახეთის „ტობოლში“ გამოდიან, სეზონის დასრულების შემდეგ გუნდს დატოვებენ. ინფორმაცია ამის თაობაზე ყაზახურ მასმედიაში ვრცელდება.

ნიკა კაჭარავა კარიერას პოლონურ კლუბში გააგრძელებს>>

ცნობილია, რომ გუნდის ხელმძღვანელობამ უკვე მოამზადა იმ მოთამაშეების სია, რომლებიც კლუბს სეზონის დამთავრების შემდეგ დატოვებენ. ამ სიაში ბევრი ფეხბურთელი არაა, მაგრამ არის ორივე ქართველი მოთამაშე. 34 წლის კანკავასა და 28 წლის კვეკვესკირის ნაცვლად „ტობოლის“ ხელმძღვანელობას გუნდში უფრო ახალგაზრდა და სწრაფი ფეხბურთელების მიწვევა უნდა.

კანკავა, რომელიც საქართველოს ნაკრების კაპიტანია, „ტობოლში“ 2018 წლის იანვარში ფრანგული „რეიმსიდან“ გადავიდა. ნახევარმცველმა ყაზახურ კლუბში 75 მატჩი ჩაატარა, გაიტანა სამი გოლი და გააკეთა ერთი შედეგიანი გადაცემა.

რაც შეეხება კვეკვესკირს, ის „ტობოლში“ აზერბაიჯანული „გაბალიდან“ 2017 წლის ზაფხულში გადავიდა. ქართველმა ფეხბურთელბა „ტობოლის“ შემადგენლობაში ჩაატარა 73 მატჩი, გაიტანა ხუთი გოლი და გააკეთა 10 შედეგიანი გადაცემა.

ყაზახეთის ამჟამინდელ ჩემპიონატში რვა ტურის შემდეგ „ტობოლს“ 13 ქულით სატურნირო ცხრილში მეექვსე ადგილი უკავია.

48
თემები:
სპორტის ამბები (821)
სტეფანე მღებრიშვილი

„მსოფლიოში ყველაზე ლამაზ ქალთან“- სტეფანე მღებრიშვილი მაკა ასათიანთან ერთად გამოჩნდა

0
(განახლებულია 13:21 23.09.2020)
ცნობილი დიზაინერი მაკა ასათიანი თბილისში სტუმრობისას თინეიჯერობის მეგობრებს შეხვდა. როგორ გამოიყურებიან წლების შემდეგ სტეფანე და მაკა?

მსოფლიოს მუსიკალური ინდუსტრია ცნობილი არტისტების ვიზუალითაა დაინტერესებული. ვარსკვლავების უმეტესობა პლატიკურ ქირურგიას დაუფიქრებლად თანხმდება - შედეგიც სახზეა. სელებრითები ბუნებრივ სილამაზეს ხელოვნურ გარეგნობაში ერთი ხელის მოსმით ცვლიან. თუმცა, ქართველ ვარსკვლავებს შორის გამონაკლისებიც არიან. ერთ-ერთია მაკა ასათიანი - ელეგანტური, მუდამ საუცხოოდ გამოწყობილი, რომელზეც ვერავინ იტყვის, რომ ცნობილი ქალბატონი უკვე ბებიაა. ის, სულ ცოტა ხნის წინ სტეფანე მღბრიშვილთან ერთად ერთ-ერთ საღამოზე გამოჩნდა.

მიუხედავად ცხოვრებისეული ტრაგედიებისა, მაკა ასათიანი შინაგან სილამაზეს არ კარგავს. მის მშვენებას დრო ვერ ცვლის, ვერც განვლილი ცხოვრება და ტკივილი. ცნობილია, რომ მაკა ასათიანს წლების წინ ჯერ მამა – კახი ასათიანი მოუკლეს, მოგვიანებით კი საყვარელი კაცი – ცნობილი კალათბურთელი დუდუ დადიანი. მაკას პირადმა ცხოვრებამ და შინაგანმა სამყარომ დიდი გარდატეხა განიცადა. საზოგადოება მის მუდამ შავ ჩაცმულობას სწორედ ცხოვრებისეულ განვლილ ეტაპებს უკავშირებს.

მაკა ასათიანს მერაბ ჟორდანიასგან ორი ვაჟი – კახი და ლევან ჟორდანიები ჰყავს. მათ სიყვარულზე ქალაქში ლეგენდებს ჰყვებოდნენ, მერაბი მაკას ისეთ სიურპრიზებს უწყობდა, ხალხი გაოგნებით ისმენდა და კითხულობდა, მაგრამ მათი ურთიერთობა ხანმოკლე აღმოჩნდა. მოგვიანებით სილამაზის ეტალონი ცოლად კოტე გოგელიამ მოიყვანა. ცნობილია, რომ კოტე გოგელია რუსეთსა და შვეიცარიაში მოღვაწე ბიზნესმენია. წყვილს ერთი ვაჟი – კოსტა გოგელია შეეძინა.

View this post on Instagram

❤️

A post shared by ქართველი სელებრითები (@georgiancelebritiesofficial) on

მაკა ასათიანის სილამაზე ყველაზე გულგრილი ადამიანების აღტაცებასაც კი იწვევს. მისი შარმი, ჩაცმის ევროპული სტილი, ნატიფი სხეული, გამორჩეული მანერები 90-იანი წლების თბილისის განხილვის მთავარი თემა იყო. მიუხედავად ახლანდელი მშვიდი ცხოვრებისა, მასზე საუბარს არ წყვეტენ.

0
თემები:
სელებრითების ცხოვრება