ოთარ კიტეიშვილი

ავსტრიული კლუბი ქართველ ფეხბურთელს იაფად არ დათმობს

58
თურქული მედიასაშუალებების ინფორმაციით, ქართველი ნახევარმცველით სტამბულის კლუბი „ფენერბახჩე“ დაინტერესდა

თბილისი, 30 ივნისი - Sputnik. ავსტრიული საფეხბურთო კლუბი „შტურმი“ (გრაცი) (Sturm Graz) უარს აცხადებს დათმოს ქართველი ნახევარმცველი ოთარ კიტეიშვილი 1,5 მილიონ ევროდ, განაცხადა კლუბის სპორტულმა დირექტორმა ანდრეას შიკერმა გამოცემა Kleine Zeitung-თან ინტერვიუში.

„ეს ნამდვილად ძალიან ცოტაა. ჩვენ ჯერ არ გვქონია არავისთან მოლაპარაკება გაყიდვის თემაზე, და რაიმე კონკრეტული წინადადება არ მიგვიღია, მით უმეტეს ასეთი დაბალი სატრანსფერო ფასით“, - მოჰყავს გამოცემას შიკერის სიტყვები.

კიტეიშვილის წასვლაზე მას შემდეგ ალაპარაკდნენ, რაც თურქულ მედიაში გავრცელდა ინფორმაცია იმის შესახებ, რომ სტამბულის „ფენერბახჩე“ (Fenerbahçe) ქართველი ნახევარმცველით დაინტერესდა. ზოგიერთი გამოცემის ინფორმაციით, „ყვითელ კანარელებს“ კიტეიშვილის გადმობირება სურთ გერმანელი მაქს კრუზეს ნაცვლად, რომელმაც ახლახან დატოვა გუნდი.

კიტეიშვილი „შტურმში“ 2018 წლის ზაფხულში თბილისის „დინამოდან“ გადავიდა.  24 წლის ფეხბურთელმა ავსტრიული კლუბის შემადგენლობაში 67 მატჩი ჩაატარა, გაიტანა 10 გოლი და 11 შედეგიანი გადაცემის ავტორი გახდა.

58
თემები:
სპორტის ამბები (729)
ეთერ თუთბერიძე აღსაზრდელებთან ერთად

„ჩვენს საქმეს სიყვარულით ვაკეთებთ“ - თუთბერიძემ მიღებულ ჯილდოზე ისაუბრა

78
(განახლებულია 18:34 12.07.2020)
განსაკუთრებით სასიხარულოა ქალიშვილის - დიანა დევისის მედლები, განაცხადა თუთბერიძემ. 17 წლის გოგონა ფიგურულ ციგურაობაში ასპარეზობს

თბილისი, 12 ივლისი – Sputnik. მიღებული ჯილდო - განვლილი გზის, შესრულებული სამუშაოს აღიარებაა, განაცხადა ფიგურულ ციგურაობაში დამსახურებულმა მწვრთნელმა ეთერ თუთბერიძემ, მოციგურავეთა საერთაშორისო კავშირის (ISU) Skating Awards-ის პრემიის „საუკეთესო მწვრთნელის“ ნომინაციაში საკუთარი გამარჯვების კომენტირებისას.

ისტორიაში პირველი ISU Skating Awards-ის ცერემონია შაბათს  ონლაინ-რეჟიმში გაიმართა. ეთერ თუთბერიძემ აჯობა ამერიკელ სპეციალისტ რაფაელ არუთინიანს, რომელიც მსოფლიოს ორგზის ჩემპიონ ნატან ჩენს წვრთნის, და კანადელ ბრაიან ორსერს, რომელიც ორგზის ოლიმპიურ ჩემპიონს, იაპონელ იუძურუ ჰანიუს და მსოფლიოს ორგზის ჩემპიონ ევგენია მედვედევას ავარჯიშებს, რომელმაც თავის ყველა მნიშვნელოვან გამარჯვებას თუთბერიძის ხელმძღვანელობით მიაღწია.

„ჩემთვის, როგორც ყველა მწვრთნელისთვის, ეს არის განვლილი გზის, შესრულებული სამუშაოს აღიარება. მით უმეტეს, რომ მეტოქეები ძალიან ღირსეული მყავდა. ნომინანტებს შორის რომ მოვხვდი, ესეც დიდი პატივია“, - ციტირებს თუთბერიძეს რუსეთის ფიგურული ციგურაობის ფედერაციის პრესსამსახური.

მწვრთნელმა ასევე წარმატების ერთ-ერთი საიდუმლო გაამხილა: „ჩვენს საქმეს სიყვარულით ვაკეთებთ, მეტი არაფერია. ჩემთვის ყოველი სტარტი, კვარცხლბეკი - ჩემი გზის ნაწილია. ერთი შეჯიბრება მთავრდება, მე კი უკვე იმაზე ვფიქრობ, რაზე უნდა ვიმუშაო შემდგომში, როგორ შევინარჩუნო ან გავაუმჯობესო სპორტული ფორმა ან გამოვასწორო შეცდომები“.

თუთბერიძის თქმით, განსაკუთრებით სასიხარულოა ქალიშვილის - დიანა დევისის მედლები, რომელიც ყინულზე ცეკვებში გლებ სმოლინთან წყვილში ასპარეზობს. მწვრთნელმა ასევე სამომავლო გეგმებზე ისაუბრა.

„მინდა დავდგა ისეთი პროგრამები, რომელიც მაყურებელს გულს აუჩუყებს, დააფიქრებს“, - აღნიშნა თუთბერიძემ.

მწვრთნელი მუშაობს 2018 წლის ოლიმპიურ ჩემპიონ ალინა ზაგიტოვასთან, 2020 წლის ევროპის ჩემპიონ ანა კოსტორნაიასთან, რუსეთის ორგზის ჩემპიონ ანა შჩერბაკოვასთან, იუნიორთა შორის რუსეთის ორგზის ჩემპიონ დანიილ სამსონოვთან. სპეციალისტმა ასევე იუნიორთა შორის მსოფლიოს ჩემპიონატის ორ უმაღლეს ჯილდომდე ალექსანდრა ტრუსოვა მიიყვანა.

78
გიორგი შაქარაშვილის გუნდელები

„საბურთალომ“ თამაშში გამარჯვება გიორგი შაქარაშვილს მიუძღვნა

142
(განახლებულია 15:01 12.07.2020)
მოკლული ფეხბურთელის გუნდელები მოედანზე გავიდნენ მისი ფოტოს გამოსახულებიანი მაისურებით და დევიზით - „ყველა გოლი და გამარჯვება შენ გეძღვნება, შაქარ!“

თბილისი, 12 ივლისი – Sputnik. საფეხბურთო კლუბ „საბურთალოს“ მეორე გუნდმა გამართა პირველი მატჩი გიორგი შაქარაშვილის გარდაცვალებიდან, რომელიც მცხეთაში დაუდგენელ გარემოებაში გარდაიცვალა.

გიორგის გუნდელები მოედანზე გავიდნენ მისი ფოტოს გამოსახულებიანი მაისურებით. თამაში გაიმართა დევიზით -„ყველა გოლი და გამარჯვება შენ გეძღვნება, შაქარ!“

„საბურთალომ“ მარტივად მოუგო „სპაერს“ - ამხანაგური მატჩი ანგარიშით 2:0 დასრულდა.

„საბურთალოს“ აკადემიაში გიორგი მივიდა, როდესაც ათი წლისაც არ იყო. მან ითამაშა ყველა ასაკობრივ გუნდში - U-15, U-17 და U-19.

გარდაცვლილ ახალგაზრდა სპორტსმენს ოთხდღიანი ძებნის შემდეგ არაგვში 22 ივნისს მიაგნეს, რამდენიმე კილომეტრში იმ ადგილიდან, სადაც ის ბოლოს ცოცხალი ნახეს. ის უკვალოდ დაიკარგა წვეულებაზე მომხდარი ჩხუბის შემდეგ, რომელიც მცხეთის აგარაკზე სტუმრებს შორის მოხდა.

ცნობილი გახდა ექსპერტიზის პასუხი – რა გახდა გიორგი შაქარაშვილის გარდაცვალების მიზეზი >>

ექსპერტიზამ დაადგინა, რომ 19 წლის ფეხბურთელის სიკვდილის მიზეზია ასფიქსია წყალში დახრჩობით. ასევე მას აღმოაჩნდა უამრავი დაზიანება, რაც საქმის გადაკვალიფიცირების საფუძველი გახდა - ჯგუფური ძალადობის მუხლი მკვლელობით შეიცვალა.

142
თემები:
19 წლის გიორგი შაქარაშვილის მკვლელობის საქმე
მევლუთ ჩავუშოღლუ

სომხეთ-აზერბაიჯანის შეჯახება: თურქეთმა არჩევანი გააკეთა

0
(განახლებულია 15:39 13.07.2020)
მანამდე აზერბაიჯანელმა სამხედროებმა სადავო ტეიროტირიაზე სომხურ საყრდენ პუნქტზე მიიტანეს იერიში და გაანადგურეს იგი

თბილისი, 13 ივლისი — Sputnik. აზერბაიჯან–სიმხეთის საზღვარზე არსებულ დაძაბულ ვითარებაში თურქეთი აზერბაიჯანს უჭერს მხარს, განაცხადა თურქეთის საგარეო საქმეთა მინსიტრმა მევლუთ ჩავუშოღლუმ.

„ის, რასაც სომხეთი აკეთეს, მიუღებელია. დაე, გონს მოვიდეს. ჩვენ მხარს დავუჭერთ აზრბაიჯანს მისი ტერიტორიული მთლიანობის შენარჩუნების საქმეში. აზერბაიჯანი მარტო არ არის“, — განაცხადა ჩავუშოღლუმ თურქული ტელეარხის, TRT–ს ეთერში.

აზერბაიჯანის თავდაცვის სამინისტრომ 12 ივლისს განაცხადა, რომ სომეხმა სამხედროებმა მათ პოზიციებს ნაღმმტყორცნებიდან გაუხსნეს ცეცხლი, რის საპასუხოდაც აზერბაიჯანელმა სამხედროებმა სომხეთის საყრდენი პუნქტი გაანადგურეს.

ამ დროისათვის ორი ქვეყნის საზღვარზე ვითარება კვლავ დაძაბულია.

0
თემები:
მსოფლიო დღეს