გიორგი ცეცაძე

ქართველმა მწვრთნელმა უკრაინის პრემიერ-ლიგაში თავისი დებიუტი შეაფასა

71
(განახლებულია 20:22 29.06.2020)
„ლვოვი" უკრაინის პრემიერ-ლიგაში ბოლოდან მეორე ადგილზეა და უმაღლეს დივიზიონში ადგილის შენარჩუნებისთვის იბრძვის.

თბილისი, 29 ივნისი — Sputnik. საფეხბურთო კლუბი „ლვოვი" ქართველი მწვრთნელის გიორგი ცეცაძის ხელმძღვანელობით პირველ მატჩში „კარპატებს" შეხვდა და თამაში 1:1 დაასრულა.

ცეცაძის გუნდი რაფაელ საბინოს დამსახურებით 36-ე წუთზე დაწინაურდა, მაგრამ „ლვოვმა" უპირატესობის შენარჩუნება ვერ შეძლო – მეორე ტაიმში მეტოქემ ანგარიში გაათანაბრა. ისიც გასათვალისწინებელია, რომ „კარპატები" 42-ე წუთიდან 10 ფეხბურთელის შემადგენლობით დარჩა (მოედნიდან ხოხლოვი გააძევეს).

„მინდორზე გამარჯვებისთვის გავედით. იმის გათვალისწინებით, რომ გუნდთან სულ ოთხი ვარჯიში ჩავატარე, პირველი ტაიმი მეტ-ნაკლებად ნორმალური გამოვიდა. შესვენების შემდეგ კი, როგორც მგონია, ფეხბურთელები ფსიქოლოგიურად მოდუნდნენ და მათ თამაშზე დაღლა აისახა. თუ გავითვალისწინებთ, რომ ორი სხვადასხვა ტაიმი ჩავატარეთ, შეიძლება ითქვას, რომ მატჩის შედეგი კანონზომიერია", – განაცხადა ცეცაძემ მატჩის შემდგომ პრესკონფერენციაზე.

„ლვოვი" უკრაინის პრემიერ-ლიგაში ბოლოდან მეორე ადგილზეა. ის უმაღლეს დივიზიონში ადგილის შენარჩუნებისთვის იბრძვის. ჩემპიონატის დასრულებამდე ოთხი ტურით ადრე „ლვოვი" „კარპატებს" რვა ქულით უსწრებს, მაგრამ ამ უკანასკნელს თადარიგში ოთხი თამაში აქვს.

ცეცაძე გუნდს სათავეში ერთი კვირის წინ ჩაუდგა. ამ პოსტზე მან ეგიშე მელიქიანი შეცვალა. 45 წლის სპეციალისტი მანამდე მუშაობდა საქართველოს გუნდებში: დილა", „სამტრედია", „საბურთალო". მისი ხელმძღვანელობით „სამტრედია" 2016 წელს ქვეყნის ჩემპიონი გახდა.

71
თემები:
სპორტის ამბები (732)
ჯანო ანანიძე

ჯანო ანანიძემ „ანორთოსისი“ დატოვა სად გააგრძელებს კარიერას ქართველი ნახევარმცველი

45
(განახლებულია 11:59 15.07.2020)
ქართველი ფეხბურთელი კვიპროსის „ანორთოსისში“ მოსკოვის „სპარტაკიდან“ მიმდინარე წლის იანვარში თავისუფალი აგენტის სახით გადავიდა

თბილისი, 15 ივლისი – Sputnik. საქართველოს ფეხბურთის ნაკრების ნახევარმცველმა ჯანო ანანიძემ კვიპროსის გუნდი „ანორთოსისი“ დატოვა. ამის შესახებ ფეხბურთელმა გამოცემა sport24–ს განუცხადა.

ჯანო ანანიძემ მატჩის დროს მეტოქეს პირველადი დახმარება აღმოუჩინა>>

როგორც 27 წლის ანანიძემ გამოცემასთან საუბრისას აღნიშნა, ის ახლა თბილისში იმყოფება და სხვა გუნდებისგან წინადადებებს ელოდება.

უფრო ადრე მასმედიაში გაჩნდა ინფორმაცია, რომ ანანიძე, შესაძლოა, რუსეთში დაბრუნდეს და „სოჭში“, „როსტოვში“ ან „როტორში“ ითამაშოს, თუმცა ეს ინფორმაცია ჯერჯერობით არ დასტურდება.

ქართველი ნახევარმცველი კვიპროსის „ანორთოსისში“ მოსკოვის „სპარტაკიდან“ ამა წლის იანვარში თავისუფალი აგენტის სახით გადავიდა. კლუბის შემადგენლობაში ანანიძემ სულ ექვსი მატჩი ჩაატარა და ამ მატჩებში თავი არ გამოუჩენია.

თავისი კარიერის უმეტესი ნაწილი – 10 წელი ანანიძემ მოსკოვის „სპარტაკში“ გაატარა. ქართველი ფეხბურთელი ასევე გამოდიოდა „როსტოვისა“ და სამარის „კრილია სოვეტოვის“ შემადგენლობაში.

45
თემები:
სპორტის ამბები (732)
ესპანეთი-რუსეთის მატჩი. 2018 მსოფლიო ჩემპიონატი

ქართველი ფეხბურთელი ესპანეთის ჩემპიონატში 12 წლის განმავლობაში პირველად ასპარეზობს

81
„ლევანტეში“, სადაც ქართველი ფეხბურთელი გასული წლის ივლისში გადავიდა, ის დუბლში ასპარეზობს, თუმცა ძირითადი გუნდის განაცხადში არაერთხელ მოხვდა.

თბილისი, 13 ივლისი - Sputnik. ნახევარმცველი გიორგი ქოჩორაშვილი 12 წლის განმავლობაში პირველი ქართველი ფეხბურთელი გახდა, რომელმაც ესპანეთის ჩემპიონატის „პრიმერა-დივიზიონის“ მატჩში ითამაშა.

ქოჩორაშვილი 36-ე ტურის მატჩში ბილბაოს „ატლეტიკოს“ წინააღმდეგ „ლევანტეს“ შემადგენლობაში 89-ე წუთზე შეცვლაზე გამოვიდა. 21 წლის ქართველმა ფეხბურთელმა რუბენ როჩინა შეცვალა. მიუხედავად იმისა, რომ ქოჩორაშვილმა მოედანზე დამატებითი დროის ჩათვლით სულ 6 წუთი დაჰყო, „ატლეტიკოს“ ფეხბურთელებისთვის ტექნიკური მოთამაშე შეუმჩნეველი არ დარჩენილა.

რაც შეეხება უშუალოდ მატჩს, „ლევანტემ“ ანგარიშით 1:2 წააგო.

ბოლო ქართველი ფეხბურთელი, რომელიც ესპანეთის ჩემპიონატის უმაღლეს დივიზიონში ასპარეზობდა, შოთა არველაძე იყო. 2007/2008 წლების სეზონზე „პახტაკორის“ ამჟამინდელი მთავარი მწვრთნელი სწორედ „ლევანტეს“ ფერებს იცავდა.

„დიდი ხნის პაუზის შემდეგ, გამახარა ქართველის გამოჩენამ ლა ლიგაში. თანაც იმ გუნდში, სადაც კარიერა დავასრულე. საუკეთესოს ვუსურვებ გიორგის ლევანტეში და იმედი მაქვს, მომდევნო სეზონში კიდევ უფრო მეტ წარმატებას მიაღწევს“, - დაწერა არველაძემ თავის Facebook-გვერდზე.

ქოჩორაშვილმა კარიერა „საბურთალოს“ აკადემიაში დაიწყო, რომლის შემდეგ ესპანურ კლუბ „პერალადაში“ გადავიდა. გასული წლის ივლისში ქართველი ნახევარმცველი შეუერთდა „ლევანტეს“, სადაც დუბლში ასპარეზობდა, თუმცა ძირითადი გუნდის განაცხადში არაერთხელ მოხვდა.

ესპანეთის ჩემპიონატის დასრულებამდე ორი ტურით ადრე „ლევანტე“ 43 ქულით მე-12 ადგილს იკავებს.

 

81
თემები:
სპორტის ამბები (732)
რუსეთის სამხედრო-საზღვაო ფლოტის ხომალდები

რუსეთი ახალ ფლოტს ქმნის: 16 ივლისს ერთდროულად ექვსი ხომალდის აგება იწყება

0
(განახლებულია 14:39 15.07.2020)
რუსეთი თანმიმდევრულად ახორციელებს შეიარაღებაზე 2018–2027 წლების სახელმწიფო პროგრამას, რომლის ერთ–ერთი პრიორიტეტი რუსეთის სამხედრო–საზღვაო ფლოტის ხომალდების შემადგენლობის განახლებაა.

ეს საშუალებას მისცმს ფლოტს, წარმატებით შეასრულოს ამოცანები და დაიცვას ეროვნული ინტერესები — რუსეთის საზღვაო დოქტრინის შესაბამისად.

გამოცემა FlotProm–ის წყარო იუწყება, რომ 16 ივლისს ქვეყნის სამ ვერფზე ერთდროულად ექვსი გემისა და სუბმარინის მშენებლობის დაწყებაა დაგეგმილი.

სამხედრო–საზღვაო ფლოტი ერთ–ერთი ყველაზე ძვირადღირებული კომპონენტია ნებისმიერი ქვეყნის შეიარაღებაში. 2018–2027 წლების სახლემწიფო პროგრამის რეალიზაციაზე სულ 20 ტრილიონი რუბლია გამოყოფილი, რომლის მნიშვნელოვანი ნაწილის წყალზედა გემების, სუბმარინებისა და სამხედრო ფლოტების ბაზების აგებაზე დაიხარჯება.

სახელმწიფო პროგრამა მოიცავს შეიარაღებისა და სამხედრო ტექნიკისა სინქრონიზებულ მიწოდებას და ასევე ინფრასტრუქტურის განვითარებას. ეს უკანასკნელი განსაკუთრებით მნიშვნელოვანია საბრძოლო ხომალდების, თვითმფრინავებისა და ჯვშანტექნიკის წარმატებული და ხანგრძლივი ექსპლუატაციისთვის.

სამხედრო მეზღვაურები 2020 წელს, პირველად 28 წლის განმავლობაში, ერთდროულად ექვს წყალქვეშა ნავს მიიღებენ: ოთხ ატომურსა და ორსაც დეზელ–ელექტრონულს. შეიარაღების სახელმწიფო პროგრამაში სამხედრო–საზღვაო ფლოტის თანამედროვე შეიარაღების წილმა 63%-ს გადააჭარბა, რაც შესამჩნევად აღემატება მსოფლიოს ყველაზე განვითარებული ქვეყნების მაჩვენებელს (50%-მდე). მიზანი თანამედროვე შეიარაღების 70%-ია. და რუსეთის სახმედრო–საზღვაო  ფლოტი 2027 წლამდე სულ ახალი პროექტების 180–ზე მეტ ხომალდს მიიღებს. გათვალისწინებული ატომური წყალქვეშა კრეისერების — Ясень-М–ისა და Борей-Б–სასევე ზეზუსტი სარაკეტო იარაღის მქონე წყალზედა გემებისა და ორი ვერტმფრენმზიდის აგება.

პეტერბურგის სარაკეტო ფრეგატები

შეიარაღების სახელმწიფო პროგრამის საზღვაო ნაწილის პრიორიტეტბი — ეს პროექტ 20385–სა და 20386–ის კორვეტების, ასევე პროექტ 22350–სა და 22350М–ის ზეზუსტი იარაღის, ფრთოსანი (Калибр-НК) და ჰიპერბგერითი რაკეტების (Циркон) მქონე  ფრეგატების აგებაა. სანქტ–პეტერბურგის ჩრდილოეთის ვერფზე 16 ივლისს ერთბაშად ორი ფრეგატის მშენებლობა დაიწყება 22350 პროექტიდან. ეს შორი საზღვაო ზონის ხომალდები მეშვიდე და მერვე იქნება „ადმირალის“ სერიაში. მათ ადმირალ ივან იუმაშევისა და ემილ სპირიდონოვის სახელებს უწოდებენ.

შორი საზღვაო ზონის თანამედროვე ფრეგატების დანიშნულება, რომელთა წყალწყვა 5 ათასი ტონაა, წყალზედა ხომალდებისა და წყალქვეშა ნავების მოძებნა და განადგურებაა.

პროექტ 22350–ის ფრეგატი შეიარაღებულია „ონიქსის“, „კალიბრ –НК–ს“ ან „ცირკონის“ 16 ფრთოსანი რაკეტით, რომლებსაც მოწინააღმდეგის ხომალდებისა და სანაპირო სამიზნეების განადგურების უნარი აქვს. ღია წყაროების ინფორმაციით, კომპლექს „ცირკონის“ ჰიპერბგერითი რაკეტა 3М22, 400 კმ სიშორით, სტარტს უნივარსალური ვერტიკალური გამშვები დანადგარიდან, 3С14–დან ირებს, რომელიც ასევე გამოიყენება „კალიბრისა“ და ონიქსის“ რაკეტების გასაშვებად. მოსახერხებელი შენაცვლებადობა თითოეული საბრძოლო დავალებისადმი დიფერენცირებულ მიდგომას ხდის შესაძლებელს. ფრეგატის წყალქვეშა დაცვის სისტემა ჰაერსაწინააღმდეგო თავდაცვის ატმოსფერულ სისტემას ჰგავს და ანალოგი არ აქვს მსოფლიოში.  ხომალდის  კორპუსი შემჩნევადობის შემცირების ტექნოლოგიითაა შექმნილი და მოწინააღმდეგის რადიო–ლოკაციურმა სადგურმა ის უბრალოდ შეიძლება ვერც აღმოაჩინოს. ხომალდი–უჩინმაჩინი 500 მლნ დოლარამდე ღირს, სამაგიროდ სარაკეტო ხომალდების მტელი სერია ფლოტის შესაძლებლობებს მნიშვნელოვნად გაზრდის.

სევეროდვინსკის ჩუმი სუბმარინები

რუსეთია ახალ საზღვაო ფლოტს ქმნის, რომელსაც ეროვნული ინტერესების დაცვის უნარი ექნება მსოფლიო ოკეანის ნებისმიერ წერტილში. რაშიც „იასენის“ სერიის შვიდი ხომალდი მნიშვნელოვან დახმარებას გასწევს. პროექტ 885М Ясень-М–ის ორ ატომურ წყალქვეშა კრეისერს 16 ივლისს ჩაეყრება საფუძველი სევეროდვინსკში. თანამედროვე მრავალსამიზნიანი სუბმარინები აღჭურვილი იქნება „კალიბრისა“ და „ონიქსის“ ფრთოსანი და ზებგერითი რაკეტებით ასევე ჰიპერბგერითი „ცირკონებითა“ და 533-мм ტორპედოებით. მათ სახელებად „ვლადივოსტოკი“ და „ვორონეჟი“ დაერქმევა. პროექტ 885М Новосибирск–ის პირველი სერიული მრავალსამიზნიანი სუბმარინა წყალში გასული წლის ბოლოს ჩაუშვეს, და მალე წკიპაში საბრძოლო სამსახურში გავა.

მოდერნიზებული Ясень–ის ძირითად ამოცანა — ეს პოტენციური მოწინააღმდეგის სტრატეგიული დანიშნულების წყალქვეშა კრეისერებისა თუ ავიამზიდი დაჯგუფებების თვალთვალი, სამიზნეებისა და საფრთხეების გასანადგურებლად მუდმივი მზადყოფნაა. აქ გასათვალისწინებელია ის ფაქტი, რომ მარტო ერთი ამერიკული რაკეტმზიდი „ოჰაიო“ 24 ბალისტიკური რაკეტა UGM-133 ტრაიდენტ II D5–ითაა აღჭურვილი, რომელთაგან თითოეულში W88–ის 475 კილოტონიანი 12 ბირთვული ბოეგოლოვკაა მოთავსებული. რუსმა სამხედრო მეზღვაურებმა თითოეულ ასეთ არსენალს გამუდმებით უნდა უთვალთვალოს საბრძოლო პატრულირების ზონაში.

პროექტ 885Мის ნაკლებშესამჩნევ ატომურ წყალქვეშა კრეისერს 13 800 ტონა წყალწყვით, უნიკალური შესაძლებლობები აქვს, რაც მაღალტექნოლოგიური სისტემებითა და შეიარაღების კომპექსებითაა უზრუნველყოფილი. სუბმარინა აღჭურვილია ОК-650В–ის დიდი საიმედოობის ბირთვული რეაქტორებით და 520 მეტრამდე სიღრმეზე მოქმედების უნარი აქვს. მისი ავტონომიურობა 100 დღე–ღამეა, წყალქვეშა სიჩქარე —31 კვანძი, ეკიპაჟი კი 64 კაცისგან შედგება.

ყირიმული სალამი „მისტრალებს“

ქერჩის გემთმშენებელ ქარხანა „ზალივში“ 16 ივლისს პროექტ 23900–ის ორ უნივერსალურ სადესანტო ხომალდს ჩაეყრება საფუძველი (ფრანგული „მისტრალების“ ანალოგი).  და მიუხედავად იმისა, რომ რუსეთში მანამდე მსგავსი ხომალდები არ იგებოდა, ეჭვი არ არის, რომ ისინი ქვეყნის სამხედრო–საზღვაო ფლოტში 2026 წლამდე შევა. პროექტის ღირებულება დაახლოებით 100 მლრდ რუბლია. რუსეთის სამხედრო ოპერაციამ სირიაში დაადასტურა 25 ათას ტონამდე წყალწყვის მსხვილი სადესანტო ხომალდების ქონის აუცილებლობა, რომლებსაც შორეულ რაიონებში რუსეთის სამხედრო–საზღვაო ფლოტის ოპერატიული ყოფნის უზრუნველყოფა შეეძლება.  

ახალი ხომალდების ზუსტი მახასიათებლები ჯერჯერობით უცნობია. მანამდეგავრცელდა ინფორმაცია, რომ უნივერსალურ სადესანტო ხომალდებზე განთავსდება 16–20 ვერტმფრენი, სადესანტო და მოიერიშე კატარღები, 75 ერთეული ჯავშანტექნიკა, საშტატო შეიარაღების მქონე დაახლოებით 1 000 საზღვაო ქვეითი, მნიშვნელოვანი არსენალი და ჯარებისა და ძალების ოპერატიული დაჯგუფება. — არტილერიის,  საზენიტო სარაკეტო კომპლექსების, ნავსაწინააღმდეგო თავდაცვის კომპლექსების, ნავიგაციისა და რადიოელექტრონული ბრძოლის სისტემებისა, საბრძოლო მართვის ინტეგრირებული სისტემების ჩაუთვლელად. ამ ურთულესი ხომალდის ძირითადი დანიშნულება — ეს სადესანტო ოპერაციისას ათასობით საზღვაო მილზე დესანტის გადასროლა და გადასხმაა მოუწყობელ სანაპიროზე  — ვერტმფრენებისა და სახომალდ ავიაჯგუფის მონაწილეობით.

იმ ხომალდების შესაძლებლობების ანალიზისას, რომლებსაც 16 ივლისს ჩაეყრება საფუძველი სანქტ–პეტერბურგში, სევეროდვინსკსა და ქერჩში, რუსეთის სამხედრო–საზღვაო ფლოტის მძლავრი და ჰარმონიული განვითარების ნიშნები ჩანს, რომელიც მეზობლების დასაშინებლად კი არ იგება, არამედ აგრესორისთვის ეფექტური წინააღმდეგობის გასაწევად წყალზედა და წყალქვეშა გარემოში, ასევე სამხედრო მოქმედებების სანაპირო თეატრებზე. რუსეთის ფლოტის მთავარი მიზანი — ეს ეროვნული ინტერესების, საზღვრებისა და მოკავშირეების დაცვაა.

რედაქცია შესაძლოა არ ეთანხმებოდეს ავტორის მოსაზრებებს!

0