გიორგი ქვილითაია

„გენტის“ ქართველმა ფეხბურთელებმა ახალი სეზონისთვის მზადება დაიწყეს

46
(განახლებულია 16:01 24.06.2020)
ფეხბურთელები თავდაპირველად სავალდებულო სამედიცინო გამოკვლევას გაივლიან, რის შემდეგაც ტრენაჟორებზე ვარჯიშს დაიწყებენ.

თბილისი, 24 ივნისი – Sputnik. ბელგიური საფეხბურთო კლუბი „გენტის“ ქართველმა ლეგიონერებმა გიორგი ჩაკვეტაძემ და გიორგი ქვილითაიამ თავიანთ თანაგუნდელებთან ერთად ახალი სეზონისთვის მზადება დაიწყეს, ნათქვამია გუნდის განცხადებაში.

ფეხბურთელები საწყის ეტაპზე სამედიცინო გამოკვლევას ჩაიტარებენ, რის შემდეგაც ტრენაჟორებზე ვარჯიშს დაიწყებენ.

ჯერჯერობით უცნობია, როდის დაიწყება ბელგიაში საფეხბურთო სეზონი, მაგრამ „გენტი“ სექტემბრის შუა რიცხვებიდან უეფას ჩემპიონთა ლიგის მესამე საკვალიფიკაციო ეტაპს დაიწყებს.

გასული სეზონის შედეგებით, რომელიც კორონავირუსის პანდემიის გამო არ დასრულებულა, „გენტმა“ მეორე ადგილი დაიკავა და უეფას ჩემპიონთა ლიგის კვალიფიკაციაში მონაწილეობის უფლება მიიღო. ბელგიის ჩემპიონი გახდა „ბრიუგე“, რომელმაც „გენტს“ 15 ქულით გაუსწრო.

ჩაკვეტაძე „გენტში“ 2017 წლის ზაფხულიდან გამოდის. ამ დროის განმავლობაში საქართველოს ნაკრების ნახევარმცველმა ყველა ტურნირში კლუბის შემადგენლობაში 62 მატჩი ჩაატარა, გაიტანა შვიდი გოლი და გააკეთა 13 შედეგიანი გადაცემა.

რაც შეეხება ქვილითაიას, ქართველი თავდამსხმელი „გენტში“ ორი წლის წინ გადავიდა ვენის „რაპიდიდან“. ბელგიურ კლუბში მან ჩაატარა 46 მატჩი, გაიტანა შვიდი გოლი და გააკეთა ამდენივე შედეგიანი გადაცემა.

46
თემები:
სპორტის ამბები (726)
ბათუმის „დინამო – თბილისის „ლოკომოტივი

ბათუმის „დინამომ“ საქართველოს საფეხბურთო ჩემპიონატში პირველი გამარჯვება მოიპოვა

46
(განახლებულია 18:16 10.07.2020)
გამარჯვების წყალობით ბათუმელებმა შვიდი ქულით საქართველოს ჩემპიონატის სატურნირო ცხრილის მესამე ადგილზე გადაინაცვლეს.

თბილისი, 10 ივლისი – Sputnik. ბათუმის „დინამომ“ ფეხბურთში საქართველოს ჩემპიონატში ზედიზედ ოთხი ფრეს მერე პირველი გამარჯვება მოიპოვა. გუნდმა მეხუთე ტურში თბილისის ლოკომოტივს 4:1 მოუგო.

„ლოკომოტივზე გამარჯვებამ ბათუმის „დინამოს“ საშუალება მისცა, რომ შვიდი ქულით სატურნირო ცხრილის მესამე ადგილზე გადანაცვლებულიყო.

ეროვნული ლიგის ლიდერები რვა–რვა ქულით არიან თბილისის „დინამო“ და გორის „დილა“. მეხუთე ტურის მატჩებს ისინი ამ უქმეებზე გამართავენ. „დინამო“ ქუთაისში გაემგზავრება და „ტორპედოს“ შეხვდება, ხოლო „დილა“ თავის მოედანზე თბილისის „მერანს“ უმასპინძლებს.

საქართველოს 2020 წლის სეზონის ჩემპიონატი მარტის დასაწყისში დაიწყო, მაგრამ კორონავირუსის პანდემიის გამო ორი ტურის მერე შეწყდა. ჩემპიონატი ეროვნულ ლიგაში 25 ივნისს განახლდა. ამ ეტაპზე მატჩებს მაყურებელი არ ესწრება.

46
თემები:
სპორტის ამბები (726)
თორნიკე შენგელია (მარცხნივ)

„ბედნიერი ვარ აქ გადმოსვლით": თორნიკე შენგელია „ცსკა“-ს კალათბურთელია!

112
(განახლებულია 22:11 09.07.2020)
მოსკოვის „ცსკა“-ში შენგელია ესპანეთის "ბასკონიიდან" გადავიდა, რომლის რიგებში 2014 წლიდან გამოდიოდა და გუნდის კაპიტანი იყო.

თბილისი, 9 ივლისი — Sputnik. საქართველოს კალათბურთის ნაკრების ლიდერმა თორნიკე შენგელიამ მოსკოვის „ცსკა“-სთან სამწლიან კონტრაქტს მოაწერა ხელი, ნათქვამია „არმიელთა" ოფიციალურ ვებ-გვერდზე.

„ვფიქრობ, ჩვენ მშვენიერი სვლა გავაკეთეთ, ამიტომ მინდა ყველას მივულოცო, ვინც შენგელიას გადმოსვლასთან არის კავშირში. ასევე ვულოცავ თოკოს, რომელმაც „ცსკა“-ში თამაშის დიდი სურვილ გამოთქვა. ჩვენ მას მრავალი წლის განმავლობაში ვაკვირდებოდით და ეს ტრანსფერი ბოლოს მაინც შედგა. იმედი მაქვს, რომ თოკო სხვა მოთამაშეებთან ერთად დაგვეხმარება ევროპული კალათბურთის უძლიერესი გუნდების რიცხში დავრჩეთ", – ასეთი კომენტარი გააკეთა გუნდის მთავარმა მწვრთნელმა დიმიტრის იტუდისმა თორნიკე შენგელიას გადასვლასთან დაკავშირებით.

ბერძენმა სპეციალისტმა ასევე აღნიშნა, რომ შენგელია ახლა კარგ ფორმაშია და ის უნივერსალური მოთამაშეა.

„ვიცი, გულშემატკივარს მისი ჩვენ რიგებში ნახვა გაუხარდება. ვფიქრობ, ისინი ხედავენ კლუბის განწყობას გამარჯვებაზე ორიენტირებული გუნდის შექმნის თაობაზე და გააგრძელებენ ჩვენ მხარდაჭერას", – დასძინა იტუდისმა.

საკუთარ გადაწყვეტილებასთან დაკავშირებით კომენტარი გააკეთა თავად კალათბურთელმაც.

„ბედნიერი ვარ ევროლიგის მოქმედი ჩემპიონის რიგებში გადმოსვლით და ერთი სული მაქვს, როდის შევძლებ საუცხოო მოთამაშეების გვერდით და ბრწყინვალე მწვრთნელების ხელმძღვანელობით თამაშს. იმედი მაქვს, „ცსკა“-სთან ერთად ევროლიგასა და VTB ლიგაზე დიდ წარმატებებს მივაღწევთ", – განაცხადა შენგელიამ.

მოსკოვის „ცსკა“-ში შენგელია ესპანეთის „ბასკონიიდან" გადავიდა, რომლის რიგებში 2014 წლიდან გამოდიოდა და გუნდის კაპიტანი იყო. 10 დღის წინ ქართველი კალათბურთელი ესპანეთის ჩემპიონი გახდა. „ბასკონიისთვის" ეს ტიტული 2010 წლიდან პირველია.

112
თემები:
სპორტის ამბები (726)
პროკურატურის შენობა

მოკლული ფეხბურთელის ოჯახი ყველა დამნაშავის დასჯას ითხოვს

0
(განახლებულია 22:53 10.07.2020)
პროკურატურის ცნობით, 19 წლის ფეხბურთელის გარდაცვალების მიზეზი ასფიქსია გახდა - ახალგაზრდა წყალში დაიხრჩო

თბილისი, 10 ივლისი - Sputnik. გიორგი შაქარაშვილი მოკლეს, შემდეგ კი მდინარე არაგვში გადააგდეს - ეს ცალსახად დადასტურებულია ექსპერტიზის დასკვნით, განაცხადა დაღუპული ფეხბურთელის ბიძამ, მირიან ნიკოლაძემ პარასკევს გამართულ სპეციალურ ბრიფინგზე. 

19 წლის ფეხბურთელი გიორგი შაქარაშვილი 22 ივნისს, ოთხდღიანი ძებნის შემდეგ  მდინარე არაგვში გარდაცვლილი იპოვეს. იგი  მეგობრის წვეულების შემდეგ დაიკარგა, სადაც სტუმრებს შორის მასობრივი კონფლიქტი მოხდა. საქმემ   საზოგადოებაში თავიდანვე რეზონანსი გამოიწვია – მომხდარ ფაქტთან მაღალჩინოსნების მეგობრების შესაძლო კავშირის შესახებ გავრცელებული ხმების გამო.

 „საქართველოსპროკურატურამ უკვე გამოაქვეყნა ექსპერტიზის დასკვნა, ამ დასკვნას ოჯახი დიდიხანია ველოდით,  ეს იყო ერთ-ერთი გარდამტეხი ეტაპი გამოძიებაში. სწორედ ამ ექსპერტიზის დასკვნის საფუძველზე უნდა დაგვედასტურებინა ჩვენი პოზიცია, რამდენად რეალური იყო ოჯახის ვერსია გიორგის განზრახ მკვლელობასთან დაკავშირებით“, – განაცხადა მირიან ნიკოლაძემ.

მისი თქმით, გიორგის სიცოცხლეშივე მიაყენეს დაახლოებით 12 ფიზიკური დაზიანება, რაც ადასტურებს იმას, რომ მის მიმართ გამოიყენეს ფიზიკური ძალადობა, შემდეგ კი მდინარეში გადააგდეს. 

 „გამორიცხულია, რომ ეს დაზიანებები, რომელიც ექსპერტიზის დასკვნაშია აღნიშნული, მიადგეს ადამიანს თუნდაც იმ ფერდობზე დაგორებით, თუნდაც სირბილის, წაქცევის დროს, ეს არის წარმოუდგენელი. დაზიანებები მიყენებულია სახის არეში, ტანზე, ხელების მიდამოებში და ყველგან“, – განაცხადა მირიან ნიკოლაძემ. 

მისი თქმით, დღეიდან ოჯახს კატეგორიული პოზიცია ექნება - ყველა დამნაშავე უნდა მიეცეს სისხლის სამართლის პასუხისგებაში დამამძიმებელ გარემოებაში განზრახ მკვლელობისთვის.

 „პროკურატურის მიერ შემოთავაზებული კვალიფიკაცია, სისხლის სამართლის საქმის სწორი კვალიფიკაციაა.  თუმცა, ჩვენ ვითხოვთ კონკრეტული დამნაშავეების დასჯას  სისხლის სამართლის კოდექსის 109-ე მუხლით. შესაბამისად ველოდებით, როდის იქნება კონკრეტული ბრალდებები წარდგენილი გამოძიების ფარგლებში და როდის დაისჯებიან დამნაშავეები გიორგის განზრახ მკვლელობის გამო“, – განაცხადა ნიკოლაძემ.

საქართველოს პროკურატურამ 19 წლის ფეხბურთელის, გიორგი შაქარაშვილის გარდაცვალების საქმე გადააკვალიფიცირა – „დამამძიმებელ გარემოებებში ჯგუფურად განხორციელებული განზრახ მკვლელობა“.

საქმის დეტალები

პროკურატურის განცხადებით, 19 წლის ახალგაზრდის გარდაცვალების უშუალო მიზეზი გახდა ასფიქსია წყალში დახრჩობის შედეგად.

ამასთან, შაქარაშვილის სხეულზე ექსპერტიზის დროს აღმოჩნდა მრავლობითი ტრავმები, მიყენებული მკვრივი-ბლაგვი საგნის მოქმედებით, სიცოცხლისდროინდელი  დაზიანებები თავის არესა და სხეულზე. 

პროკურატურის განცხადებით, საქმეზე შინაგან საქმეთა სამინისტროში ინტენსიური გამოძიება გრძელდება. მიღებული ექსპერტიზის დასკვნიდან გამომდინარე, მაქსიმალურად სწრაფად და ეფექტიანად ჩასატარებელია მთელი რიგი საგამოძიებო და საპროცესო მოქმედებები, მათ შორის, შესაბამისი საექსპერტო კვლევით დასადგენია დასკვნაში აღნიშნულ დაზიანებათა წარმოშობის მექანიზმები და სხვა მნიშვნელოვანი გარემოებები. ამავდროულად, მისაღებია ბიოლოგიური, ქიმიური, ტრასოლოგიური, საინფორმაციო-ტექნოლოგიური და სხვა პირთა სასამართლო-სამედიცინო ექსპერტიზის დასკვნები.

უწყვეტ რეჟიმში მიმდინარეობს მოწმეთა გამოკითხვები და უკვე მოპოვებული ინფორმაციის ანალიზი.

საქმის სირთულიდან გამომდინარე, საქართველოს პროკურატურა კიდევ ერთხელ მოუწოდებს ყველას, თავი შეიკავონ გადაუმოწმებელი ინფორმაციის გავრცელებისგან.

გამოძიების ვერსიით, 18 ივნისს თბილისის ფეხბურთის კლუბ „საბურთალოს“ აკადემიის აღსაზრდელი 19 წლის გიორგი შაქარაშვილი მეგობართან ერთად იმყოფებოდა მცხეთაში, მეგობრის დაბადების დღის წვეულებაზე, სადაც მოხდა ჩხუბი. მოგვიანებით საქმის გარჩევა გაგრძელდა თბილისისკენ მომავალ ავტომაგისტრალზე, სადაც კონფლიქტის მონაწილეთა ერთმა ნაწილმა თბილისიდან „დამხმარე ძალა“ გამოიძახა. 

მოწმეთა მტკიცებით, გიორგიმ ჩხუბის ადგილი დატოვა და მდინარისკენ გაიქცა, რის შემდეგაც მისი კვალი იკარგება. რამდენიმე დღეში იგი გარდაცვლილი იპოვეს.

საქმეზე 17 პირი ძალადობისა და თავისუფლების მართლსაწინააღმდეგო აღკვეთის ბრალდებითაა დაკავებული. წინასასამართლო მოსმენა  31 ივლისს გაიმართება.

გამოძიება ფეხბურთელის გარდაცვალების საქმეზე მიმდინარეობდა სისხლის სამართლის კოდექსის სამი მუხლით: ჯგუფური ძალადობის ორგანიზება, ჯგუფურ ძალადობაში მონაწილეობა, თავისუფლების უკანონო აღკვეთა, ორი ან მეტი პირის მიმართ ჯგუფური ძალადობა. აღნიშნულ მუხლებს უკვე დაემატა 109-ე მუხლი - განზრახ ჯგუფური მკვლელობა დამამძიმებელ გარემოებაში.

0
თემები:
19 წლის გიორგი შაქარაშვილის მკვლელობის საქმე