ხვიჩა კვარაცხელია

ქართველი ფეხბურთელი რუსეთის ჩემპიონატის სიმბოლურ ნაკრებში მოხვდა

162
კვარაცხელიამ პირველი ტაიმის ბოლოს ანგარიში გაათანაბრა, ხოლო 56-ე წუთზე საგოლე პასი სოლთმურად ბაკაევს მისცა

თბილისი, 23 ივნისი – Sputnik. ყაზანის „რუბინის“ შემტევი ნახევარმცველი ხვიჩა კვარაცხელია გამოცემა soccer.ru-ს ვერსიით რუსეთის ჩემპიონატის XXIII ტურის სიმბოლურ ნაკრებში მოხვდა.

საანგარიშო ტურში „რუბინმა“ გასვლაზე შეხვედრა გამართა „ურალთან“ და ანგარიშით 2:1 მოიგო. კვარაცხელიამ პირველი ტაიმის ბოლოს ანგარიში გაათანაბრა, ხოლო 56-ე წუთზე საგოლე პასი სოლთმურად ბაკაევს მისცა, რომელმაც შეხვედრის საბოლოო ანგარიში დაამყარა.

„ახლა გასაგებია, ასე რატომ ბრაზობდა „ლოკომოტივის“ ყოფილი მწვრთნელი სემინი იმის გამო, რომ ქართველი „რუბინს“ დაუთმეს - „ლოკომოტივმა“ დათმო ძალიან ნიჭიერი 19 წლის ნახევარმცველი, რომელიც ტექნიკის გარდა, ლიდერის თვისებებსაც ფლობს. ეკატერინბურგში „რუბუნისთვის“ მატჩი ცუდად დაიწყო, „ურალი“ მეტოქის ავტოგოლის შემდეგ დაწინაურდა, მაგრამ თავიდან კვარაცხელიამ კუთხურის შემდეგ ძალიან ლამაზი გოლი გაიტანა, მერე მოატყუა ყველა, ვინც შეძლო და ბაკაევს შედეგიანი პაცი მისცა“, - ასე დაახასიათა გამოცემამ ქართველი ფეხბურთელის თამაში.

კვარაცხელია „რუბინში“ მიმდინარე სეზონში გადავიდა „ლოკომოტივიდან“, რომლის ხელმძღვანელობამ არ მოინდომა საიჯარო ხელშეკრულების გაგრძელება ქართველ ნახევარმცველთან. ყაზანის გუნდის შემადგენლობაში კვარაცხელიამ უკვე 21 მატჩი ჩაატარა, სამი გოლის და ორი საგოლე გადაცემის ავტორი გახდა.

რომელია ყველაზე ძვირადღირებული ქართველი ფეხბურთელი სატრანსფერო ბაზარზე >>

„ურალთან“ გამარჯვების შემდეგ „რუბინმა“ 26 ქულა დააგროვა და სატურნირო ცხრილში მე-11 პოზიციაზე გადაინაცვლა. მომდევნო ტურში „რუბინი“ ყაზანში „ლოკომოტივს“ დაუპირისპირდება.

162
თემები:
სპორტის ამბები (729)
ეთერ თუთბერიძე აღსაზრდელებთან ერთად

„ჩვენს საქმეს სიყვარულით ვაკეთებთ“ - თუთბერიძემ მიღებულ ჯილდოზე ისაუბრა

78
(განახლებულია 18:34 12.07.2020)
განსაკუთრებით სასიხარულოა ქალიშვილის - დიანა დევისის მედლები, განაცხადა თუთბერიძემ. 17 წლის გოგონა ფიგურულ ციგურაობაში ასპარეზობს

თბილისი, 12 ივლისი – Sputnik. მიღებული ჯილდო - განვლილი გზის, შესრულებული სამუშაოს აღიარებაა, განაცხადა ფიგურულ ციგურაობაში დამსახურებულმა მწვრთნელმა ეთერ თუთბერიძემ, მოციგურავეთა საერთაშორისო კავშირის (ISU) Skating Awards-ის პრემიის „საუკეთესო მწვრთნელის“ ნომინაციაში საკუთარი გამარჯვების კომენტირებისას.

ისტორიაში პირველი ISU Skating Awards-ის ცერემონია შაბათს  ონლაინ-რეჟიმში გაიმართა. ეთერ თუთბერიძემ აჯობა ამერიკელ სპეციალისტ რაფაელ არუთინიანს, რომელიც მსოფლიოს ორგზის ჩემპიონ ნატან ჩენს წვრთნის, და კანადელ ბრაიან ორსერს, რომელიც ორგზის ოლიმპიურ ჩემპიონს, იაპონელ იუძურუ ჰანიუს და მსოფლიოს ორგზის ჩემპიონ ევგენია მედვედევას ავარჯიშებს, რომელმაც თავის ყველა მნიშვნელოვან გამარჯვებას თუთბერიძის ხელმძღვანელობით მიაღწია.

„ჩემთვის, როგორც ყველა მწვრთნელისთვის, ეს არის განვლილი გზის, შესრულებული სამუშაოს აღიარება. მით უმეტეს, რომ მეტოქეები ძალიან ღირსეული მყავდა. ნომინანტებს შორის რომ მოვხვდი, ესეც დიდი პატივია“, - ციტირებს თუთბერიძეს რუსეთის ფიგურული ციგურაობის ფედერაციის პრესსამსახური.

მწვრთნელმა ასევე წარმატების ერთ-ერთი საიდუმლო გაამხილა: „ჩვენს საქმეს სიყვარულით ვაკეთებთ, მეტი არაფერია. ჩემთვის ყოველი სტარტი, კვარცხლბეკი - ჩემი გზის ნაწილია. ერთი შეჯიბრება მთავრდება, მე კი უკვე იმაზე ვფიქრობ, რაზე უნდა ვიმუშაო შემდგომში, როგორ შევინარჩუნო ან გავაუმჯობესო სპორტული ფორმა ან გამოვასწორო შეცდომები“.

თუთბერიძის თქმით, განსაკუთრებით სასიხარულოა ქალიშვილის - დიანა დევისის მედლები, რომელიც ყინულზე ცეკვებში გლებ სმოლინთან წყვილში ასპარეზობს. მწვრთნელმა ასევე სამომავლო გეგმებზე ისაუბრა.

„მინდა დავდგა ისეთი პროგრამები, რომელიც მაყურებელს გულს აუჩუყებს, დააფიქრებს“, - აღნიშნა თუთბერიძემ.

მწვრთნელი მუშაობს 2018 წლის ოლიმპიურ ჩემპიონ ალინა ზაგიტოვასთან, 2020 წლის ევროპის ჩემპიონ ანა კოსტორნაიასთან, რუსეთის ორგზის ჩემპიონ ანა შჩერბაკოვასთან, იუნიორთა შორის რუსეთის ორგზის ჩემპიონ დანიილ სამსონოვთან. სპეციალისტმა ასევე იუნიორთა შორის მსოფლიოს ჩემპიონატის ორ უმაღლეს ჯილდომდე ალექსანდრა ტრუსოვა მიიყვანა.

78
გიორგი შაქარაშვილის გუნდელები

„საბურთალომ“ თამაშში გამარჯვება გიორგი შაქარაშვილს მიუძღვნა

143
(განახლებულია 15:01 12.07.2020)
მოკლული ფეხბურთელის გუნდელები მოედანზე გავიდნენ მისი ფოტოს გამოსახულებიანი მაისურებით და დევიზით - „ყველა გოლი და გამარჯვება შენ გეძღვნება, შაქარ!“

თბილისი, 12 ივლისი – Sputnik. საფეხბურთო კლუბ „საბურთალოს“ მეორე გუნდმა გამართა პირველი მატჩი გიორგი შაქარაშვილის გარდაცვალებიდან, რომელიც მცხეთაში დაუდგენელ გარემოებაში გარდაიცვალა.

გიორგის გუნდელები მოედანზე გავიდნენ მისი ფოტოს გამოსახულებიანი მაისურებით. თამაში გაიმართა დევიზით -„ყველა გოლი და გამარჯვება შენ გეძღვნება, შაქარ!“

„საბურთალომ“ მარტივად მოუგო „სპაერს“ - ამხანაგური მატჩი ანგარიშით 2:0 დასრულდა.

„საბურთალოს“ აკადემიაში გიორგი მივიდა, როდესაც ათი წლისაც არ იყო. მან ითამაშა ყველა ასაკობრივ გუნდში - U-15, U-17 და U-19.

გარდაცვლილ ახალგაზრდა სპორტსმენს ოთხდღიანი ძებნის შემდეგ არაგვში 22 ივნისს მიაგნეს, რამდენიმე კილომეტრში იმ ადგილიდან, სადაც ის ბოლოს ცოცხალი ნახეს. ის უკვალოდ დაიკარგა წვეულებაზე მომხდარი ჩხუბის შემდეგ, რომელიც მცხეთის აგარაკზე სტუმრებს შორის მოხდა.

ცნობილი გახდა ექსპერტიზის პასუხი – რა გახდა გიორგი შაქარაშვილის გარდაცვალების მიზეზი >>

ექსპერტიზამ დაადგინა, რომ 19 წლის ფეხბურთელის სიკვდილის მიზეზია ასფიქსია წყალში დახრჩობით. ასევე მას აღმოაჩნდა უამრავი დაზიანება, რაც საქმის გადაკვალიფიცირების საფუძველი გახდა - ჯგუფური ძალადობის მუხლი მკვლელობით შეიცვალა.

143
თემები:
19 წლის გიორგი შაქარაშვილის მკვლელობის საქმე
ბავშვები შადრევანში

როგორ  დავიცვათ თავი გადახურებისგან ზაფხულის ცხელ დღეებში

0
(განახლებულია 16:03 13.07.2020)
საქართველოში უკვე ძალიან ცხელა. განსაკუთრებით ბავშვებს და მოხცებს უჭირთ ამ სიცხის გაძლება. მზე ამ პერიოდში ძალიან აქტიურია და შუადღისას თითქმის შეუძლებელია გარეთ გასვლა. ტემპერატურა, რომელიც აღემატაბა 32 გრადუსს საფრთხის შემცველია ადამიანის ჯანმრთელობისთვის.

როგორ უნდა მოვიქცეთ ზაფხულის ცხელ დღეებში და როგორ უნდა დავიცვათ თავი გადახურებისგან, ამის შესახებ დაავადებათა კონტროლის ცენტრის დირექტორის მრჩეველი ნია გიუაშვილი საუბრობს.

ნია გიუაშვილი
ნია გიუაშვილი

პრევენციის ელემენტარული ზომები, ასე ვთქვათ უნდა იყოს მიღებული  ინდივიდუალურად. მაქსიმალურად უნდა ვეცადოთ, რომ ორგანიზმი დავიცვათ გადახურებისგან. 32 გრადუსი, ეს გახლავთ ერთგვარი ზღვრული მაჩვენებელი და ამ ტემპერატურის პირობებში ხანგრძლივად ყოფნა, ღია სივრცეში არ არის მისაღები.

რაც შეეხება, თუ გვინდა, რომ ბინაში შევინარჩუნოთ სიგრილე, ამისათვის პირველი საშუალებაა კონდიცირება, რაც უნდა ხდებოდეს ღია ფანჯრების პირობებში. ოთახში გამორთეთ ყველა ხელსაწყო, რომელიც შეაძლოა დამატებით სითბოს გამოყოფდეს. ეს ძალიან მნიშვნელოვანი რამ გახლავთ იმისთვის, რომ წესები იყოს დაცული. თუ ბინაში არ არის კონდიცირება, დახურეთ ფანჯრები, დარაბები, ჩამოაფარეთ ფარდები, ოთახში განათავსეთ სველი პირსახოცები.

დღის განმავლობაში უნდა დაიგეგმოს საქმიანობა და მოხდეს საქმის გადანაწილება. თუ კი 32 გრადუსის პირობებში გიწევთ საქმიანობა, მუშაობის დრო არ უნდა აჭარბებდეს ორ საათს. ამის შემდგომ საჭიროა დასვენება, გაგრილება და მხოლოდ შემდგომ შეიძლება დაბრუნება იმავე საქმიანობაზე.

ზოგადად, დღის პირობებში 32 გრადუსი, ღამის პირობებში 24 გრადუსის შენარჩუნება გახლავთ ის ზღვრული მაჩვენებელი, რომელიც უნდა იყოს დაცული. სითბური ტალღებისათვის დამახასიათებელია ღამის ტემპერატურის მატება და შესაბამისად ღამის პირობებში ვერ ხდება ორგანიზმის სათანადოდ გაგრილება. ამიტომ მაქსიმალურად უნდა ვეცადოთ, რომ გავაგრილოთ ორგანიზმი. უნდა გავაღოთ ყველა ფანჯარა, განსხვავებით დღისაგან, როდესაც პირიქით ჯობია დავხურთ და ამგვარად შევინარჩუნოთ დაბალი ტემპერატურა.

როგორც წესი, დილის ოთხი საათიდან დილის შვიდ საათამდე გახლავთ ყველაზე უფრო გრილი პერიოდი და თუ კი რაიმე ტიპის ფიზიკურ აქტივობას ვგეგმავთ, სწორედ ამ პერიოდში უნდა დაიგეგმოს და არა უფრო გვიან, რომელიც შეიძლება საფრთხის შემცველი იყოს ჯანმრთელობისთვის. მითუმეტეს საქართველოში ადრე თენდება, დილის ხუთ საათზე სრულად არის გათენებული. შესაბამისად სრულიად შესაძლებელი დილის ფიზიკური აქტივობით დაწყება.

ძალიან მნიშვნელოვანია, რომ სიცხის დროს საკმარისი რაოდენობით მივიღოთ სითხე. მოხუცებისთვის სწორედ ეს არის დამახასიათებელი, მათ წყურვილის გრძნობა დაქვეითებული აქვთ. უბრაოდ არ ახსოვთ, რომ წყალი უნდა დალიონ. ამ დროს მეთვალყურეობა ოჯახის წევრების მხრიდან ბავშვებზე და მოხუცებზე, არის ძალიან მნიშვნელოვანი. მათ უნდა შევახსენოთ, იცოდნენ, რომ სიცხეში ფიზიკური აქტივობა უნდა იყოს შეზღუდული და  სითხე უნდა იქნეს საკმარისი რაოდენობით მიღებული.

სიცხის დროს მნიშვნელობა ენიჭება კვებასაც. კვება უნდა იყოს სათანადო, მცირე პორციებით და ხშირად, ხილის და ბოსტნეულის მაღალი შემცველებით. ამ დროს რაც შეიძლება შეამცირეთ ცხიმები. უარი თქვით კოფეინზე, ტკბილ და გაზიან სასმელებზე. თუმცა მინარული წყლები გაახლავთ საუკეთესო საშუალება იმისთვის, რომ სითხე იყოს შენარჩუნებული ორგანიზმში და იყოს საკმარისი ჰიდრატაცია.

კიდევ ერთი ძლიან მნიშნელოვანი რამ. ვინაიდან სიცხე ქრონიკული დაავადებების მქონე პირებისათვის გახლავთ ყველაზე მაღალი რისკის შემცველი, მნიშვნელოვანია, რომ ცხელი დღეების დადგომისთანავე მათ შესაბამისი კონსულტაცია გაიარონ მკურნალ ექიმთან და გაარკვიონ საჭიროებს თუ არა ექიმის დანიშნულება ცვლილებას.

ჯანმრთელობას გისურვებთ!

0
თემები:
ჯანმრთელობა და სილამაზე