რაგბი

რუსეთის რაგბის ნაკრებს საქართველოს ნაკრებთან მატჩის გამართვა სურს

463
(განახლებულია 19:38 01.05.2020)
სატურნირო თვალსაზრისით ქართული გუნდისთვის ამ შეხვედრას არანაირი მნიშვნელობა არ აქვს, რადგან ის ტურნირის გამარჯვებული ვადამდე გახდა.

თბილისი, 1 მაისი – Sputnik. რუსეთის რაგბის ნაკრებს ევროპის ერთა თასის დასრულება და საქართველოს ნაკრებთან დასკვნითი მატჩის ჩატარება სურს, განაცხადა РИА Новости-სთან რუსეთის რაგბის ფედერაციის უმაღლესი საბჭოს თავმჯდომარემ იგორ არტემიევმა. 

„სტარტი ცუდად დავიწყეთ, თუმცა ამის შემდეგ გარკვეული ზომები მივიღეთ და მოთამაშეებმა ბოლო ორ მატჩში კარგი შედეგი აჩვენეს. თუ პორტუგალიელებთან მატჩში ორივეს გაგვიმართლა, მაგრამ ჩვენ უფრო მეტად და გავიმარჯვეთ კიდეც, რუმინელებთან მატჩი ფრედ დავასრულეთ. რუმინეთის გუნდი კი სუსტი გუნდი არაა. ჩვენ გვინდა ჩემპიონატის ბოლომდე მიყვანა და ღირსეულად დასრულება“, – განაცხადა არტემიევმა.

ევროპის ერთა თასის მიმდინარე გათამაშებაში დასკვნით მატჩში რუსეთის ნაკრებს 14 მარტს საქართველოსთან მატჩი თბილისში უნდა გაემართა, მაგრამ კორონავირუსის პანდემიის გამო ბოლო ტურის ყველა თამაში (საქართველო–რუსეთი, ესპანეთი–პორტუგალია, რუმინეთი–ბელგია) გადაიდო.

სატურნირო თვალსაზრისით ქართული გუნდისთვის ამ შეხვედრას არანაირი მნიშვნელობა არ აქვს, რადგან ის ტურნირის გამარჯვებული ვადამდე გახდა. რუსეთის ნაკრები კი ოთხი ქულით მეოთხე პოზიციაზეა.

საქართველოს და რუსეთის გუნდები ერთმანეთს 23-ჯერ შეხვდნენ და აქედან 21 მატჩი ქართველი მორაგბეების გამარჯვებით დასრულდა. ყველაზე დიდი გამარჯვება „ბორჯღალოსნებმა“ 2021 წელს თბილისში გამართულ მატჩზე მოიპოვეს – მაშინ რუსეთის ნაკრები ანგარიშით 46:0 დამარცხდა.

 

463
თემები:
სპორტის ამბები (693)
ბექა მიქელთაძე

ყაზანის „რუბინმა“ ორ ქართველთან კონტრაქტი არ გააგრძელა

30
(განახლებულია 09:30 02.06.2020)
„რუბინის“ ძირითად შემადგენლობაში ორი ქართველი ფეხბურთელი განაგრძობს თამაშს – ხვიჩა კვარაცხელია და ზურიკო დავითაშვილი

თბილისი, 2 ივნისი – Sputnik. საფეხბურთო კლუბმა „რუბინი“ ორ ქართველ ფეხბურთელთან – ბექა მიქელთაძესა და ნიკა ყიფიანთან კონტრაქტი არ გააგრძელა, ნათქვამია ყაზახური კლუბის განცხადებაში.

ორივე ფეხბურთელი „რუბინში“ გასული წლის ზაფხულში გადავიდა, ხოლო ამა წლის თებერვლიდან ისინი ვოლგოგრადის „როტორში“ იჯარის უფლებით გამოდიოდნენ.

„რუბინის“ შემადგენლობაში მიქელთაძემ ჩაატარა 11 მატჩი და გაიტანა ერთი გოლი, ხოლო ყიფიანმა – არცთუ შედეგანი სამი მატჩი.

„რუბინმა“ თავის განცხადებაში ფეხბურთელებს მადლობა გადაუხადა და მომავალ კარიერაში წარმატებები უსურვა.

მიქელთაძე საქართველოს მოქალაქე და თბილისის „დინამოს“ აკადემიის აღზრდილია, ხოლო ყიფიანი რუსეთის მოქალაქეა და მოსკოვის „ლოკომოტივის“ აღზრდილი.

„რუბინში“კიდევ ორი ქართველი ფეხბურთელი გამოდის (ძირითად შემადგენლობაში) – ხვიჩა კვარაცხელია და ზურიკო დავითაშვილი.

რუსეთის საფეხბურთო ჩემპიონატი 21 ივნისს განახლდება.

30
თემები:
სპორტის ამბები (693)
ლევან ხარაბაძე

ქართველი ფეხბურთელი შვეიცარიიდან თბილისში დაბრუნდა

50
(განახლებულია 18:02 31.05.2020)
„ციურიხის“ შემადგენლობაში ფეხბურთელმა 29 მატჩი ჩაატარა, გაიტანა ერთი გოლი და ოთხი შედეგიანი გადაცემის ავტორი გახდა

თბილისი, 31 მაისი – Sputnik. საქართველოს ფეხბურთის ნაკრების მცველი ლევან ხარაბაძე, რომელიც შვეიცარიის „ციურიხის“ შემადგენლობაში იჯარის უფლებით გამოდიოდა, თბილისის „დინამოში“ ბრუნდება, ნათქვამია ქართული კლუბის განცხადებაში.

ხარაბაძე „ციურიხში“ გასული წლის ზამთარში გადავიდა იჯარის ხელშეკრულებით, რომელიც ერთნახევარ სეზონზე იყო გათვლილი. იჯარის დასრულების შემდეგ შვეიცარიულმა კლუბმა მცველის გამოსყიდვა არ ისურვა და ხარაბაძე თბილისის „დინამოში“ დაბრუნდა.

„ციურიხის“ შემადგენლობაში ფეხბურთელმა 29 მატჩი ჩაატარა, გაიტანა ერთი გოლი და ოთხი შედეგიანი გადაცემის ავტორი გახდა.

ბოლო დროს ხარაბაძეს ტრავმები აწუხებდა, ამიტომ „დინამოს“ სამედიცინო შტაბის გადაწყვეტილებით, ამ ეტაპზე მცველი ინდივიდუალური პროგრამით ივარჯიშებს.

საქართველოს ფეხბურთის ჩემპიონატი კორონავირუსის ეპიდემიის გამო მარტის დასაწყისში ორი ტურის შემდეგ შეწყდა. როდის განახლდება ეროვნული პირველობა, ჯერჯერობით უცნობია.

თბილისის „დინამო“ საქართველოს მოქმედი ჩემპიონია.

50
თემები:
სპორტის ამბები (693)
ტესტი კორონავირუსზე

„საბურთალოს კლასტერი“ შეიძლება გაფართოვდეს

0
(განახლებულია 11:50 02.06.2020)
თბილისში კორონავირუსით ინფიცირებული 23 ადამიანი ე.წ საბურთალოს კლასტერში უკვე გამოვლინდა, 20 ადამიანი კარანტინშია განთავსებული, მაგრამ კონტაქტების კვლევა გრძელდება.

თბილისი, 2 ივნისი — Sputnik.  ე.წ  საბურთალოს კლასტერთან კონტაქტში მყოფი ოცზე მეტი ადამიანი კარანტინშია მოთავსებული, იუწყება ტელეკომპანია „რუსთავი2“.

ამ ჯაჭვის კონტაქტების კვლევა გრძელდება. კარანტინში გადაყვანილი პირები იმ კორპუსთან ახლოს ცხოვრობენ, სადაც ერთი ოჯახის რამდენიმე წევრს ამ დღეებში კორონავირუსი დაუდასტურდა.

მას შემდეგ, რაც ცნობილი გახდა, რომ ერთ-ერთი ინფიცირებული მათ სახლში იყო სტუმრად მისული, რამდენიმე ადამიანმა თავად გამოთქვა სურვილი, გადასულიყო საკარანტინო სივრცეში.

ადგილზე მუშაობას განაგრძობენ ეპიდემიოლიგები, ტერიტორიაზე საპატრულო პოლიციის წამრმომადგენლებიც იმყოფებოდნენ.

ინფიცირების  საბურთალოს ჯაჭვში უკვე შედის 23 ადამიანი. სულ გამოკვლეულია 120–ზე მეტი კონტაქტი. მათი ნაწილი გადაყვანილია კარანტინში, ხოლო ნაწილი თვითიზოლაციაში იმყოფება.

პლუს 10: საქართველოში გამოჯანმრთელებულთა რიცხვი იზრდება>>

ეპიდემიოლოგ ოთარ ჩოკოშვილის თქმით, ამ დროისთვის სიფრთხილეს განსაკუთრებული მნიშვნელობა აქვს, რადგან არის იმის ალბათობა, რომ თბილისში „საბურთალოს კლასტერისმაგვარი“ ინფიცირების ახალი კერები ჩამოყალიბდეს.

„შეშფოთების საბაბი ნამდვილად გვაქვს. დიდი იმედი მაქვს, საქმე იქამდე არ მივა, რომ ხელახალი იზოლაცია დაგვჭირდეს. ამის ალბათობა არსებობს, მაგრამ ეს ეკონომიკაზე მნიშვნელოვან გავლენას ახდენს. ამიტომ ყოველთვის უნდა გვახსოვდეს, რომ ვირუსი ჩვენთან ერთად არის და რეკომენდაციები აუცილებლად დავიცვათ. თუ დისტანციას ვერ ვიცავთ, მინიმუმ პირბადე მაინც აუცილებლად გვეკეთოს. გახსოვდეთ - პირბადე გვიცავს“,– განაცხადა ჩოკოშვილმა PalitraNews–ის ეთერში.

საქართველოს მთავრობის სპეციალურ ვებ-გვერდზე stopcov.ge განთავსებული ბოლო მონაცემებით, საქართველოში ახალი კორონავირუსი 796 ადამიანს დაუდგინდა.

გამოჯანმრთელდა 634 ადამიანი, გარდაიცვალა – 12, კარანტინის რეჟიმში იმყოფება 2508, ხოლო სტაციონარებში დაკვირვების ქვეშ 300 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

0
თემები:
COVID-19 საქართველოში