უეფას ოფიციალური მატჩი ევრო–2020 Uniforia

საქართველო უეფასგან 4,3 მილიონი ევროს დახმარებას მიიღებს

60
(განახლებულია 17:49 28.04.2020)
უეფამ გადაწყვიტა, ასოციაციებს მიანდოს იმის განსაზღვრა, თუ რომელი ამოცანების გადაწყვეტაა პირველ რიგში საჭირო ფეხბურთზე კორონავირუსის ეპიდემიის ნეგატიური გავლენის შემსუბუქების თვალსაზრისით.

თბილისი, 28 აპრილი – Sputnik. უეფამ ევროპის 55 ეროვნულ ასოციაციას 236,5 მილიონი ევრო გამოუყო COVID-19-ის პანდემიის შედეგებთან ბრძოლაში დასახმარებლად, ნათქვამია ორგანიზაციის პრეს–რელიზში.

ამგვარად, უეფას თითოეული მონაწილე ქვეყანა, მათ შორის საქართველო, ორგანიზაციისგან 4,3 მილიონ ევროს მიიღებს.

„ჩვენი სპორტის სახეობა უპრეცედენტო გამოცდას წააწყდა, რაც COVID-19-ის კრიზისითაა გამოწვეული. უეფას სურს დაეხმაროს თავის ასოციაციებს, უპასუხოს გამოწვევას იმ ხერხებით, რომლებიც კონკრეტულ შემთხვევაში იქნება საჭირო. გადავწყვიტეთ, თითოეულ ასოციაციას 4,3 მილიონ ევრომდე გადავუხადოთ შემდეგი სეზონისთვის და ამ სეზონის დარჩენილი ნაწილისთვის, ასევე ინვესტიციების დაფინანსების ფარგლებში. ამ სახსრების გამოყენება ასოციაციებს შეუძლია იმ სახით, როგორც თვითონ ჩათვლიან საჭიროდ“, – განაცხადა უეფას პრეზიდენტმა ალექსანდერ ჩეფერინმა.

ეს ფინანსური დახმარება გამოიყო პროგრამის HatTrick ფარგლებში, რომელიც ეროვნული ფედერაციებისთვის თანხას გამოყოფს ოპერაციული ხარჯებისა და ფეხბურთის კონკრეტული სფეროების მიზნობრივი განვითარებისთვის.

ამჯერად უეფამ გადაწყვიტა, ასოციაციებს მიანდოს იმის განსაზღვრა, თუ რომელი ამოცანების გადაწყვეტაა პირველ რიგში საჭირო ფეხბურთზე კორონავირუსის ეპიდემიის ნეგატიური გავლენის შემსუბუქების თვალსაზრისით.

კორონავირუსის პანდემიის გამო ყველა ევროპული საფეხბურთო ჩემპიონატი შეჩერდა ბელარუსული ფეხბურთის გარდა.

საქართველოს ჩემპიონატის ფარგლებში ეპიდემიის დაწყებამდე ჩატარდა ორი ტური. ლიდერობს თბილისის „ლოკომოტივი.

60
თემები:
სპორტის ამბები (817)
 ქართველი სუმოისტი ლევან გორგაძე, რომელიც ტოჩინოშინის სახელით ასპარეზობს

ქართველმა სუმოისტმა ტოკიოს შემოდგომის ტურნირზე მორიგი გამარჯვება მოიპოვა

38
(განახლებულია 14:39 20.09.2020)
ამგვარად, ტურნირზე გამართული შეხვედრების შემდეგ ლევან გორგაძის ბალანსი ასეთია - 4 მოგება და 4 წაგება.

თბილისი, 20 სექტემბერი – Sputnik. ქართველმა სუმოისტმა ლევან გორგაძემ, რომელიც ტოჩინოშინის სახელით ასპარეზობს, მეოთხე ეფექტური გამარჯვება მოიპოვა შემოდგომის აკი ბაშოზე, რომელსაც ამ დღეებში ტოკიო მასპინძლობს.

მეშვიდე საშეჯიბრო დღეს ტოჩინოშინმა, რომელიც დასავლეთის მეოთხე მაეგაშირას რანგში გამოდის, ოძეკი ტაკაკეისე დაამარცხა. ქართველმა ფალავანმა ტატიაი-ჰენკის ილეთი გამოიყენა და მეტოქე ჰატაკიკომიზე გამოიჭირა.

ამგვარად, ტურნირზე გამართული შეხვედრების შედეგებით ლევან გორგაძის ბალანსი ასეთია - 4 მოგება და 4 წაგება.

ხვალ ტოჩინოშინი დაუპირისპირდება ოძეკი ასანოიამას, რომელმაც მიმდინარე ტურნირზე უკვე ხუთი გამარჯვება მოიპოვა.

შემოდგომის აკი ბაშო ტოკიოში 27 სექტემბრამდე გაგრძელდება.

 

38
თემები:
სპორტის ამბები (817)
 ქართველი სუმოისტი ლევან გორგაძე

ტოჩინოშინმა ტოკიოს ტურნირზე მესამედ მოიგო შერკინების ვიდეო

72
დაიეისიოსთან გამარჯვების შემდეგ ტოჩინოშინმა ამჟამინდელ ტურნირზე საკუთარი ბალანსი გაიუმჯობესა. ამჯერად გორგაძის ანგარიშზე სამი მოგება და ოთხი წაგებაა

თბილისი, 19 სექტემბერი – Sputnik. ქართველმა სუმოისტმა ლევან გორგაძემ, რომელიც ტოჩინოშინის სახელით ასპარეზობს, ტოკიოში მიმდინარე შემოდგომის აკი ბაშოზე მესამე გამარჯვება მოიპოვა.

მეშვიდე საშეჯიბრო დღეს ტოჩინოშინმა, რომელიც დასავლეთის მეოთხე მაეგაშირას რანგში გამოდის, სეკივაკე დაიეისიო დაამარცხა. გორგაძემ გაუძლო მეტოქის წნეხს, შებოჭა ის და იორიკირის ილეთი ჩაუტარა.

დაიეისიოსთან გამარჯვების შემდეგ ტოჩინოშინმა ამჟამინდელ ტურნირზე საკუთარი ბალანსი გაიუმჯობესა. ამჯერად გორგაძის ანგარიშზე სამი მოგება და ოთხი წაგებაა.

აკი ბაშოს მერვე საშეჯიბრო დღეს ტოჩინოშინი ოძეკი ტაკაკეისეს შეხვდება. ეს შერკინება მეტოქეთა პირად დაპირისპირებაში რიგით მე-11 იქნება. ამ მომენტისთვის მნიშვნელოვანი უპირატესობა იაპონელი სუმოისტის მხარესაა – 8:2.

შემოდგომის აკი ბაშო 27 სექტემბრამდე გაგრძელდება.

72
თემები:
სპორტის ამბები (817)
თაკო ნაცვლიშვილი

თაკო ნაცვლიშვილი იტალიის ძვირადღირებულ კურორტს დაუბრუნდა - სექსუალური ფოტოები სანაპიროდან

0
(განახლებულია 17:51 20.09.2020)
ერთ-ერთი ყველაზე რეიტინგული ქართველი მოდელი მოგზაურობას პანდემიის პერიოდშიც არ უშინდება. ელეგანტური მოდელი იტალიის ერთ-ერთ განთქმულ კურორტზე ისვენებს. ვისთან ერთად ისვენებს და როგორ გამოიყურება ტოპ-მოდელი?

„სიყვარულით, იტალიიდან“ - ასე დაასათაურა თაკომ სანაპიროზე გადაღებული ერთ-ერთი ფოტო. აღნიშნული სურათი ძველი Polaroid-ის ფოტოაპარატითაა გადაღებული. თაკომ მეგობრებთან ერთად დალევაც გადაწყვიტა. დაუვიწყარი საღამოს კადრები კი საკუთარ გვერდზე გამოაქვეყნა. თაკოს თავგადასავალი იტალიის კურორტ ფორტე დეი მარმიდან იწყება.

View this post on Instagram

A post shared by Tako Natsvlishvili (@takonats) on

„დოლჩე და გაბანას“ ძვირადღირებული კაბები, ჯულია რობერტსთან ერთად სარეკლამო ვიდეოში გამოჩენა, „ვიქტორია სეკრეტსის" კასტინგებზე მოხვედრა – თაკო ნაცვლიშვილმა წარმატებამდე არც ისე მარტივი გზა გაიარა. მისი თითოეული ნაბიჯი საპასუხისმგებლო და საკმაოდ დამაინტრიგებელია. რამდენიმე წელია ახალგაზრდა მოდელი წამყვან სამოდელო სახლებთან აქტიურად თანამშრომლობს. მეტიც, მას პოდიუმზე ისეთი ბრენდები იწვევენ, როგორებიცაა „ელი სააბი“, „ჯორჯო არმანი“, „კრისტიან დიორი“, „ვერსაჩე“ და სხვა მრავალი.

View this post on Instagram

#withLovefromItaly

A post shared by Tako Natsvlishvili (@takonats) on

თაკოს წარმატების საიდუმლო მისი აღნაგობა, გარეგნობა და, რა თქმა უნდა, ბუნებრივი სილამაზეა, რომლითაც ყველაზე გულგრილ ადამიანსაც კი მოხიბლავს. სულ რაღაც 21 წლის არის, მაგრამ იტალიაში, საფრანგეთსა და საქართველოში პოპულარულ დიზაინერებთან თანამშრომლობს.

თაკომ ევროპიდან მორიგი უახლესი სურათი გამოაქვეყნა. ტრენდულმა გოგონამ ახალი იმიჯის მორგება გადაწყვიტა. მას ექსპერიმენტების არ ეშინია და ფოტოსესიებზე სხვადასხვა თემატიკას მარტივად და შეუდარებლად ირგებს. თაკო ნაცვლიშვილის მოულოდნელი გადაწყვეტილება ნამდვილად მოგეწონებათ. სუპერ-მოდელის ბუნებრივი სილამაზე მის მიერ გამოქვეყნებულ ბავშვობის ფოტოებზეც კარგად ჩანს. აღსანიშნავია, რომ თაკოს ულამაზესი დედმამიშვილები ჰყავს. პოპულარული ოჯახი ოთხ შვილს ზრდის. ერთ-ერთი ქალიშვილი თაკოსთან და დედასთან - ნინო ცქიტიშვილთან ერთად ფოტოსესიებზე ხშირად პოზირებს. სავარაუდოდ, თაკოს უმცროსი და დედის და დის კვალს მიჰყვება. თაკო ნაცვლიშვილის საუცხოო გარეგნობა უამრავი ადამიანის მზერას იპყრობს. მან მოკლე დროში სახელი გაითქვა და ახლა თაკოს დედოფალს ადარებენ.

0
თემები:
სელებრითების ცხოვრება