გიორგი ჩაკვეტაძე

ჩაკვეტაძე მხითარიანის ნაცვლად: იტალიურ „რომას“ ქართველი ფეხბურთელის ყიდვა სურს

55
(განახლებულია 20:21 15.04.2020)
იტალიური სპორტული გამოცემები ქართველი ფეხბურთელის „რომაში“ შესაძლო გადასვლის შესახებ სტატიებითაა აჭრელებული.

თბილისი, 15 აპრილი – Sputnik. იტალიური საფეხბურთო კლუბი „რომა“ ზაფხულში საქართველოს ნაკრებისა და ბელგიის „გენტის“ ნახევარმცველის გიორგი ჩაკვეტაძის ყიდვას განიხილავს, აღნიშნულია იტალიურ რიგ სპორტულ გამოცემებში.

ორი ქართველი ფეხბურთელი ბელგიის ვიცე–ჩემპიონი გახდა>>

როგორც გამოცემა Giallorossi.net აღნიშნავს, გუნდს ზაფხულში ერთდროულად შუა ხაზის რამდენიმე ფეხბურთელი დატოვებს. ესენი არიან ჩენგიზ უნდერი (თურქეთი), დიეგო პეროტი (არგენტინა) და ჰენრიხ მხითარიანი (სომხეთი).

„თუ ეს ფეხბურთელები კლუბს დატოვებენ, გამოვა, რომ შემტევი ხაზის უკან სიცარიელე იქნება, რომლის შევსებაც აუცილებელია. იმ შემთხვევაში, თუ „რომა“ ითამაშებს სქემით 4–2–3–1, მაშინ ჩაკვეტაძის მოსვლა საუკეთესო ვარიანტი იქნება, რადგან მას სამივე პოზიციაზე შეუძლია თამაში. თუ მწვრთნელთა შტაბი უფრო შემტევ ვარიანტს აირჩევს 4–3–3, მაშინ ქართველი ნახევარმცველი იდეალურად მიესადაგება მარცხენა ფლანგს“, – წერს გამოცემა.

თავისი პოზიცია ქართველი ფეხბურთელის ტრანსფერთან დაკავშირებით გამოთქვა კიდევ ერთმა იტალიურმა გამოცემამ metropolitanmagazine.

„რომას“ სპორტული დირექტორი ჯანლუკა პეტრაჩი მიიჩნევს, რომ განახლებულ გუნდში მთავარი ადგილი ჩაკვეტაძემ უნდა დაიკავოს. პეტრაჩიმ 20 წლის ქართველი ფეხბურთელი ჯერ კიდევ უეფას ევროპის ლიგის პლეი-ოფის დროს შენიშნა და სათანადოდ შეაფასა, როდესაც „რომა“ 1/16 ფინალში „გენტს“ შეხვდა“, – წერს გამოცემა.

Матч сборных Грузии и Латвии в рамках Лиги наций УЕФА - Георгий Чакветадзе в атаке
გიორგი ჩაკვეტაძე შეტევისას

ჩაკვეტაძე „გენტში“ 2017 წლის ზაფხულიდან თამაშობს, სადაც ის თბილისის „დინამოდან“ გადავიდა. ამჟამად ქართველი ნახევარმცველის ტრანსფერის ღირებულება შვიდ მილიონ ევროზე ცოტა ნაკლებს შეადგენს (გამოცემა transfermarkt.com-ის ვერსიით).

ბელგიურ კლუბში ჩაკვეტაძემ ყველა ტურნირში 62 მატჩი ჩაატარა, გაიტანა შვიდი გოლი და 13 შედეგიანი გადაცემა გააკეთა.

რაც შეეხება „რომას“, იტალიის ჩემპიონატის 26 ტურის შემდეგ მას 45 ქულით მეხუთე ადგილი უკავია.

55
თემები:
სპორტის ამბები (694)
ბექა მიქელთაძე

ყაზანის „რუბინმა“ ორ ქართველთან კონტრაქტი არ გააგრძელა

37
(განახლებულია 09:30 02.06.2020)
„რუბინის“ ძირითად შემადგენლობაში ორი ქართველი ფეხბურთელი განაგრძობს თამაშს – ხვიჩა კვარაცხელია და ზურიკო დავითაშვილი

თბილისი, 2 ივნისი – Sputnik. საფეხბურთო კლუბმა „რუბინი“ ორ ქართველ ფეხბურთელთან – ბექა მიქელთაძესა და ნიკა ყიფიანთან კონტრაქტი არ გააგრძელა, ნათქვამია ყაზახური კლუბის განცხადებაში.

ორივე ფეხბურთელი „რუბინში“ გასული წლის ზაფხულში გადავიდა, ხოლო ამა წლის თებერვლიდან ისინი ვოლგოგრადის „როტორში“ იჯარის უფლებით გამოდიოდნენ.

„რუბინის“ შემადგენლობაში მიქელთაძემ ჩაატარა 11 მატჩი და გაიტანა ერთი გოლი, ხოლო ყიფიანმა – არცთუ შედეგანი სამი მატჩი.

„რუბინმა“ თავის განცხადებაში ფეხბურთელებს მადლობა გადაუხადა და მომავალ კარიერაში წარმატებები უსურვა.

მიქელთაძე საქართველოს მოქალაქე და თბილისის „დინამოს“ აკადემიის აღზრდილია, ხოლო ყიფიანი რუსეთის მოქალაქეა და მოსკოვის „ლოკომოტივის“ აღზრდილი.

„რუბინში“კიდევ ორი ქართველი ფეხბურთელი გამოდის (ძირითად შემადგენლობაში) – ხვიჩა კვარაცხელია და ზურიკო დავითაშვილი.

რუსეთის საფეხბურთო ჩემპიონატი 21 ივნისს განახლდება.

37
თემები:
სპორტის ამბები (694)
ლევან ხარაბაძე

ქართველი ფეხბურთელი შვეიცარიიდან თბილისში დაბრუნდა

50
(განახლებულია 18:02 31.05.2020)
„ციურიხის“ შემადგენლობაში ფეხბურთელმა 29 მატჩი ჩაატარა, გაიტანა ერთი გოლი და ოთხი შედეგიანი გადაცემის ავტორი გახდა

თბილისი, 31 მაისი – Sputnik. საქართველოს ფეხბურთის ნაკრების მცველი ლევან ხარაბაძე, რომელიც შვეიცარიის „ციურიხის“ შემადგენლობაში იჯარის უფლებით გამოდიოდა, თბილისის „დინამოში“ ბრუნდება, ნათქვამია ქართული კლუბის განცხადებაში.

ხარაბაძე „ციურიხში“ გასული წლის ზამთარში გადავიდა იჯარის ხელშეკრულებით, რომელიც ერთნახევარ სეზონზე იყო გათვლილი. იჯარის დასრულების შემდეგ შვეიცარიულმა კლუბმა მცველის გამოსყიდვა არ ისურვა და ხარაბაძე თბილისის „დინამოში“ დაბრუნდა.

„ციურიხის“ შემადგენლობაში ფეხბურთელმა 29 მატჩი ჩაატარა, გაიტანა ერთი გოლი და ოთხი შედეგიანი გადაცემის ავტორი გახდა.

ბოლო დროს ხარაბაძეს ტრავმები აწუხებდა, ამიტომ „დინამოს“ სამედიცინო შტაბის გადაწყვეტილებით, ამ ეტაპზე მცველი ინდივიდუალური პროგრამით ივარჯიშებს.

საქართველოს ფეხბურთის ჩემპიონატი კორონავირუსის ეპიდემიის გამო მარტის დასაწყისში ორი ტურის შემდეგ შეწყდა. როდის განახლდება ეროვნული პირველობა, ჯერჯერობით უცნობია.

თბილისის „დინამო“ საქართველოს მოქმედი ჩემპიონია.

50
თემები:
სპორტის ამბები (694)
აბანოთუბანი

Forbes-ის შეფასება: მოხვდა თუ არა საქართველო ტურისტებისთვის უსაფრთხო ქვეყნების სიაში

0
(განახლებულია 13:21 02.06.2020)
უსაფრთხო ტურისტულ მიმართულებებად საქართველოს გარდა,  ეთიოპია, ირანი, მიანმარი, ფილიპინები, სლოვენია და ტუნისია დასახელებული.

თბილისი, 2 ივნისი - Sputnik.  ჟურნალმა Forbes–მა საქართველო იმ შვიდი ქვეყნის სიაში შეიყვანა,  რომლებიც კორონავირუსის პანდემიის შემდგომ პერიოდში, შესაძლოა, ძირითად ტურისტულ მიმართულებებად იქცნენ.

სტატიაში Rising Stars in Travel საქართველო  ეთიოპიასთან, ირანთან, მიანმართან, ფილიპინებთან, სლოვენიასთან და ტუნისთან ერთადაა მოხსენიებული.

სტატიის ავტორი წერს, რომ იმ დროს, როცა ტურიზმის გლობალური ინდუსტრია უპრეცედენტო ვარდნას განიცდის, ბევრი ქვეყანა უცხოელი ტურისტების ნაკადის მისაღებად ემზადება, ზოგიერთი ქვეყნისთვის კი კრიზისი შეიძლება გახდეს საუკეთესო შესაძლებლობა საკუთარი თავის შესახებ განაცხადის გაკეთებისთვის. 

 „საქართველო უკვე იმ გზაზეა, რომ კავკასიის რეგიონში ერთ–ერთი იდილიური ადგილი გახდეს. დაიწყეთ მოგზაურობა  ქვეყნის დედაქალაქიდან.  თბილისი ეს საუცხოო ქალაქია,  რომელშიც მრავლადაა უძველესი ტაძრები და რესტორნები მდინარე მტკვრის სანაპიროზე“, – ნათქვამია სტატიაში.

ამავე დროს, სტატიის ავტორი უცხოელ ტურისტებს ურჩევს დედაქალაქში მიღებული შთაბეჭდილებების შემდე დატკბნენ საქართველოს ულამაზესი ბუნებით და დასავლეთ საქართველოს პატარა მშვენიერი ქალაქებით. ასევე დააგემოვნონ ქართული ღვინო, რამდენადაც საქართველო მსოფლიოში უძველესი მეღვინეობის ქვეყანაა.

საქართველო ტურიზმისთვის საზღვრებს 1 ივლისიდან გახსნის, თუმცა, იგი ყველასთვის ხელმისაწვდომი არ იქნება, განაცხადა ეკონომიკის მინისტრმა ნათია თურნავამ. მისი სიტყვებით, საქართველო ტურისტებს იმ ქვეყნებიდან ელოდება, რომლებშიც ეპიდემიოლოგიური მდგომარეობა მეტნაკლებად საქართველოს მსგავსია.

საქართველოს ჯანდაცვის სამინისტრომ იმ სასტუმროებისა და აპარტამენტებისთვის,  რომლებიც ახალ სეზონზე ტურისტებს უმასპინძლებენ, კორონავირუსის პანდემიის პირობებში მოგზაურთა უსაფრთხოების უზრუნველყოფის მიზნით, უკვე დაამტკიცა რეკომენდაციები. მათთვის ასევე იქმნება დასვენების „მწვანე ზონები“.

თუმცა, იმისთვის რომ საქართველოში დაისვენონ, ვიზიტორებმა საზღვრის კვეთისას უნდა წარმოადგინონ ე.წ. COVID–პასპორტი – ცნობა იმის შესახებ, რომ ბოლო 72 საათის განმავლობაში მათ კორონავირუსზე ტესტი ჩაიტარეს და პასუხი უარყოფითი იყო.

0
თემები:
COVID-19 საქართველოში