საქართველოს რაგბის ნაკრები

ქართველი მორაგბე საფრანგეთის ჩემპიონატის სიმბოლურ ნაკრებში მოხვდა

33
(განახლებულია 15:35 14.04.2020)
ფრანგულმა გამოცემამ საქართველოს ნაკრების მორაგბეს საფრანგეთის ჩემპიონატის ამჟამინდელი სეზონის აღმოჩენა უწოდა.

თბილისი, 14 აპრილი – Sputnik. საქართველოს ნაკრებისა და კლუბ „ტულონის“ მორაგბე ბექა გიგაშვილი, ფრანგული გამოცემა Branchezrugby-ს ვერსიით, საფრანგეთის ჩემპიონატის (ТОР-14) პირველი წრის სიმბოლურ ნაკრებში შევიდა.

თემურ ქეცბაია: რა განსხვავებაა, მაღაზიაში წახვალ თუ სტადიონზე სავარჯიშოდ>>

„მრავალმხრივი ქართველი მორაგბე ამჟამინდელი სეზონის აღმოჩენაა. გიგაშვილი „ტულონში“ „გრენობლიდან“ გადავიდა. გასული წლის მსოფლიო ჩემპიონატის გამო ის ახალ კლუბს გვიან შეუერთდა, მაგრამ ძალიან სწრაფად მოიკიდა ფეხი თავის პოზიციაზე. ქართველი ძალიან ძლიერია, ფიზიკურად ამტანი და შრომისმოყვარე. მინდორზე დიდი მოცულობის სამუშაოს ასრულებს. ესაა მოთამაშე, რომელიც „შემოიჭრა“ ამჟამინდელ სეზონში და თავის ფუნქციებს შესანიშნავად ასრულებს“, – ასე ახასიათებს გამოცემა გიგაშვილს.

„ტულონში“ გამოსვლის მანძილზე 27 წლის გიგაშვილმა უკვე ჩაიწერა თავის ანგარიშზე სამი წარმატებული ლელო, მოხვდა ტურის სიმბოლურ ნაკრებში და გულშემატკივარმა მატჩის საუკეთესო მოთამაშედაც დაასახელა.

გიგაშვილი „ტულონში“ გასული წლის ზაფხულში გადავიდა. კლუბთან მას სამწლიანი კონტრაქტი აქვს გაფორმებული. საქართველოს ნაკრების შემადგენლობაში გიგაშვილმა 11 მატჩი ჩაატარა.

კორონავირუსის პანდემიის გამო ТОР-14 ჩემპიონატი გაურკვეველი დროით შეჩერდა. „ტულონს“ საფრანგეთის ჩემპიონატის 17 ტურის შემდეგ სატურნირო ცხრილში 45 ქულით მეოთხე ადგილი უკავია. კლუბი ТОР-14-ის ლიდერ „ბორდოს“ 16 ქულით ჩამორჩება.

33
თემები:
სპორტის ამბები (693)
ბექა მიქელთაძე

ყაზანის „რუბინმა“ ორ ქართველთან კონტრაქტი არ გააგრძელა

35
(განახლებულია 09:30 02.06.2020)
„რუბინის“ ძირითად შემადგენლობაში ორი ქართველი ფეხბურთელი განაგრძობს თამაშს – ხვიჩა კვარაცხელია და ზურიკო დავითაშვილი

თბილისი, 2 ივნისი – Sputnik. საფეხბურთო კლუბმა „რუბინი“ ორ ქართველ ფეხბურთელთან – ბექა მიქელთაძესა და ნიკა ყიფიანთან კონტრაქტი არ გააგრძელა, ნათქვამია ყაზახური კლუბის განცხადებაში.

ორივე ფეხბურთელი „რუბინში“ გასული წლის ზაფხულში გადავიდა, ხოლო ამა წლის თებერვლიდან ისინი ვოლგოგრადის „როტორში“ იჯარის უფლებით გამოდიოდნენ.

„რუბინის“ შემადგენლობაში მიქელთაძემ ჩაატარა 11 მატჩი და გაიტანა ერთი გოლი, ხოლო ყიფიანმა – არცთუ შედეგანი სამი მატჩი.

„რუბინმა“ თავის განცხადებაში ფეხბურთელებს მადლობა გადაუხადა და მომავალ კარიერაში წარმატებები უსურვა.

მიქელთაძე საქართველოს მოქალაქე და თბილისის „დინამოს“ აკადემიის აღზრდილია, ხოლო ყიფიანი რუსეთის მოქალაქეა და მოსკოვის „ლოკომოტივის“ აღზრდილი.

„რუბინში“კიდევ ორი ქართველი ფეხბურთელი გამოდის (ძირითად შემადგენლობაში) – ხვიჩა კვარაცხელია და ზურიკო დავითაშვილი.

რუსეთის საფეხბურთო ჩემპიონატი 21 ივნისს განახლდება.

35
თემები:
სპორტის ამბები (693)
ლევან ხარაბაძე

ქართველი ფეხბურთელი შვეიცარიიდან თბილისში დაბრუნდა

50
(განახლებულია 18:02 31.05.2020)
„ციურიხის“ შემადგენლობაში ფეხბურთელმა 29 მატჩი ჩაატარა, გაიტანა ერთი გოლი და ოთხი შედეგიანი გადაცემის ავტორი გახდა

თბილისი, 31 მაისი – Sputnik. საქართველოს ფეხბურთის ნაკრების მცველი ლევან ხარაბაძე, რომელიც შვეიცარიის „ციურიხის“ შემადგენლობაში იჯარის უფლებით გამოდიოდა, თბილისის „დინამოში“ ბრუნდება, ნათქვამია ქართული კლუბის განცხადებაში.

ხარაბაძე „ციურიხში“ გასული წლის ზამთარში გადავიდა იჯარის ხელშეკრულებით, რომელიც ერთნახევარ სეზონზე იყო გათვლილი. იჯარის დასრულების შემდეგ შვეიცარიულმა კლუბმა მცველის გამოსყიდვა არ ისურვა და ხარაბაძე თბილისის „დინამოში“ დაბრუნდა.

„ციურიხის“ შემადგენლობაში ფეხბურთელმა 29 მატჩი ჩაატარა, გაიტანა ერთი გოლი და ოთხი შედეგიანი გადაცემის ავტორი გახდა.

ბოლო დროს ხარაბაძეს ტრავმები აწუხებდა, ამიტომ „დინამოს“ სამედიცინო შტაბის გადაწყვეტილებით, ამ ეტაპზე მცველი ინდივიდუალური პროგრამით ივარჯიშებს.

საქართველოს ფეხბურთის ჩემპიონატი კორონავირუსის ეპიდემიის გამო მარტის დასაწყისში ორი ტურის შემდეგ შეწყდა. როდის განახლდება ეროვნული პირველობა, ჯერჯერობით უცნობია.

თბილისის „დინამო“ საქართველოს მოქმედი ჩემპიონია.

50
თემები:
სპორტის ამბები (693)
თბილისი

როგორი ამინდი იქნება თბილისში ხუთშაბათს, 4 ივნისს

0
(განახლებულია 11:51 02.06.2020)
სინოპტიკოსები დედაქალაქში ხუთშაბათს 31 გრადუსამდე სიცხეს პროგნოზირებენ, ამ ჯერად წვიმისა და ელჭექის გარეშე

თბილისი, 2 ივნისი — Sputnik. სინოპტიკოსების პროგნოზით, თბილისში ხუთშაბათს, 4 ივნისს მზიანი და ცხელი ამინდი იქნება.

ჰაერის ტემპერატურა ღამით იქნება +18, ხოლო დღისით – 31 გრადუსი.

ქარი ღამით 10–15 მეტრი წამში სიჩქარით დაუბერავს, დღისით კი დროგამოშვებით კი 20–25 მეტრამდე გაძლიერდება.

მზე 05:27 საათზე ამოვა და 20:31 საათზე ჩავა.

0
თემები:
ამინდის ზუსტი პროგნოზი თბილისში