შოთა არველაძე

შოთა არველაძე ევროპის საუკეთესო ბომბარდირთა სიაში მოხვდა

79
(განახლებულია 15:17 13.04.2020)
ქართველმა ფორვარდმა 343 ხმით 30-ე ადგილი დაიკავა. იგი სიაში ბრაზილიელ ჟარდელსა და იტალიელ ალესანდრო დელ პიეროს შორის მოხვდა.

თბილისი, 13 აპრილი – Sputnik. საქართველოს საფეხბურთო ნაკრების ყოფილი თავდამსხმელი, ამ ეტაპზე კი ტაშკენტის „პახტაკორის“ მწვრთნელი შოთა არველაძე ევროპის 50 საუკეთესო ბომბარდირს შორის დასახელდა, სია ფრანგულმა გამოცემა Maxifoot-მა შეადგინა.

ქართველმა ფორვარდმა 343 ხმით 30-ე ადგილი დაიკავა. იგი სიაში ბრაზილიელ ჟარდელსა და იტალიელ ალესანდრო დელ პიეროს შორის მოხვდა.

ბომბარდირთა სია ორი პირობის მიხედვით შედგა: ფეხბურთელს 2000 წლის შემდეგ ერთ სეზონში მაინც უნდა ეთამაშა და თავისი ნათამაშები მატჩების 40% ევროპაში უნდა ჩაეტარებინა. მაგალითად, არველაძემ პროფესიული კარიერა 1992 წელს დაიწყო და 2008 წელს დაასრულა. 

აღნიშნული პირობების გათვალისწინებით, სიაში ვერ მოხვდა ცნობილი თავდამსხმელი რომარიო. ბრაზილიელმა თავისი კარიერის მანძილზე 743 გოლი გაიტანა, თუმცა, ევროპაში სულ 166 მატჩი ჩაატარა.

Maxifoot-ის სიაში პირველ ადგილზე „იუვენტუსის“ თავდამსხმელი კრიშტიანუ რონალდუა – მის აქტივში 725 გოლია. შემდეგ მოდის ლიონელ მესი (697), მესამე ადგილზე კი შვედი ზლატან იბრაჰიმოვიჩია (540).

შოთა არველაძემ პროფესიული კარიერა თბილისის „დინამოში“ დაიწყო, სადაც 1993 წლამდე თამაშობდა. შემდგომ მის კარიერაში იყო ისეთი კლუბები, როგორიცაა: „ტრაბზონსპორი“ (თურქეთი), ჰოლანდიური „აიაქსი“ და AZ (Alkmaar Zaanstreek), „გლაზგო რეინჯერსი“ (შოტლანდია), „ლევანტე“ (ესპანეთი). 

ევროპაში ასპარეზობისას არველაძე გახდა ჰოლანდიის ჩემპიონი და თასის მფლობელი, ორჯერ მოიგო შოტლანდიის პირველობა და ქვეყნის თასი, ასევე მოიპოვა თურქეთის თასი. „ტრაბზონსპორში“ ქართველი ფეხბურთელი 1995/96 წლის სეზონში თურქეთის ჩემპიონატის საუკეთესო ბომბარდირი გახდა.

არველაძე ასევე არის საქართველოს ნაკრების საუკეთესო ბომბარდირი. ნაკრების შემადგენლობაში თავდამსხმელმა მოწინააღმდეგეების კარში 26 გოლი გაიტანა.

79
თემები:
სპორტის ამბები (688)
თორნიკე შენგელია

საქართველოში საკალათბურთო სეზონი გაუქმდა

32
(განახლებულია 19:05 27.05.2020)
საქართველოს კალათბურთის ფედერაციამ ამგვარი გადაწყვეტილება მას შემდეგ მიიღო, რაც კლუბების დაფინანსების საკითხი დადებითად გადაწყდა.

თბილისი, 27 მაისი – Sputnik. საქართველოს სუპერლიგა კალათბურთში, ასევე 2019/2020 წლების სეზონის ყველა ჩემპიონატი ყველა ასაკობრივ კატეგორიაში შეწყდება. გადაწყვეტილება საქართველოს კალათბურთის ფედერაციის აღმასრულებელი კომიტეტის სხდომაზე მიიღეს.

საქართველოს კალათბურთის ფედერაციამ ამგვარი გადაწყვეტილება მას შემდეგ მიიღო, რაც კლუბების დაფინანსების საკითხი დადებითად გადაწყდა.

„ყველა საბიუჯეტო დავალიანება, რომელიც სუპერლიგისა და „ა” ლიგის გუნდებს მიმდინარე სეზონში ეკუთვნოდათ, დაფარულია. ფედერაცია მოქმედებდა პრინციპით, რომ კალათბურთელებმა და საკალათბურთო სამყაროს წევრებმა ეპიდემიის გამო შექმნილი რთული ეკონომიკური მდგომარეობა დანაკარგის გარეშე გადაიტანონ“, – ნათქვამია ფედერაციის განცხადებაში.

აღმასრულებელი კომიტეტის სხდომაზე ასევე აღინიშნა, რომ საქართველოს კალათბურთის ფედერაცია განათლების, მეცნიერების, კულტურისა და სპორტის სამინისტროსთან ერთად განაგრძობს მუშაობას არსებული ვითარების შესწავლაზე, რათა ივლისში დაგეგმილ შემდეგ სხდომაზე შესაძლებელი გახდეს მომდევნო სეზონის დაწყების თარიღის განსაზღვრა.

საქართველოს ჩემპიონატი კალათბურთში მარტის დასაწყისში კორონავირუსის პანდემიის გამო შეჩერდა. 15 ჩატარებული ტურის შემდეგ სუპერლიგის ლიდერი 10 გამარჯვებით იყო ბათუმის „დინამო. სამ კლუბს – თსუ-ს, „ვერასა“ და „ქუთაისს“ 9-9 გამარჯვება ჰქონდათ.

32
თემები:
სპორტის ამბები (688)
წყალდიდობა სვანეთში

სტიქია რაჭაში: ადიდებულმა მდინარემ გზა დატბორა

116
(განახლებულია 20:54 25.05.2020)
ონის მუნიციპალიტეტში გადაუღებელი წვიმის შედეგად ადიდებულმა მდინარემ გზა დააზიანა. ადგილზე მძიმე ტექნიკა მუშაობს.

თბილისი, 25 მაისი – Sputnik. ონის მუნიციპალიტეტში გადაუღებელი წვიმის შედეგად მდინარე ჭანჭახი ადიდდა და სოფელ გლოლაში ცენტრალური ავტომაგისტრალი დატბორა, იუწყება ტელეარხი Imedi.

სიტუაციას ადგილზე გაეცნენ რეგიონის გუბერნატორი არჩილ ჯაფარიძე, მაჟორიტარი დეპუტატი გოჩა ენუქიძე და მუნიციპალიტეტის მერის მოვალეობის შემსრულებელი დავით ჩიკვაიძე.

წყალდიდობის შედეგების აღმოსაფხვრელად ადგილზე სამუშაოები დილიდან მიმდინარეობს.

ამ დღეებში სინოპტიკოსები ვარაუდობდნენ ამინდის მკვეთრ გაუარესებას, უხვ ნალექს და მეწყრულ-ღვარცოფული პროცესების განვითარებას. მათი პროგნოზით ხვალაც ცუდი ამინდი იქნება და ოთხშაბათს გამოიდარებს.

116
თემები:
უამინდობა საქართველოში
დაკეტილი კაფე მცხეთაში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/28 მაისი

78487
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 28 მაისი – Sputnik. საგანგებო მდგომარეობის რეჟიმის მოხსნის შემდეგ, კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მოქმედი ძირითადი შეზღუდვების ჩამონათვალი:

  • რესტორნები, სასტუმროები, ტანსაცმლისა და ფეხსაცმლის მაღაზიები, სავაჭრო მოლები, სპორტდარბაზები ივნისის დასაწყისიდან ეტაპობრივად გაიხსნება;

  • რესტორნებს აქვთ მხოლოდ კერძების მიწოდების სერვისით მუშაობის უფლება, აგრეთვე ფეხსაცმლისა და ტანსაცმლის მაღაზიებს შეუძლიათ ონლაინ ვაჭრობა;
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობა საქართველოს ყველა მოქალაქეს მოქმედი რეკომენდაციების დაცვისკენ მოუწოდებს.

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული ავიარეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 735 ადამიანს შეადგენს, აქედან 557 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 250 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78487
თემები:
COVID-19 საქართველოში