თბილისი, 20 მარტი – Sputnik. ქართველმა სუმოისტმა ლევან გორგაძემ, რომელიც ტოჩინოშინის სახელით ასპარეზობს, ოსაკაში გაზაფხულის ჰაცუ ბაშოზე მერვე მარცხი განიცადა.
ტურნირის მე-13 დღეს ქართველი სპორტსმენი დასავლეთის მე–13 მაეგაშირა კოტოსიოგიკუსთან დამარცხდა.
ამ მარცხის შემდეგ ტოჩინოშინი მიმდინარე ჰაცუ ბაშოზე დადებითი ბალანსის მიღწევას ვეღარ შეძლებს. ამ დროისათვის ქართველი სუმოისტის აქტივში მხოლოდ ხუთი გამარჯვება და რვა წაგებაა, ტურნირზე კი სულ ორი ორთაბრძოლის გამართვა დარჩა.
ეს კი ნიშნავს, რომ განახლებულ რეიტინგში ტოჩინოშინი, რომელსაც წინა სეზონზე ოძეკის ტიტული ჰქონდა, რამდენიმე პოზიციას კიდევ დაკარგავს.
მომდევნო შეხვედრა ქართველ სუმოისტს აღმოსავლეთის მესამე მაეგაშირასთან მოუწევს.
