რაგბი

რაგბიში საქართველო-რუსეთის მატჩი მაყურებლის გარეშე ჩატარდება

62
(განახლებულია 18:23 12.03.2020)
საქართველოს რაგბის კავშირი აცხადებს, რომ ის გულშემატკივრები, ვისაც მატჩზე ბილეთი უკვე ჰქონდა შეძენილი, ფულს უკან მიიღებენ.

თბილისი, 12 მარტი — Sputnik. ევროპის ერთა თასის მატჩი რაგბიში საქართველოსა და რუსეთის ნაკრებებს შორის თბილისში 14 მარტს მაყურებლის გარეშე გაიმართება, ნათქვამია საქართველოს რაგბის კავშირის სპეციალურ განცხადებაში.

სუხიშვილები: უკრაინიდან დაბრუნებისთანავე დავიცავთ თვითიზოლაციის წესს>>

საქართველოში ამჟამად მასობრივი ღონისძიებების უმეტესობა გაუქმებულია, დაკეტილია სკოლები და საბავშვო ბაღები, თეატრები და მუზეუმები. სპორტული ღონისძიებებიდან 1 აპრილამდე შეჩერებულია საქართველოს ჩემპიონატი ფეხბურთში, გაუქმდა ტრადიციული თბილისის გრან-პრი ძიუდოში, რომელიც 27-29 მარტს უნდა გამართულიყო.

„ქვეყანაში შექმნილი ვითარებიდან გამომდინარე, ჩვენ ყოველდღიური კონსულტაციები გვაქვს როგორც საქართველოს მთავრობასთან, ასევე დაავადებათა კონტროლის ეროვნულ ცენტრთან. არსებული მდგომარეობის გათვალისწინებით, მივიღეთ გადაწყვეტილება, რომ 14 მარტს საქართველოსა და რუსეთის მატჩი გაიმართოს მაყურებლის გარეშე", – ნათქვამია რაგბის კავშირის განცხადებაში.

დოკუმენტში აღნიშნულია, რომ ყველა შეძლებს შეძენილი ბილეთის თანხის უკან დაბრუნებას.

„კიდევ ერთხელ გიხდით ბოდიშს შექმნილი მდგომარეობის გამო და დიდ მადლობას – გულშემატკივრობისთვის", – აცხადებენ რაგბის კავშირში.

აღსანიშნავია, რომ სატურნირო თვალსაზრისით მატჩს არანაირი მნიშვნელობა არა აქვს. საქართველო ევროპის ერთა თასის გამარჯვებული ვადამდე გახდა, ხოლო რუსეთმა შეინარჩუნა შემდეგ სეზონში თამაშის უფლება.

ესპანეთის კულტურისა და სპორტის სამინისტროს გადაწყვეტილებით, მაყურებლის გარეშე ჩაივლის ამავე ტურნირის ფარგლებში ესპანეთისა და პორტუგალიის შეხვედრაც.

გულშემატკივრებს განსაკუთრებით კიდევ ერთი საკითხი აინტერესებთ – დღემდე გაურკვეველია, როგორ და რა პირობებში გაიმართება უეფას ერთა ლიგის ნახევარფინალი საქართველოსა და ბელარუსის ნაკრებებს შორის ფეხბურთში, რომელიც თბილისში 26 მარტს უნდა გაიმართოს.

საქართველოში ამჟამად კორონავირუსით ინფიცირების 24 დადასტურებული შემთხვევაა.

62
თემები:
სპორტის ამბები (725)
საქართვცელოს ოლიმპიური კომიტეტი

ქართველი დეპუტატები მედიას სპორტსმენების მიზანმიმართულ დისკრედიტაციაში ადანაშაულებენ

123
(განახლებულია 00:15 08.07.2020)
ქართველ სპორტსმენებს ქვეყნის წინაშე დიდი დამსახურება აქვთ, ეს კიდევ ერთხელ გაიმეორა ვეტერანმა ძიუდოისტმა, ოლიმპიურმა ჩემპიონმა შოთა ხაბარელმა

თბილისი, 7 ივლისი — Sputnik. საქართველოს პარლამენტის სპორტისა და ახალგაზრდულ საქმეთა კომიტეტის წევრები მიიჩნევენ, რომ მედიაში ქართველი სპორტსმენების მიზანმიმართული დისკრედიტაცია მიმდინარეობს.

როგორც ცნობილმა ძიუდოისტმა, ოლიმპიურმა ჩემპიონმა, ახლა კი პარლამენტის დეპუტატმა შოთა ხაბარელმა პრესკონფერენციაზე აღნიშნა, სპორტსმენებს ხშირად ამკობენ უსიამოვნო ეპითეტებს, რაც მათ სახელს უტეხს და მომავალ თაობებზე ნეგატიურ გავლენას ახდენს.

გიორგი შაქარაშვილის გარდაცვალების საქმე: სასამართლომ 17-ვე ბრალდებული პატიმრობაში დატოვა >>

„მინდა, მივუსამძიმრო გიორგი შაქარაშვილის ოჯახს, მშობლებს, ახლობლებს. მართლაც ძალიან ცუდი რაღაცა მოხდა. არ უნდა მომხდარიყო თავისთავად ცხადია, მაგრამ ეს შეფასება, რასაც ჩვენ ახლა ვხედავთ და ვისმენთ, არანაირად არ ესადაგება იმ ქართველი სპორტსმენების წარმატებას, რომელთაც არაერთხელ გაუთქვეს ქვეყანას სახელი. მინდა, მაგალითისთვის მოგიყვანოთ 2019 წლის ჩვენი სპორტსმენების შედეგები. 1 200 მედალი იქნა მოპოვებული ჩვენი სპორტსმენების მხრიდან. წარმოიდგინეთ, რომ მსოფლიოს ყველა ქვეყნიდან 1 200-ჯერ აიწია საქართველოს დროშა. ეს არის ჩვენი ქვეყნის ცნობადობა, ჩვენი ქვეყნის კიდევ ერთხელ გაცნობა მსოფლიოსთვის. საქართველოში შეტევა ხდება სპორტსმენებზე – იმ ადამიანებზე, რომლებმაც ცნობადი გახადეს ჩვენი ქვეყანა“, – განაცხადა შოთა ხაბარელმა.

მისი თქმით, ახლახან მედიის თავდასხმის ობიექტი გახდა ოლიმპიური ჩემპიონი, ძალოსანი ლაშა ტალახაძე.

„სპორტსმენებს უყვართ თავიანთი ქვეყანა“, - აღნიშნა დეპუტატმა.

კომიტეტის სხვა წევრის, ირაკლი აბუსერიძის თქმით, ნებისმიერი სპორტის სახეობის წარმომადგენელმა, როგორც ნებისმიერი პოლიტიკური ჯგუფის წევრმა, შეიძლება ჩაიდინოს დანაშაული, მაგრამ გამოძიების და სასამართლოს დასრულებამდე არავის აქვს უფლება ისინი დამნაშავეებად შერაცხოს.

„გიორგის ოჯახსაც არ გაუკეთებია ასეთი განცხადება. იმ ხალხს აინტერესებთ, უბედური შემთხვევა იყო თუ მკვლელობა. ამიტომ დაველოდოთ და მე ვთხოვ საზოგადოებას, რომ ერთ ქვაბში ნუ მოვხარშავთ ყველას, სპორტის სახეობას ჩრდილს ნუ მივაყენებთ და დამნაშავეებად ნუ შევრაცხავთ. რომელიღაც ადამიანმა შესაძლოა რაღაც ჩაიდინოს, მაგრამ იმის გამო, რომ მთლიანი ჯგუფი, მთლიანი სახეობა დამნაშავედ შერაცხო, მგონია, უსამართლობაა“, – განაცხადა აბუსერიძემ.

ამ ზაფხულს ორ გახმაურებულ საქმეში - 19 წლის გიორგი შაქარაშვილის გარდაცვალების და ბათუმელი ახალგაზრდის ცემის საქმეებში ერთბაშად ექვსი სპორტსმენი ფიგურირებს.

შაქარაშვილის დაღუპვის საქმე: პოლიციამ ტრაგიკული წვეულების მასპინძელი გოგონა გამოკითხა >>

შაქარაშვილის საქმეში საუბარია სამ მორაგბეზე და ერთ ძიუდოისტზე, ხოლო ბათუმის საქმეში ფიგურირებენ იური და ლუკა ლომაძეები - ერთ-ერთია მოჭიდავე და ევროპის ჩემპიონატის პრიზიორი, მეორე - ფეხბურთელია,

სპორტსმენების მიმართ აღძრულია სისხლის სამართლის საქმე „თავისუფლების უკანონო აღკვეთის“ და „პირთა ჯგუფის მიერ ჩადენილი ძალადობის“ მუხლებით.

123
თემები:
გახმაურებული სასამართლო პროცესები
მატჩი რაგბიში: საქართველო-რუსეთი

როდის გაიმართება საქართველო-რუსეთის მატჩი რაგბიში

65
(განახლებულია 21:56 07.07.2020)
მატჩი საქართველოსა და რუსეთის ნაკრებებს შორის ამ წლის 14 მარტს უნდა გამართულიყო, თუმცა COVID-19-ის პანდემიის გამო ის გაურკვეველი ვადით გადაიდო.

თბილისი, 7 ივლისი — Sputnik. საქართველოსა და რუსეთის ეროვნული ნაკრებების მატჩი რაგბიში ევროპის ერთა თასის დასკვნითი ტურის ფარგლებში შეიძლება 31 ოქტომბერს გაიმართოს. ამის შესახებ რუსეთის რაგბის ფედერაციის დირექტორმა სერგეი მარკოვმა განაცხადა.

„ოფიციალური გადაწყვეტილება ჯერჯერობით არ არის, მაგრამ Rugby Europe-ს აქვს წინასწარი პროექტი, რომლის თანახმად ევროპის ჩემპიონატის მატჩები 31 ოქტომბერს გაიმართება. მაგრამ ყველაფერი Rugby Europe-ის გადაწყვეტილებაზეა დამოკიდებული. Rugby Europe ერთი კვირის წინ შეიკრიბა, მაგრამ ჯერ არაფერი გადაუწყვეტია. როგორც ჩანს, გადაწყვეტილებას ივლისის შუა რიცხვებში მიიღებენ", – განუცხადა მარკოვმა РИА Новости-ს.

თავდაპირველად მატჩი საქართველოსა და რუსეთის ნაკრებებს შორის მიმდინარე წლის 14 მარტს უნდა გამართულიყო, თუმცა COVID-19-ის პანდემიის გამო ის გაურკვეველი ვადით გადაიდო. სატურნირო თვალსაზრისით ქართული გუნდისთვის ამ შეხვედრას არანაირი მნიშვნელობა არ აქვს, რადგან ის ევროპის ერთა თასის გამარჯვებული ვადამდე გახდა – ზედიზედ მესამედ და მეთორმეტედ ისტორიის განმავლობაში.

საქართველოსა და რუსეთის ნაკრებები რაგბიში ერთმანეთს 23-ჯერ შეხვდნენ. რუსეთმა ერთადერთხელ გაიმარჯვა ქართველ მორაგბეებთან, ერთხელ თამაში ფრედ დასრულდა, დანარჩენ შემთხვევებში კი შეხვედრები საქართველოს ნაკრების გამარჯვებით დასრულდა.

საქართველოსა და რუსეთის ნაკრებების დაპირისპირების საერთო ანგარიშია 579:260.

65
თემები:
სპორტის ამბები (725)
რიყის პარკი

როგორი ამინდი იქნება თბილისში პარასკევს, 10 ივლისს

0
(განახლებულია 10:57 08.07.2020)
პარასკევს კვლავ სიცხე იქნება - დედაქალაქში დღისით პლუს 33 გრადუსი იქნება, და თუ გაგვიმართლებს, ჰაერს წვიმაც გააგრილებს.

თბილისი, 8 ივლისი — Sputnik. სინოპტიკოსების პროგნოზით პარასკევს, 10 ივლისს უპირატესად მზიანი და ცხელი ამინდია მოსალოდნელი. შესაძლებელია ხანმოკლე წვიმა ელჭექით.

მზე 05:35 საათზე ამოვა და 20:36 საათზე ჩავა.

ტემპერატურა ღამით იქნება +21, ხოლო დღისით +33 გრადუსი.

ქარი ღამით 17-22 მეტრი წამში სიჩქარით დაუბერავს, დღისით კი ქარის სიძლიერე წამში 10-15 მეტრი იქნება.

0
თემები:
ამინდის ზუსტი პროგნოზი თბილისში