თბილისი, 2 მარტი — Sputnik. თავისუფალი სტილით მოჭიდავე ლუკა მარიამიძემ, რომელმაც ქვეყნის ახალგაზრდული ჩემპიონატი მოიგო, თავისი გამარჯვება მამას მიუძღვნა, რომელიც ტურნირის დროს ტრიბუნაზე გარდაიცვალა, ნათქვამია საქართველოს ჭიდაობის ფედერაციის განცხადებაში.
მარიამიძე ტურნირზე დამაჯერებლად ასპარეზობდა და ნახევარფინალში გავიდა. სწორედ ნახევარფინალური შეჯიბრების დროს სპორტსმენის მამას, რომელიც შვილს ტრიბუნიდან გულშემატკივრობდა, გულის შეტევა დაემართა და გარდაიცვალა.
მომხდარის შემდეგ მარიამიძეს ფინალურ ორთაბრძოლაში მონაწილეობაზე უარის თქმა უნდოდა, მაგრამ შემდეგ განაცხადა, რომ გავიდოდა ხალიჩაზე მამის ხსოვნის პატივსაცემად. მან გაიმარჯვა და ეს გამარჯვებას მამას მიუძღვნა. გამარჯვების შემდეგ სპორტსმენმა ემოციები ვერ შეიკავა.
საქართველოს ჭიდაობის ფედერაციამ მარიამიძესა და მის ახლობლებს მომხდარი ტრაგედია მიუსამძიმრა.
