რაგბი

ქუთაისი შვიდკაცა რაგბიში ევროპის გრან-პრის უმასპინძლებს

18
(განახლებულია 15:53 02.12.2019)
საქართველოს რაგბის კავშირის პრეზიდენტის გოჩა სვანიძის სიტყვებით, ასეთი მასშტაბის ტურნირის გამართვა მნიშვნელოვანია არა მარტო სპორტული, არამედ ტურისტული თვალსაზრისით.

თბილისი, 2 დეკემბერი — Sputnik. თორმეტწლიანი შესვენების შემდეგ საქართველო კვლავ უმასპინძლებს ქალთა და მამაკაცთა შორის შვიდკაცა რაგბიში ევროპის გრან-პრის, ნათქვამია საქართველოს რაგბის ეროვნული ფედერაციის განცხადებაში.

პრესტიჟულ ტურნირს ქუთაისი მიიღებს. თამაშები 13 და 14 ივნისს "აია არენას" ახალ სარაგბო ბაზაზე ჩატარდება.

როგორც საქართველოს რაგბის კავშირის პრეზიდენტმა გოჩა სვანიძემ განაცხადა, ტურნირის გამართვა მნიშვნელოვანია არა მარტო სპორტული, არამედ ტურისტული თვალსაზრისით.

"მინდა მივულოცო ქართული რაგბის ყველა გულშემატკივარს და განსაკუთრებით ქუთაისელებს ამ ორი უმნიშვნელოვანესი ტურნირის მასპინძლობის უფლების მოპოვება. ქვეყნისთვის, მისი ტურისტული პოტენციალის ამაღლებისთვის ეს ძალიან კარგია. ქუთაისის აეროპორტიდან იაფი და პირდაპირი ფრენები ხორციელდება ევროპის არაერთ ქალაქში. ტურნირზე ჩამოსული სპორტსმენები და გულშემატკივრები არა მხოლოდ ქუთაისს, არამედ მარტვილის და ოკაცეს კანიონებს დაათვალიერებენ, გაეცნობიან წყალტუბოს პოტენციალს, რაც სპორტსმენებისთვის განსაკუთრებით საინტერესო იქნება", – განაცხადა სვანიძემ.

მისი განმარტებით, საქართველოში ძალიან კარგი მამაკაცთა და ქალთა ნაკრებები ჩამოდიან, რაც შვიდკაცა რაგბის პოპულარიზაციას შეუწყობს ხელს.

შეგახსენებთ, საქართველოს შვიდკაცამ 2020 წლის ზაფხულის ოლიმპიურ თამაშებზე მოხვედრა ვერ შეძლო.

18
თემები:
სპორტის ამბები (1176)
საქართველოს ნაკრები ოლიმპიურ სოფელში

ვინ იასპარეზებს საქართველოდან ტოკიოს ოლიმპიადაზე 27 ივლისს

37
(განახლებულია 17:13 26.07.2021)
საქართველოს ნაკრებს ტოკიოს ოლიმპიადაზე 27 ივლისს ორი სპორტსმენი წარმოადგენს - ძიუდოისტი ტატო გრიგალაშვილი და მოკრივე ესკერხან მადიევი

ტატო გრიგალაშვილი - ძიუდო (-81 კგ)

Большой шлем по дзюдо - Тато Григалашвили на татами
© Sputnik / STRINGER
ტატო გრიგალაშვილი

ტატო გრიგალაშვილი სულ 21 წლისაა, მაგრამ მსოლფიოს უძლიერეს ძიუდოისტებს შორის უკვე მესამე ადგილი უკავია.

ლოგიკურია ვარაუდი, რომ ქართველი ძიუდოისტი მედლის ერთ-ერთი პრეტენდენტია თავის კარიერაში პირველ ოლიმპიურ თამაშებზე, განსაკუთრებით თუ მის ბოლო სეზონების შედეგებს გადავხედავთ.

გრიგალაშვილი 2020 წელს ევროპის ჩემპიონი გახდა როგორც ახალგაზრდებს, ისე უფროსებს შორის. ამას სპორტსმენმა დიუსელდორფის „დიდი სლემის" გამარჯვებაც დაამატა.

მიმდინარე სეზონში გრიგალაშვილმა ვერცხლი მოიგო მსოფლიო ჩემპიონატზე ბუდაპეშტში, ბრინჯაო თბილისის „დიდ სლემზე" და პირველი ადგილი მიიღო დოჰას „მასტერსზე".

ესკერხან მადიევი - კრივი (-69 კგ)

Участник Олимпиады в Токио боксер Эскерхан Мадиев
ესკერხან მადიევი

ესკერხან მადიევი ტოკიოს ოლიმპიადაზე 69 კილოგრამამდე წონით კატეგორიაში მეორე ბრძოლას გამართავს. 1/16 ფინალში ქართველი სპორტსმენის ოპონენტი უგანდელი შადირ ბვოგო იქნება.

37
თემები:
სპორტის ამბები (1176)
ლაშა შავდათუაშვილი

ლაშა შავდათუაშვილს ტოკიოში მიღწეული წარმატება ქვეყნის პირველმა პირებმა მიულოცეს

49
(განახლებულია 16:54 26.07.2021)
ძიუდოისტმა ლაშა შავდათუაშვილმა ტოკიოს ოლიმპიადაზე ვერცხლის მედალი მოიპოვა. ქართველი სპორტსმენისთვის ეს მესამე ოლიმპიური მედალია

თბილისი, 26 ივლისი — Sputnik. საქართველოს პრეზიდენტმა სალომე ზურაბიშვილმა ძიუდოისტ ლაშა შავდათუაშვილს ოლიმპიური მედალი მიულოცა.

ძიუდოისტმა ლაშა შავდათუაშვილმა ტოკიოს ოლიმპიადაზე ვერცხლის მედალი მოიპოვა. ქართველი სპორტსმენისთვის მის კარიერაში ეს მესამე ოლიმპიადა და მესამე მედალია. წინა ორ ოლიმპიადაზე მას ოქრო და ბრინჯაო აქვს მოგებული

„კიდევ ერთი მედალი! საქართველო ამაყობს", – დაწერა სალომე ზურაბიშვილმა სოციალურ ქსელში.

ლაშა შავდათუაშვილს ვერცხლის მედალი მიულოცა საქართველოს პრემიერ-მინისტრმა ირაკლი ღარიბაშვილმაც.

„კიდევ ერთი ოლიმპიური მედალი! ძიუდოისტი ლაშა შავდათუაშვილი ტოკიოს ოლიმპიური თამაშების ვერცხლის პრიზიორია. ვულოცავ ლაშას და მის ყველა გულშემატკივარს", – დაწერა ირაკლი ღარიბაშვილმა.

ქართველმა ძიუდოისტმა ვერცხლის მედალი ტოკიოს ოლიმპიურ თამაშებზე 73 კილოგრამამდე წონით კატეგორიაში მოიპოვა.

ფინალში შავდათუაშვილმა დამატებით დროში იაპონელ ონო სოჰეისთან წააგო.

ქართველმა ძიუდოისტმა ფინალური ორთაბრძოლა საკმაოდ აქტიურად ჩაატარა, მეტოქე აიძულა, ორი შიდო მიეღო პასიურობისთვის. თუმცა მეხუთე წუთზე ონო აქტიურად ჩაერთო ბრძოლაში და ოქროც მოიგო.

აღსანიშნავია, რომ ლაშა შავდათუაშვილი 2012 წლის ოლიმპიური თამაშების გამარჯვებული და 2016 წლის რიოს ოლიმპიადის პრიზიორია (ბრინჯაო).

ამგვარად, ტოკიოს ოლიმპიადის სამი დღის შემდეგ საქართველოს ანგარიშზე ორი ვერცხლის მედალია. უფრო ადრე ვერცხლი ერგო ძიუდოისტ ვაჟა მარგველაშვილს (-66).

49
მატარებელი თბილისი-ბათუმი

თბილისში მამაკაცს მატარებელი დაეჯახა

0
მამაკაცი სასწრაფო სამედიცინო დახმარების ბრიგადამ კლინიკაში გადაიყვანა. შემთხვევის ადგილზე სამართალდამცველები მუშაობენ.

თბილისი, 26 ივლისი — Sputnik. თბილისში, დიდუბეში  მამაკაცს მატარებელი დაეჯახა, აცნობეს „Sputnik-საქართველოს“ „საქართველოს რკინიგზაში“.

შემთხვევა დაახლოებით 40 წუთის წინ მოხდა. მამაკაცს  ბათუმიდან თბილისში მომავალი მატარებელი იმ დროს დაეჯახა, როდესაც ის ლიანდაგებზე გადადიოდა.

მამაკაცი სასწრაფო სამედიცინო დახმარების ბრიგადამ კლინიკაში გადაიყვანა.

ადგილზე მუშაობენ სამართალდამცველები.

რაც შეეხება მატარებელს, კომპანიის ინფორმაციით, ის ამჟამად გაჩერებულია და შესაბამისი პროცედურების დასრულების შემდეგ დაიძრება.

0