თბილისის „დინამო“

თბილისის „დინამო“ საქართველოს ჩემპიონი ფეხბურთში მე-17-ედ გახდა

56
თბილისის „დინამო“ ქვეყანას ჩემპიონთა ლიგაში წარადგენს, ხოლო ევროპის ლიგაში საქართველოს სახელით ბათუმის „დინამო“, „საბურთალო“ და თბილისის „ლოკომოტივი“ გამოვლენ

თბილისი, 1 დეკემბერი — Sputnik. საფეხბურთო კლუბი „დინამო“ თბილისი ოთხწლიანი პაუზის შემდეგ საქართველოს ჩემპიონი გახდა.

ჩემპიონატის ბოლო 36-ე ტურში დინამოელებმა ტურნირის აუტსაიდერს „ვიტ-ჯორჯიას“ ანგარიშით 2:0 მოუგეს და ქვეყანაში საუკეთესოები მე-17-ჯერ გახდნენ.

ჩემპიონატში მეორე ადგილი დაიკავა ბათუმის „დინამომ“, მესამე - შარშანდელმა ჩემპიონმა, „საბურთალომ“ თბილისიდან.

ეროვნულ ლიგას ტოვებს „ვიტ-ჯორჯია“, უმაღლეს დივიზიონში ადგილისთვის პლეიოფში ერთმანეთს „სიონი“ „სამტრედიას“ და „რუსთავი“ „თელავის“ დაუპირისპირდებიან.

2020/2021 წლების სეზონზე თბილისის „დინამო“ქვეყანას ჩემპიონთა ლიგაში წარადგენს, ხოლო ევროპის ლიგაში საქართველოს სახელით ბათუმის „დინამო“, „საბურთალო“ და თბილისის „ლოკომოტივი“ გამოვლენ.

56
თემები:
სპორტის ამბები (1176)
საქართველოს ნაკრები ოლიმპიურ სოფელში

ვინ იასპარეზებს საქართველოდან ტოკიოს ოლიმპიადაზე 27 ივლისს

27
(განახლებულია 17:13 26.07.2021)
საქართველოს ნაკრებს ტოკიოს ოლიმპიადაზე 27 ივლისს ორი სპორტსმენი წარმოადგენს - ძიუდოისტი ტატო გრიგალაშვილი და მოკრივე ესკერხან მადიევი

ტატო გრიგალაშვილი - ძიუდო (-81 კგ)

Большой шлем по дзюдо - Тато Григалашвили на татами
© Sputnik / STRINGER
ტატო გრიგალაშვილი

ტატო გრიგალაშვილი სულ 21 წლისაა, მაგრამ მსოლფიოს უძლიერეს ძიუდოისტებს შორის უკვე მესამე ადგილი უკავია.

ლოგიკურია ვარაუდი, რომ ქართველი ძიუდოისტი მედლის ერთ-ერთი პრეტენდენტია თავის კარიერაში პირველ ოლიმპიურ თამაშებზე, განსაკუთრებით თუ მის ბოლო სეზონების შედეგებს გადავხედავთ.

გრიგალაშვილი 2020 წელს ევროპის ჩემპიონი გახდა როგორც ახალგაზრდებს, ისე უფროსებს შორის. ამას სპორტსმენმა დიუსელდორფის „დიდი სლემის" გამარჯვებაც დაამატა.

მიმდინარე სეზონში გრიგალაშვილმა ვერცხლი მოიგო მსოფლიო ჩემპიონატზე ბუდაპეშტში, ბრინჯაო თბილისის „დიდ სლემზე" და პირველი ადგილი მიიღო დოჰას „მასტერსზე".

ესკერხან მადიევი - კრივი (-69 კგ)

Участник Олимпиады в Токио боксер Эскерхан Мадиев
ესკერხან მადიევი

ესკერხან მადიევი ტოკიოს ოლიმპიადაზე 69 კილოგრამამდე წონით კატეგორიაში მეორე ბრძოლას გამართავს. 1/16 ფინალში ქართველი სპორტსმენის ოპონენტი უგანდელი შადირ ბვოგო იქნება.

27
თემები:
სპორტის ამბები (1176)
ლაშა შავდათუაშვილი

ლაშა შავდათუაშვილს ტოკიოში მიღწეული წარმატება ქვეყნის პირველმა პირებმა მიულოცეს

42
(განახლებულია 16:54 26.07.2021)
ძიუდოისტმა ლაშა შავდათუაშვილმა ტოკიოს ოლიმპიადაზე ვერცხლის მედალი მოიპოვა. ქართველი სპორტსმენისთვის ეს მესამე ოლიმპიური მედალია

თბილისი, 26 ივლისი — Sputnik. საქართველოს პრეზიდენტმა სალომე ზურაბიშვილმა ძიუდოისტ ლაშა შავდათუაშვილს ოლიმპიური მედალი მიულოცა.

ძიუდოისტმა ლაშა შავდათუაშვილმა ტოკიოს ოლიმპიადაზე ვერცხლის მედალი მოიპოვა. ქართველი სპორტსმენისთვის მის კარიერაში ეს მესამე ოლიმპიადა და მესამე მედალია. წინა ორ ოლიმპიადაზე მას ოქრო და ბრინჯაო აქვს მოგებული

„კიდევ ერთი მედალი! საქართველო ამაყობს", – დაწერა სალომე ზურაბიშვილმა სოციალურ ქსელში.

ლაშა შავდათუაშვილს ვერცხლის მედალი მიულოცა საქართველოს პრემიერ-მინისტრმა ირაკლი ღარიბაშვილმაც.

„კიდევ ერთი ოლიმპიური მედალი! ძიუდოისტი ლაშა შავდათუაშვილი ტოკიოს ოლიმპიური თამაშების ვერცხლის პრიზიორია. ვულოცავ ლაშას და მის ყველა გულშემატკივარს", – დაწერა ირაკლი ღარიბაშვილმა.

ქართველმა ძიუდოისტმა ვერცხლის მედალი ტოკიოს ოლიმპიურ თამაშებზე 73 კილოგრამამდე წონით კატეგორიაში მოიპოვა.

ფინალში შავდათუაშვილმა დამატებით დროში იაპონელ ონო სოჰეისთან წააგო.

ქართველმა ძიუდოისტმა ფინალური ორთაბრძოლა საკმაოდ აქტიურად ჩაატარა, მეტოქე აიძულა, ორი შიდო მიეღო პასიურობისთვის. თუმცა მეხუთე წუთზე ონო აქტიურად ჩაერთო ბრძოლაში და ოქროც მოიგო.

აღსანიშნავია, რომ ლაშა შავდათუაშვილი 2012 წლის ოლიმპიური თამაშების გამარჯვებული და 2016 წლის რიოს ოლიმპიადის პრიზიორია (ბრინჯაო).

ამგვარად, ტოკიოს ოლიმპიადის სამი დღის შემდეგ საქართველოს ანგარიშზე ორი ვერცხლის მედალია. უფრო ადრე ვერცხლი ერგო ძიუდოისტ ვაჟა მარგველაშვილს (-66).

42
კვლევები საწურბლიაში

საწურბლიას მღვიმის ნიადაგში ადამიანის, მგლისა და ბიზონის გენი იპოვეს

0
Current Biology-ში გამოქვეყნებული სტატია აღწერს მღვიმის ნიადაგიდან აღებული დნმ-ის დეკოდირების შედეგებს და ძუძუმწოვართა სამი პოპულაციის ისტორიას აღწერს.

თბილისი, 26 ივლისი – Sputnik. საწურბლიას მღვიმის (წყალტუბოს მუნიციპალიტეტი) ნიადაგში აღმოჩენილია ადამიანის, მგლისა და ბიზონის გენი, ნათქვამია საქართველოს ეროვნული მუზეუმის განცხადებაში.

სამეცნიერო ჟურნალში Current Biology გამოქვეყნდა სტატია, რომელიც საქართველოს, ავსტრიის, ბრიტანეთის, დანიის, ირლანდიის, ისრაელის სამეცნიერო ინსტიტუციების მიერ ჩატარებულ ერთობლივ კვლევებს ეყრდნობა. სტატიაში აღწერილია საწურბლიას მღვიმეში 25 ათასი წლის წინანდელი ადამიანისა და ძუძუმწოვრების ბირთვული და მიტოქონდრიალური დნმ-ი.

კვლევა ეყრდნობა 2012-2017 წლებში საქართველოს ეროვნული მუზეუმის მასალის ანალიზების შედეგებს, რომელიც  წყალტუბოს ქვის ხანის შემსწავლელი საერთაშორისო ექსპედიციის მიერ არის მოპოვებული. მეცნიერთა საერთაშორისო ჯგუფმა გამოიყენა ინოვაციური მეთოდი და შეძლო სეკვენირების შედეგად გამოეყო გარემოს დნმ-ით მდიდარი მასალა.

Current Biology-ში გამოქვეყნებული სტატია აღწერს მღვიმის ნიადაგიდან აღებული დნმ-ის დეკოდირების შედეგებს და ძუძუმწოვართა სამი პოპულაციის ისტორიას.

როგორც განცხადებაშია აღნიშნული, ამ ახალმა მეთოდმა დაამტკიცა, რომ ძვლოვანი მასალის არ არსებობის შემთხვევაშიც კი შესაძლებელია გარემოს გენომის მიღება. ანალიზით დამტკიცდა, რომ SAT29 ნიმუში წარმოადგენს ადამიანის იმ გამქრალ გენს, რომელმაც დიდი როლი შეასრულა დღევანდელი დასავლეთ ევროპის მოსახლეობის გენეტიკაში.

შედეგების გადასამოწმებლად მეცნიერებმა აღნიშნული მასალა შეადარეს ძუძუანას მღვიმეში აღმოჩენილი ადამიანის ძვლოვან მასალას და დაასკვნეს, რომ ამ ორ ინდივიდს ერთნაირი გენეტიკური მახასიათებელი აქვს. აღნიშნული კვლევით კიდევ ერთხელ დამტკიცდა, რომ ევრაზიის კონტინენტზე, უკანასკნელი გამყინვარების შემდგომ პერიოდში, ძირითადი მოსახლეობა სამხრეთ კავკასიის გენის მატარებელია.

კვლევამ გამოავლინა გადაშენებული კავკასიური მგლის და ძაღლის მემკვიდრეობითი ხაზი, ასევე ევროპული ბიზონის გენი, რომლის მემკვიდრეა თანამედროვე სახეობა. მიღებული შედეგები ახალ მონაცემებს იძლევა გვიან პლეისტოცენის (ზედაპალეოლითური) ძუძუმწოვართა სამი სახეობის გენეტიკის ისტორიაში და აღწერს ნიადაგში დნმ-ის სეკვენირების shotgun მეთოდის გამოყენების შედეგებს, რომელიც იძლევა ჩვენი წინაპრის შესახებ უფრო ფართო ინფორმაციას და მის ფილოგენეტიკური კავშირების დადგენის შესაძლებლობას.

აღინიშნა, რომ სამხრეთ კავკასიამ, რომელიც კაცობრიობის კულტურათა გზაჯვარედინადაა მიჩნეული, კიდევ ერთხელ დაადასტურა თავისი გეოგრაფიული, კულტურული და ისტორიული გავლენა ძველი მსოფლიოს ისტორიაში.

 

0