საქართველო-გიბრალტარი

EURO-2020-ის კენჭისყრა: ცნობილია საქართველოს ფეხბურთის ნაკრების პოტენციური მეტოქეები

84
(განახლებულია 11:39 01.12.2019)
უეფას ერთა ლიგის D დივიზიონის ნახევარფინალში საქართველოს ფეხბურთის ნაკრები ბელარუსის გუნდს დაუპირისპირდება

თბილისი, 1 დეკემბერი - Sputnik. საქართველოს ფეხბურთის ნაკრები 2020 წლის ევროპის ჩემპიონატზე გასვლის შემთხვევაში С ჯგუფში ჰოლანდიის, უკრაინისა და პოლონეთის გუნდებს დაუპირისპირდება.

EURO-2020-ის ფინალური სტადიის კენჭისყრა 30 ნოემბერს ბუქარესტში გაიმართა. მისი შედეგების მიხედვით 20 ევროპული ნაკრები ექვს ჯგუფად განაწილდა. კიდევ ოთხი გუნდის ვინაობა, რომელიც ტურნირში მონაწილეობას მიიღებს, მარტში უეფას ევროპის ლიგის პლეი-ოფის დასრულების შემდეგ გაირკვევა.

უეფას ერთა ლიგის D დივიზიონის ნახევარფინალში საქართველოს ფეხბურთის ნაკრები ბელარუსის გუნდს შეხვდება. ეს მატჩი თბილისში 26 მარტს შედგება. მეორე ნახევარფინალურ წყვილში ერთმანეთს შეხვდებიან კოსოვოს და ჩრდილოეთ მაკედონიის ნაკრებები. D დივიზიონის ფინალი საქართველო-ბელარუსის წყვილის გამარჯვებულის მოედანზე გაიმართება.

აღსანიშნავია, რომ კენჭისყრის შედეგებით, რუსეთის ნაკრები В ჯგუფში დანიის, ფინეთისა და ბელგიის გუნდებთან ერთად არის განთესილი.

EURO-2020 ევროპის 12 ქალაქში 12 ივნისიდან 12 ივლისამდე  გაიმართება. ფინალური მატჩი ლონდონში, „უემბლის“ სტადიონზე ჩატარდება.

84
თემები:
სპორტის ამბები (1136)
საქართველოს რაგბის ახალგაზრდული ნაკრები (U-20)

რაგბი: საქართველოს ახალგაზრდული ნაკრები ურუგვაელ თანატოლებთან დამარცხდა

37
(განახლებულია 22:56 23.06.2021)
ეს მარცხი ქართველი მორაგბეებისთვის ტურნირზე მეორე გახდა: რამდენიმე დღის წინ გუნდმა არგენტინის ახალგაზრდულ ნაკრებთან დიდი სხვაობით წააგო.

თბილისი, 23 ივნისი – Sputnik. საქართველოს რაგბის ახალგაზრდული ნაკრები (U-20) საერთაშორისო ამხანაგურ ტურნირში სამხრეთ აფრიკაში ურუგვაის გუნდთან ანგარიშით 15:20 დამარცხდა.

ქართველმა მორაგბეებმა შეხვედრა აქტიურად დაიწყეს და უკვე მე-10 წუთისთვის იგებდნენ ანგარიშით 7:0. მეტოქის ჩათვლის ზონაში წარმატებული ლელო დაამიწა ალექსანდრე ქუნთელიამ. შეხვედრის პირველი ნახევარი ქართველების სასარგებლოდ ანგარიშით 10:8 დასრულდა.

შესვენების შემდეგ ინიციატივას სამხრეთამერიკელები დაეუფლნენ. მე-60 წუთის შემდეგ მათ ორი წარმატებული ლელო დაამიწეს (ერთი გარდასახვით დასრულდა). ანგარიში 20:10 გახდა მათ სასარგებლოდ. ერთადერთი, რაც ამას უმცროსმა „ბორჯღალოსნებმა“ დაუპირისპირეს, 75-ე წუთზე თამაზ ჯიმშელეიშვილის ლელო გახდა.

ეს მარცხი ქართველი მორაგბეებისთვის ტურნირზე მეორე გახდა: რამდენიმე დღის წინ გუნდმა არგენტინის ახალგაზრდულ ნაკრებთან დიდი სხვაობით წააგო – 10:82.

ტურნირზე მომდევნო მატჩს საქართველოს ნაკრები 28 ივნისს სამხრეთ აფრიკის გუნდის წინააღმდეგ გამართავს.

ტურნირის რეგლამენტით, ჯგუფში პირველ ორ ადგილზე გასულ გუნდებს შორის ურთიერთდაპირისპირებაში გამარჯვებული გამოვლინდება, ხოლო დანარჩენი ორი ნაკრები მესამე ადგილისთვის იბრძოლებს.

აღსანიშნავია, რომ 3 და 10 ივლისს ისევ სამხრეთ აფრიკაში საქართველოს ეროვნული ნაკრები მსოფლიოს მოქმედ ჩემპიონთან - სამხრეთ აფრიკასთან ორ ტესტ-მატჩს გამართავს.

37
ქალთა ნაკრები ევროპის ჩემპიონატზე

ბელა ხოტენაშვილი მესამედ გახდა საქართველოს ჩემპიონი ჭადრაკში

49
მოჭადრაკემ მოიპოვა ევროპის ინდივიდუალურ ჩემპიონატში მონაწილეობის უფლება; ჩემპიონატი მიმდინარე წლის ივლისში რუმინეთში გაიმართება.

თბილისი, 23 ივნისი - Sputnik. ბელა ხოტენაშვილი კარიერის განმავლობაში მესამედ გახდა საქართველოს ჩემპიონი ჭადრაკში.

ცხრა ტურის შემდეგ ხოტენაშვილმა 6,5 ქულა მოაგროვა - მოიგო ხუთი პარტია, სამი ყაიმით დაასრულა და ერთ პარტიაში დამარცხდა.

პირველად საქართველოს ჭადრაკის ჩემპიონატში ხოტენაშვილმა 2012 წელს გაიმარჯვა და ეს მიღწევა ხუთი წლის შემდეგ გაიმეორა.

საქართველოს ვიცეჩემპიონი მერი არაბიძე გახდა (6 ქულა), ბრინჯაოს პრიზიორი კი - ნინო ბაციაშვილი (5,5 ქულა).

აღსანიშნავია, რომ სამივე მოჭადრაკემ მოიპოვა ევროპის ინდივიდუალურ ჩემპიონატში მონაწილეობის უფლება, რომელიც რუმინეთში მიმდინარე წლის ივლისში გაიმართება.

საქართველოს ჭადრაკის ჩემპიონატი ქალთა შორის 78-ედ ჩატარდა.

 

 

49
ღვინო

ლონდონში ქართულმა ღვინომ ბრიტანელი ექსპერტების საუკეთესო შეფასება მიიღო

0
დეგუსტაციაზე წარმოდგენილი იყო 50-ზე მეტი ქართული ღვინის მწარმოებელი კომპანიის 100-მდე დასახელების ღვინო, რომელიც დიდი ბრიტანეთის ბაზარზე უკვე ხელმისაწვდომია.

თბილისი, 24 ივნისი – Sputnik. ლონდონში ქართული ღვინის დეგუსტაცია გაიმართა, ნათქვამია ღვინის ეროვნული სააგენტოს მიერ გავრცელებულ განცხადებაში.

ღონისძიება ღვინის ეროვნული სააგენტოს კონტრაქტორი ბრიტანული კომპანიის Swirl Wine Group ორგანიზებით გაიმართა, რომელსაც საქართველოს საგანგებო და სრულუფლებიანი ელჩი გაერთიანებულ სამეფოში სოფიო ქაცარავა დაესწრო.

სააგენტოს ინფორმაციით, ქართული ღვინის ადგილობრივმა იმპორტიორებმა დეგუსტაციაზე 50-ზე მეტი ქართული ღვინის სხვადასხვა ბრენდი წარმოადგინეს, რომლებიც უკვე ხელმისაწვდომია დიდი ბრიტანეთის ბაზარზე.

„წარმოდგენილი იყო 50-ზე მეტი ქართული ღვინის მწარმოებელი კომპანიის 100-მდე დასახელების ღვინოები, რომლებიც ამ ეტაპზე, ღვინის ეროვნული სააგენტოს მხარდაჭერით, ცდილობენ ქართული ღვინის სტრატეგიულ, დიდი ბრიტანეთის ბაზარზე დამკვიდრებას“, - ნათქვამია განცხადებაში.

ქართული ღვინის დეგუსტაცია  ლონდონის პრესტიჟულ რესტორან Trivet-ში ჩატარდა, რომლის ღვინის მენიუც შედგენილია ღვინის განსაკუთრებულ ისტორიაზე დაფუძნებით. ამ აღიარებულ რესტორანში საქართველოს, როგორც ღვინის სამშობლოს, შესაბამისი ადგილი უკავია მსოფლიოს სხვა საუკეთესო ღვინოებს შორის.

0